其實點解會認為買層樓比佢，佢就變老馮，唔比家用，又唔孝順呢? 我從小教小朋友要感恩，唔係淨係孝順父母，對其他人都係，人地對你好，要心存感恩，dont take it for granted。孝順唔係建基於家用，我自己著重心多於錢，如果仔女做到冇停手為儲錢買樓，仲比父母家用，又結婚養家，可能比低家用你，已經冇時間同精神關心你。第日我老左，佢比錢我，跟住好忙咁又要去工作，或是佢帶我周圍去玩，我寧願一家人去玩下，我覺得咁樣開心d。如果仔女有個安樂窩，佢自己工作同生活都開心，佢比錢我，我會收，唔比都冇所謂，我唔會老馮要佢比家用我。做人嘅責任唔係單純比錢，心更重要。佢關心父母，活得開心，我就ok。其實買唔買樓比仔女冇絕對答案，每人家庭都唔同情況，純粹個人取向，但我覺得社會上一聽到買樓比仔女，就assume d仔女會變得唔孝順，老馮啃老，唔識為自己打算，大把冇樓嘅人都可能有以上問題，所以我覺得兩者係冇關連。唔好講到比層樓佢，會連做人嘅責任都冇埋。我相信當一個人成日以家用黎衡量孝心親情責任，第日仔女都會用同樣角度黎計算返父母。
發表於 
返回列表
