吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 噚日我仔覆診(過度活躍症),轉咗葯,個仔變咗另一個人... ...

自由講場今日: 173|主題: 1359404

收藏本版

發帖

返回列表

跳至頁

樓主: ~仔仔媽咪~

噚日我仔覆診(過度活躍症),轉咗葯,個仔變咗另一個人... [複製鏈接]

13 141516 17...23

~仔仔媽咪~

水晶宮

積分: 51912

281^#

發表於 10-1-8 17:35 |只看該作者

原帖由 heichunmum 於 10-1-8 15:11 發表
咁最後點算呀，唉如果去到打人，做阿媽一定好心痛，明明唔係佢想打人，只係佢都控制唔到自己，可能個小朋友自已己都好驚～好似我仔今年返學第二日已經整爛左同學支筆，玩的時間又忘晒形用書包掟人，整到個女仔，又俾老師罰小息

不過佢 ...

我地呢班仔次次出事都會係好驚架, 次次都係出咗事後佢地至清醒至黎後悔同驚,但又汲取唔到經驗喎,同樣事情可以係咁重複地發生....所以好多時我地呢班亞媽真係會覺得好攰,好想抖下(精神上)...但無奈無得抖...

私人傳訊

~仔仔媽咪~

水晶宮

積分: 51912

282^#

發表於 10-1-8 17:37 |只看該作者

原帖由 BKVIP 於 10-1-8 15:39 發表

哈哈，我老公都話我過份緊張。我依家都好似你所講，叫姐姐用晒英文唔好無啦啦彈一兩隻中文出黎。而我同屋企人就全廣東話。但每一様野佢咪會聽2個版本？姐姐話呢個係apple ，我就話呢個係蘋果？bb 會唔會明呢個係叫apple 又係 ...

應該都會理解到架!我依家有個學生本身屋企係全英,但媽媽想囡囡學講多D中文,我教佢時都係全中文咁講,佢聽唔明我至夾番幾句英文,但好多時我講中文講多幾次佢都會明既.

私人傳訊

mercy_mama

男爵府

積分: 9761

283^#

發表於 10-1-8 17:46 |只看該作者

~仔仔媽咪~ ,
終於有人明白我啦!為咗哩個仔我都不知流過幾多眼淚.
人地就經常話我個仔"無家教",99仲話我"我屋企無人有哩個問題,肯定個仔D嘢係你到黎".

:-D 我於七月四日在廣華醫院出世 :-D 4/7 = 3.27Kg 13/7 = 3.7Kg 4/8 = 4.2Kg 23/8 = 5Kg

私人傳訊

~仔仔媽咪~

水晶宮

積分: 51912

284^#

發表於 10-1-8 17:48 |只看該作者

原帖由 BKVIP 於 10-1-8 15:41 發表

咁係咪屋企是但一邊有人有adhd，咁就好大機會會遺傳而唔單只侷限於父母？

會架,就算父母本身無呢D問題,但如果佢D叔伯舅父堂表兄弟姐妹是但一個有,都有機會有囉.

好似我同我老公兩邊人咁,唔計我同老公,我媽擺明有過度活躍啦,我朋友話我哥AA地(自閉傾向),因為我哥真係好固執同埋都有D怪脾氣,一時一樣咁,明顯D咪係我老豆囉,擺明係自閉,我細佬又係擺明自閉症黎,沉迷巴士到可以十三四歲走去識埋巴士公司老細嗰隻,依家都仲沉迷緊,,,="=

我老公嗰邊最明顯就係我老公個三哥,成個人都好怪架!又唔整理自己儀容,衫又唔買,爛咗都唔買,次次都係我奶奶買衫俾佢,四五十歲人到依家都唔識番個女友,日日除咗番工外就响屋企度玩電腦整電子野,又成日响垃圾站度執人地唔要既野番黎,去飲呢D隆重場合佢都唔去執一執,依然着住件發黑既TEE、牛記同一對巴士佬着既涼鞋咁上黎,同D細路玩又係玩到唔識收,有時我雖則明知佢有我仔嗰類問題,但都幾難忍,有時連我仔都頂唔順呢個三伯,有次佢仲無啦啦咬我仔隻手,我仔已經十歲(嗰時),我仔都嬲到着火,好大反應咁大叫係咁向我地投訴三伯伯痴線,話三伯伯好污糟!我地全家人都好無奈.

