吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 小朋友大脾氣,可以點教 Part III

少年成長今日: 0|主題: 16097

收藏本版

發帖

返回列表

跳至頁

樓主: SandraLo

小朋友大脾氣,可以點教 Part III

[複製鏈接]

139 140141142 143...171

850

sisi2044

複式洋房

積分: 255

2801^#

發表於 15-7-16 15:14 |只看該作者

本帖最後由 sisi2044 於 15-7-16 15:27 編輯

SandraLo 發表於 15-7-15 20:04
sisi2044 :
1. 查實冇嘢係一定的, 假設他要一把刀, 你會給他？當你說了不得, 但最後還是他哭/不肯睡便由 ...

Dear SandraLo:
真是很感激收到您的回復，其實我真的很懷疑，覺得自己不是一個好媽媽，教育不好小朋友，現在真的很努力，希望可以通過您的贊+ignore的方法，可以改善到小朋友的壞行為。

但是不知道是不是我做得不恰當，反而似乎出現問題，情景如下：

1、弟弟每次用手抓飯吃，所以我就在未吃飯前就贊，弟弟今天好乖喔，自己帶口水肩，自己拿匙吃飯，又坐好好喔，媽媽kiss一啖先，然后等弟弟一坐好，我就又贊，弟弟坐得好好喔，吃左第一啖，我又開始贊，哇好叻喔，吃左一啖飯啦！

但是當弟弟又開始用手抓飯吃時，我就講：弟弟不對了，不可以拿手抓飯吃的，拿匙啦，不對不對，當弟弟沒改善時，我就將碗拿開，

不比距吃，然后弟弟就開始哭了，我沒理他，做自己的野，是連一句話，一個眼神都沒比，然后他哭左一陣，就過來拉我的手，我就試下問距，弟弟要不要吃飯，距話要，然后我就話，不可以拿手抓飯吃，距話好，我比返碗飯距，當他吃左一陣后，我就又開始贊了，弟弟好乖，用匙吃飯，又有吃肉，媽媽錫錫

2、弟弟好鐘意摸JJ，每次一除褲呵尿尿就摸，所以我在除之前已經贊定了，弟弟好乖喔，今天沒摸JJ喔！但是點知我一講，之后除左褲，距就開始摸了，仲邊摸邊話，弟弟摸JJ，我怎么覺得，是我提醒了距，要摸JJ？

3、姐姐脾氣比較硬頸，如距去搞地主前面點的香，我當然不比，然后就將距抱開，什么都沒講，距就開始哭了，邊哭邊鼎地，但是我沒理距，然后也叫嬤嬤不好理距。
姐姐知道我不會理距，然后就走去嬤嬤度，要嬤嬤抱，但是嬤嬤就抱左而且同距擦汗，而且同姐姐講甘樣做不對，我覺得嬤嬤甘樣做，反而會助長姐姐以后哭得更久，就叫嬤嬤不好抱，嬤嬤放開左距落地，放落地后，姐姐哭得更兇，一時走過來叫媽媽抱，一時走過去叫嬤嬤抱，嬤嬤沒抱，但是會話，不對啦，不好哭啦，如此這般，姐姐來我度要抱，又去嬤嬤度要抱，嬤嬤都忍不住了，又同距擦汗。

后來沒辦法，我將距抱進房，等距在房哭，自己在隔守住距，點知姐姐哭哭下，居然想睡，我沒辦法，就同距換衫擦汗，我是故意大力滴的，因為是中午時候，成一點了，仲沒吃野，后來我問距，想不想吃午餐，后來都是沒吃成，只是飲左一滴滴的湯就睡左了。

以上發生的事，請問我做得對不對？其實在距地哭得好厲害，連牙血都哭出來的時候，自己個心真的很掙扎，不知道自己做得對不對，會不會等距地失去安全感？

而且我不多確定，是不是隨時隨時都可以贊，凡是我覺得是壞行為的，都可以用贊+ignore呢？如我不想距地沒瀬尿，相反好行為就是，自己在想呵尿前告知媽咪，我就會贊，好乖喔，今天在想呵尿前話比媽咪知，來，媽媽抱下！

