少年成長 今日: 0 | 主題: 16099

積分: 2757

2701^#

發表於 15-4-30 15:06 |只看該作者

Hi Sandra, 我女2歲半，3個月前她開始唔喜歡男性。例如她有 Mickey Minnie 公仔，佢以前好鐘意, 現在只喜歡 Minnie, 常常掉Mickey 落地又話打佢。最令我擔心係返playgroup 會打男仔, 只鐘意同女仔玩。最初是有男仔撞到她才打人。現在是小朋友自己在玩她也會走過去推或打人。問她點解, 佢話唔鐘意男仔。但叫佢道歉佢又肯。去playgroup 前有同佢講唔打人有貼紙, 但去到都會照打。佢一打人或想打我會即時制止。我是 ftm, 成日對住佢, 佢冇比其他男性打過或欺負過。成日見到post 話仔女打人,但我唔明點解佢會揀性別去打。

私人傳訊

積分: 33215

2702^#

發表於 15-5-1 00:35 |只看該作者

virginbaby 發表於 15-4-30 09:34
回覆 SandraLo 的帖子

Sandra..

virginbaby:
咁做當然唔好............. 你做乜佢會跟, 你都唔想佢咁對人！
你去接佢放學時邊個睇 bb ?

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

virginbaby

積分: 4007

2703^#

發表於 15-5-1 08:48 |只看該作者

回覆：SandraLo 的帖子

唉，我都知，果日奶奶又黎左，怕佢叫奶奶又插口仲亂，平時接放學就婆婆睇住bb

私人傳訊

積分: 33215

2704^#

發表於 15-5-1 22:06 |只看該作者

MsDragon 發表於 15-4-30 15:06
Hi Sandra, 我女2歲半，3個月前她開始唔喜歡男性。例如她有 Mickey Minnie 公仔，佢以前好鐘意, 現在只喜 ...

MsDragon :
唔好理乜性別, 打人都係唔啱, 睇咗點用讚未？

私人傳訊

積分: 33215

2705^#

發表於 15-5-3 16:27 |只看該作者

virginbaby 發表於 15-5-1 08:48
唉，我都知，果日奶奶又黎左，怕佢叫奶奶又插口仲亂，平時接放學就婆婆睇住bb

...

virginbaby：
重覆........ 你要做嘅係揾位讚怇, 用讚嚟俾 attention 佢, set 埋 timetable, 俾佢知你幾時陪佢 (最好係bb 未出世時你一定會陪嘅時間) , 而發脾氣唔會有你 attention, 唔發反為有！但如果你 trap 咗响佢嘈住bb瞓個位, 咁就乜都做唔到啦！
咁嘅情況下只有兩個方法, 一是bb 瞓時她不在家; 二是她在家時bb已瞓醒或在別處瞓！只有這樣才能成就這個方法！

私人傳訊

lovekenken

男爵府

積分: 9634

2706^#

發表於 15-5-4 08:14 |只看該作者

meicmacy 發表於 15-4-23 08:30
佢一唔合意就喊架喇，之前我地就會打鬧，即時都控制到，慢慢發覺佢變本加厲，就無再打鬧，最近就由佢喊，唔 ...

同我仔一樣呀, 佢好易喊,發脾氣,仲會打人打自己TIM, 一日重覆好多次,我就呢比佢激死啦

私人傳訊

virginbaby

積分: 4007

2707^#

發表於 15-5-4 17:47 |只看該作者

回覆：SandraLo 的帖子

Hi Sandra,

唔該哂你呀，明白唔可以將bb瞓覺放得太大，有時間表都要時間適應。
已家已經一見佢乖就讚，同埋呢幾日放假多左陪佢，一齊畫畫講故事（都係以前成日一齊做既野），咁樣佢就好啲囉。

不過有時一遇到唔順佢意既野，就無禮貌，態度差，做功課次次發脾氣喊，呢啲又可以點解決呢？

私人傳訊

suisuisui

男爵府

積分: 9489

2708^#

發表於 15-5-7 13:32 |只看該作者

Hi Sandra,
好耐之前請教過你架. 都幾個月架喇. 一直都無同你講聲多謝呀.~亞囡而家雖然都仲有少少~ 無LALA 吾順意就發脾氣. 但相比之前佢真係好大善, 我會努力.. 仲有~ 依個point 真係好多謝你點醒我~ 就係~ 佢有 "唔" 時其實都係表達左~~ 可能真係~ 佢仲細~ 未識用言語表達~ 個日你提醒我.....我就明點解亞囡有會咁~而家亞囡雖然仲有, 但好明顯改善....我自己都繼續學緊...你教我既野~~因為有時真係咩都吾記得左~~

總之~ 真心多謝你~~

私人傳訊

積分: 33215

2709^#

發表於 15-5-8 19:02 |只看該作者

本帖最後由 SandraLo 於 15-5-8 19:02 編輯

virginbaby 發表於 15-5-4 17:47
Hi Sandra,

唔該哂你呀，明白唔可以將bb瞓覺放得太大，有時間表都要時間適應。

virginbaby :
其實你所講嘅無禮貌，態度差，發脾氣、喊全部都係 attention seeking 嘅行為, 你睇番 post # 2696 同 2706 , 我已經答咗你！
假如你去「理」佢以上故意引你嘅行為, 咁你嘅讚就改變不到佢, 變成冇用了！因為佢乖同唔乖都有你嘅 attention, 咁梗係想點就點, 隨心所欲啦！

私人傳訊

積分: 33215

2710^#

發表於 15-5-10 22:38 |只看該作者

suisuisui 發表於 15-5-7 13:32
Hi Sandra,
好耐之前請教過你架. 都幾個月架喇. 一直都無同你講聲多謝呀.~亞囡而家雖然都仲有少少~ 無LALA ...

suisuisui :

不用客氣...........

