影視娛樂 今日: 10 | 主題: 16126

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

281^#

發表於 15-10-10 15:11 |只看該作者

41集看點
（3）靜妃封貴妃
梁帝線眼報俾佢聽皇后乘機借越貴妃打壓靜妃，於是決定將越貴妃降為賢妃，靜妃封為靜貴妃，以後後宮就係皇后之後第二把交椅。靜妃乘機幫惠妃母子搏皇上求情，結果梁帝起用三皇子景亭去審懸鏡司一案，又保有皇家面子，又確保唔會偏幫譽王。

靜妃手段之高乃係唔爭取，直情係叫皇上唔好俾咁多嘢佢唔好太錫個仔，唔係話驚人妒忌，而係話福薄受唔起，講到升嬪位又係擺出姿態想推，反而令粱帝為咗令佢唔委屈而硬賜俾佢。我認為父妻感情總有，但皇后中妃嬪咁多，寵愛又幾長久？靜妃心性比較淡然，唔係唔識玩手段，但佢唔係心狠手辣，不擇手段嘅人，咁耐以嚟佢對手下宮人都好好，就算小新背叛佢都冇話利用完就反口殺人。幫惠妃都係出於好心，既然可以幫佢一把又何樂而不為。

花旗太太生活在花旗國，留意時差，你問我未必即時答到。

私人傳訊

積分: 174325

282^#

發表於 15-10-10 15:29 |只看該作者

41集看點
（4）蒙挈獄中探夏江
夏江一直以為只要皇上見佢就有機會，呈上口供時都提到長蘇係祈王舊人，以圖令梁帝猜忌，咁佢或有機會脫身，點知蒙挈將火藥痕跡抹去，兩個聽命少掌使因為講錯嘢被杖斃。

夏江雖則意識到機會渺茫，但都未肯放棄呼冤，俾蒙挈嘲笑佢係主謀喊冤。蒙挈勸佢不如認罪，順便將咁多年以來做嘅壞事都一拼招供，以免成為下一世嘅罪孽。

夏江求証，唔信長蘇烏金丸毒係唔係已解，蒙挈話如果未解的話，夏江而家一家身首異處，就係一個蒙挈都唔會放過佢啦。

呢場蒙大統領氣場好大，佢果股正氣，大義凜然，為朋友可以兩脅插刀，在所不持，佢忠君愛國，以保衛大梁為己任，對比夏江心狠手辣，忘情負義根本係一明一暗。陳龍呢場戲有好豐富面部表情，將大統領嘅氣概表現無遺，平日喺皇上面前頭腦簡單，但其實係大智若愚。

王永泉呢場戲都有好表現，雖則已成階下囚，不竟機會仲有，佢以為佢清楚梁皇，只要有機會俾佢見到皇上就可以扭轉局面，可惜佢唔係完全了解梁帝，亦唔知梁帝都好了解佢，當信任唔再存在，好多就算係事實都有人會信。

花旗太太生活在花旗國，留意時差，你問我未必即時答到。

私人傳訊

積分: 174325

283^#

發表於 15-10-10 15:40 |只看該作者

41集看點
（5）梁帝欽點靖王去請教梅長蘇
梁帝對蔡荃審理嘅私炮坊案好滿意，另外問靖王有冇訪會過梅長蘇，靖王話長蘇有病不得其門而入，平時都只係過年做例禮，俾梁帝話佢唔識禮賢下士，要自己為靖王籌謀，靖王提議帶同蔡荃同沈追去討教學問，其實靖王係為梅長蘇入仕途舖路。

呢場靖王叫做可以接受，不過差在做唔到靖王扮傻唔知梁帝講咩，而佢表現係真蠢咁，呢段唔需要太大技巧嘅場口就勉強收貨。沈追呢個演員其實都做得唔錯，佢而家表現個角色係知道官場要圓滑，好多時身不由己，佢母為郡主，屋企有錢唔駛貪，不過佢都忌憚其他人情世故。