但是老實講，距地的壞行為有好多，甘我一天不是要轉住不同的好行為來贊哆，還是話，一天就只贊一樣野，只是贊，乖乖吃飯沒用手，然后等呢個壞行為改左了，第二天才贊另一個行為呢？

雖然距地的壞行為還是沒有改善，但是我卻覺得有一樣野的改善就是，當我贊距地們，自己都會覺得，恩，距地今天真是乖左滴左，比昨天好喔，自己聽到心里都安樂滴，沒甘煩惱了。
因為在距地發脾氣時，如果沒指出錯處，沒話，甘幾時才是教育距地對錯的時機呢？而且我真是比較少講睡前故事的果種，家務多到鬼甘，所以如果沒講睡前故事的習慣，什么時機什么場景合適講返對錯比距地聽呢？
而且是因為同爺爺嬤嬤一起住，實行贊+ignore時，似乎沒有那么容易，而且老人家比較容易心軟，哭到一半就抱，如果是這樣，該如何做才好呢？
SandraLo:不好意思，太長篇大論了，希望你不好嫌煩，亦很感激您的回復、指點與幫助！

私人傳訊

sisi2044

複式洋房

積分: 255

2802^#

發表於 15-7-16 22:50 |只看該作者

引用：Quote:sisi2044 發表於 15-7-13 22:58 Dear

原帖由 SandraLo 於 15-07-15 發表
sisi2044 :
(續前)

Dear SandraLo：

另一個問題是，不知是不是因為中午時，姐姐扭我無理距，任距扭，而弟弟在姐姐隔理吃午餐，又吃得不錯，所以我又讚又錫，甘可能姐姐看在眼中，認為我不錫距了，所以開始對弟弟不好了，又推又打弟弟，但是我無打返姐姐，只是將弟弟拉開，不讓姐姐打距，姐姐後來都有咬左我一啖，叫距錫返我同弟弟又不肯，問距愛不愛媽媽又不應，以前會錫返我話愛我的！

但是睡前，我依然錫姐姐，並同姐姐講媽媽愛距，但是姐姐無應我哆！

其實我真是好錫距地，雖然只有26個月，但是為左距地我真的心力交碎，但是姐姐甘對我，我真是好傷心，自己都哭左出來。

SandraLo，我是不是做錯左？

私人傳訊

SandraLo

珍珠宮

積分: 33215

2803^#

發表於 15-7-16 23:14 |只看該作者

XIAOYU 發表於 15-7-15 00:48
hi,sandralo!唔知你是否記得我！我仔就黎四歲，之前用妳方法贊佢，去公園前亦事先講好，佢E家成日講嘢好大 ...

XIAOYU :
佢响學校表現如何？一樣易喊？
學琴畫畫不是他自己要求的？你有没有問過他要不要？
就咁「講」打人冇玩具玩不算一個好罸則, 因為不清晰, 你也只講冇做？那即是只想嚇, 只會令他更反感同唔信你講嘅嘢, 當你唱歌！

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

HLSK

民房

積分: 16

2804^#

發表於 15-7-17 22:28 |只看該作者

你好SandraLo

我仔仔六歲現在佢有個好大問題，就係脾氣好大，佢如果完成所用功課我都放佢睇電視，但佢成日未做完都要睇卡通片，一唔比佢就發好大脾氣，重有係我一話佢做得唔啱佢就發脾氣同佢講乜都聽唔入耳，爸爸在大陸工作，好多時都不在家，我真係唔知點教佢，我都有用讚同ignore 但都係無改變佢啲脾氣,我覺得仔仔好似唔喜歡對住我,請問有無啲方法可以見議比我呢，謝謝！

私人傳訊

SandraLo

珍珠宮

積分: 33215

2805^#

發表於 15-7-18 23:40 |只看該作者

sisi2044 發表於 15-7-16 15:14
Dear SandraLo:
真是很感激收到您的回復，其實我真的很懷疑，覺得自己不是一個好媽媽，教育不好小朋友，現 ...