同埋依家我仔有個堂弟都好明顯係ADHD仔黎架,不過佢父母無帶佢做評估,亦無意識到佢囝囝會係ADHD仔,但平時聽開佢亞媽講佢D問題(成日欠功課,唔寫手冊,自己走咗去,手多多,唔睇場合....),我同老公就好覺得係ADHD黎囉.

私人傳訊

mercy_mama

男爵府

積分: 9761

285^#

發表於 10-1-8 17:49 |只看該作者

我自己都有DEPRESSION,曾經想將D細路掉落街,好彩無做到.
有時我都諗,我做佢地媽咪係佢地好彩定唔好彩.
我D EQ已經愈來愈高.

:-D 我於七月四日在廣華醫院出世 :-D 4/7 = 3.27Kg 13/7 = 3.7Kg 4/8 = 4.2Kg 23/8 = 5Kg

私人傳訊

mercy_mama

男爵府

積分: 9761

286^#

發表於 10-1-8 17:51 |只看該作者

題外話,有無同D仔做IQ TEST?
我個仔係資優,所以我覺得特別辛苦

:-D 我於七月四日在廣華醫院出世 :-D 4/7 = 3.27Kg 13/7 = 3.7Kg 4/8 = 4.2Kg 23/8 = 5Kg

私人傳訊

anna_gigi

大宅

積分: 3230

287^#

發表於 10-1-8 17:51 |只看該作者

原帖由 ~仔仔媽咪~ 於 10-1-8 17:25 發表

咁似講緊我老公後生嗰時...我老公十幾廿幾歲時有個綽號係叫做'瘋狂的血'架~~~!!! 佢都有同我講番佢十幾歲嗰時試過大力推跌佢媽(我奶奶)落地架!廿幾歲成班朋友住時,又試過打到朋友流蚊飯架!係識咗 ...

放學番來屋企就見到衫樓爛曬,睇真原來週身傷痕,仲係有D血,佢成日話同D同學玩下姐.查實係打架.果陣時真擔心.

私人傳訊

~仔仔媽咪~

水晶宮

積分: 51912

288^#

發表於 10-1-8 17:58 |只看該作者

原帖由 mercy_mama 於 10-1-8 17:46 發表
~仔仔媽咪~ ,
終於有人明白我啦!為咗哩個仔我都不知流過幾多眼淚.
人地就經常話我個仔"無家教",99仲話我"我屋企無人有哩個問題,肯定個仔D嘢係你到黎".
...

'無家教'呢句野由我仔出問題到依家接近十年,我都聽唔少...尤其俾身邊既人咁講我地,個下個心真係好UN...

我仲試過俾一個我視佢為好友既人,响我仔出事又整親人地小朋友後,佢話我仔:"有爺生無乸教",嗰下好shock,無諗過一個平時對自己和藹可親既'朋友',都可以唔理解我,諗都唔諗就講句咁既野,對於我同個仔黎講,呢句係好受傷害.

反而我奶奶又無講D咩,淨係叫我俾心機教好我仔囉,我奶奶本身又係一個好低調既人黎,但佢最初都唔接受亦唔信我仔有問題,成日都話我太惡對個仔,到我仔做咗評估話佢有自閉傾向時(三歲半),我有好多時都會同教會既師母同其他同樣有特殊小朋友既媽咪傾電話交流下方法同經驗,我奶奶一聽到就會好嬲好大力咁彭我度門(示意唔想聽到有人話佢孫係有問題),嗰下真係好無奈...我有時响我老公屋企度教仔又係好勞氣,勞氣唔係在於我仔,而係我老公班屋企人,下下都出手阻止,我仔做錯事,我走黎訓話我仔,都無打,佢地都可以走黎同我搶走我個仔,走黎摸我仔個頭猛話'乖"...

跟住有次有個堂弟拎住支膠劍黎追住我仔黎打(又未係真打,只係追住黎扮打嚇我仔啫),跟住呢位堂弟個老豆亦即係我老公其中一個亞哥,走黎同我講:'係咪你平時成日打佢打到佢驚呀!?"

我同老公當堂勁無奈,心諗,俾着我立支咁膠既野追住你同個仔黎扮打吖...你地千祈唔好走....好在我老公明我,又同我同一陣線,否則如果我老公都加把口,我實離婚都似~

私人傳訊

~仔仔媽咪~

水晶宮

積分: 51912

289^#

發表於 10-1-8 18:08 |只看該作者

原帖由 mercy_mama 於 10-1-8 17:49 發表
我自己都有DEPRESSION,曾經想將D細路掉落街,好彩無做到.
有時我都諗,我做佢地媽咪係佢地好彩定唔好彩.
我D EQ已經愈來愈高.

