影視娛樂 今日: 4 | 主題: 16084

積分: 28097

261^#

發表於 15-10-9 21:49 |只看該作者

doll100 發表於 15-10-9 21:03
佢外形好温文，曾經懷疑佢有無肌肉，其實佢有私底下練肌，係一個視頻里知道。
你既觀後感好獨特， ...

我獨特？邊方面啊？

私人傳訊

doll100

大宅

積分: 2668

262^#

發表於 15-10-9 21:58 |只看該作者

hugoma2015 發表於 15-10-9 21:49
我獨特？邊方面啊？

唔知係獨特定咩:露胸唔露點既美感

私人傳訊

積分: 28097

263^#

發表於 15-10-9 22:06 |只看該作者

doll100 發表於 15-10-9 21:58
唔知係獨特定咩:露胸唔露點既美感

咁見得太多露胸又露點，呢種露胸唔露點，猶抱琵琶半遮面既，先覺得性感啊嘛

私人傳訊

積分: 28097

264^#

發表於 15-10-9 22:09 |只看該作者

doll100 發表於 15-10-9 21:11
題外話，覺唔覺佢細個個時望落去好有靈氣

佢細個對眼真喺靚，難得而家大左，都是咁清澈又有靈氣……

我覺得佢最接近梅長蘇既，就是對眼

私人傳訊

積分: 174135

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

265^#

發表於 15-10-9 22:23 |只看該作者

引用：Quote:rose-mag 發表於 15-10-9 04:52 入到

原帖由 hugoma2015 於 15-10-09 發表
我好耐無咁中意過一套戲，呢套算劇本厚實，製作精良，我覺得暫時可以講喺2015年度國產片最佳，真係值得細 ...

尋晚太夜，未覆之前回帖添，我之前冇聽過呢本書，係純粹見到果個21分鐘長片花，畫面同故事好吸引，我係好鍾意呢類畫面構圖嘅戲，空鏡，長鏡頭，前後focus等都好啱我口味，加埋d古風配樂，水墨畫風同古韻味道嘅歌，之後其實因為追其他劇所以想等做完至一次過睇，但見其他討論區同呢度好多人話正，即管開睇，點知係陷阱，一睇就迷，呢個經驗我兩年前睇步步驚心時試過，當時步步已播完，我係一星期追晒再即刻重睇，前後三十幾次(有部份重睇時跳睇), 睇到成個人不能自拔，開始周圍揾有關步步嘅嘢睇，又去國内網睇續寫睇花邊新聞，甚至自己都寫咗好多篇番外(而家都寫緊), 我一直以為好難再會有令我有相同震憾感覺嘅劇，估唔到今次發現呢套。有時呢d改篇劇，如果揾錯演員就毁劇，唔識改又毁劇，編導唔得又毁劇，要編導演都好係好難求，呢次比步步差少少係靖王呢個角色太難，其他就算配角都有精彩表現，拉番高個分。

唔好講到評論，呢樣我都唔係專業，只係以前接觸過話劇，顛過好多年，跟過有經驗前輩學戲，甚至想過去考演藝，但自知先天不足(我太矮細又唔靚), 試過暑假去做幕後，但始終拍劇拍電影係體力勞動，女仔比較蝕底，父母又擔心，不過後來做咗十幾年同傳媒有關工作，都接觸到好多呢個圈嘅人，加上有朋友做呢行，算係有多少少呢方面資料，不過一彷已移民十一年，好多嘢已經變成回憶啦。

我都係電視精電影精書精，不過近年少睇戲睇書，追劇追網上小說我只有兩年資歷，有志同道合人傾真係開心好多，又可以睇得更深入，好多嘢一個人睇幾好都係寂寞咗d

書我剛睇完夏冬去揾長蘇傾郡主果章，睇得好難過，雖然我知唔關郡主事，但個心好唔舒服，而家劇改編好得多，而且就算係大茄，劉濤都可以咁討好，咁少戲份嘅感情線都咁多觀眾鍾意，好大原因係演員嘅感染力，郡主對字跡果場睇到我眼濕濕，唔好講相認，果場唔感動都唔係人。

點評

多利是

發表於 15-10-30 14:36

花旗太太生活在花旗國，留意時差，你問我未必即時答到。

私人傳訊

doll100

大宅

積分: 2668

266^#

發表於 15-10-9 22:55 |只看該作者

hugoma2015 發表於 15-10-9 22:06
咁見得太多露胸又露點，呢種露胸唔露點，猶抱琵琶半遮面既，先覺得性感啊嘛
...

