夫婦情感 今日: 8|主題: 42775

bandband 寫道:
鴨,

幾歹都捉住老公囡囡去睇啦~! 真係幾好睇,如果之前套'超人特工隊'你都認為好睇既(我嗰陣覺得一般...ok啦),呢套露寶治的世界你一定話超級好睇~~~!!!

唉...呢幾日我突然間好多感慨...真係發覺亞媽/爸唔易做!諗到有少少down添...管到個仔好嚴又怕佢嚇到乜都唔敢學;由得佢時/對佢好聲好氣時,佢又失控又擺到明唔會學新嘢,剩係對佢之前識既嘢興奮...好似呢兩日咁,我帶個仔去科學館同博物館,連續兩日我都忍無可忍地向佢訓話甚至因為佢講極都唔聽,係都要直望啲大射燈,搞到我一嘢星巴落去佢對眼度~!!!見佢噚日好委屈咁喊(俾我打)到今日响博物館俾我話到佢喊...嗰刻我個心真係好難過亦好矛盾!一方面想俾佢睇多新事物,習慣吓時刻都樂於學習新事物,想佢有好好既心理準備去成長去讀小學;但又見到佢一心諗住去玩,其他嘢偏偏唔去睇亦唔去聽吓人地導遊點講解(字佢唔識睇,我都唔駛佢埋去睇喇),剩係成粒鐘响一個地方重複又重複咁睇/講/做同一樣嘢:"呢條係咪蛇嚟架?係咪雀仔嚟架?老虎好大隻呀!(九萬幾次,去咗第二個展覽廳睇嘢,佢都唔睇照走番去同一地方講/做同一樣既嘢)"到我同佢講呢隻雀仔叫乜名,佢聽都唔聽就走咗去,我試吓引吓佢啦,叫佢同我一齊搵吓啲動物係叫乜名,佢都唔認真,望埋一邊,又唔聽我講又唔睇展板,係得我一個好似傻婆咁自己問自己答自己指住塊展板...到我最後要佢跟住我去睇第二啲嘢時,佢又唔肯,話要响番'動物園'(佢已經當咗嗰個area係動物園)度~! :evil: 我即時火大~!拉佢埋一二邊同佢訓話,我同佢講:"媽咪帶你嚟係想你學吓新嘢架!嗰啲'蛇''老虎''雀仔'你bb嗰陣時已經一早識咗,係唔需要再問我呢啲係咪雀仔老虎定係蛇(呢吓我完全睇唔起我個仔啲白痴嘢,不竟佢已經係七歲人仔!)!有新事物你又唔去睇又唔去問,剩係睇啲一早識既嘢,咁仲有乜意思?倒不如我地唔好嚟,番屋企好過!你唔想學嘢既話,倒不如以後媽咪留你自己一個人响屋企,媽咪留番啲時間心機同金錢俾媽咪自己出去學嘢!...(下刪數百句肺腑之言...真係已經癲咗~!)"跟住我個仔見我唔出聲,就借位喊,我已經癲到無得再癲,叫佢立即收聲,佢收咗無耐又即刻再喊,我即刻忍唔住攞本場刊星落佢塊面度!然後我捉佢出去大堂,然後同佢講:"再喊無得入番去睇!係咪仲喊,咁你企响中間度喊,等個個人都睇住你醜,媽咪自己睇書!"當然,全場人都側目,一個'唔識做人亞媽'既亞媽加一個'大喊十',我由佢喊,我照睇番我未睇完既小說,等到佢冷靜番落嚟,我至俾佢坐响我身邊,無耐見佢再冷靜啲時,我至攬番佢,叫佢洗面,然後再同佢繼續入去參觀...唉...!未到九月我同個仔都搞成咁,但唔教仲係好似當佢幼稚園生咁遷就,我又覺得會害咗佢,講真,佢真係無個heart去學嘢,雖則話已經同佢一齊寫copybook成兩個幾禮拜,但係,次次都似係我寫,我一鬆手由佢寫,佢又是唔跟筆序亦一高一低甚至寫咗啲唔知咩嘢出嚟~!一個字都學唔到,我叫佢睇住嚟寫,佢都心不在焉,睇都唔睇,諗都唔諗咁照樣亂咁寫...依家我响呢part都已經放棄咗,唔再要求佢自己寫字,依家佢每隻字都係我捉住佢隻手嚟寫,寫完一本仲未識,再寫,寫到佢嫌我煩甚至响學校俾老師鬧,肯認認真真去寫時先算...若然佢本質真係一心唔想學習,我諗我就算幾用心幾大犠牲都係徒然,到時佢真係變咗一件垃圾...唉...咪放佢走囉!當係放條生路俾我行...今日放學聽到一位同學既爸爸同我個仔老師講(呻):"我知我地無本事教好自己個仔...(好認真亦好平靜咁講)",嗰陣覺得個爸爸好灰...但係依家我諗番,有時當父母出盡力都改變唔到個仔時,真係會好灰~~~!!!甚至絕望...