得閒温吓點用讚便行了！

私人傳訊

p_olivia

積分: 3813

2711^#

發表於 15-5-14 14:15 |只看該作者

Sandra, 你好! 仔仔而家27個月大, 有時佢好硬頸, 好固執, 從而會不停係度扭, 請問可以點改善? 例子如下:

1. 㩒lift: 有時㩒lift返屋企, 我地㩒左先, 佢就會扭, 表明佢要㩒, 但因為已經㩒左, 佢會想熄左個制, 再比佢㩒, 但當然事實上唔得, 咁佢就會不停扭, 拉我地隻手, 以求做到熄左個制, 就算lift 到, 佢都唔肯入去. 我嘗試轉移focus, 話"唔緊要啦, 我一陣幫媽媽xxxxx或一陣返屋企玩xxxx", 但通常佢都唔肯, 會繼續扭, 最終要夾硬拉佢走, 同爸爸會鬧到佢喊...

2. 攞枱: 開飯時, 我地通常會開張細細枱仔放嘢, 仔仔好鍾意幫手, 但有時因為我地趕住食飯, 或仔仔太慢條斯理執玩具時, 就會係其他人去攞枱開枱, 之後我仔仔就會扭, 要我地收番張枱, 放番張枱去原位, 比佢自己攞, 如果唔係就會喊同扭...

其實仲有好多好執著0既case, 我知道仔仔好鍾意幫手, 有機會, 我都會叫佢幫, 但小朋友做嘢有時無咁快, 大人生活節奏亦快啲, 所以都唔可以次次比佢幫手, 但仔仔就會執著到要還原比佢做... 請指教!謝!

私人傳訊

kavina1234

別墅

積分: 746

2712^#

發表於 15-5-14 16:20 |只看該作者

Hi !Sandra ,之前都有跟你方法教仔仔，好有用！但呢排又有問題出現，希望你能給我意見！仔仔依家20個月，之前一直都同佢執行講得出做得到，佢都接受到，但唔知點解呢排佢會反應好大，例如佢今日想去堂哥間房玩（因為同住一間屋）、我話等媽媽食完飯就要出返黎Ga la,佢答知道，約10Mins 到我食完就去叫佢出黎，跟住佢就爆喊，佢就喊住咁俾我抱出黎，雖然最後都會收聲！但我想問我這樣做法正確嗎？還是可以有灰色地帶？另外我想請問佢今日食緊飯時只食左幾啖就想落地玩/想食其他野而話自己食飽！我同佢講你唔食飯等陣咩都無得食，直到訓完晏覺先可以食奶/其他野，佢都答知道！之後佢訓晏覺時係咁喊要食奶，我就話媽媽知你肚餓，所以你下次要食多d 飯，奶奶要訓醒先有得食，不停講到佢訓左，這問這樣做正確嗎？因我奶奶係咁話佢仲細，未識ga !所以我唔知道我有無做錯！唔該曬你🙏🙏

私人傳訊

積分: 33215

2713^#

發表於 15-5-16 23:24 |只看該作者

本帖最後由 SandraLo 於 15-5-17 12:31 編輯

kavina1234 發表於 15-5-14 16:20
Hi !Sandra ,之前都有跟你方法教仔仔，好有用！但呢排又有問題出現，希望你能給我意見！仔仔依家20個月，之 ...

kavina1234 :
其實佢入房玩一般會玩幾耐？有冇特別原因只可以大約十分鐘？佢好鍾意？之前未試過而佢又好鍾意所以你叫佢離䦕時佢接受唔到？如果冇特別原因, 可以唔駛太 rigid 咁講定, 到要離開前一陣提佢玩多陣便可...........