sisi2044 :
我明白小朋友喊得耐時媽咪有幾心痛同煩, 但若不及早處理, 佢乜都喊, 你乜都叫唔到佢做, 咁點教到佢呢？

1. 你不是成功叫弟弟用匙吃飯嗎？即是並不難搞啦, 不過有改善的地方................. 你拿走碗不给他吃, 要他明白你的要求, 又想吃, 又願意用匙, 才會就範, 若他大吵大鬧, 情願不吃, 你便沒他辦法了, 如有這些情況, 你可捉著他的手去拿匙吃, 然後讚他, 讓他知道這樣才是好行為, 會被讚許.

2. 起初幾次係會「記起」, 多讚幾次便有改變, 但要留意是否 attention seeking 的行為, 即用摸jj 來引你話他.

3. 其實佢地年纪重细, 言語能力未足夠去表達自己想要的, 便會喊咗先, 當習慣咗喊就有, 或喊就有人有特別 offer 或安撫時, 喊這個行為便被形成及「强化」了, 因此, 佢地喊並非傷心, 只是引起注意, 看看會不會由冇變有, 喊喊吓好多時亦會忘記了是為什麼喊！你說的情況 (搞地主), 其實她並没有扭要搞, 你也㳇有因她喊而讓她搞, 那便成了, 她要喊由得她, 但也不須特別不去安撫, 一切如常也可以, 嫲嫲要抱也可由她. (這和她扭要一樣嘅的處理方法有少少分別)

(待續)

私人傳訊

SandraLo

珍珠宮

積分: 33215

2806^#

發表於 15-7-19 18:08 |只看該作者

sisi2044 發表於 15-7-16 15:14
Dear SandraLo:
真是很感激收到您的回復，其實我真的很懷疑，覺得自己不是一個好媽媽，教育不好小朋友，現 ...

sisi2044,
讚是針對一個壞行為, 但不能在好行為未出現時讚定先！例如針對小朋友打人, 佢冇打人時就可以讚佢冇打人, 但弟弟不肯拿匙吃飯, 你就要等他拿起匙吃時才能讚他 (讚坐得好是可以, 若他真的坐得好, 但若他一向都沒有這問題, 又可慳番先), 你會問若他始终不肯拿匙那怎辦？那你便要「成就」他, 捉著他的手拿匙吃然後讚他, 用讚來讓他知拿匙是好行為！

你剛學用讚, 似乎是針對同一樣嘢咁讚會較容易掌握, 舉例先處理無故發脾氣, 即不順意就喊, 因為這個是隨時出現, 是影響所有嘢, 用匙吃飯那些, 若他愛吃東西, 先餵他來避免他習慣用手也可「頂」住先, 即只須先企硬不讓他用手, 遲些才要他自己吃！

就算有沒有壞行為, 睡前講故事的親子時間也是相當重要的, 幾多家務也須放下十分鐘！

哭去抱不做聲還可以, 哭著去扭些什麼真的不能给, 只能捉入房你看著他哭！

私人傳訊

SandraLo

珍珠宮

積分: 33215

2807^#

發表於 15-7-19 23:44 |只看該作者

sisi2044 發表於 15-7-16 22:50
Dear SandraLo：

另一個問題是，不知是不是因為中午時，姐姐扭我無理距，任距扭，而弟弟在姐姐隔理吃午餐 ...

sisi2044 :
這便是我之前叫你先處理一兩樣先的其中的一個原因, 事實同一時間要兼顧二人是有一定難度, 讚一個的時候, 便没法俾 attention 另一個了！
姊姊打人你當然不能由得佢, 但決不能打番佢, 因為你咁做係教緊佢可以打人！你可以捉住佢手望住佢眼講唔可以, 咬你亦係佢表達對伱嘅不滿, 如不大力, 反為可以 ignore, 當冇發生, 但以後讚一個時, 要留意另一個, 例如一齊吃飯便可一起讚.