花旗太太生活在花旗國，留意時差，你問我未必即時答到。

私人傳訊

積分: 174325

284^#

發表於 15-10-10 15:44 |只看該作者

41集看點
（6）後宮新氣象
譽王被貶為雙珠親王，加幽禁三個月。

越貴妃降位為賢妃，靜妃升為靜貴妃，加一品官銜，惠妃為佢開心偷笑，好JM終於熬到出頭啦。

花旗太太生活在花旗國，留意時差，你問我未必即時答到。

私人傳訊

積分: 174325

285^#

發表於 15-10-10 15:55 |只看該作者

本帖最後由 rose-mag 於 15-10-9 23:58 編輯

41集看點
（7）靖王探長蘇
靖王懷疑衛錚被安置在穆王府，想向穆青打聽，但穆青巧妙避開。

唯有帶沈追同蔡荃拜訪，以請教為名，想私下問長蘇，不過長蘇冇俾機會佢問，一心同兩名朝官分析情勢。

當中提到選中正官，各人都頭痛唔知選邊個好，因為要心志堅定又不能官階太低，要震得住其他官員，中正官要選拔朝廷新任官員，不可為種種因素影響。沈追指出唔只係權力貪污，地域、出身、故舊、姻親同師門都會影響中正官及18名副中正官嘅觀點。當各人都頭痕冇好嘅中正官時，長蘇提出已年屆75嘅閣老程知忌。。。唉，在朝中嘅都唔識，要一個冇官位又唔係朝官嘅謀士去教佢地，宗主嘅理想國依然係離得好遠好遠。

花旗太太生活在花旗國，留意時差，你問我未必即時答到。

私人傳訊

積分: 174325

286^#

發表於 15-10-10 16:10 |只看該作者

41集看點
（8）蒙統領造訪蘇宅
呢段加入笑點同溫情，蘇宅成班活寶，飛流要同蒙統領較量，蠃咗至俾蒙挈入去，當然飛流暫時未蠃到蒙統領。

加插宗主戲弄晏大夫，宗主變番林殊，鍾意玩，而家就算無可能練武功，但睇住飛流同蒙挈玩都開心，只要點到即止就係。甄平平時一定俾飛流嫌棄，飛流只對強過佢嘅人有好感。

蒙挈提到靖王話要帶朝臣去同長蘇請教，長蘇知道靖王想為佢入仕途舖路，只要成為儲君後，長蘇呢個謀士就唔知何去何從，靖王為佢舖將來嘅路，長蘇好明白，但佢一心完成心願後就走，唔再留低，一切都會消失。

花旗太太生活在花旗國，留意時差，你問我未必即時答到。

私人傳訊

積分: 174325

287^#

發表於 15-10-10 16:18 |只看該作者

41集看點
（9）滑族最後反擊
秦般若去見譽王，發覺佢一闕不振，覺得大勢已去，唔再有希望入主朝堂，成為儲帝，佢話已經爭咗10年，已經太攰，唔想再爭，做個雙珠親王就算。譽王真係鍾意秦般若，問佢仲會唔會嚟，般若始終都係一名謀士，冇嘢再籌謀的話，佢嘅價值都消失，而且佢一心復國，之前都係互相利用。

秦般若去大牢探夏江，講佢知長蘇冇死，而譽王已經一蹶不振，夏江叫般若打開璇璣公主個錦囊，發現一個大秘密，呢度連落去第42集。

其實王鷗唔化果個好得人驚嘅紅色眼線粧，輪廓都叫幾靚，不過有冇整過就唔知啦。

花旗太太生活在花旗國，留意時差，你問我未必即時答到。

私人傳訊

積分: 174325

288^#

發表於 15-10-10 16:36 |只看該作者

41集總結：呢集好多嘢講，宮廷前後都有改變，後宮位份轉變，靜妃成為新寵，皇后諸般打壓反令佢上位。靖王理解自己誤會長蘇後，都想為長蘇未來舖路，但宗主一心完成心願及扶植靖王後就走，從此消失於金陵城。

夏江雖知大勢已去依然心不死，42集會揭開一個天大秘密，計劃孤注一擲反擊。

呢集夏江同蒙統領獄中對話幾精彩，兩個好戲之人有來有往，雖則短少少都好表現到代表一正一邪嘅對比。

好鍾意蘇宅嘅溫馨場面，飛流加蒙統領、宗主萌萌三人組，成日製造暖點，如果宗主可以唔死就好，宗主走後好多人傷心，包括我。

胡歌呢集有挑皮一面，一方面戲弄晏大夫，另一方面又驚佢。去到而家宗主好多表情變化，佢心中除咗要雪冤外，跟靖王越來越來往得密，情緒起伏更大。今集cap咗好多圖，宗主真係好多心思，睇到一兩秘內表情變化。

花旗太太生活在花旗國，留意時差，你問我未必即時答到。

私人傳訊

積分: 174325

289^#

發表於 15-10-10 16:37 |只看該作者

真係手軟，42集要瞓醒而寫啦。

花旗太太生活在花旗國，留意時差，你問我未必即時答到。

私人傳訊

積分: 28097

290^#

發表於 15-10-10 17:04 |只看該作者

rose-mag 發表於 15-10-10 16:36
41集總結：呢集好多嘢講，宮廷前後都有改變，後宮位份轉變，靜妃成為新寵，皇后諸般打壓反令佢上位。靖王理 ...