食飯嗰度, 首先你要評估吓佢話飽到底係咪真, 定係佢响極度想落地玩嘅情況下, 乜都唔理, 亦未明之後冇得食嘅後果........ 你依家嘅方法佢會 learn 得好痛苦, 要多好次同好密先會明呢個因果, 始终佢得廿個月, 與其係咁, 不如强制佢食完先准佢落地玩, 好過你俾佢唔食完就落地, 然後要佢承担餓呢個後果！

私人傳訊

kavina1234

別墅

積分: 746

2714^#

發表於 15-5-17 12:23 |只看該作者

本帖最後由 kavina1234 於 15-5-17 12:28 編輯

回覆 SandraLo 的帖子

Hi ! Sandra !多謝你的意見！咁如果我提前左同佢講就黎玩完要出黎後，夠鐘時再扭都一定要佢出黎？另外我想請問點樣衡量佢每餐正餐ge 份量！如果規定佢要食曬我地裝俾佢ge 飯，佢一唔食時就話自己飽！但佢有時好快就話食飽，其實我覺得佢食得好小，俾佢落左地無耐又話食其他野，例如：餅，糖，生果！我有時會係食飯前同佢講，要食完飯先可以食餅/糖！嗰餐就通常會比平時食多左！但咁樣做係未唔好？佢其實係一個好鐘意食野ge 人！另外佢有時食食下就會吐出黎，之後就點餵都唔食，呢個係未佢飽ge 訊息？咁通常正餐後幾耐先俾佢食其他零食？我驚佢掛住食零食而正餐食小左，我真係唔識怎樣拿捏！請指教！謝謝

私人傳訊

suisuisui

男爵府

積分: 9489

2715^#

發表於 15-5-18 17:50 |只看該作者

吾好意思, 我又開始迷惘. 亞囡23個月, 突然脾氣大左,.
以前好有手尾OR 我地叫佢擺返好D 玩具都OK 架, 但而家又掉玩具, 又吾肯執玩具.

掉玩具依part , ignore + 讚, 感覺改善左, (因為亞麻吾係屋企) 而家未知依個星期會點.

但只係叫佢執玩具, 無LALA 扭同喊..

早幾日叫佢執玩具,(以前都係咁) 佢竟然擰歪面行埋一邊, 吾郁. 好喇, 我咪再行去同佢講"執玩具架喇去食飯喇" .
就大喊跑去麻麻度. 我反應吾切, 亞麻攬實. 我都算, 佢keep 住喊, 等亞麻叫執佢就去執就咁收聲.

之後玩到成地野, 佢又想睇書, 同佢講"執返好D 玩具就睇書喇", 佢又開始擰埋面, 仲要喊住叫麻麻.~個下我禁一禁道火, 打眼色比老公叫99行入房先.
我之後去左洗碗, 老公無耐話要拖地, 老公話亞囡已收聲, 但亞囡見到麻麻時, 又爆喊....接過手無耐就停.
(之前ignore呢, 喊完真係無野架喎, 最勁兩次都係喊到訓左)但今次.. 我都吾知我老公做得岩吾岩. 但我就好不滿同老公講咁係吾得.
但老公問返我, 咁幾時麻麻先抱得, 亞囡本身真係STOP左.....但吾知點解見到亞麻又喊過.
依下我真係吾識答. 我只係講. 再有咁既情況, 除非亞囡要訓, 佢再喊都要阻止99 抱.
我想我應該有d 地方做錯左.....如果依個情況~ 係再阻止99抱定照比佢抱呀??

到第二晚, 老公未返, 同樣玩完要睇書, 今次我講," MAMA 同你一齊執, 之後睇書", 點知又喊..今次6299 都ingore 佢, 佢想跑去麻麻地, 我阻止左.
但佢真係做好多野出黎引麻麻注意. 特突推跌隻杯喊住叫"麻麻執,bb 飲",
又講"papa 返黎抱","bb 吾開心" 唉~ 聽到心都痛埋, 今次係佢識講句子以為黎第一次咁喊同表達. 99知我脾性都無比反應.
最後, 因為要處理62食藥, 亞囡喊左約45分鐘, 可能又見我搞緊d 藥, 佢應該被轉移視線收左聲.
咁搞好62 既事, 見佢都冷靜左, 咪同亞囡講, "玩完玩具要執好架" 佢答我 "好, 知道"
之後仲好開心咁行去麻麻度話要沖涼....
之後仲同我玩得好開心, 不過係有少少痴住亞麻咁既~
其實, 我係咪吾應該係佢冷靜後. 再提呀??
假設, 如果佢冷靜後, 又見到亞麻, 又喊過, 咁點呀~? 照ingore ?
因為之前ignore 係佢打人 & "唔" 時, ignore + 讚就搞掂佢. 而家只係我叫佢執玩具, 佢就爆喊......我都吾知點處理.

另外星期六日,湊住亞囡. 佢真係脾氣大左, 吾順意就喊,扭左先(以前臨訓先咁) 我估真係到Trouble two 個階段...
而家又要開始介備....

同呢, 發現左件事. 佢出去玩呢, 好有手尾,只係家無. 如果我想獎佢呢, 咁如果佢肯執玩具, 咁我可吾可以見佢執玩具後,
就話" 好好喎, 執返好D 玩具, MAMA 獎粒糖比你".之前佢星期六日, 每日一粒(C 各脫).

另外, 平時佢跟我訓呢 (星期5-6), 佢好開心. 星期六同佢一入房, 就喊要麻麻,..同佢講"麻麻吾係屋企呀", 佢又話要熊仔(姑姐早兩日送比佢) . 拎左比佢, 佢又真係攬住即訓喎.
咁我拎比佢算吾算比佢扭到呀.

太長了~真係又要麻煩你了~

私人傳訊