Re: 未婚的,入黎傾傾呀!!!
han,
你唔好唔開心啦,你都話侄仔好痴你啦,佢跟左佢媽咪返去實會唔慣冇得見你,佢實煩佢亞媽煩到佢又死死地氣叫你湊返~
照你咁講,你bf同佢地其實都唔算係好親(都係堂g ma 
)我有6個堂兄弟姐妹tim la....只不過係同一個亞爺g ma~.. 
~你地肯同佢湊仔真係好好架喎,都仲要咁~哼,最唔鍾意呢d人,冇咩事既就好日都唔傾句計,有事就好似奉旨咁幫佢湊仔,生得出就預左要自己照顧小朋友架啦,下下掉低佢~ :-x 仲要你想帶侄仔去玩咁簡單,都唔比兼講說話你聽~討厭呀 :evil:
我個嬸嬸(親亞叔個老婆)又係咁架,話說我得3歲時,我爸踢波整到尾龍骨,要住院做手術,我媽成日要去睇老豆,佢一個女人又要湊我,又驚我老豆手術失敗會變跛,仲要幫我老豆暪住我爺爺女麻女麻,已經心力交瘁啦~
有一日媽媽要6點幾要出門口,出到港島睇老豆(但我住元朗),我媽早幾日已經同我嬸嬸講左,想佢湊住我幾個鐘...佢勁爽快應承(因為住隔離,經過我既home花園就到,唔洗1分鐘)點知我媽湊到我去,我嬸嬸又話頭痛又幾唔舒服,話唔湊我~我亞媽慶過火屎,即刻秤我去大埔搵我姨媽...之後佢去睇老豆~我亞媽早幾年先講返出黎,話唔明點解嬸嬸要咁玩佢,做人洗唔洗咁呢?!我媽自問永遠真心待人Y~
知道呢件事後,一諗返起我嬸平時幾咁虛偽我就反胃,我讀小學時,佢成日叫我去佢屋企,就比佢所謂唔岩著既衫比我,佢用過既唇膏都會比我,話隻色唔岩佢喎~ 
我個時覺得嬸嬸好好人,但唔知點解次次拎到返home,老豆都會面黑,我大個左先至明囉~佢以為送d野比我可以討好我爸媽,點知我爸仲憎佢(因我爸好錫我叔,覺得呢個弟婦唔夠好)~
有一次我係村口等校車返學,見到嬸嬸係度等小巴,我禮貌上嗌完佢,佢無啦啦走埋黎比左10蚊我,叫我返學買野食,咁咪袋左囉,點知第二日我媽狂鬧我,話我做咩拎左嬸嬸錢唔講佢知,而家嬸嬸o係我爺爺等親人面前話我拎左人錢又唔識講返出黎,哈~我個時得10歲,點知佢比錢我既目的係想我周圍唱佢為人大方,鍾意慷慨解囊喎,都戇戇地架,而且我見親亞爺亞女麻,佢地都會比20蚊我買野食既,佢個10蚊幾大把呀?!我一次默書一百分亞媽都獎我唔止10蚊啦 
佢仲要日日叫個囡(我堂妹)放左學就落黎我地個花園度玩,佢個女整親,佢就落黎鬧我細佬,話佢蝦佢個女~佢有野做就叫我媽同佢睇女,我媽永冇托手睜~~我亞叔係小巴佬,但手車又屎,成日半夜三更撞左車就喊住叫我老豆幫佢搞掂佢~我爸知佢搵得少,年年臨過年,就暪住我媽媽貼坐底3萬蚊比佢地買衫過節,亞爺比左一間村屋比我爸爸3兄弟收租,但要"番"新,每人夾15萬出黎,我亞叔冇錢,我亞爸比埋佢個份,總共30萬!!(我大伯唔肯分擔我叔個份)但租左出去,我亞叔照樣有份收租....~我爸從冇催佢還,但叔叔嬸嬸都仲會四周話我老豆點睇唔起佢.....哈~所以話呢,一樣米養百樣人呀~唔好意思,一講又收唔到口,見到個種人就火都黎埋 :evil:
過去的留不住,
未來的難預測,
守住現在,當下即是~
發表於 
返回列表
