睇到呢度我都想講下我老豆，係我小學時佢已經返左大陸住，有無二奶我唔知，只知佢無比家用，有都係好少，阿媽打工做下小販做下便利店低收入工作養大我地三兄妹，仲不時要問婆婆阿姨親戚借錢，而老豆返黎成個大爺咁，又鐘意向我地呼喝，
最近佢年時已高，想叫媽返大陸照顧佢，我就問返佢：
我：仲咩咁多年都唔同我地一齊，要係大陸
爸：我要住係鄉下，呢度係我既根，我係呢度出世
我：但你結左婚，d仔女係晒香港，有邊個唔係結左婚就要離開父母？
爸：我係香港無朋友
我：但你有家人
爸：妳唔明，每個人有每個人念法
我：係！你講得岩，未結婚你可以咁講，結左婚有家庭既念野應該以頭家行先！
之後同一個電話內容佢仲話⋯
爸：而家我將間祖屋裝修過地下租比人賣野，仲有，村長都想買我間屋！
我：呢間係祖屋，你都唔好賣勒！
爸：唔係架，佢肯補返大d既地比我又補返錢同幫我起過間屋我會賣架！
問題1）香港無朋友所以返大陸？
問題2）既然講到由細到大都住祖屋，點解又要賣？唔係你既根嗎？
問題3）嫲嫲今年3月過身，你可以快到唔洗一個月將間屋地下改成地舖，呢度對你有幾咁根呀？
問題4）嫲嫲下午火葬，晚上你當住我面問阿叔將祖屋地下租出去定自己開舖頭好，你有無人性架！
http://www.pregnology.com/faralong.php?month=8&day=08&year=2014
發表於 
返回列表