私人傳訊

積分: 174135

267^#

發表於 15-10-9 22:55 |只看該作者

引用：Quote:rose-mag 發表於 15-10-9 17:23 瞓啦

原帖由 hugoma2015 於 15-10-09 發表
咁輪到我逐條回復啦，

你喺唔喺漏左最後靖王同靜妃哭訴，掛住林殊果場啊？定喺眼冤，費事講佢啦 ...

唔係漏咗，我有cap圖，但發覺都冇咩好寫，除咗又係話王凱唔得，下下男人老狗流馬尿，頂佢唔順，傷心嘅又何只佢，静妃係以前林家人，睇住小殊大，同晉陽公主感情可能好過靖王同小殊添。

預告我都有cap圖但實在眼瞓，而且今日會寫呢兩集，費事重覆，預告入面最唔順眼係佢起身前搖頭擺腦果幾下，又唔係暈低又唔係咩，令個畫面唔好睇，冇作用嘅動作做係多餘，背景影住萌萌一面疑惑擔心，人地鏡頭唔係in focus影住都交足戲。長蘇眼中含淚又要收收埋埋，高下立及。

花旗太太生活在花旗國，留意時差，你問我未必即時答到。

私人傳訊

積分: 28097

268^#

發表於 15-10-9 22:58 |只看該作者

rose-mag 發表於 15-10-9 22:23
尋晚太夜，未覆之前回帖添，我之前冇聽過呢本書，係純粹見到果個21分鐘長片花，畫面同故事好吸引，我係好鍾 ...

確實，好耐無遇到一套可以睇到我咁肉緊既戲啦。而且呢套喺一套需要一煲再煲，越煲越出味既戲。每次睇都有新發現，有人一起睇，一起傾，真是其樂無窮。

作為書迷，我都好欣慰電視劇既感情線改左，起碼多個人心疼、慰藉一下宗主。而且我都真喺煩透左果D狗血三角戀啦，呢D2個人都從一而終既，我中意D。我估以後會有一大批以宗主同郡主為主題既番外，我都好期待。

劉濤呢次仲要克服埋佢同胡歌既年齡差距呢，一D姐弟戀既FEEL都無，相認之後，喺宗主面前仲可以做到小女孩果種嬌態出黎。

私人傳訊

積分: 28097

269^#

發表於 15-10-9 23:03 |只看該作者

rose-mag 發表於 15-10-9 22:55
唔係漏咗，我有cap圖，但發覺都冇咩好寫，除咗又係話王凱唔得，下下男人老狗流馬尿，頂佢唔順，傷心嘅又何 ...

講起預告呢段，我想請教一個問題啊。

就是如果靖王佢地幾個算前場，宗主一個算後場既話，喺唔喺分2組機同時拍？定喺首先拍前場，宗主喺後場只是負責做人肉背景，然後單獨拍宗主的後場大頭特寫呢？

因為我記得上次劉奕君話佢監獄拍大頭特寫果陣，胡歌留底陪佢。所以我估計呢D鏡頭應該喺分開拍吧？

私人傳訊

積分: 174135

270^#

發表於 15-10-9 23:25 |只看該作者

引用：Quote:rose-mag 發表於 15-10-9 17:19 講下

原帖由 hugoma2015 於 15-10-09 發表
黃維德既譽王真是好得！佢雖然喺奸雄，但是我反而覺得佢待人處事有人情味，有人性過靖王喔。如果當年佢唔喺 ...