私人傳訊

SandraLo

珍珠宮

積分: 33215

2808^#

發表於 15-7-20 00:46 |只看該作者

HLSK 發表於 15-7-17 22:28
你好SandraLo

我仔仔六歲現在佢有個好大問題，就係脾氣好大，佢如果完成所用功課我都放佢睇電視，但佢成日 ...

HLSK :
你係响乜嘢情況下讚？
是否已看怎樣用讚個 post ？
ignore 你又係幾時用？

私人傳訊

HLSK

民房

積分: 16

2809^#

發表於 15-7-20 11:35 |只看該作者

回覆：SandraLo 的帖子

本帖最後由 HLSK 於 15-7-20 11:39 編輯

謝謝SandraLo你的回覆！

我已睇咗怎樣用讚，
我會係仔仔做啱一件事情去讚佢，例如夠鐘就自己熄電視，唔批准佢做一件事無發脾氣，
Ignore就會在仔仔發脾氣時唔理佢，

但現在最大問題係我有小小野話唔得(不停要攞零食)或者叫佢做小小作業，仔仔就會有脾氣話點好解唔得或遲啲先做，我覺得而家我地母子之間關係好差，真係唔知點做先啱。

私人傳訊

SandraLo

珍珠宮

積分: 33215

2810^#

發表於 15-7-20 23:11 |只看該作者

HLSK 發表於 15-7-20 11:35
謝謝SandraLo你的回覆！

我已睇咗怎樣用讚，,

HLSK :
「話」確實係一樣十分傷感惰的事, 會令關係變差, 應該盡量避免！
一般家長都希望小朋友先完成所有功課和温習才玩, 但現時香港教育制度下功課真的不少, 小朋友在不想等咁耐才有得玩嘅情況下, 總是拖拖拉拉, 形成阿媽不斷催迫, 阿仔就極力抗拒, 不停拉扯糾纏, 结果就係功課做得不好, 玩又玩得唔暢快！如果只係功課及零食, 其實可以好簡單, 只須和他一同訂一個時間表跟住做便可：你每天和他一起將功課分幾份, 預半小時做好一份, 之後會有一小時的休息/玩時間先再嚟下一 part, 這樣他便有得玩咗先, 你可以讚多d, 又預計得到他最终可完成功課, 唔須要「話」. 零食時間和份量也可放進時間表內, 一經訂立, 切忌因佢發脾氣而改變, 若發脾氣可改變你或有好處, 當然係發咗先！零食多數是 junk food, 冇益的索性買少d甚至唔買, 買些水果乾之類, 一來没有味精不會愈食愈想食, 二來也可以给他多些.
此外, 你要找些可以和他一齊玩的玩意/game, 讓他覺得你也是一個玩伴, 唔係淨識話佢！

私人傳訊

sisi2044

複式洋房

積分: 255

2811^#

發表於 15-7-22 11:15 |只看該作者

SandraLo 發表於 15-7-18 23:40
sisi2044 :
我明白小朋友喊得耐時媽咪有幾心痛同煩, 但若不及早處理, 佢乜都喊, 你乜都叫唔到佢做, 咁點教 ...

Dear SandraLo:
很感激可以收到您的回復，呢幾天病左，所以沒上BK！

1、關于吃飯：其實孖B在吃飯方面真是改善很多，只不過有滴時候仲是會拿手來，仲會自己講：弟弟/姐姐用手來，或者弟弟/姐姐發現對方用手來，會投訴比我知，衣家我每餐飯都看住距地吃，其它野都擺低，當有以上這種情況時，我會話不對，如果真是飽飽了，媽咪會收碗，甘距地就用返匙來吃了，但是有滴時候，譬如吃：雞翅、肉塊、雞腳之類的，如果距地不講，我都是先有了不會出聲的，當沒看到，對嗎？

