其他親子社群 今日: 0 | 主題: 1218

積分: 1205

2661^#

發表於 07-6-26 20:38 |只看該作者

Re: 有無做傳媒工作的媽咪

十月,

holly話都有罸，不過好少，k1時就冇見過俾人罸，而家就見過一個男仔打人，俾老師罸佢自己一個人一組排隊，其實懲罰唔一定唔啱，睇吓咩情況，如果打人就比較嚴重，我哋冇交功課都冇罸，同埋罸得嚟唔好太傷自尊心，例如我聽講有小朋友唔守秩序咁行，老師就要佢由起點再行一次，其實要恩威並施，最緊要唔好事無大小都罸就真，其實都好難講。講你咁講，婷婷係咪覺得學校太拘束?

私人傳訊

積分: 9256

2662^#

發表於 07-6-26 20:41 |只看該作者

Re: 有無做傳媒工作的媽咪

YY,
手指係食三文治, EDO餅, 萍果, 香蕉, 維他奶, 清水, 旦糕等等, 生日會就豐富D, 有生日旦糕!

SUNMOON,
唉...確係間間學校都唔可以十全十美, 好明白的!

不過我想問, 咁浸小唔係必收浸幼學生, 但始終係優先嘛, 但我想知, 咁浸大畢業生既子女, 有冇分加呀?

私人傳訊

積分: 9256

2663^#

發表於 07-6-26 20:45 |只看該作者

Re: 有無做傳媒工作的媽咪

SUNMOON,
阿女無話學校拘束呀, 老師亦無鬧過佢, 只係佢見到同學仔做錯事, 行為唔好OR其他原因而畀老師罰OR鬧, 佢試過同我講: 阿邊個邊個唔乖, 老師叫佢唔好做大哥哥, 讀番BB班! ...其實我覺得呢D說話, 好HURT小朋友自尊心, 我個女雖然唔係畀人鬧果個, 但因為佢好識聽人講呢D野, 同埋佢好識睇老師眉頭眼額, 以致我覺得佢響學校好多野都唔敢做, 返到屋企就會間唔中發番出唻, 唔知你明唔明我既意思! 不過我都知, 三個老師對住成四十個學生, 唔有番咁上下威嚴OR惡, 又點治得到成班馬騮!

私人傳訊

積分: 8369

2664^#

發表於 07-6-27 10:35 |只看該作者

Re: 有無做傳媒工作的媽咪

sunmoon:
不單芝芝期待，我兩公婆都好期待呢！

也許你說得對，學校將心機都放哂落成績到，芝芝的中文和數學底打得幾好，端午節那天起，芝芝自發話要寫日記，不懂的字就用圖畫代替。

我只係安排芝芝返幼稚園的升小適應班，屋企樓下婦女會的四格漫畫班，以及繼續學鋼琴和英文，星期日有空就去游水，所以兩母女曬黑咗。

另外，7月尾就放一星期假去日本九州玩，去年答應了芝芝，如果她考到培僑就去日本旅行嘛！

私人傳訊

積分: 4710

2665^#

發表於 07-6-27 16:04 |只看該作者

Re: 有無做傳媒工作的媽咪

十月,
你亞女都好厲害，溜完冰仲要去會所玩一粒鐘，近呀!

我兩隻野返到家都好累了呀!

我地兩個大人仲累呀!

你想轉校咩?

yy,
o華!我以為我睇錯，芝芝學校真係食d"咁健康"的茶點呀?學校都真係好離譜呀!仲要收茶點費呀!

芝芝好叻又好乖呀!肯主動寫日記，第日一年級時你唔洗煩佢寫咩週記啦!

:mrgreen:

私人傳訊

積分: 9256

2666^#

發表於 07-6-27 22:56 |只看該作者

Re: 有無做傳媒工作的媽咪

YY,
恭喜晒呀, 卒之都成行嗱? 跟團定自遊行呀? 芝芝一定好開心架喇!

恩禧媽,
你有所不知, 因為阿女溜冰之前, 係坐響手推車度瞓左接近兩粒鐘的, 咁佢叉足電喇喎, 當然精力充沛啦, 係咪?! 哈哈!

係呀, 我勁想轉校呀, 今晚同隻佬傾過我既憂慮, 亦都同佢講左我響學校觀察到既野, 又講埋最近個女反常既情況兼有邊方面係無進步之餘仲要退步既, 跟住就同隻佬講埋我既部署, 佢SO FAR無反對, 我就當佢無問題架喇, 所以已經叫左個FRIEND幫我睇下轉唔轉到去佢個女間學校囉! 希望成事啦!

