哈哈~~~!!!我呢幅大頭相已經'整蠱'過其他媽咪... 
個個都異口同聲都以為幅相係我個仔甚至係我細個嗰陣時~~~!!!我同個仔咁好才華又有米就好喇~~~!! 
可惜我地唔係周杰倫~! 你囡囡都好犀利!咁細個可以學咁多嘢!如果佢鐘意跳芭蕾舞既話,你都可以繼續俾佢學落去既!話唔定佢第日真係跳得好好呢~~~!!!鴨;) 寫道:
band:
笑死我,我初初睇錯,以為妳話"個bb係周杰倫架"(睇漏左個"黎"字), 我仲諗:"o下!乜周杰倫生左bb咩?我咁背既??"
記得20歲左右返第一份工做clerk,果時成日lunch唔覺餓,食一包熱浪加檸茶就當一餐,結果好快搞到自己成日胃痛,時至今時今日都仲會發作....妳小心呀,真係唔好成日食薯片當正餐啊!遲下做全職媽媽,可以煮阿仔飯時又煮埋自己,兩份食~ 滾下菜湯真係幾好,又甜又唔肥膩 :mrgreen:
屎啦,我女冇學鋼琴呀!佢岩岩讀完k1,好似對音樂冇乜興趣,淨係學芭蕾舞(但都係玩玩下),下年報左學校學口風琴同粵劇.
我自己細個都有學過下鋼琴,但過來人睇,學鋼琴真係細細個學起好d,因為手指會靈活得多,我學果時已經六年班,算好大喇,手指真係唔夠靈活,彈得好吃力. 結果移民後冇興趣再學....覺得自己練來練去,d手指都唔夠靈活..... :cry:
其實妳不如睇定d,睇下仔仔係咪真係有興趣學先,當年我媽俾我同我妹兩姊妹去學,我個妹學左幾堂,就喊住唔肯再學.
妳就好啦,有表妹教,一定平過外面又有心機教 :mrgreen:
bandband 寫道:
遲吓如果見佢學得掂鋼琴,我諗住要佢學埋大提琴...可能你會覺得我大想頭/迫得個仔太緊要,但係,你知啦,我個仔既問題...我怕佢咩都學唔成,大個咗真係無一技之才嚟養自己,見佢都鐘意音樂,俾多條路佢,等佢萬一真係讀唔成書,都可以教吓人地樂器或者學似佢爸爸咁作吓曲...總好過無...不過我都少少怕自己支持唔到,但為咗個仔,我會捱落去~~~!!!
咁樣,我同個仔都識得彈琴...正! 唉...總之就頭痕係啦...鴨;) 寫道:
容許我粗俗一下先:
"鑊鑊新鮮鑊鑊金"呀~ :-(
呢套係今日上演正場...
阿囡第三鑊又黎啦...繼六月大病兩場後,尋晚起,佢...出水痘 :-( :-( :-( 佢兩歲時已經打左水痘針,但係都出...我都知打左水痘針唔係等於一定唔出,而係出既時候冇咁辛苦. 我諗就係因為打左,佢而家出左二十幾粒,但都唔係太犀利,有幾粒有大水泡,其他都係紅左一粒 :cry: 仲有少少燒. 最驚佢口生飛滋,好痛架.
我既annual leave已經俾佢上個月大病兩場時用得七七八八,今次真係唔可以再放假...平日返工會送佢去奶奶度,但奶奶度仲有姑奶個仔(兩歲),而家唔可以送佢過去啦...唯有叫左我媽下星期每日過黎幫我湊女
報左既暑期班,swimming class, 芭蕾舞...全部冇得去. :-(
鴨;) 寫道:
都好呀,我都贊成俾小朋友試多d,每個人都有唔同才能,唔試下點知邊樣岩自己,有得發揮呢?
我真係覺得唔係人人都岩讀書,有好多才能同讀書冇關,所以讀書成績唔可以作為衡量一個人既準則,行行出狀元
之前睇情迷黑森林,真係想學整蛋糕...哈哈,多一技之長都好 :mrgreen: (不過諗下o者,而家公司又多野做,返去仲要湊女,邊有時間學)
多飲水~
最後三日俾個難忘既回憶妳 冇熱水,拿拿聲同阿囡沖完就算,但係冇風扇冷氣真係超級難頂 
仲要出面雷聲霍霍,唔敢開窗 
好彩幾個字後有番電,岩岩好醫道做完做歌仔 (本來我6緊架,冇啦....) 
放工落到街,簡直完全覺得係秋天!非常之涼快! 可想而知我間房係幾咁熱~~~!!! 家吓望都望聽朝黑雨,等我唔駛番去焗,又有人工逗!!! 等我同亞仔都聰明啲同精靈啲嘛!市面上有啲都唔會太貴,我囝囝食嗰隻係GNC FISH OIL 1000,佢間專門店响時代廣場地庫,佢大減價起上嚟每樽九十粒都只係八十九蚊左右,你得閒可以買番樽試吓! 大家都要小心身體喇!鴨;) 寫道:
hello各位:
蔥蔥留幾隻字先
幾日冇上黎,因為對眼又唔舒服,做左lasik一年半左右,開始有少少後遺症(我估係),就係成日眼乾,我又成日冇記性,一做野就乜都唔記得,應該勤d滴人造淚水,但我就好少做...結果對眼乾得滯,一見強光(電視呀,mon呀呢d)就劇痛加流眼水,所以呢幾日我除左公事,都唔敢用電腦,俾對眼休息下...連睇電視都要有限度咁,睇一陣就好休息 :cry: 今日好番d啦,但都係留完言俾妳地就走 :mrgreen:
christy,小心身子
band:
咁慘?冇冷氣真係好難頂,好似焗爐
頭先同阿囡沖沖下涼,忽然成座大廈停電
發表於 
返回列表
