韓國三大電視台嘅月火劇(逢周一及周二播出)收視越來越失色，當中噚日播出嘅三齣劇集，只得鄭麗媛同尹賢旻主演嘅KBS新劇《魔女的法庭》收視不跌反升，由上周嘅9.3%，升至噚晚嘅10.1%，穩坐收視冠軍。
同檔嘅由徐玄振同楊世鍾主演嘅《愛情的溫度》，收視就越來越差，由上周播出嘅第25及26集嘅6.8%及9%收視，跌至噚晚播出嘅第27集及28集，僅得5.7%及6.9%收視，排同檔第二位。至於韓藝瑟同金基石主演嘅《20世紀少男少女》收視跌至開播以來新低，噚晚播出第17及第18集，僅得2.5%及2.7%收視，繼續包尾墊底。
發表於 
。
返回列表
