Re: 未婚的,入黎傾傾呀!!!
mabelymy,
你好呀~雖然我未遇過你咁既問題,不過我希望我講既野可以幫到你啦~ 
我有個朋友,佢識得一個15歲既女仔,個女仔有左9個月bb,但因個女仔個胎唔穩定,佢成日出入醫院,臨生bb前仲住左兩星期醫院,唔落得床....~ :exclaim:
而個bb既爸爸係一個40歲既男人 
係!你冇聽錯,我都聽到睜晒眼,個男人係女仔既媽媽工作上既朋友,所以個女仔先會識到佢,個男人比女仔既父母年紀仲大....~個女仔同個男人一齊唔係玩玩下,係有諗將來(40歲喎,好命d有埋孫啦,我有個囡,我爸而家42歲係亞公喇)~女仔既父母唔知個男人同佢地個女一齊,直到個女仔大左肚....個女仔仲話要同個男人結婚,一齊養個bb..... 
佢父母知道佢有左個大佢25年既男人既肚之後簡直晴天霹靂,就算係朋友都冇得原諒,成日打去嘈個男人!!個女仔都係中三,書都未讀完,而個男人真係禿頭個隻,睇住個女同個做到佢老豆有餘既人一齊,真係幾嘔(25年喎),叫人點接受呢?!
但個女仔同佢父母講,要唔要個bb都好,佢都會繼續同個男人一齊,因為佢覺得個男人真係對佢好好,好錫佢,佢地亦好愛對方...女仔住醫院期間,個男人成日請假去照顧佢,佢地更加患難見真情,雖然最後佢地要唔要bb我唔知,我朋友都唔知,但就知個女仔最後唔理佢父母,繼續同個男人一齊...~
其實感情冇話岩同錯,你堅持愛佢係冇錯,你地係有緣份先會識到,而且你都話佢幾錫你,你大可以唔理父母,同佢繼續一齊,敢愛就要敢做~上面個女仔得15歲,我諗佢既話事權唔會比你大囉,或者最後佢父母會欣賞到個男人原來好愛錫佢個女,其實父母永遠都係為自己好,好似我咁,18歲...亞媽個時知我識左而家隻佬,都叫我放開眼界,識多d人,就會知道呢個唔係最好,18歲女大把世界啦~但有時感覺既野,唔係你話放棄就放棄到~
我地覺得個女仔得15歲細,但其實佢已經有思想,佢唔係任性或反叛,要激佢父母,佢都好錫佢父母~或者第時佢會同個男人分手,但我諗佢唔會後悔浪費左同佢一齊既時間,因為佢有幸福過,感情係冇得怨既,分手先黎怨為咩,有早知冇乞衣啦~
證明比你父母睇,你男友真係錫你,對你好啦~佢地會明架 
過去的留不住,
未來的難預測,
守住現在,當下即是~
發表於 
返回列表
