本帖最後由 rose-mag 於 21-9-23 10:24 編輯
知，報稅佢負責，但張表要一齊簽名，副本一向我收埋，不過我又冇點上心。
唔知又唔係好出奇，我識有唔少夫婦都係大家都唔知對方搵幾多，不過你每月開支裡面，你話老公俾6500供樓，1200管理費，出街食飯間中會俾錢，一個月2000內，即係大概每月老公負責一萬樓下，而其他全部你出，起碼2萬5，除非你搵得多過你老公好多，否則你個個月要食老本食入肉，咁真係唔多合理，一係你地再分配過開支。
** 上面留意未睇其他內容，睇完覺得已經唔係知唔知對方搵幾多問題，而係兩個人要坐低傾下未來生活點規劃，退休年齡越來越近，如果冇一筆錢的確令人個心唔定。有層樓有屋住煩少樣嘢，但幾十年後邊個知，到時賣樓再買又會可以鬆到幾多錢出嚟？有小朋友仲想出國讀書的話，目前咁嘅財政狀況基本上好難，樓主唔會想厚此薄彼，一個可以出國，一個冇得讀啩。而家開支要睇下有咩位可以走，有咩可以減，同男人講呢D話題，要識避重就輕，唔好俾佢覺得你想套佢話，或者想吓吓head住佢，我自己覺得唔駛一定要老公交待佢搵幾多，有幾多資產，只係大家應該將條數攤開嚟睇，將你嘅憂慮講俾佢聽，將個問題交一半俾佢，即係大家都要節流/開源，諗個方案大家都唔要駛突，一係佢俾多D其中駛費，一係你cut緊一D開支，再唔係齊齊做parttime幫補。
兩公婆最重要係咩事都攤開講，態度要大家都平等地搵解決方法，冇話佢知你有幾多資產，你唔知佢有幾多好蝕底，你話到你父母留俾你嘅就係你嘅，男人聽落都幾心噏，掉轉角度睇，你講到想過離婚，對方為自己打算亦無可厚非。
花旗太太生活在花旗國，留意時差，你問我未必即時答到。
發表於 
，同埋佢冇問
返回列表