我都曾經幾次試過真係想個仔即刻死,最worst嗰次,我直頭depress到係明知我仔學校附近D馬路好危險,D車唔睇燈亦唔睇人(近果欄),但嗰期真係唔想理個仔,個心真係會諗,由得佢俾車車死佢啦,等我同個仔都有個解脫,唔駛捱,平時我出街個仔必定自然拖實我隻手黎行架,嗰期我直頭係咁大力推佢去我前面自己一個行,仲邊推邊大聲叫佢快D去死,,,嗰下我真係好想自己真係癲...因為真係覺得自己成個人同精神同心力都被人踏到碎哂...成個人都好攰好酸,無時無刻都有喊既衝動,真係好似幾時喊都得.

都係架!我發現我依家D EQ同力量甚至乎所有潛在力都係個仔迫出黎架!如果我仔無呢D問題,可能我到依家都仲好大小姐脾氣,郁D下發埋D怪脾氣,如果我仔無呢D問題,我就唔會有個心想教小朋友或者學其他野黎增值自己黎教自己個仔...所以正面D去諗,個仔都係好野黎架!佢係上帝送俾我既最好禮物,正如我聽過有人講,點解神會俾個有特殊問題既仔俾我,係因為神睇得起我,知我可以勝任做到呢個小天使既媽媽,小天使响我地可以得到無限既愛同耐性,亦得到適當既照顧.我第一次聽呢個解釋時,我真係差D喊咗出黎.

私人傳訊

~仔仔媽咪~

水晶宮

積分: 51912

290^#

發表於 10-1-8 18:15 |只看該作者

原帖由 mercy_mama 於 10-1-8 15:45 發表
我想問你地d小朋友細時有無爬過?
因為我兩個都無爬過,而我身邊有好多 ADHD仔都係無爬過就行,所以有感統的問題.

話時話我仔當年都無乜點爬過噃...都只係PAT PAT痴地板咁拖住,得對手郁對腳唔郁咁'爬'過唔夠一個月,佢已經走黎學行喇,我仔一歲兩個半月左右至識得行囉.

都係架,我仔感統方面都好多問題,依家無錢做感統訓練,我都係靠平時叫佢做家務、搬野執野,甚至的佢去海X公園度fing幾轉當係做咗感統咋,查實生活上有好多野都可以係感統訓練黎,所以我係咁推俾個仔做,

順便俾下亞媽我偷下懶,等我以後食完飯唔駛我抺枱、掃地、抹野...哈哈!!!

私人傳訊

~仔仔媽咪~

水晶宮

積分: 51912

291^#

發表於 10-1-8 18:17 |只看該作者

原帖由 anna_gigi 於 10-1-8 15:46 發表

當年阿仔中一時,比較隱定,以為唔使食藥,但已經報左案比老師有ADHD,一旦有什麼唔妥就比藥佢食,食左RITALIN後好好, 但藥力過後side effect 開始發癲,冇人禁得佢住. ...

同我仔之前食ritalin一樣,葯力過咗一回彈,嗰下失控真係幾個老師(有男有女)都幾乎捉唔住我仔...佢地真係好大力架.

私人傳訊

~仔仔媽咪~

水晶宮

積分: 51912

292^#

發表於 10-1-8 18:20 |只看該作者

原帖由 ilovematthew 於 10-1-8 16:17 發表
嘩, 好勁呀, 你個仔睇開邊個? 政府還是私家 ? 我細妹個仔都有過度活躍及專注力不足, 不過醫生又話唔係太嚴重(但我哋全部人就覺得嚴重,佢喺學校上當時間, 可以無拿拿跪上張櫈, 會比老師罰, 上當又唔專心, 而家先讀小 ...

我仔依家都只係睇政府咋~!睇私家真係負擔唔到,呢次都係好彩我仔又轉咗個精神科醫生,依家呢位醫生幾有心睇症,都似乎好關心亦好鍚我地呢班小朋友.

如果您細妹個囝都只有你所講以上呢D問題,又真係唔太嚴重噃...可能您未遇過領教過我仔呢D,我仔無野時真係個個都話佢勁乖,但一發作時個個都話佢勁曳...好大分別.