私人傳訊

積分: 8369

2667^#

發表於 07-6-28 10:13 |只看該作者

Re: 有無做傳媒工作的媽咪

十月:
你想轉去那間學校？

我們跟團去玩，因為放假我和老公就唔多想用腦。

wandy:
唔使擔心寫周記>>>但願如此啦！

我更希望個女自動自覺讀書，不用我操心！

私人傳訊

積分: 4710

2668^#

發表於 07-6-28 21:19 |只看該作者

Re: 有無做傳媒工作的媽咪

十月,
唔怪得佢咁玩得啦!原來义足電!

咁祝你亞女轉校成功啦!如果成事，係咪會9月轉到呀?

yy,
唔好話你啦，我都好想我兩隻野第日大個會自動自覺讀書呀!

祝你全家旅途愉快呀!玩得開心d呀!

私人傳訊

sunmoon

積分: 1205

2669^#

發表於 07-6-29 16:18 |只看該作者

Re: 有無做傳媒工作的媽咪

十月,

我明你嘅意思，係咪學校嘅氣氛窒礙咗婷婷嘅及創意或勇於表達嘅發展，總之係唔夠happy!咁你想轉邊間呢 ?

浸大畢業生同教職員考浸小都有分加，但其"優惠"不可同浸幼生嘅同時享用，你聽完個講座，覺得點呀?

yy,

去日本正呀!你哋今個暑假真開心!

私人傳訊

積分: 8369

2670^#

發表於 07-6-29 16:36 |只看該作者

Re: 有無做傳媒工作的媽咪

sunmoon & wandy:
我覺得我仲開心 & 期待過兩父女

，但開心背後，阿媽要趕頭趕命做好d工作才走得甩！

私人傳訊

積分: 4710

2671^#

發表於 07-7-1 11:28 |只看該作者

Re: 有無做傳媒工作的媽咪

yy,
你何止要做好公司d野呀!仲有去旅行時，要做亞4呀!

anyway，要玩得開心盡興呀!

私人傳訊

積分: 9256

2672^#

發表於 07-7-4 14:53 |只看該作者

YY,
我想幫阿女轉去禮賢呀, 你地有冇人同禮賢個園長好熟架? 有冇人幫到我呀?:-( :-(

私人傳訊

積分: 9256

2673^#

發表於 07-7-4 15:04 |只看該作者

SUNMOON,
係呀, 學校既氣氛好拘束, 個個都係複製既"乖"學生, 但壓抑既背後, 係有代價的, 佢返到屋企, 好容易會發脾氣, 我同朋友講, 朋友話: 有時我地響出面做野, 受左氣, 都會返屋企搵人發洩啦, 何況小朋友?! 初初聽都覺得幾有道理, 但諗深一層, 乜真係咁既咩? 三歲細路仔咋喎, 我真係有必要畀佢由三歲開始就響學校受氣咩? 唔係啩?

你話浸大畢業生呢個加分既優惠, 唔可以同浸幼生呢個身份同時享用, 係咪即係假設浸大畢業生有五分, 浸幼生有五分, 就算我幫阿女轉去讀浸幼, 都唔會有十分, 係咪?

聽完個講座, 我更加覺得我應該同個女轉校, 手指老師既教學方法, 同呢個社會真係脫脫地節架喇, 睇住人地小朋友好開心咁返學, 好開心咁放學, 放緊假就期待返學, 返緊學又唔願放學, 我真係好羡慕! 事關阿女同人地係啱啱相反, 佢返學就等放學, 返學又等放假, 放完假前一日, 永遠就話我知, 佢聽日唔想返學! 天呀, 點解會咁架?

我已經同我老公講左, 下次浸小再有講座, 佢無論如何都要請假去聽一聽, 聽下而家新一代既校長同老師既教學理念係點既, 睇下乜野叫做與時並進, 比較一下乜野叫做OUT!

我老公成日都話, 學好普通話好重要, 我噚晚忍唔住串佢, 學好普通話係好重要, 但而家個女連最基本既鍾意返學都做唔到, 學咩人講學好普通話啫! 小朋友最緊要係身心既發展, 呢個係影響佢一生一世既, 搞掂身心既培育, 至同我再講學好普通話啦, 其他既, 唔好講喇!