我都係呻吓啫...我仲未諗住自殺!我諗我仲捱得住既~~~!!! [quote]
鴨;) 寫道:
返黎啦

結果,我蛀晒果隻係智慧齒,要剝 :-( :-( :-( 冇左一隻金牛 :-( 牙醫話,我隻牙蛀/崩得勁,好難剝,冇乜地方落手,好似老鼠拉龜咁 又撬又鉗,不過最痛都係打麻醉針,尤其係拮入牙肉果枝 :-( :-( :-( :-( 雖然剝左,但呢兩日仲係頭痛,再係咁落去就要返去check下...

我唔鍾意狗,細個俾狗咬過,所以狗狗戲我冇諗住睇 :mrgreen: , 方失失我麻麻,朱古力又好似唔岩我女睇,佢太細唔會明 心目中都係想睇露寶治,不過我先生又冇興趣睇...聽bandband妳講完我更加想睇 :mrgreen:

唔好戒bk啦,戒乜鬼呢,有幾個朋友o係度打下牙骹都好呀!

christylai 寫道:
鴨 and ms leung,
我以前就係成日上bk, 我中毒都好深.AR @@~ 搞到office hours = bk hours. ~.~ 工作的事情又唔夠時間做...唉啊...放左工又瘋狂玩bk...-.- 還有. 對bk的人和事萬分上心, 我不該那麼純情的:D

我係玩BK玩到無哂時間, 我先想戒bk! 我唔想再浪費所餘無幾的青春啦. :D

現在都好D, 忙完先上黎傾下, 好過@@~ 日對夜對BK.

ms leung, 我覺得你幾成功AR. 我要多多向你學習.

yammyma 寫道:
bandband,

我既情況同你差不多,一直我都無理個仔d野,佢暑假後升小一,上星期佢去姑姐度住先俾姑姐發覺佢d中,英文程度同k1差唔多,好多字都認唔到,而家我要襯呢個暑假同佢惡補番d生字,搵番阿囡幼稚園時d字咭,圖書同佢讀同認字,一齊努力,要一齊提升eq至得.

yammyma

lunchtime4000 寫道:
After reading your words, I feel so uneasy. I hope u can support yourself. Dont be too hard, take it easy. Soon or later will be better.

[quote]
bandband 寫道:
鴨,

幾歹都捉住老公囡囡去睇啦~! 真係幾好睇,如果之前套'超人特工隊'你都認為好睇既(我嗰陣覺得一般...ok啦),呢套露寶治的世界你一定話超級好睇~~~!!!

