家吓個個都話要戒bk,睇嚟我地以後都係pm傾偈喇... 我都係有咁既崩牙問題呀,家吓隻牙崩到剩番啲牙根响牙肉度,再加埋有隻智慧齒一早蛀咗....我又無錢去整...真係痛c我~~~ :-( :-( :-( 你都快啲拿拿聲醫番好棚牙,牙痛到頭痛甚至食唔到嘢既滋味真係好惡哽~~~!!! 
我今日終於同個仔去咗睇'露寶治的世界'~!鴨,套戲你一定要帶埋囡囡去睇!套戲真係超級好睇~!個feel有啲似toy story,啲公仔幾得意,呢次我個仔要求睇原裝英文版,雖則佢唔識聽,但係都睇到好入神好興奮~! 放心噃!一定唔會好似'荒失失'咁悶~~~!!!早好笑係開頭,每個父母夢寐以求既效果...記得留意留意!鴨;) 寫道:
都唔駛話戒bk啦...久唔久上黎大家留下言都係一種樂趣呀! 我以前都係好深毒癮,慢慢可以淡落黎,而家幾日上一次都係一種樂趣呀!有個地方大家抒發下日常開心/唔開心事都好呀!
band:
去左邊呀? :mrgreen:
我上星期頭痛,痛足成個星期,開頭以為壓力大,成日頭痛,到星期六先feel到,原來因為蛀牙 :-(
我有一隻牙食野時唔小心咬崩左, 拖左半年都冇去整(好驚牙醫),而家終於出事啦! 今晚放工book左牙醫 :-( 好怕痛~
又撬又鉗,不過最痛都係打麻醉針,尤其係拮入牙肉果枝 :-( :-( :-( :-( 雖然剝左,但呢兩日仲係頭痛,再係咁落去就要返去check下...
心目中都係想睇露寶治,不過我先生又冇興趣睇...聽bandband妳講完我更加想睇 :mrgreen: 真係幾好睇,如果之前套'超人特工隊'你都認為好睇既(我嗰陣覺得一般...ok啦),呢套露寶治的世界你一定話超級好睇~~~!!! 
唉...呢幾日我突然間好多感慨...真係發覺亞媽/爸唔易做!諗到有少少down添...管到個仔好嚴又怕佢嚇到乜都唔敢學;由得佢時/對佢好聲好氣時,佢又失控又擺到明唔會學新嘢,剩係對佢之前識既嘢興奮...好似呢兩日咁,我帶個仔去科學館同博物館,連續兩日我都忍無可忍地向佢訓話甚至因為佢講極都唔聽,係都要直望啲大射燈,搞到我一嘢星巴落去佢對眼度~!!!見佢噚日好委屈咁喊(俾我打)到今日响博物館俾我話到佢喊...嗰刻我個心真係好難過亦好矛盾!一方面想俾佢睇多新事物,習慣吓時刻都樂於學習新事物,想佢有好好既心理準備去成長去讀小學;但又見到佢一心諗住去玩,其他嘢偏偏唔去睇亦唔去聽吓人地導遊點講解(字佢唔識睇,我都唔駛佢埋去睇喇),剩係成粒鐘响一個地方重複又重複咁睇/講/做同一樣嘢:"呢條係咪蛇嚟架?係咪雀仔嚟架?老虎好大隻呀!(九萬幾次,去咗第二個展覽廳睇嘢,佢都唔睇照走番去同一地方講/做同一樣既嘢)"到我同佢講呢隻雀仔叫乜名,佢聽都唔聽就走咗去,我試吓引吓佢啦,叫佢同我一齊搵吓啲動物係叫乜名,佢都唔認真,望埋一邊,又唔聽我講又唔睇展板,係得我一個好似傻婆咁自己問自己答自己指住塊展板...到我最後要佢跟住我去睇第二啲嘢時,佢又唔肯,話要响番'動物園'(佢已經當咗嗰個area係動物園)度~! :evil: 我即時火大~!