當然，我會在吃飯前讚距地哆，在吃緊飯中，做得好，我都會讚哆，其實我好努力在度學緊，但是我知道我做得仲未夠的。

2、關于摸JJ，我會在得閑呵尿尿或臭臭前就讚了，話弟弟/姐姐好乖，沒摸JJ，來，媽咪抱抱！因為姐姐都有樣學樣去摸了，激C，如果在呵尿尿中，沒摸的話，我又會讚，哇，弟弟/姐姐好乖，2只手仔放得好好，放在膝頭上喔，沒摸JJ喔，好乖好乖！

其實姐姐之前已經白天介左片咖啦，但是最近又不知點解，又變成在呵左尿尿之后才講，姐姐呵左尿尿了，其實情況點解會甘的，但是我都沒話距，我又用返讚，只不過同距換褲子的時候，會講，下次呵尿尿之情，話比媽咪知啦，好嗎？姐姐答：好！請問， SandraLo，我甘樣做對不對？

3、關于姐姐亂發脾氣時，不須要特別不去安撫嗎？意思即是，如果距扭緊，哭緊，我不使話不理距，如果到時候吃午餐了，也可以叫距吃午餐？如果到時候呵尿尿，也要如常叫距呵尿尿嗎？因為我看過您寫的，如果哭或扭時，將言語減低到最少，最好不好講話，所以我真是一句話都不講，也不直視距?

其實距哭哭下，真的會忘記自己要扭要什麼的，通常最后都會變成，媽媽抱吖，媽媽抱吖，甘呢個時候，我要不要抱距呢？如果可以抱，是不是就只是抱住姐姐，一句話都不講，其實我暫時都是未抱的，呢個時候，姐姐見我不理距，也不抱她，多數會扭要嬤嬤抱的，甘嬤嬤應該怎么做呢？是不是也可以抱？但是也不好講話？甘幫距擦下汗換下衫呢，可不可以呢？

4、對于讚的使用，我真是沒熟練，但是我會一直看返您之前的post，做返筆記的，放心！

好，甘我就首要處理姐姐的無故發脾氣與打弟弟了，其它之前姐姐沒打弟弟的，自從果次我不理姐姐時，但是又在距的面前讚弟弟時，或者與弟弟搶玩具時，就打或推弟弟了，

所以我有照做，姐姐打人，我點都會忍住，不打返距，同距講不對，而且我會在姐姐打左弟弟后，叫姐姐錫返弟弟，同弟弟講對不住，但是似乎沒見到效果，還是會時常打或推弟弟，弟弟也是很好，姐姐打距，弟弟從來沒過手，我叫弟弟原諒姐姐，弟弟也點頭話：好，但是在爭玩具時，會互不禮讓，甘我應該點解決爭玩具呢個問題呢？對于姐姐打弟弟或推弟弟呢種行為，我的處理做理對不對呢？ SandraLo，我有沒有要改善的地方呢?

好似今天甘，姐姐又打弟弟了，我就抓住距的手，同姐姐講不對，然后放開姐姐的手，安撫返弟弟，點知我一放開姐姐的手時，有滴沖力，姐姐摔親，這時姐姐又哭又扭抱，話要媽媽抱，我只是對距講多一次，姐姐打弟弟是不對的，然后沒應姐姐的要求抱距，姐姐哭左一陣就沒哭了，這樣對嗎？

是吖，我現在努力的學習緊讚，有好多時候要兼顧2個，都會盡量在讚弟弟時，又讚姐姐的。

5、另有一個問題是，家庭即將添多一個小弟弟，距地要做姐姐哥哥，我要不要點樣處理，我怕小弟弟出生后，我對距地的關注會減少，我怕距地2個會吃醋，會不鐘意小弟弟，我要在事前做滴物野以防止這樣的情況出現呢？

