本帖最後由 rose-mag 於 19-1-11 00:38 編輯
c.vieri 發表於 19-1-9 19:01 
小公爺由細比郡主捧係手心大，點會明大宅女人嘅不容易
主要係郡主擅妒，齊國公府中並無得寵姬妾，只有一個獨子，小公爺從少到大根本唔知咩叫宅鬥，因為從來冇人可以對郡主哼一聲，小公爺更係未受過一口閒氣，小說中佢最唔開心嘅只係明蘭對佢不瞅不睬，佢對於要娶縣主定小榮妃個妹根本唔係太大異議，由細到大就已經知道婚姻係父母之命，媒妁之言。而家劇改到佢多求反拒，明蘭又回應，可知盛老太一直教明蘭何為女子最理想生活，所以為佢相中賀弘文，由始至終明蘭同盛老太都有共識，盛老太都唔會縱容明蘭，劇入面明蘭太露鋒芒，小說要帶出嘅大智若愚，編劇同導演大概都錯解，又變成狗血橋段，點都要一輪大吵大鬧，要生要死先至係愛情至高。。。唔應該係咁囉，呢部份我覺得劇改衰咗，明蘭係唔會咁任性，佢唔會強行高攀，佢從來都清醒，小公爺亦非要生要死果種唔顧大局嘅少爺仔，初戀可以係回憶中嘅美好，求而不得嘅遺憾，或者當時不知要爭取嘅無奈，咁樣仲有深意，仲更生活化。
顧二郎嘅成長反而更正面，劇入面蓉姐兒同父親叫做親近，佢亦似乎知書識禮，後來同明蘭都親近，呢樣比小說開心。顧二郎嘅體貼令人動容，佢一個成熟男人，亦有女人有仔女，好多嘢早幫明蘭打點好，以後嘅日子佢地真真正正成為天作之合。話說顧二郎而家官職小，因為佢招人妒忌，佢武功好好，因為係顧侯爺以前由細到大手把手教，侯爺三個仔，大嘅體弱咩都做唔到，細嘅又太細，顧二喺書入面係三個仔中長得最似顧侯爺，功夫都係師承於父，講起嚟，顧侯爺以前係幾忙都好，日日都篤住佢練功做功課，但以前父親總係棒下出孝子，加上小秦氏教唆，顧侯爺後來以為顧二郎真係變得頑劣，對佢失望，但心入面其實對個仔係有好大愧疚。
花旗太太生活在花旗國，留意時差，你問我未必即時答到。
（我指我）比起之前係東京所做嘅事，真係成熟左好多。
發表於 
返回列表