呢集覺得萌大哥突然聰明左好多！開左竅喇！定喺宗主教佢既呢。

宗主同靖王、2個大臣開會果場，靖王就好似旁聽生咁，宗主就真係好似話事人咁，唉，宗主先喺最適合做皇帝噶！講到程大人個名，果3個人如果覺得愕然，我都可以理解，但居然好似連人地喺邊個都唔知道，咁就真係失敗啦！唔通想突出佢地唔搞黨爭，唔籠絡群臣？但係如果有心要爭位，唔去籠絡人，都要摸清人地個底，摸清人地D口風，甚至要揸住人地D把柄。如果對D人咁唔熟悉，剩低果18個副手，都唔知佢地點揀出黎！

宗主身體一好D，就嘴硬喇，D調皮野就會出黎，佢圍觀萌大哥同飛流對打，講果句“讓他們再打會！”，我覺得語氣用得好好，又MAN ,又乾脆，跟住解釋個原因，有道理得黎，又幾搞笑，呢一刻就好似林殊喺眼前咁。

可以舉例講下宗主1、2秒內表情變化嗎？

私人傳訊

phoenixho

男爵府

積分: 7180

291^#

發表於 15-10-10 20:56 |只看該作者

回覆：有無人睇琅琊榜？

今晚好睇

戰況激烈
直播唔太暢順卡卡地一定要返睇

私人傳訊

積分: 28097

292^#

發表於 15-10-10 21:33 |只看該作者

phoenixho 發表於 15-10-10 20:56
今晚好睇
戰況激烈
直播唔太暢順卡卡地一定要返睇

果場20分鐘既攻城肉搏戰，聽說拍左7日。

私人傳訊

phoenixho

男爵府

積分: 7180

293^#

發表於 15-10-10 22:18 |只看該作者

引用：Quote:phoenixho 發表於 15-10-10 20:56 今

原帖由 hugoma2015 於 15-10-10 發表
果場20分鐘既攻城肉搏戰，聽說拍左7日。

原來係咁唔怪之得啦

靜妃今集既感染力

拿捏到位起碼觸動到我

私人傳訊

積分: 28097

294^#

發表於 15-10-10 23:11 |只看該作者

phoenixho 發表於 15-10-10 22:18
原來係咁唔怪之得啦
靜妃今集既感染力拿捏到位起碼觸動到我

呢場戲之前有人偷拍左視頻擺上網，我睇過，2個都演得好好，我都覺得佢真喺好肉赤小殊……

等聽日睇真D，再寫感受

私人傳訊

積分: 174325

295^#

發表於 15-10-10 23:49 |只看該作者

hugoma2015 發表於 15-10-10 01:04
呢集覺得萌大哥突然聰明左好多！開左竅喇！定喺宗主教佢既呢。

宗主同靖王、2個大臣開會果場，靖王就好似 ...

我覺得大統領平時唔係真蠢，佢都有智慧，唔係點帶禁軍，練兵都要講謀略，只係對比宗主，佢心思冇咁細密，而且根本宗主就係一個天才，從前得大智者傾囊相授，加上父親林帥調教（以前蒙統領都在其麾下），自是高幾班，但唔代表蒙統領蠢，只係佢自己一向心性較大，對住宗主更係唔需要用任何算計，但可以喺皇后生活十幾年，可以取得多疑嘅梁帝信任，佢嘅手腕亦不簡單，但佢唔同夏江，蒙統領光明磊落，對梁帝心性清楚，雖不值佢對赤焰軍及祈王所為，但梁帝其實亦唔係昏君，問題係對幾個兒子嘅調教都運用到權術，早已捨去父子呢一層親密關係。萌萌呢番話我覺得大部份係佢自己嘅，宗主喺之前都可能曾經同所有人分析過，但呢段係佢喺長蘇被救之後，佢未再見到長蘇，究竟有幾多係長蘇教就不得而知。

