在職全職 今日: 4|主題: 48040

VENUSSUM 寫道:
嘩, 半年 呢首歌好貴呀 至於出黎成績就無計啦, 要天時地利人和, 但我估佢係出賽時有彈錯d 野, 因我女彈錯兩個key
三年級好似係呈分試掛, 唔係好知, 但都未到緊急狀態...掛 :mrgreen:

MARS 寫道:
WOW...就算家姐又PEAR又懶都成績唔錯,咁加把勁的話咪好勁 但佢依家仲細嘛,梗係覺得玩重要D啦~ 人之常情啫! 或者有一日佢突然開竅呢~~~ 又或者咁講,家姐依家大個咗,知道有D嘢就算唔即刻做OR限時內完成都得,因為呢個DEADLINE係你比佢,而唔係佢心目中嘅DEADLINE,所以你先覺得佢配合唔到你,或者你試下係可以情況下放手比佢攪,等佢碰下壁,知道有D嘢並唔係佢心中咁諗囉

MARS 寫道:

咪就係囉..所以老師都覺得唔抵呀!我又唔知佢彈成點喎 ?-( 要問下個妹先知佢衰D乜,但聽佢平時練又OK架~~~

我有朋友係小學老師,佢話緊張到不得了,同埋怕佢地係3年班先操就太遲,好多時已經由2年班開始要操FIT班學生

VENUSSUM 寫道:
係呀, 個個肯加多兩錢肉緊, 有邊個唔得, 點止我女呢! 唔通真係要等人地發力先追咩!
我都唔係迫佢咩啦, 由上星期知道今日的默書範圍, 已日日放學都問下佢有無溫下 (佢日日都話得好少功課), 咁佢話有, 我咪信佢囉, 到尋日放學要出去參觀, 我講明要自己係果日做定d功課, 咁接返屋企就可淨溫默書, 但結果係,我去接佢時, 佢話剛剛係操場跑步, 仲踢波添, ok啦--如果做好功課的話, 點知原來做得好少, 返到去食完飯都做到9點幾, 我已經起火喇, 到10點3 見佢溫極都未溫完, 就好懷疑佢一直話自己有溫, 同佢試默, 錯14,5個 死得啦, 又夠鐘訓喇......結果今朝俾我一路溫一路炳......
你話啦, 自由唔係無俾佢架, 月尾又考試喇

VENUSSUM 寫道:
問題係點解要半年咁長時間呀? 有咩問題, 真係用幾堂咩都問題都知啦, 佢老師話唔抵, 係咪只係因為低分呀? 如果高分係咪抵d先? 同一時間其實都可教其他掛 (我覺得), 因為半年教一首歌, 首歌一分鐘多d, 邊有咁多技巧教呀? 我覺得佢怕家長怪責, 下次又係咁點算呀~~
二年班要開始 一年班至話拖慢d進度做適應期, 二年班就話要開始谷...

MARS 寫道:
家姐今次真係抵炳,希望經此一役後,應該知錯架喇! 咁依家又要始溫習預備考試

VENUSSUM 寫道:
呢舖跣得咁應, 考試果d就梗要早d開始啦! 所以放假就會幫(迫)佢遂小溫定中英考默書的範圍喇, 起碼d生字熟d, 做卷都少d錯字(希望)

MARS 寫道:
其實我e生女未比賽之前,佢老師已經話要用咁耐時間唔多抵架喇...我諗係因為老師想佢成績好d先用咁多時間掛 同埋佢唔止練一首架,我見佢彈咗3首比我聽,我估係睇下佢鐘意or邊首彈得好d,就用邊首參賽掛.

係呀! 咁啱我朋友係教英文,可能呢科係要用時間浸掛,臨急抱佛腳就一定c梗....況且佢話要同校方,家長交待,唔早d操的話就實c冇生

MARS 寫道:

只要家姐肉緊d就實得啦~ 我都贊成每次放假都逐少溫習,咁到考試前就輕鬆好多,唔駛一舖過咁杰

VENUSSUM 寫道:
no 啦, 開學報名時(9月份)已經要撰定隻歌喇, 因為張form 要填參賽歌的no (指定的3首, 撰其一), 之後會編好同組同歌的同場比賽, 所以無可能會練三隻揀一隻咁囉!

唉, 二年班就要開始操, 點算!? 真係好辛苦呢!

VENUSSUM 寫道:
佢總是懶懶閒咁 其實放假有時都好忙, 而且都想佢地(mainly 係我啦 )有得休息下, 不過咁情況, 都無得拖喇~

MARS 寫道:

無計! 鬼叫依家個教育制度係咁咩!!! 唔好講要同校方及家長交待丫...個試考得差的話,都唔知會唔會影响校譽嘛!

VENUSSUM 寫道:
唉, 咁我都明, 依家一個唔該, 無人幫趁就要殺校, 無辦法唔驚咯, 只係有時班學生唔爭氣, 做老師的都好無奈 :-|

MARS 寫道:

殺校 呢個名詞真係嚇死ｄ老師架！好似大埔公立咁，已為改咗名比人接收咗就可逃過一刧啦... 點知都係榜上有名.

係喇, vv你知唔知大埔除咗基正同公立要殺校外,仲有邊間呀? 咁第一階段收咗果d學生又點呢? 段估佢地都冇填到第二階段張form掛 ?-( ?-(

VENUSSUM 寫道:
係啦, 公立話浸信會接手都係知道無耐, 轉個頭又話摺! 果d學生就真係唔知點喇, 因為我無睇過段新聞, 9 月係唔會開小一班定開埋呢年, 因為我聽新聞講鮮魚行今年都入殺校列, 學校會辦多三年, 今年的小一生都讀唔到畢業, 要早d轉校咁, 都唔係太明殺校程序 ?-( 我成日只以為停收新生, 等現有學生讀到畢業至正式結業....
以係bk 上見到講的, 都只有呢兩間, 唔好咁多喇, d老師好慘架

MARS 寫道:
真係世事難料 我都以為殺校係會等到d學生畢晒業為止先摺,但原來都唔係喎

little_chi 寫道:
其實匯景都唔錯呀∼靜中帶旺，我姪女讀朗思（好似係 :mrgreen: ），妳lok lok 會讀邊間呀？

VENUSSUM 寫道:
大埔我見太和消防局對面有一間好似d野靚樣d, but收貨係點我就唔知喇.... 我自己果d係土瓜灣訂的, 都係睇過bk媽咪的介紹去幫趁, so far 都叫做ok.

VENUSSUM 寫道:
係啦, 點唔夠資源都幫d學生挨到畢業嘛, 真係難為d家長同學生