很感激 SandraLo在我最近的問題里，對我的幫助，感激不盡，愿 SandraLo一切順利，一生平安！

私人傳訊

糖果媽咪518

別墅

積分: 549

2812^#

發表於 15-7-22 13:19 |只看該作者

回覆：小朋友大脾氣,可以點教 Part III

SandraLo 我跟左你既貼都有一段時間了一直都冇下定決心黎向你請教因為我啲小朋友問題太多亦都令到我十分煩躁無奈我有兩個女女一個四歲半一個兩歲兩個月家姐由細到大都系嫲嫲湊大直至三歲讀書先送翻黎比我湊大女有陣時我會覺得點解心腸甘毒，佢會覺得妹妹有陣時阻住佢會推佢落地甚至有一次係沙發度推妹妹落地我好嬲佢平時好小事就會發\"燜陣\" 發脾氣遇到問題就發脾氣或者一有事就張大嘴巴喊同佢好好地講佢會得戚，平時對佢好少少佢會直接爬上我頭個度我真系唔知點解佢會咁而且一日都黑未停過講野，即使冇話題佢都會特登亂up 同你講野甚至出街佢可以由出門口不停講講到翻屋企到夜晚例如，出街既時候佢會不停甘媽咪啊你呢，生日呢，有冇食糖果啊？呢句野係佢經常講仲有好多無厘頭既野會令人覺得好心煩甚至噤唔停佢平時同妹妹會搶野妹妹搶佢既佢會歇斯底里甘不斷用手去搣妹妹塊面跟住阿妹就會直接反擊去咬家姐跟住家姐就會大喊我都同家姐講過阿妹細你唔讓佢佢會咬你不如你搵過其他野玩啦做家姐永遠唔會讓住家姐因為妹妹到宜家兩歲多啲都未識得講野都唔知佢會唔會明白我話佢家姐既問題太多一日都黑冇時停係屋企可以大聲高歌大叫係門口跳都上沙發跟住再跳埋上窗臺我真系唔知我可以點教打又打過打到就死佢都唔記得我因為乜嘢打佢轉個頭就乜都唔記得宜家唔打佢但係佢就當我講野冇到有陣時當聼唔到我實在一啲辦法都冇佢嫲嫲係度既時候我覺得佢會比較聽話唔知系咪因為細個唔係我湊既原因相反妹妹就做錯野一叫佢佢就會唔做妹妹細個係好乖好安靜既宜家慢慢大跟住家姐學到都好調皮唉我自己知道自己我對大女既愛的確係冇甘多我甚至覺得自己唔愛佢同細女相比我真系偏心但妹妹做錯事我都會話我一個人湊兩個女女先生返工屋企冇長輩既黎緊個工人姐姐就黎佢地甘樣我好驚遲啲我唔系屋企個工人會受唔住佢地我好無助好焦慮

私人傳訊

SandraLo

珍珠宮

積分: 33215

2813^#

發表於 15-7-22 23:04 |只看該作者

本帖最後由 SandraLo 於 15-7-22 23:12 編輯

sisi2044 發表於 15-7-22 11:15
Dear SandraLo:
很感激可以收到您的回復，呢幾天病左，所以沒上BK！

sisi2044 :

1. 譬如吃：雞翅、肉塊、雞腳之類的，如果距地不講，我都是先有了不會出聲的，當沒看到 ~~ 你意思係見到他們用手扮看不見？又不用如此, 因用手吃雞翼沒有不對, 如他們已學到「不好用手」, 你扮見不到唔糾正就可能令佢地認為你見不到便可以做, 或者要偷偷摸摸的做, 搞亂佢地到底啱定唔啱, 如担心令佢地混淆, 可以先將肉塊剪细, 成就佢地全部用匙, 到一切穩定才加入「有骨的可以用手」！

2. 冇問題喎

3. 如你故意不理他, 嚴格嚟講不是 ignore, 係罸, 罸他應該有的都得不到, 那罸到幾時才完？罸是有時限的 (例如罸 naughty chair 3分鐘), 同要先俾小朋友知佢做錯乜會被罸d 乜, 不能没完没了的罸！有關罸遲一步再教, 暫時 ignore 已夠.......... 簡單講, ignore 佢喊就即是唔當佢喊緊, 一切如常, 因佢冇扭要d 乜, 表示不滿發脾氣, 你唔理佢就唔會發, 但你特意唔啋佢反為俾咗 attention 佢, 佢遲d 亦會學咗唔啋人.