唉...呢幾日我突然間好多感慨...真係發覺亞媽/爸唔易做!諗到有少少down添...管到個仔好嚴又怕佢嚇到乜都唔敢學;由得佢時/對佢好聲好氣時,佢又失控又擺到明唔會學新嘢,剩係對佢之前識既嘢興奮...好似呢兩日咁,我帶個仔去科學館同博物館,連續兩日我都忍無可忍地向佢訓話甚至因為佢講極都唔聽,係都要直望啲大射燈,搞到我一嘢星巴落去佢對眼度~!!!見佢噚日好委屈咁喊(俾我打)到今日响博物館俾我話到佢喊...嗰刻我個心真係好難過亦好矛盾!一方面想俾佢睇多新事物,習慣吓時刻都樂於學習新事物,想佢有好好既心理準備去成長去讀小學;但又見到佢一心諗住去玩,其他嘢偏偏唔去睇亦唔去聽吓人地導遊點講解(字佢唔識睇,我都唔駛佢埋去睇喇),剩係成粒鐘响一個地方重複又重複咁睇/講/做同一樣嘢:"呢條係咪蛇嚟架?係咪雀仔嚟架?老虎好大隻呀!(九萬幾次,去咗第二個展覽廳睇嘢,佢都唔睇照走番去同一地方講/做同一樣既嘢)"到我同佢講呢隻雀仔叫乜名,佢聽都唔聽就走咗去,我試吓引吓佢啦,叫佢同我一齊搵吓啲動物係叫乜名,佢都唔認真,望埋一邊,又唔聽我講又唔睇展板,係得我一個好似傻婆咁自己問自己答自己指住塊展板...到我最後要佢跟住我去睇第二啲嘢時,佢又唔肯,話要响番'動物園'(佢已經當咗嗰個area係動物園)度~! :evil: 我即時火大~!拉佢埋一二邊同佢訓話,我同佢講:"媽咪帶你嚟係想你學吓新嘢架!嗰啲'蛇''老虎''雀仔'你bb嗰陣時已經一早識咗,係唔需要再問我呢啲係咪雀仔老虎定係蛇(呢吓我完全睇唔起我個仔啲白痴嘢,不竟佢已經係七歲人仔!)!有新事物你又唔去睇又唔去問,剩係睇啲一早識既嘢,咁仲有乜意思?倒不如我地唔好嚟,番屋企好過!你唔想學嘢既話,倒不如以後媽咪留你自己一個人响屋企,媽咪留番啲時間心機同金錢俾媽咪自己出去學嘢!...(下刪數百句肺腑之言...真係已經癲咗~!)"跟住我個仔見我唔出聲,就借位喊,我已經癲到無得再癲,叫佢立即收聲,佢收咗無耐又即刻再喊,我即刻忍唔住攞本場刊星落佢塊面度!然後我捉佢出去大堂,然後同佢講:"再喊無得入番去睇!係咪仲喊,咁你企响中間度喊,等個個人都睇住你醜,媽咪自己睇書!"當然,全場人都側目,一個'唔識做人亞媽'既亞媽加一個'大喊十',我由佢喊,我照睇番我未睇完既小說,等到佢冷靜番落嚟,我至俾佢坐响我身邊,無耐見佢再冷靜啲時,我至攬番佢,叫佢洗面,然後再同佢繼續入去參觀...唉...!未到九月我同個仔都搞成咁,但唔教仲係好似當佢幼稚園生咁遷就,我又覺得會害咗佢,講真,佢真係無個heart去學嘢,雖則話已經同佢一齊寫copybook成兩個幾禮拜,但係,次次都似係我寫,我一鬆手由佢寫,佢又是唔跟筆序亦一高一低甚至寫咗啲唔知咩嘢出嚟~!一個字都學唔到,我叫佢睇住嚟寫,佢都心不在焉,睇都唔睇,諗都唔諗咁照樣亂咁寫...依家我响呢part都已經放棄咗,唔再要求佢自己寫字,依家佢每隻字都係我捉住佢隻手嚟寫,寫完一本仲未識,再寫,寫到佢嫌我煩甚至响學校俾老師鬧,肯認認真真去寫時先算...若然佢本質真係一心唔想學習,我諗我就算幾用心幾大犠牲都係徒然,到時佢真係變咗一件垃圾...唉...咪放佢走囉!當係放條生路俾我行...今日放學聽到一位同學既爸爸同我個仔老師講(呻):"我知我地無本事教好自己個仔...(好認真亦好平靜咁講)",嗰陣覺得個爸爸好灰...但係依家我諗番,有時當父母出盡力都改變唔到個仔時,真係會好灰~~~!!!甚至絕望...