私人傳訊

積分: 8369

2674^#

發表於 07-7-4 17:16 |只看該作者

十月:
芝芝跟婷婷一樣，返學等放學，放學等放假，星期日晚就跟我講明天唔想返學！

我撐你！失去學習興趣，曉講流俐普通話有咩用？你去大陸、台灣、星馬等地方生活，夠曉講流俐普通話囉（標準與否除外）。

既然你認同浸小的教學，點解你唔索性直接轉去浸幼？讓婷婷容易銜接及適應？

[ 本文章最後由 YY（芝芝媽咪）於 07-7-4 17:17 編輯 ]

私人傳訊

積分: 9256

2675^#

發表於 07-7-4 22:42 |只看該作者

yy,
點解芝芝有咁既情況, 你唔考慮幫佢轉校呀? 照計沙田區有好多好既幼稚園啊!

浸幼我地都考慮緊, 但金錢上, 我地真係要計清楚條數, 阿女而家讀手指, 學費車費課外活動費保險費醫療保健費等等, 已經用左三份一家用以上, 如果轉去浸幼, 隨時要用一半以上, 好頭痕, 好頭痕! 所以至諗禮賢, 因為學費同手指差唔多, 咁負擔上都有個預算嘛!

私人傳訊

積分: 4710

2676^#

發表於 07-7-4 22:43 |只看該作者

十月

十月,
原來你亞女返學會等放學，放學就等放假，咁悲~~
我兩隻野都好鍾意返學，有時佢地naughty，我就會嚇佢地話唔俾佢地返學，咁佢地就會好乖o架啦!
我都支持你同婷婷轉去浸幼呀!

私人傳訊

積分: 9256

2677^#

發表於 07-7-5 00:32 |只看該作者

恩禧媽,
係呀, 好悲呀, 我今晚終於因為小小事, 大喊左一場, 真係好唔開心, 抑壓得太耐喇, 好辛苦! 阿女見我喊, 問我咩事, 我話佢某d行為令我好唔開心, 跟住佢就跟住一齊喊, 仲要喊得大聲過我, 喊到哇哇聲, 好耐無聽過阿女喊得咁大聲喇!

如果阿女唔乖果陣, 我嚇佢話唔畀佢返學, 我諗佢曳多九錢重畀我睇添呀, 事關佢要務求唔駛返學丫嘛!

浸幼我係好想, 但我個荷包頂唔住呢, 條數好襟計呀, 又無學券幫補下, 點搞? 雖然話浸小學費仲貴過浸幼, 但到時我地層樓都差唔多供完, 咁每個月騰番萬幾蚊出唻, 情況又唔同嘛, 但而家呢個moment, 我地唔多畀得起呀!

不過隻佬都話唔好靠晒禮賢, 橫掂都send開信喇, 就索性send埋畀浸幼喎! 唉...我仲搞緊封信呀, 好難響唔講手指d衰野既情況下, 提出轉校既理據呀! 好頭痕, 好頭痕!

私人傳訊

積分: 8369

2678^#

發表於 07-7-5 11:55 |只看該作者

十月:
我也曾考慮幫芝芝轉校，或索性唔讀kg（反正已考到pkc）。但我不想俾芝芝覺得她一唔想返學，就真係可以唔返，而且只係剩低大半年就畢業，無謂轉來轉去吧！所以放棄轉校念頭。今個星期六行畢業禮啦！

如果轉校會構成經濟負擔，就真係要考慮清楚。禮賢可以享用學券嗎？

私人傳訊

積分: 9256

2679^#

發表於 07-7-6 22:51 |只看該作者

yy,
原來係咁, 即係芝芝都係k3至開始表現出唔願意返學, 咁就真係無謂轉喇, 但婷婷...唉...k1咋, 頭痕!

禮賢可以用學券呀, 而家個問題係, 人地有冇位收我個女咋!

原文章由 YY（芝芝媽咪） 於 07-7-5 11:55 發表
十月:
我也曾考慮幫芝芝轉校，或索性唔讀kg（反正已考到pkc）。但我不想俾芝芝覺得她一唔想返學，就真係可以唔返，而且只係剩低大半年就畢業，無謂轉來轉去吧！所以放棄轉校念頭。今個星期六行畢業禮啦！:chee ...

私人傳訊

sunmoon