(待續)

私人傳訊

SandraLo

珍珠宮

積分: 33215

2814^#

發表於 15-7-23 23:43 |只看該作者

sisi2044 發表於 15-7-22 11:15
Dear SandraLo:
很感激可以收到您的回復，呢幾天病左，所以沒上BK！

sisi2044 :
(續昨)

4. 絕不可打番姐姐！因你咁做係教緊佢邊個惡d 强d 就可以打人！查實姐姐打人行為幾明顕係 attention seeking, 暫時情況都唔好用罸住, 因罸都係俾緊 attention, 佢一樣會打, 用讚嚟俾 attention 係最好, 可强化好行為.
爭玩具是全世界所有兄弟姐妹都會發生的, 可以的話每人一份, 到他們很想玩別人的玩具時, 自然會考慮拎自己的出來交換！
如姐姐因你而摔倒, 你也要說對不起啊！

(明續)

私人傳訊

yoyo_num

大宅

積分: 1568

2815^#

發表於 15-7-24 09:05 |只看該作者

引用：SandraLo 我跟左你既貼都有一段時間了一直

原帖由 糖果媽咪518 於 15-07-22 發表
SandraLo 我跟左你既貼都有一段時間了一直都冇下定決心黎向你請教因為我啲小朋友問題太多亦都令到我十 ...

Sandra, 我對住個囡嘅感覺同糖果媽咪一樣，我囡四歲幾，一唔順意就發惡，大聲講嘢，用返大人口吻話返你同喊，過去幾個月差不多日日都喊，之前都叫做話得吓，但喱三個月因屋企裝修，所以到姨姨屋企住，姨姨從來有求必應，所以我覺得阿囡仲放縱咗，對嘅人又多咗，婆婆舅父，因有時晚飯一齊食，我唔知會唔會生活模式唔同咗而令佢曳情緒上咁，不過佢喺婆婆度會好正常，唔會有喱啲行為，因為佢話驚舅父，由細到大喺婆婆度佢都唔會有以上行為，會好乖巧，同埋佢好張面子，對唔同嘅人會有好唔同嘅表現，但好多時我覺得佢都係好反叛。又成日都要揀衫著，揀扎邊辮，就喱啲事上都攪得好不愉快，有試過前一日講好著乜，第二朝又來揀過，我堅持唔俾，結果又好不愉快。待續

私人傳訊

yoyo_num

大宅

積分: 1568

2816^#

發表於 15-7-24 09:45 |只看該作者

yoyo_num 發表於 15-7-24 09:05
Sandra, 我對住個囡嘅感覺同糖果媽咪一樣，我囡四歲幾，一唔順意就發惡，大聲講嘢，用返大人口吻話返你同喊 ...

我之前都有睇過你嘅post都有用過讚同ignore, 佢喺姨姨度表姐唔分享玩具佢時, 佢又發嬲, 鬧表姐, 我捉佢入房同佢相對, 佢大喊, 我無理佢, 喊喊吓佢有時會sorry mami, 但喱啲情況真係好常發生, 佢嘅態度, 咀臉都令人討厭, 佢腦袋轉得好快, 有時佢要求一樣嘢時, 我話唔好, 佢都會識講咁好啦, 我唔要啦, 我唔食啦, 咁我都會讚佢啱喇. 我覺得佢係受軟唔受硬嘅人, 因我一發火, 佢情況就越壞, 上星期開始, 由麻麻湊返佢, 麻麻係出世已開始湊, 但麻麻覺得對佢係唔可以軟, 我都明湊法唔一樣亦是一個問題. 可能麻麻日日對住佢, 我囡又多手, 同好手快, 屋企嘢乜都攪, 好難用軟. 但麻麻果套鬧鬧鬧, 同埋講好多負面嘢, 我覺得都對佢行為有影響, 你覺得呢? 喱兩, 三個月確係令我好苦惱. 好多時同佢傾計講道理佢好明, 問佢邊啲做得唔啲唔得, 佢亦好識講, 但佢講同做係兩回事. 好多時佢一唔順意發惡, 大聲我都不斷提佢, 冷靜啲, 你講咁大聲係聽唔清楚. 平時亦不斷提唔好嘅行為唔好做. 我應點處理佢嘅態度同行為呢? 我囡亦係驚爸爸嘅, 所以爸爸喺度時佢表現又會好啲.

