聽完你咁講，我唸我將攞人野同唔肯放底混埋左一齊唸。
hotingbb 發表於 12-8-27 03:59
由上個半月開始, 唔知點解成日係到尖叫, 無論係因為做唔到想做既野, 定係玩, 我估唔到佢為咩要尖叫, 如果佢發脾氣, 咁我知原因, 但係有時佢玩玩下玩具都會尖叫一聲, 沖沖下涼又尖叫一聲, 叫完就係到笑, 然後再叫, 但係再叫果 d 聲就好似唱歌咁, 有高有低, a.o.a.o 咁, 好明顯佢係玩, 所以我就算睇完你比其他媽咪既回覆, 我都仲係有 d 唔知點對付我個仔, 佢平時如果係發脾氣尖叫, 會付帶掉野, 然後左fing右fing, 個樣好惡, 跟手會喊兩聲, 成個過程大約半分鐘, 有時短到尖叫一聲之後就己經攬返住我, 未試過癲好耐或者喊好耐, 有時佢明明係發脾氣, 例如未食完野佢想落地, 我唔比, 佢就尖叫, 個身申直晒, 然後推開晒 d 碗, 就係 le 幾下動作之後, 即時, 佢對住我, 放隻食指係個咀到, 然後 : 噓! 跟住就會笑, 問我攞返個碗, 無繼續發脾氣落去, 咁我應該係咩位做 d 咩呀????
hotingbb 發表於 12-8-27 03:59由佢 1 歲開始我地就教佢用餐具, 最初既時候我只係屋企比佢自己食, 完全唔理佢, 比晒 d 野食同餐具佢, 由得佢食到反轉, 到佢識用叉吉野食既時候, 佢出街就一定要自己食野, 唔比我地餵, 但係佢以家大個仔, 見到我地唔係樣樣野食都係用叉吉, 有其他工具, 有刀有匙有杯, 佢去親食野就要自己都要有一套餐具, 但係佢既能力只係用到叉(食得好乾淨), 其他掌握得唔好, 我最初都照比佢試, 開頭幾次比佢試, 頭果幾啖唔成功, 我就捉住佢隻手教佢, 都 ok 既, 但係慢慢, 佢仲係未掌握到, 比支匙佢, 佢畢來畢去都畢唔到, 咁我照樣捉佢隻手黎示範比佢睇, 但係佢以家開始唔比我捉, fing 開我隻手, 死都要自己黎, 同我鬥力想擺脫我, 咁我費事咩都阻止佢, 就由得佢自由發揮, 如果佢成功做得到, 我會勁讚, 佢就好開心, 但係如果佢失敗, 我會鼓勵佢, 但係佢失敗多一兩下, 佢會係咁插隻碗, 插到入面 d 野食飛晒出黎, 又唔比我捉佢隻手示範, 又唔比我餵, 最終好多時係倒瀉晒 d 野落地下, 我又唔好意思, 唯有完全收晒佢 d 架生, 佢就會大喊, 大叫.
hotingbb 發表於 12-8-27 03:59
我由個仔10個月開始, 就會帶佢去有軟墊既遊樂場到玩, 順便可以學行, 咁裡面亦都有好多小朋友, 最初佢爬爬下, 有 D 哥哥姐姐知佢係 BB, 會攬下佢, 鍚下佢, 同佢玩, 咁我順勢就會教佢同人握下手, 攬下以示禮貌, 到佢 13 個月識行, 佢己經唔洗我提, 總之見到其他小朋友就會走上前握手或者攬下, 但隨著佢愈來愈大個, 識跑喇, 以家岩岩 18 個月, 係遊樂場既小朋友己經唔當佢 BB, 有時仲會推開佢話唔同男仔玩, 話佢係專黎搗亂既, 話 BB 專攪破壞, 有幾次佢走埋去同人握手, 人地以為佢想打人, 比佢更快出手, 試過比人推跌, 最嚴重試過比個應該有自閉症既小朋友一腳申到訓底左, 我通常唔會鬧其他小朋友, 只係扶返起個仔叫佢唔洗驚, 叫個小朋友 Say sorry, 話比個小朋友知咁做係唔岩, 但係試過幾次咁樣之後, 我唔知我仲應唔應該叫個仔見親其他小朋友就握手或者攬, 所以最近我都無再提起, 隨佢自由發揮, 但係近 le 個星期, 我發現到 (連我媽咪都咁同我講), 佢仍然繼續去到公園都會同 d 唔識既小朋友握手或者攬下, 但係如果果個小朋友回禮, 我個仔會捉實人唔放, 攬到實一實, 一定唔會攬一次, 直到我地發現個小朋友有 d 驚, 拉開佢地, 我個仔就會喊, 然後走開, 而佢對其他大過佢既小朋友更加係擺出一副惡相, 佢己經唔會走去同大過佢既小朋友握手, 有時佢玩緊某 d 遊樂場設施既時候, 有其他比佢大既小朋友走埋掂件設施, 佢竟然一手推開人, 仲會用 bb 話好惡咁鬧人, 我叫佢唔可以咁, 佢就會好惡連我都鬧埋然後走開, 但係其實有時有 d 哥哥姐姐係善意想同佢玩, 佢都係咁, 咁我應該點做?? (佢以家 1 歲半, 未識講野, 我成日覺得同佢講導理佢唔明, 而且我同佢講導理, 佢都左拎右拎, 都唔知有無聽到)
gladbb 發表於 12-8-27 12:40
Hi Sandra,
我個仔2歲8個月，平時都好大脾氣，但只是對屋企人。出去就好細膽。
呢兩日我發覺佢細膽到近乎懦 ...
