ALL MAMA:
孖b今日第一日返學,都算ok啦,睇落佢地好似幾鐘意返學,我地一入到學校,首先係換鞋,小便洗手,之後就入課室,孖b都好合作,不過佢地唔比d老師同嬸嬸掂,可能始終係第一次見會比較抗拒,入到課室後孖b就坐低,隔左5分鐘後老師就叫小朋友排隊去洗手間,開頭孖b都唔知做乜,係樹周圍走,後來個老師叫孖b踩住地上嘅圖案,佢地就跟住做,去到洗手間,我問孖b痾唔痾shushu,細孖話痾,開頭大孖唔肯,之後佢見個個小朋友都痾shushu,咁又跟住痾,點知坐上去無耐就痾左,真係叻叻,去完洗手間後,我地去音樂室唱歌歌,孖b好開心呀,老師請佢地出去唱佢地又唔怕醜,同d哥哥姐姐反得好開心呀,唱完歌仔返課室自由活動,反玩具,之後食午餐,食完午餐放學lu,今日孖b返9:30~11:30,係呢2個鐘裡面洗過5次手,真係好衛生呀,其實今日有3個小朋友都係第一日返學,佢地無家長陪,但都好乖無扭計,我諗如果我唔陪孖b上堂,可能孖b都會好乖,不過老師話基本上孖b都ok,但驚孖b會爭野玩,因為其他小朋友係唔會有咁嘅情況.
all mama:
我講漏左樣野潻,孖bo個班原來有一個過度活躍嘅學生,點解?係因為我發現呢個學生上堂時係有一個特定嘅位比佢坐,佢真係好活躍無時停,d老師都搞佢唔掂,佢仲成日走埋黎撩孖b同我,但又唔講野,淨係行埋黎近距離望住我地,又成日攞本書示意叫我講比佢知,基本上d老師都由得佢自己自由活動,除非太過份,否則佢都係自己一個人反,唉!唔知佢會唔會嚇親孖b呢?
發表於 
返回列表