私人傳訊

SandraLo

珍珠宮

積分: 33215

2817^#

發表於 15-7-24 17:59 |只看該作者

sisi2044 發表於 15-7-22 11:15
Dear SandraLo:
5、另有一個問題是，家庭即將添多一個小弟弟，距地要做姐姐哥哥，我要不要點樣處理，我怕小弟弟出生后，我對距地的關注會減少，我怕距地2個會吃醋，會不鐘意小弟弟，我要在事前做滴物野以防止這樣的情況出現呢？

sis2044 :

這個就真不容易處理了, 年齡相差似乎較少............ 小弟弟出生時他們會幾大？可以先做下面幾樣：

1/ 爸爸雖然要上班, 但放工後都必須幫手, 那樣他們才不會太痴你, 幫法是特定一段時間和他們玩, 你最好不在場, 例如晚飯前或後, 但須在睡前起碼半小時玩完.
2/ 如他們再細個些時拍的 video, 可播給他們看, 讓他們知道bb 出世要吃奶, 換片等等, 媽媽會很忙, 他們做哥哥姐姐也要幫少少手.
3/ 坊間/圖書館應該有些相關的故事書, 例如迎接弟妹的, 可在故事時間和他們講, 同時也揾定一些預備上學的書, 替他們返學作心理準備, 免得他們誤會因為有小弟弟才要離家上學.
4/ 如家中有工人姐姐幫手的話, 也要預留一段時間要工人放下所有家務和小朋友玩, 這段時間不須要很長, 廿分鐘便夠了, 讓小朋友容易和工人熟絡, 也讓工人成為小朋友的一個玩伴陪他們玩！

私人傳訊

SandraLo

珍珠宮

積分: 33215

2818^#

發表於 15-7-24 18:04 |只看該作者

糖果媽咪518 發表於 15-7-22 13:19
SandraLo 我跟左你既貼都有一段時間了一直都冇下定決心黎向你請教因為我啲小朋友問題太多亦都令到我十 ...

糖果媽咪518 :
你話跟咗我d post 一段時間, 咁你有冇用過讚呢？一日讚得到幾多次？家姐在學校表現如何？

私人傳訊

糖果媽咪518

別墅

積分: 549

2819^#

發表於 15-7-24 19:07 |只看該作者

引用：Quote:糖果媽咪518+發表於+15-7-22+13:19+S

原帖由 SandraLo 於 15-07-24 發表
糖果媽咪518 :
你話跟咗我d post 一段時間, 咁你有冇用過讚呢？一日讚得到幾多次？家姐在學校表現如何？
...

有啊平時佢做的乖我會讚家姐家姐好乖啊叻叻發脾氣喊我會唔理佢係學校情況都系學期中老師投訴家姐會叉住腰閙人，下學期老師就話好易喊想做乜要乜都會喊住口甘講

私人傳訊

SandraLo

珍珠宮

積分: 33215

2820^#

發表於 15-7-24 19:37 |只看該作者

yoyo_num 發表於 15-7-24 09:05
Sandra, 我對住個囡嘅感覺同糖果媽咪一樣，我囡四歲幾，一唔順意就發惡，大聲講嘢，用返大人口吻話返你同喊 ...

yoyo_num :
其實你個 case 會易搞過糖果媽咪幾多, 因為你只須對一個, 而佢同一時間要兼顧兩個, 你亦毋須處理妒忌的問題！
先問：是否已看怎樣用讚個 post ?
你每日大約會話囡囡幾多次 (如你全日同佢一齊)？除咗話有冇罸過？
佢響學校學習ok ? 有冇唔專心？
你同佢玩會玩d乜？玩乜嘢佢係最開心？