我都係呻吓啫...我仲未諗住自殺!我諗我仲捱得住既~~~!!! [quote]
鴨;) 寫道:
返黎啦

結果,我蛀晒果隻係智慧齒,要剝 :-( :-( :-( 冇左一隻金牛 :-( 牙醫話,我隻牙蛀/崩得勁,好難剝,冇乜地方落手,好似老鼠拉龜咁 又撬又鉗,不過最痛都係打麻醉針,尤其係拮入牙肉果枝 :-( :-( :-( :-( 雖然剝左,但呢兩日仲係頭痛,再係咁落去就要返去check下...

我唔鍾意狗,細個俾狗咬過,所以狗狗戲我冇諗住睇 :mrgreen: , 方失失我麻麻,朱古力又好似唔岩我女睇,佢太細唔會明 心目中都係想睇露寶治,不過我先生又冇興趣睇...聽bandband妳講完我更加想睇 :mrgreen:

唔好戒bk啦,戒乜鬼呢,有幾個朋友o係度打下牙骹都好呀!

大小不梁 寫道:
我今早同阿仔去左jusco,又見到個thomas水樽,我又買左個呀~~~好c靚,唔買都唔得.....heee~~~嘩.....再咁落去一定破產都似....要食足兩個月公仔麵先至得呀~~~

大小不梁 寫道:
我今日同左阿仔睇左露寶治la.......好好睇.....阿仔又好開心呀~~~~星期二又再去睇甲虫車呀~~~~~

大小不梁 寫道:
bandband:
你先唔好咁諗住.....你仔仔ge問題未必一定咁差......就算係有暴力傾向都可以教返好佢架....但係你就一定比其他mama會辛苦d架la......你唔好咁灰la.....其實你有冇搵過d社工幫你呀....我知道有d地方可以比你去學下教你仔仔呢種小朋友架bor......記住...人一定有唔開心ge時候.....如果你唔負責任咁話死左佢好過....咁仔仔咪仲慘.....邊個會好似你咁(自己mama)去教佢,去接受佢......樣樣同佢諗埋......你試想下la....努力面對人生la......我都會同你一起努力架~~~~

鴨;) 寫道:
band:

sorry,冇上黎幾日,原來妳咁唔開心!
妳個post好長,但係睇完都好明白妳感受.

我唔係教育專家,我咩教仔書都冇睇,不過我想妳真係要放鬆d呀! 傻女, 有時壓力越大,反抗就越大,我呢,就幾似妳仔仔,成日都係留戀自己識既野,對新事物會下意識抗拒架....原因都係"驚"囉, 冇自信心,就會對自己識既野特別留意,唔想理自己唔識既野. 妳下次唔好打佢啦,我明妳係火遮眼,不過打左佢,佢真係會自卑心越重,更加抗拒新事物. 如果今次佢唔睇,再搵下次機會囉,唔駛心急,慢慢黎,多d嘉勉,佢會慢慢接受得好d :-P

老實講,我係一個脾氣好差既人,我教我個女,又係有咁既情況,呢,就講尋晚之嘛,佢又係特登同我作對,我叫佢唔好fing佢個玩具掃把,fing到d塵周圍都係,佢就特登fing,fing完仲要揩落我手臂 :evil: 把鬼火, 捉住佢劈劈啪啪打佢個pat, 真係忍唔到火架 我都知講就易,做就難 大家一齊努力啦,但記住,千祈唔好諗到咁灰,個個教仔女都好勞氣,唔係妳一個人先會係咁,所以唔好攬晒責任上身呀!

係呢,我個女最近忽然好想學琴,我而家幫佢搵緊啦,因為佢成日響"麻麻"屋企,就搵番麻麻屋企附近,等佢玩下先啦,唔知佢係咪真係有心機學 :mrgreen: 妳仔仔開始左學未?

lunchtime4000 寫道:
Well done! Band Band