宗主唔會選譽王，因為譽王唔會幫佢翻案，不過宗主的確冇想過譽王會壞到呢個程度，但譽王時刻都保持風度儒雅，雖然都係俗氣，但比起靖王稜稜角角咗，的確會討好人。佢對秦般若發之情止乎禮，不強人所難，不嘗不是君子，可惜權力嘅吸引力太大，嚐過百般恩寵又見識到權力嘅甜頭就走上不歸路，可惜在佢遇著太子得寵，花十年鬥倒太子，但又遇上梅長蘇，早已係注定幸運之神唔會眷顧佢。黃維德雖然唔靚仔，但佢有厚重沉穩氣質，夠高夠型格，做譽王呢個角色好適合。

王凱由最初就演錯，救郡主果場攞好多分，因為夠英，但唔關佢事，本身故事係咁角色係咁，但一要内心戲就露底，唔請教胡歌，明眼都覺得佢小器，唔抵得人地紅，做訪問出街咁多人睇，你咁講失晒分啦，佢唔只冇皇子貴氣，仲唔大方唔謙厚，人地胡歌紅除咗戲好外，人品都好，做呢行識做人差好遠，佢可能以為同胡歌同年，正式出道時間又差唔多，但胡歌接過幾多戲，得過幾多次獎，好多嘢唔係自己話就係，有冇料一睇就知。算啦，我對靖王死心架啦，求其佢唔好阻住我睇宗主就得架啦。

花旗太太生活在花旗國，留意時差，你問我未必即時答到。

私人傳訊

積分: 174135

271^#

發表於 15-10-9 23:43 |只看該作者

引用：Quote:rose-mag 發表於 15-10-9 22:55 唔係

原帖由 hugoma2015 於 15-10-09 發表
講起預告呢段，我想請教一個問題啊。

就是如果靖王佢地幾個算前場，宗主一個算後場既話，喺唔喺分2組機同 ...

兩種做法，一種係同時幾組機拍，由唔同角度去拍，同時拍大場，大頭，呢種多數係係廠拍，有panel可以即時揀鏡頭畫面，以前同而家tvb都係有兩組或以上攝影機去拍，每組兩個人，一個拍一個推機，現場綜藝節目好似港姐果d更有多至四五組機，有時用埋手提機添，不過手提都重到死架，都係兩個人一組多。另一種就係拍完全世界再拍個人大特寫，如果只有大頭一個人，的確唔需要其他演員一齊留低，所以有時有演員受傷，戲組照拍就用鏡頭就，拍劇拍戲多數係用呢個方法，可以仔細d, 分鏡會跟得易d, 又可以唔駛咁多組攝影師。

花旗太太生活在花旗國，留意時差，你問我未必即時答到。

私人傳訊

積分: 28097

272^#

發表於 15-10-9 23:48 |只看該作者

rose-mag 發表於 15-10-9 23:25
宗主唔會選譽王，因為譽王唔會幫佢翻案，不過宗主的確冇想過譽王會壞到呢個程度，但譽王時刻都保持風度儒雅 ...

講真喔，呢套戲我覺得其實顏值唔算特別高，譽王，景睿，豫津等等，都唔算特別靚仔，不過可能演技都幾好，個個入型入格，配合到個角色。所以絕大部分選角都覺得好好。

你想放棄佢，齋睇宗主有D難度咯！後面都幾多對手戲下，唉，唔好逼我以後重溫瑯琊榜既時候，只睇宗主既CUT版。

我旨意郡主返黎打救我！我要睇宗主同郡主感情戲洗眼！聽晚郡主返黎啦！我睇到微博有人放左D之前偷拍既片段出黎，郡主來救夫，好英！

私人傳訊

積分: 28097

273^#

發表於 15-10-9 23:55 |只看該作者

rose-mag 發表於 15-10-9 23:43
兩種做法，一種係同時幾組機拍，由唔同角度去拍，同時拍大場，大頭，呢種多數係係廠拍，有panel可以即時揀 ...

原來喺咁，又學到野啦！

按照你咁講，我覺得呢場戲，應該喺第二種方法拍既。因為蘇宅好似是實景，唔系廠景。

私人傳訊

積分: 174135

274^#

發表於 15-10-10 00:48 |只看該作者

引用：Quote:rose-mag 發表於 15-10-9 23:25 宗主

原帖由 hugoma2015 於 15-10-09 發表
講真喔，呢套戲我覺得其實顏值唔算特別高，譽王，景睿，豫津等等，都唔算特別靚仔，不過可能演技都幾好，個 ...

