我係賣家, 懇請各位媽咪原諒我
對唔住, 各位.
我係應屆既預科畢業生, 考完高考已經心知自己既成績今年唔會有大學讀, 但係我一定要讀到大學, 因為我知道我唔讀大學的話將來就好難搵到一份好工去養活一家人, 爸爸已經因為被追債佬追債而被我地一家人唔俾佢返屋企, 我已經冇見爸爸差唔多三個月, 我一方面好唔鍾意佢問大耳窿借錢而搞到我地一家唔完整, 但我一方面仲係好掛住佢以前切一粒粒既西瓜俾我食, 我知道自己唯一可以做既就係入大學, 賺錢養屋企人同幫爸爸還債, 而入大學既最好又最直接既方法就係來年再考高考, 我諗住出去補習 , 但係唔想問屋企人拎錢, 因為而家媽咪已經要靠做鐘點黎撐起成頭家, 我覺得佢已經好辛苦, 所以我計晒自己來年所需既補習費, 諗住一半問媽咪借住先 (我有寫欠單俾佢, 話過我出黎做長工就會連本帶利還返俾佢, 佢聽到好高興), 一半就自己返工賺返黎, 跟住我就去搵暑期工, 但係我之前係大角咀返果陣公司出唔夠糧, 我自己計到公司出漏左$900 俾我, 追唔到數, 跟住我好嬲, 辭左職, 係度諗我要係九月前搵返呢$900 返黎, 回想起朋友係網上面買野都俾人走貨而追唔到數, 為求九月要補到第一堂, 所以係八月頭就起左上網呃人呢個壞念頭, 因為之前有係yahoo! 拍賣知道要收刊登費, 同埋同買家20次交易中有1次真係寄失左, 所以轉到去論壇開post, 打算用寄失做藉口, 一路都有懷疑自己咁做係咪好過分, 我做左騙子, 一個我自己都好討厭既角色, 但係諗住不勞而獲就可以達到目的, 最多遲d 貢獻返社會就得, 一路到今朝收到shisa 電話之後我就開始驚, 記得自己一路都話寄左寄左, 唔可以話冇寄到, 只係好想快d 收線, 收線之後一路都好驚, 反省自己呢半個月所做既野, 真係大錯特錯, 睇返之前yahoo! 拍賣既買家俾我既評語係"很好的賣家...直接爽快..很值得信任", 自己對自己都好失望, 開始覺得自己繼續咁做落去只會得不償失, 害己害人, 我從未試過呃人錢, 唔知點解要淪落到咁既地步, 對唔住各位, 我真係知錯, 所有款項都會退回俾各位受害者, 我係其他論壇所開既post 已經全部刪除了, 希望各位可以俾一次機會我, 一次機會咁多, 我仲要考入大學
shisa: 對唔住, 我今朝既語條好過分.
|
發表於 
發表於 
見到個本應大好前途既女仔而家搞成咁,真係好想喊,諗下如果自己既仔女發生d咁既事,
都唔知點算,而家仲有人話其他網站有哩d事發生,一定會報警,即係話比bk知,好去報警啦?!做咩要迫人入死角唧??放過人啦, ... 
返回列表
