Tebing 發表於 20-9-18 12:06 
你咁忙因爲小朋友開學了嗎?
一套劇要等2年都未播真慘
小朋友開學成個月啦，佢地都大，亦都識得自動自覺，我只係提下佢地有冇未做功課，有冇漏交功課，不過的確學校因為一直都係online learning，有好多嘢要處理，填表、攞書、Back to School Nights、PTSA開會。。。我兩個今年兩間學校，咩都開雙。另外公司都忙，系統又成日有問題，有好幾個新人返工，要virtual onboard花多幾倍時間，仲有同事要放假，我要cover佢地，跟住我自己都要安排放假，實在太多大假未放，超過200個鐘，都唔知點搞。
最近幾個朋友有事，要問下佢地點，有咩可以幫手，聽下佢地呻，隔一排同仔女興趣班老師傾吓計，每個星期又要安排買餸買日用品，父母奶奶年紀大，就過中秋，睇下佢地有咩想買，我同老公做跑腿，又驚佢地悶，但唔放心佢地出去。
我要睇嘅書單同劇單長到我都唔知何年何月至可以睇完。
兩年未播都唔算奇事架啦，有好多劇拍完連個男女主都已經消聲匿跡都未見天日。如懿傳拍完成年，如果唔係肯剪肯網播都唔知要等到幾時。范冰冰套蠃天下2016年到而家都未知會唔會播到，王大陸同李沁套狼殿下2017年拍完，海報都出咗三年，而家都仲未播得出。
花旗太太生活在花旗國，留意時差，你問我未必即時答到。
。你都知我架啦，我睇書第一，睇劇第二，而家又開咗幾本書睇。。。
發表於 
返回列表