好難架，邊得咁多靚仔肯接呢套戲，又擺明主角胡歌氣場咁大，步步驚心果陣袁弘同林更新都係唐人演員就話啫，難得佢地又好戲，所以我至想如果老袁做就好啦，顏值仲高d, 同胡歌又老友，默契加演技一定擦出火花，不過發下夢算啦，而家唯有見到王凱自動對眼out focus

景睿應該真係要靚仔d公子氣d, 豫津就更加要青靚白淨d, 兩個演員都唔夠精緻，但佢地兩個又做得出果種入世未深嘅青葱味，景睿果場重頭戲，程皓楓做得好入戲，後段郭曉然做嘅豫津同言侯爺同宗主少少兩三場對手戲都出色，我完全感受到一個多年渴望父愛嘅大男孩果顆稚子之心，顏值就將就下啦，化粧服裝搭夠啦。

就算係穆青，卓青遙，呢套都出色，謝弼差少少，但其實劇入面呢個角色少咗戲。謝玉同言侯可以多d戲就好啦，兩個前輩太正啦。我另外好鍾意夏冬，張齡心幾場都做得好好。王鷗好多人讚，但我唔多鍾意佢個粧，而且佢d戲比較作狀。一眾妃嬪有時間再講，呢幾個女人都好正，佢地嘅服飾變化同行禮嘅姿勢都係亮點嚟。

呢套我一定再煲，查實第一二集已再睇，如有jm有興趣睇我亂寫癈講的話，等套劇完咗再cap圖細講，我實在覺得呢套劇好正，由一件冤案帶出大道理，將人性善惡作一次批判。

花旗太太生活在花旗國，留意時差，你問我未必即時答到。

私人傳訊

積分: 174135

275^#

發表於 15-10-10 04:27 |只看該作者

回覆：有無人睇琅琊榜？

蝦我的蘇哥哥，蝦我的小殊，你死定了

花旗太太生活在花旗國，留意時差，你問我未必即時答到。

私人傳訊

積分: 174135

276^#

發表於 15-10-10 04:29 |只看該作者

回覆：有無人睇琅琊榜？

小殊，水牛，景睿同浴巾

花旗太太生活在花旗國，留意時差，你問我未必即時答到。

私人傳訊

積分: 174135

277^#

發表於 15-10-10 04:30 |只看該作者

回覆：有無人睇琅琊榜？

昨日少年

以前係小殊哥哥教浴巾狩獵規矩

點評

purple_onion

發表於 16-6-26 13:33

發表於 15-10-10 09:08

花旗太太生活在花旗國，留意時差，你問我未必即時答到。

私人傳訊

積分: 28097

278^#

發表於 15-10-10 09:07 |只看該作者

本帖最後由 hugoma2015 於 15-10-10 13:04 編輯

rose-mag 發表於 15-10-10 00:48
好難架，邊得咁多靚仔肯接呢套戲，又擺明主角胡歌氣場咁大，步步驚心果陣袁弘同林更新都係唐人演員就話啫， ...

呢度要贊一下景睿既演員，因為本身唔喺穩佢黎演噶，是原來既演員開拍之後辭演，先臨時拉夫穩佢幫手頂上噶！人地江湖救急都交足功課，算喺咁了。景睿豫津呢幾個從角色性格還原度黎講，還原度都有80%以上。

我幾中意穆青，演得好生猛，佢就好似蘇宅上下咁，喺一個溫暖既所在。我覺得喺佢身上其實都睇到少少林殊既影子。聰明、活潑、愛郡主，哈哈。而且佢對“敵人”都喺簡單粗暴直接。郁D就打到人斷腳，郁D就話穩人做低佢（百里奇），睇返宗主對付卓家派來京城搞事既9大高手，咪一樣派人直接打到人地落唔到床，好乾脆。穆青7歲就無左爸爸，郡主一手帶大，潛移默化咁將自己弟弟按照林殊既模板培養……唉，如果宗主最後無事，可以同郡主廝守咁幾好。郡主有一個咁愛佢既丈夫，又有一個咁錫佢既細佬，幾幸福呢