拉佢埋一二邊同佢訓話,我同佢講:"媽咪帶你嚟係想你學吓新嘢架!嗰啲'蛇''老虎''雀仔'你bb嗰陣時已經一早識咗,係唔需要再問我呢啲係咪雀仔老虎定係蛇(呢吓我完全睇唔起我個仔啲白痴嘢,不竟佢已經係七歲人仔!)!有新事物你又唔去睇又唔去問,剩係睇啲一早識既嘢,咁仲有乜意思?倒不如我地唔好嚟,番屋企好過!你唔想學嘢既話,倒不如以後媽咪留你自己一個人响屋企,媽咪留番啲時間心機同金錢俾媽咪自己出去學嘢!...(下刪數百句肺腑之言...真係已經癲咗~!)"跟住我個仔見我唔出聲,就借位喊,我已經癲到無得再癲,叫佢立即收聲,佢收咗無耐又即刻再喊,我即刻忍唔住攞本場刊星落佢塊面度!然後我捉佢出去大堂,然後同佢講:"再喊無得入番去睇!係咪仲喊,咁你企响中間度喊,等個個人都睇住你醜,媽咪自己睇書!"當然,全場人都側目,一個'唔識做人亞媽'既亞媽加一個'大喊十',我由佢喊,我照睇番我未睇完既小說,等到佢冷靜番落嚟,我至俾佢坐响我身邊,無耐見佢再冷靜啲時,我至攬番佢,叫佢洗面,然後再同佢繼續入去參觀...唉...!未到九月我同個仔都搞成咁,但唔教仲係好似當佢幼稚園生咁遷就,我又覺得會害咗佢,講真,佢真係無個heart去學嘢,雖則話已經同佢一齊寫copybook成兩個幾禮拜,但係,次次都似係我寫,我一鬆手由佢寫,佢又是唔跟筆序亦一高一低甚至寫咗啲唔知咩嘢出嚟~!一個字都學唔到,我叫佢睇住嚟寫,佢都心不在焉,睇都唔睇,諗都唔諗咁照樣亂咁寫...依家我响呢part都已經放棄咗,唔再要求佢自己寫字,依家佢每隻字都係我捉住佢隻手嚟寫,寫完一本仲未識,再寫,寫到佢嫌我煩甚至响學校俾老師鬧,肯認認真真去寫時先算...若然佢本質真係一心唔想學習,我諗我就算幾用心幾大犠牲都係徒然,到時佢真係變咗一件垃圾...唉...咪放佢走囉!當係放條生路俾我行...今日放學聽到一位同學既爸爸同我個仔老師講(呻):"我知我地無本事教好自己個仔...(好認真亦好平靜咁講)",嗰陣覺得個爸爸好灰...但係依家我諗番,有時當父母出盡力都改變唔到個仔時,真係會好灰~~~!!!甚至絕望...鴨;) 寫道:
返黎啦
結果,我蛀晒果隻係智慧齒,要剝 :-( :-( :-( 冇左一隻金牛 :-( 牙醫話,我隻牙蛀/崩得勁,好難剝,冇乜地方落手,好似老鼠拉龜咁
我唔鍾意狗,細個俾狗咬過,所以狗狗戲我冇諗住睇 :mrgreen: , 方失失我麻麻,朱古力又好似唔岩我女睇,佢太細唔會明
唔好戒bk啦,戒乜鬼呢,有幾個朋友o係度打下牙骹都好呀!
希望聽日我唔會再係咁就好喇............ 大小不梁 寫道:
bandband:
唔好咁la~~~~做全職mama真係好甘架.......你會唔會係太谷個仔仔呀~~~~佢都會好辛苦bor~~~
小朋友都有佢自己ge興趣嘛,可能你仔仔真係對動物好有興趣呢~~你唔好唔開心la~~~再試下其他方法la~~~
發表於 
返回列表
