人地話陣痛係成個肚都會痛，我就由下面開始痛到腹部中間同條腰，其間護士長黎check胎心跳，仲話痛廿秒只係R痕:;pppp: 
之前我一直諗住可以唔做無痛就唔做，但落到產房我痛到第一件事就叫「我想做無痛」，D姑娘就幫我抽血同俾笑氣我聞，我一邊吸笑氣一邊叫可唔可以打電話俾我老公，之後就吸笑氣吸到幾乎神智不清，連無痛分娩都做唔切老公就入得產房，佢入到黎我都冇精神叫佢，只知每次好好好急大便我就忍唔住痾，但一痛我就下意識地想合起雙腳，然後姑娘同老公就話我，因為咁會搞到阿B個頭出唔到黎，push左唔夠廿分鐘（老公話我知），阿B就出左黎，時間係十點四十六分。但我只感到跨下有一團暖暖的物體，之後就聽到幾下喊聲。一時間我冇咩好溫馨好感動既感覺，只覺得成個人輕鬆哂，舒服哂。唔知係咪因為腎上腺素急升，生完之後好精神仲可以一邊「生」胎盤同縫針一邊同姑娘吹下水，之後仲有個姑娘好好人抱阿B過黎幫我擠左半個鐘人奶餵阿B。果然剪會陰時唔太痛（姑娘會趁你陣痛時剪，陣痛仲痛過佢剪），縫傷口就有D痛。
好心痛。屋企得我同老公照顧阿B，頭兩日我地完全無覺好訓，但宜家阿B入返院可以俾我地休息一下，我又好唔捨得，尋晚仲喊左出黎，可能真係hormone影響。
發表於 
返回列表