議事呢段有D敗筆，靖王、沈追同蔡荃將會成為日後朝堂骨幹，沈追同蔡荃雖為新上位，但以前喺朝中一段日子，冇理由可以咁冇用，無錯佢地好明白中正官指派嘅利弊，亦知此乃燙手山芋，個個想染指又個個想推托，正如沈追所講，自己有心但無力，以避人情世故，還是躲開好D。蔡荃嚴正，可惜過剛，就算佢做都只係一個位，而且未夠資歷。我覺得呢度要處理得好D，編劇應該講多幾個朝中可用之人嘅名，但就各有所缺，起碼唔會覺得呢個朝堂係一個爛攤子，以我所見，當中都有好人，就好似沈追話柳尚書叫佢轉告靖王：登高易跌重，呢個柳尚書可以出言提點，亦應不為壞人，只是因為其他原因而不得不向現實低頭，呢D人其實可以用，只係要一個領頭人。咁如果當宗主提出用程知忌時，佢地可以唔咁白痴完全唔知的話會好好多，應朝中可以用嘅人都唔清楚底細，以後何以治國？唔通一直都依賴梅長蘇咩？而家似係成班年老練習生做緊實習咁，有D令人擔心，比起譽王，靖王除咗品格同武藝之外，根本都仲係差好遠，唔怪得當初梁帝有心俾機會譽王。

呢集宗主表情變化都唔算太明顯，42集會更清楚一D，我cap咗二百幾張圖，幾乎成套戲主要分鏡都cap晒，呵呵

。不過呢集可以留意蒙統領去蘇宅果段，晏大夫未出現前佢係好輕挑好瀟灑，見到晏大夫好似見到鬼咁，俾晏大夫話要飲晒都唔敢駁嘴，係飲完之後又小殊上身戲弄晏大夫，晏大夫行開佢又回歸玩心。後來同蒙挈果一段說話，睇到一D心理變化，係好細微嘅，可以見到佢開心，因為靖王始終都係蕭景琰，佢唔會過橋抽板，已經為宗主打算以後，呢樣係值得欣慰嘅，好友多年不變心性。同時宗主亦都好無奈，因為既然心意已了，佢就唔想再留戀金陵呢個充滿傷痛回憶之地，雖然有過煙花燦爛，童少時光歷歷在目，心中難免有所慽然，離開可能對佢較好，要分開實在係唔想，但再留低代表要繼續佢權謀生涯，佢已經撐咗十多年，實在太累啦，無論結局宗主有冇死（我見到一個畫面，可能最後真係有伏筆，宗主冇死，只係留喺琅琊閣或者係江左盟某地），呢段都講咗佢無意再留低。

花旗太太生活在花旗國，留意時差，你問我未必即時答到。

私人傳訊

積分: 28097

296^#

發表於 15-10-11 00:09 |只看該作者

rose-mag 發表於 15-10-10 23:49
我覺得大統領平時唔係真蠢，佢都有智慧，唔係點帶禁軍，練兵都要講謀略，只係對比宗主，佢心思冇咁細密，而 ...

喺皇帝身邊甘多年，萌大哥都有翻咁上下既。其實佢最蠢果次都是唔明點解要多謝高公公姐，不過果次，實在太高深啦。

唔知點解睇小說既時候，是對以後靖王同佢既班子越睇越有信心。但是電視劇就無咯。見到靖王好似旁聽生咁坐一邊，好多野都後知後覺咁，我就暈了。

你講過段視頻，前幾日官微放左出黎，話是進金陵之前的江左盟日常生活片段。所以相信宗主都係會死噶了。

私人傳訊

積分: 174325

297^#

發表於 15-10-11 00:41 |只看該作者

42集看點
（1）譽王身世之秘
璇璣公主個錦囊入面原來會一封信，由譽王親生母親滑族玲瓏公主俾個仔嘅一封信，原來譽王乃梁帝同玲瓏公主所生，而所謂祥嬪就係玲瓏公主，梁帝借玲瓏公主得位，成為梁帝後就派赤焰軍去滅族，只有璇璣公主同一眾侍女生還，但都被囚禁於掖幽庭中，後來璇璣為夏江妻子所救，但璇璣一心復國，不斷權謀大梁，其中一樣最大最陰毒嘅招數就係消滅赤焰軍（報當年滅國之仇）陷害祈王（令大梁冇咁一位賢君），為未來復國舖路。