私人傳訊

~仔仔媽咪~

水晶宮

積分: 51912

293^#

發表於 10-1-8 18:22 |只看該作者

原帖由 ANDREAMLEE 於 10-1-8 16:29 發表
仔仔媽咪～查實妳囝囝有無機會去慢慢停藥呀，即係唔駛依賴藥物！

應該去到佢十五歲左右,醫生會自動幫我仔停葯架喇...始終隻葯醫生都唔會俾佢食一世,食葯都係希望佢唔會浪費咗個童年同學習既黃金階段.

私人傳訊

littlelam88

侯爵府

積分: 23987

好媽媽勳章

294^#

發表於 10-1-8 18:23 |只看該作者

原帖由 ~仔仔媽咪~ 於 10-1-8 18:15 發表

話時話我仔當年都無乜點爬過噃...都只係PAT PAT痴地板咁拖住,得對手郁對腳唔郁咁'爬'過唔夠一個月,佢已經走黎學行喇,我仔一歲兩個半月左右至識得行囉.

都係架,我仔感統方面都好多問題,依家無錢做感統訓練,我都係 ...

我同TWINS佢地去做物理治療..
個治療師都話"CLIMB"(SORRY唔識個中文點打)

係對小朋友大個讀書同四支協調有幫助!

[fly/imgIMG_4704 - 捷徑]

私人傳訊

littlelam88

侯爵府

積分: 23987

好媽媽勳章

295^#

發表於 10-1-8 18:25 |只看該作者

原帖由 ~仔仔媽咪~ 於 10-1-8 18:08 發表

我都曾經幾次試過真係想個仔即刻死,最worst嗰次,我直頭depress到係明知我仔學校附近D馬路好危險,D車唔睇燈亦唔睇人(近果欄),但嗰期真係唔想理個仔,個心真係會諗,由得佢俾車車死佢啦,等我同個仔都有個解脫,唔駛捱, ...

我有時教大囡做功課,測驗同考試都有哩種感覺

[fly/imgIMG_4704 - 捷徑]

私人傳訊

~仔仔媽咪~

水晶宮

積分: 51912

296^#

發表於 10-1-8 18:29 |只看該作者

原帖由 mercy_mama 於 10-1-8 17:51 發表
題外話,有無同D仔做IQ TEST?
我個仔係資優,所以我覺得特別辛苦

我仔响升小一再評估嗰時,政府嗰邊都有做IQ test,我仔係'有限發展智能'囉!但又奇在個心理學家拎住我仔嗰張IQ test既橫線圖,又話我仔未去到弱智嗰個位,我仔除咗砌野嗰PART係高於正常同年紀小朋友倍幾兩倍(見高過中間正常線兩條再高D)外,其他咁多項都係啱啱响正常線同弱智嗰條啡色線既之間...

私家嗰邊就話我仔係資優,話因為我仔學野學得特別快,但我個人覺得個仔除咗砌野叻(四歲已經唔駛睇說明書就已經可以自行砌到半個高達模型)同記性好(帶佢去一個地方一次,第二次佢已經可以記哂所有路線、坐幾號巴士、第幾站落車、點行)外,都無野特別叻...我最主要都係擔心佢言行同情緒多.學障嗰PART反而我無咁擔心同驚,我都仲有信心教到佢讀書既...

私人傳訊

~仔仔媽咪~

水晶宮

積分: 51912

297^#

發表於 10-1-8 18:30 |只看該作者

原帖由 anna_gigi 於 10-1-8 17:51 發表

放學番來屋企就見到衫樓爛曬,睇真原來週身傷痕,仲係有D血,佢成日話同D同學玩下姐.查實係打架.果陣時真擔心.

我都好驚我仔去到中學時會係咁................

私人傳訊

~仔仔媽咪~

水晶宮

積分: 51912

298^#

發表於 10-1-8 18:32 |只看該作者

原帖由 littlelam88 於 10-1-8 18:23 發表

我同TWINS佢地去做物理治療..
個治療師都話"CLIMB"(SORRY唔識個中文點打) 係對小朋友大個讀書同四支協調有幫助!

都係架,所以就算小朋友表面上無咩問題,細細個真係要俾佢爬多D同走動多D囉!千祈咪怕污糟或整親而乜都唔俾佢爬,否則,就會有我仔另一個障礙---->動作協調障礙,嗰時升小一再做評估時聽個治療師講解,我心都實埋...好自責架!

我仔結果要去到小三至叫做正式有力寫到字咋!之前一隻字都寫唔到,對唔到位,無空間感亦無力控制支筆.