卓青遙，謝玉大PARTY果晚反面之後，他仗劍擋起父親前面，眼中帶淚果一幕幾打動到我。

如果唔穩王凱演靖王，唔考慮演員知名度（講真，之前我都唔知王凱喺乜水），呢套戲裡面，我至少可以推薦4個人演靖王：萌大哥，卓青遙、列戰英、祁王。

謝玉小說裡面戲份就到此為止了。言侯，後面獵宮都有發揮位，幫佢加左戲，反而刪左宗主既戲份，搶左宗主既台詞，我好唔高興！

女角色裡面，從夏冬第一次去穩宗主傾計，我就好中意佢了。如果講郡主喺一個“豪闊宏量”既奇女子，夏冬又喺一個“俠骨柔腸”既奇女子。如果講邊個有情有義，我覺得夏冬就真係一直都有情有義了。演員將呢個角色既剛同柔，拿捏得很準。

我覺得稍微失色既女角色就係般若同宮羽。般若既問題如你所講，而且個演員戲下就比較造作，我無好感。宮羽，我覺得應該再清秀一D.

如果你肯寫，我一定捧場噶，凈喺宗主果D小動作，微表情，就夠我睇好耐了！

呢本書雖然講權謀，但是我覺得佢現實得黎，又充滿理想主義。無論喺愛情觀，人生觀，價值觀都好正！喺我最愛。

私人傳訊

積分: 28097

279^#

發表於 15-10-10 10:04 |只看該作者

本帖最後由 hugoma2015 於 15-10-10 11:46 編輯

睇左一次第41、42集，我覺得有一個問題，後宮戲太多了，到底而家喺瑯琊榜定喺甄嬛傳啊？

講幾個看點

1、萌大哥去蘇宅同飛流較量，甄平叫宗主勸佢地停手，宗主話：“讓他們再打會！”果種語調有軍人既乾脆利落，呢個時候，林殊又出黎了！

跟住晏大夫叫佢吃藥都好好玩。我覺得晏大夫算是咁啦，次次都咁細碗藥。

2、衛崢黎拜見宗主。短短幾句對話，就可以感受到宗主/林殊喺屬下面前既威儀，真喺咩人就治咩軍。宗主同郡主治出黎既部隊，都是對佢地忠心不二，又敬又愛又怕。可見佢地平時恩威並施既手腕。

3、衛崢講出真相果段，王凱既靖王真是唔明佢想點，果幾聲冷笑完全格格不入；跟住站起來之前又搖頭晃腦；跟住仲要踢臺洩憤；跟住萌大哥話要皇帝認錯好難，佢抬頭瞪大眼，眼珠轉來轉去，都唔知想表達D咩！最大既問題喺，佢既眼一直都撐到好大，瞳孔好大，好亮。但是我覺得好空洞，好恐怖。

4、同一場既宗主，我就唔多講了，當衛崢回憶當年真相果陣，宗主就咁坐喺度，但佢個眼神，除左朋友講既凜冽決然，我仲睇到有復仇之火，佢心中真是有魔噶。我再講一個細節，就是靖王踢臺果陣，宗主唔單止眼含淚，頭同頸仲有少少震。

5、春獵，宗主穿勁裝，真是好型，一派儒將風度！終於唔用口水巾啦！同豫津講起春獵，講起林殊，佢已經比以前淡然左好多了。衛崢講出真相，對佢黎講，未嘗唔喺一種解脫，一次過將傷疤揭開曬就好！

6、本來想講埋靜妃既，不過果場要連埋43集一起睇先正。所以唔講住。不過要吐槽一下大梁國D女人，後生果個（郡主）天寒地凍露天就扒宗主衣服，老果個（靜妃）成杯熱茶淋落宗主手度，你兩個想驗身，可唔可以斯文D啊！呢2個女人加起黎就是“火寒之毒女”了，呢度又有一個BUG，上次郡主驗身是睇左手噶，呢次靜妃睇右手。

私人傳訊