般若將玲瓏公主嘅信交俾譽王，譽王傷心自己原來多年來都係痴心妄想，佢有滑族血統，根本成帝無望，佢認為梁帝一直以佢為棋主去平衡朝上勢力，佢係唔會有成為儲君嘅日子，悲憤之餘決定三月春獵時謀反。

另一邊，梁帝跟高湛說起有朝臣覺得貶罰譽王過嚴，勾起佢對譽王生母祥嬪嘅回憶，原來祥嬪真係滑族玲瓏公主，但其實梁帝係有想過如果譽王人品私德好的話，佢會將帝位交俾佢，因為譽王係最似自己嘅皇子，可惜佢事事以自己得失為首，實在唔係可以將大梁交諸於佢手，今日落得如此完全係咎由自取。

呢一段有幾樣嘢想講：
（1）子不知父，父不知子，梁帝同譽王的確相似，兩父子最要不得就係猜疑，因為君威，可能喺皇子年青時代梁帝已經擺出天子高高在上嘅姿態，兩父子應該冇點交心過，好多呢D不必要誤會其實可以避免，原來父親係有想過傳位俾自己，原來個仔係從冇謀反之心，原來大家都好愛對方，原來。。。不過人生就係咁架啦，男女情愛會錯過，父子情又何嘗唔係一樣，所謂無仇不成父子，無怨不成夫婦。

（2）梁帝以為只有自己同高湛知道祥嬪身份，呢個事實會隨佢兩人過世就冇人知道，點知計漏咗滑族果邊。日後譽王謀反，唔知梁帝會唔會錯怪高公公？

（3）譽王冇理由咁易相信呢封所謂遺書，佢又冇見過生母，點知封信真定假，佢既一早知道般若一心只為復國，有咩手段做唔出，雖然前面有集講佢問過言皇后有關祥嬪嘅嘢，但以譽王嘅心思唔應該咁輕易相信。黃維德呢場做得幾好，由無心戀戰到驚訝事實真相，到悲憤難過到起謀反之心，雖然係太過兒戲太乾脆（呢樣唔關佢事，係編劇咁安排），但呢場戲睇到失望、無奈、不忿到決心謀反，表現出佢有魄力又真心想上位（成為皇帝都要膽量），可惜時機錯過，或者如果佢身邊有一個叻過秦般若嘅謀士，佢或者已成為太子，般若比起長蘇自然差一截，比璇璣公主更低幾班。

花旗太太生活在花旗國，留意時差，你問我未必即時答到。

私人傳訊

積分: 174325

298^#

發表於 15-10-11 01:07 |只看該作者

42集看點
（2）赤焰梅嶺遇害真相（呢部份好長，姑且分成幾部份講）
引子
由靜妃得到新茶為引子，佢自己唔用果種茶，留低都係想俾靖王帶俾長蘇，雖然靜妃已貴為寵妃，但依然保持一貫姿態，對宮中人嘅奉承不喜不悲，見到佢都會打賞太監，不過女侍講明係薄禮，唔會以錢財去籠絡人心，但又唔會得罪人。最後幾鏡交代茶係俾景琰，但佢只係鍾意飲水，正是一頭水牛。

題外話：新侍女小梨幾靚，起碼比小新順眼。

鏡頭一轉，宗主斟茶，但唔係靜妃喺茶，而係霓凰派人送來佢鍾意飲嘅茶，穆青又點會唔明姐姐心思，佢望宗主嘅眼神分明就係睇穿姐姐心思，著宗主記住霓凰心思，穆青渴望宗主將來成為佢姐夫，最後宗主叫穆青交帶衛錚，當日會派人去接佢過去蘇宅。之後就係今集重頭戲：還原當年赤焰梅嶺一戰。

穆青雖已貴為王爺，但心性還是小朋友，衛錚喺佢王府住咗三個月，佢話唔捨得衛錚走。張曉謙呢個演員生得幾可愛，2009年畢業於中央戲劇學院本科，2013年出道，仲係新人，做穆青呢個角色，應比景睿、豫津仲細少少，加上長年生活於軍旅之中，行勁比較粗魯直接，敬愛姐姐霓凰，只要有人對姐姐唔好，佢係絕不留手，上次將司馬雷隻腳打斷我覺得都未夠狠。

飛流好受歡迎，個個嚟到都要同佢玩，蒙統領、穆青、庭生。

花旗太太生活在花旗國，留意時差，你問我未必即時答到。

私人傳訊