erica-camy 發表於 12-8-27 15:34
Hi Sandra,
我個仔19個月, 有蠶豆症, 但佢好為食, 一見到大人食, 就要搶住要試, 唔比就勁扭計, 大叫OR大喊 ...
phoebe309 發表於 12-8-27 23:56
Sandra:
睇咗你一段時間，現在要求救了我仔歲半，佢屬於脾氣大同唔聽教類型，有時同佢玩到好地地，佢會突然之間推跌哂所有嘢或扔嘢，你叫 ...
babaxmama 發表於 12-8-28 00:10
先謝謝Sandra的回應!
回應1) 仔仔沒有兄弟姊妹，因此在家也不會見到他打人，推人，攬人這些行為。但是在pla ...
hotingbb 發表於 12-8-29 01:08
多謝你既回覆。
我試過唔用書，做大動作咁講，佢都有聽，但好快，我唸幾句佢就攪第二樣野，如果係咁，我仲 ...
hotingbb 發表於 12-8-29 01:57
講左係鋪頭攞人野先，咁係咪姐係我同佢行緊街，無事無幹都可以照讚佢"無攞人地野"？洗唔洗一定要入過人地鋪頭而佢無攞人地啲野先讚？我對讚有啲唔明既地方就係le點，因為佢入得人鋪頭，佢就實攞人啲野，所以搵唔到一個"入人鋪頭唔攞人野"既機會，le樣野我係咪理解錯左？
至於我話佢唔肯交手上既野比人，我意思係佢唔識放手，例如佢飲完支奶，佢一手就fing左個奶樽去第二到，咁我教佢唔可以咁掉，飲完就比我，或者放返底係枱到，佢有聽既，佢以家飲完會遞比我，我有時唔係佢身邊佢都會專登走黎搵我交比我，但係佢只係做遞果個動作，我一渣住個樽佢就會即時縮開隻手(連埋個樽)，跟住又咁樣掉落個地下到，但係我自己既感覺，佢唔係發皮氣，唔係嬲既，又唔似係玩我，佢掉完之後佢好似知自己錯咁，自己會去執返，再比我，重覆幾次，有時我想教佢唔好咁掉，要比，我會尤得件事繼續重覆，我繼續示範比佢睇，但係我留意到有樣野，如果佢縮手果下我渣實個樽，佢就會炆憎喇！覺得好似我搶佢野咁，如果重覆太多次，我又有野做，變相我真係用左強搶或姐搵其他野握佢既方法令佢放手，事實上我地生活上成日搵機會示範比佢睇，爸爸點比野我，我比野人係點。另一個例子係，有時開飯佢見我地啲大人攞碗筷，佢又想攞，咁我就比一份小餐具佢自己攞出枱，佢識得放上枱，放左一下，又係唔離手既，又攞返走，攞住周圍行，我又叫佢放上將枱到，佢又走返過去將個碗掂住張枱，就好似對手痴住左個碗咁，點都唔肯放底，直到夾左野食落佢個碗入面，佢要食野喇，咁佢就鬆手。
...
有時佢地見到阿仔唔啱又冇話佢，只有我話佢，我應該㸃做？非常感謝
hotingbb 發表於 12-8-30 00:01
我日日夜夜都比晒啲時間同佢玩，反而係佢唔多同我玩 ( 佢中意係我附近玩，但唔係幾中意我參與 )
L方面仲有一個問題，如果佢唔係因為發牌氣尖叫左一聲，咁我就ignore佢，但係如果佢即時笑晒咁走黎想同我玩，我應唔應該彩佢呀？
...
發表於 
返回列表
