本帖最後由 soscho 於 17-8-1 09:36 編輯
wyl 發表於 17-7-27 14:32 
孫賢周就係側寫師，李準基係警察
又到8月，學生哥繼續放暑假嘅日子，不過今個月就只得一齣青春劇《青春時代2》出籠，但呢一齣劇有唔少年輕劇迷粉絲，加上上一季嘅《青春時代》講正唔少年輕人嘅心聲，新一季雖然換咗啲演員但估計同樣受劇迷追捧。
(一)KBS《最強送貨員》（首播日期：8月4號）
曾出演《回答吧！1988》、《芝加哥打字機》嘅男星高庚杓首次擔正做男主角，並夥拍蔡秀彬、金善浩、高媛熙等出演劇集，故事講高庚杓飾演嘅炸醬麵送貨員嘅愛情同埋追求夢想嘅故事。
(二)OCN《救救我》（首播日期：8月5號）
單睇《救救我》張海報題材好似幾沈重，劇集題材係講社會現象，當一群無業青年見到一名女性向佢哋求救時，班青年無動於衷，從而引發咗一連串嘅驚悚事件。劇集由澤演、徐睿知、禹棹奐等出演。
(三)KBS《Manhole》（首播日期：8月9號）
男主角金在中一直暗戀18年好友UIE，當佢預知女主角UIE將於一周後結婚，於是重返過去改變未來，阻止UIE步入教堂。浪漫愛情喜劇加上係金在中退伍後首部作品，估計必有唔少粉絲捧場客。
(四)tvN《名不虛傳》（首播日期：8月12號）
又另一齣穿越劇《名不虛傳》，集古裝及現代劇情於一身，應該會有唔少捧場客追捧。劇集由金南佶及金亞中主演，講述17世紀朝鮮最強醫師，突然穿越到現代，並與女醫師相遇嘅故事。
(五)JTBC《青春時代2》（首播日期：8月25號）
《青春時代》靠冇乜名氣嘅青春演員發圍，劇集贏盡口碑，JTBC即開拍第二季《青春時代2》，演員上有變動，但仍然有韓藝璃、昇延及朴恩玭主演，並加入新血智友同崔雅拉，劇集講述《青春時代》一年後發生嘅故事。
(六)JTBC《不知不覺18》（首播日期：8月28號）
男團SHINee成員珉豪夥拍李侑菲主演嘅劇集，題材圍繞曾經喺高中時期被孤立嘅男主角，為咗拯救自殺嘅初戀女孩，刻意穿越返去到18歲時期，拯救愛人嘅故事。
(七)MBC《醫療船》（首播日期：8月30號）
《醫療船》有收視保證嘅河智苑擔演，夥拍男團CNBLUE嘅姜敏赫、王智媛及李瑞元等人主演，劇集以做公眾保健醫生代替服兵役，並要到醫療船工作，當中一眾主角就喺醫療資源缺乏嘅小島上協助村民，從而反思自己人生嘅故事。
。
發表於 
又有fish 推介嘅青春時代睇喇
返回列表
