hugoma2015 發表於 18-8-17 02:44
【吹毛求疵】
睇左1、2集，講幾個意見。
rose-mag 發表於 18-8-18 05:09
我都覺得大王子老咗D，但其實都OK，但二王子太嫩，望落同坤哥差不多，同五王子對掉就差不多，不過我後來go ...
hugoma2015 發表於 18-8-17 18:44
【吹毛求疵】
睇左1、2集，講幾個意見。
我係睇DVD版的, 即係每集42分鐘左右, (不包括頭尾主題曲), 睇到最新第7集
我睇過凰權小說, 可能套小說個風格唔太啱我, 所以整體我係覺得好一般, 有時格局細都唔緊要的, 都可以成為一部小精品, 可惜原著的佈局, 內容, 計謀, 層次都好普通, 唔深刻, 女主之所以聰明, 係主角光環同埋其他人物智商下降所致,所以,唔知點解要買呢套小說再大改去拍電視劇 (個人主觀感受, 如有喜歡原著小說, 勿怒, 我先道歉)
原著小說其實都有某D部份好睇的, 而人物方面, 我比較喜歡辛子硯同大花呢一對夫妻
講返套劇, 套劇本身只係認得坤哥, 倪妮, 趙立新, 倪大紅, 劉敏濤, 袁弘(仲未出場),王鷗 (仲未出場), 五姨娘(延禧攻略瓔珞家姐), 所以, 開頭第一集認人認得有D辛苦
的確, 二皇子個樣仲後生過五皇子, 搞到我認錯人, 亦有誤會, 後來認清楚先OK
講講個故事內容, 套劇係架空, 故事開頭旁白已經交代天盛皇朝點樣成立的, 不過, 去到廟堂, 唔知個廟廷架構係點, 如果係司馬懿軍師聯盟或延禧攻略, 有朝代背景,對各個官職都有少少理解, 但呢套劇, 冇點交代文臣武將或廟堂各個陣營, 感覺現時只係得辛少保/辛院首一個文臣,秋都督同顧衍呢兩個武將, 可能等女主變男裝入廟堂就會清晰D
凰權小說個故事本身冇琅琊榜咁忍辱負重同咁大快人心, 亦冇層次, 唔似琅琊榜咁, 係逐步上去KO班大佬, 到最後去挑戰老皇帝去雪冤, 但凰權又冇呢種感覺, 要睇編劇點重新改寫成個故事, 同埋,除非套劇有好多內容 , 否則, 70集, 好長好拖, 會好慢亦冇重心
另外, 套劇配樂做得幾好, 感覺幾舒服, 亦好夾個畫面, 而畫面/道具/場景都好靚好認真
講講坤哥個散髮, 如果話要表達寧弈係要俾佢幾位哥哥一種不修篇幅/冇機心的錯覺, 呢樣係明白的, 不過, 請太子過府食飯就唔應該披頭散髮, 應該要注重禮儀, 其實坤哥長直髮都可以唔洗太多, 即使散髮亦可轉下LOOK, 或者可以試下好似趙立新嗰一種散髮,後面有個髮髻同埋有個夾夾著頭髮 (不過背後望落有D似女人)
hugoma2015 發表於 18-8-17 17:54
本帖最後由 hugoma2015 於 18-8-17 17:56 編輯
趙立新演得好好，我最中意睇佢同坤哥對手戲。。
講幾句套劇現場收音, 現場收音係好好, 可以聽原聲, 同埋原聲都係演員演技一部分, 所以有現場收音真係好好, 可以睇到同聽到演員的台詞功力, 用原聲先至可以完全睇到一個演員的演技同對角色的理解
最近睇過
一套劇, 陳思成同袁弘拍的
“遠大前程”,天盛皇帝倪大紅都有份, 佢把聲應該本身係咁, 有D沙沙地, 其實佢D戲幾正,“遠大前程”入面佢做上海三大亨之一的老大, 真係做得幾正, 好有老大的感覺, 套劇入面仲有趙立新, 佢做上海三大亨的老三, 又係做得好好, 好喜歡佢嗰種收住/藏著的演繹, 可惜套劇個劇本有D問題, 最後棄劇
講下趙立新, 天盛長歌入面, 佢同坤哥對手戲好睇, 好有火花, (其實坤哥D戲幾好, 係對住皇帝同幾位阿哥時要扮細路做得冇咁好, 坤哥幾貼合寧弈呢個角色, 或者係坤哥自己塑造個角色個方向幾好)
睇到第7集, 趙立新個辛子硯其實做得好好, 應該係佢自己塑造得好好, 人物理解正確, 原著入面個辛子硯著墨唔多亦智商下降, 頂多記得佢成日爬牆入去蘭香院搵姑娘同俾大花用刀追斬仲有佢同大花個結局 (原著辛子硯個結局有d唔知點咁, 難以形容, 同埋可能女主的主角光環太勁, 令到我覺得辛子硯呢個角色明明好有發揮, 但到最後變得可有可無), 而天盛長歌入面, 做大花個演員胡可, 雖然出場時間短, 但佢做得出大花嗰種感覺, 同趙立新幾有夫妻感, 而趙立新唔單止還原返辛子硯, 仲豐富咗個人物, 佢成個感覺都好貼辛子硯呢個人物, 正經又得,衰衰格格又得, 花言巧語又得,外型都算夾 (原著係美人大叔, 咁佢外型都算幾好, 唔差la, 可能高少少會更好, 而好明顯係大叔了), 散髮造型更顯出佢有D文人傲骨, 暫時辛子硯戲份未算好多, 希望之後可以有多D
我都覺得趙立新做藺辰閣主應該會好得, 至少佢台詞功底好, 把聲幾清又好聽, 有演技, 佢亦會去研究個人物要點樣處理, 雖然佢年紀未必夾到藺辰閣主, 但都對佢有信心, 可以做到藺辰閣主嗰種飄逸/欺負飛流/同宗主之間的兄弟情
發表於 
返回列表
