夫婦情感 今日: 0 | 主題: 42776

積分: 92484

畀面勳章 BK猜猜猜慶中秋 BK Milk勳章

3161^#

發表於 18-7-10 03:12 |只看該作者

回覆樓主

我要爆了！我果件兩個月前同我講話變左心，跟著分房訓，一直拖到而家，佢聽日終於都搬，唔洗再日日見到...

佢好好笑，一直唔肯認自己同個8婆一齊左，淨係話自己鍾意佢，但係一次又一次比我搵到證據佢地係一齊左。今次佢搬仲係同個8婆一齊住！我突然間覺得佢好污糟，我叫兩個女唔可以用咀錫爸爸！

佢之前對著我好似透明咁，唔講野唔打招呼。呢幾日就搬好似轉死性咁，又同返我講野，又突然會早d起身同兩個女玩（之前佢係寧願訓覺都唔會花時間響兩個女身上）

星期日果朝，正常佢要返工（佢返餐廳）無啦啦同細女講去食m記，跟著我就走去同佢講：我地約左人唔得閒，跟著就換衫出門口。我知佢應該係放上半朝，但係佢之前無同我講，我當然唔會理！到今日就見到兩張戲飛響車，係星期日去睇既！即係我估中左

你地話，邊有人咁蠢，連呢d野都唔掉，偷食都識抺咀啦

任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~

私人傳訊

積分: 47019

開心吸收勳章

3162^#

發表於 18-7-10 09:40 |只看該作者

goosema 發表於 18-7-10 03:12
我要爆了！我果件兩個月前同我講話變左心，跟著分房訓，一直拖到而家，佢聽日終於都搬，唔洗再日日見到...
...

老實講句，睇佢嘅行徑根本係明食唔係偷食，戲飛佢亦唔介意妳知道......所以JM妳又何必放係心上獨自困惱？

你哋而家嘅婚姻狀況係點？分居？還是已經離婚？不過佢突然轉性同妳講返嘢，又主動同兩個女玩都可以理解的，因為在佢嗰方面來講，佢已經叫做搵到自己嘅「答案」，在佢來講可以係如釋重負，佢亦知道呢一刻自己需要嘅係乜嘢，心情好咗自然然可以輕鬆去面對妳同囡囡。

不過冰封三尺非一日之寒，我唔知道佢係純粹移情別戀，還是婚姻一早存在咗問題先令佢向外求呢？

百花叢裡過，片葉不沾身。

私人傳訊

積分: 92484

畀面勳章 BK猜猜猜慶中秋 BK Milk勳章

3163^#

發表於 18-7-10 10:51 |只看該作者

wing1388 發表於 18-7-10 09:40
老實講句，睇佢嘅行徑根本係明食唔係偷食，戲飛佢亦唔介意妳知道......所以JM妳又何必放係心上獨自困惱？
...

其實我果刻嬲，係因為果朝早佢無啦啦話要同兩個女食早餐，我約左人就推左佢！我個感覺係覺得佢搵我地zip時間！我最錫係兩個女，我點忍都忍唔到呢樣！

今日正式分居，佢今朝搬走左！個女人其實唔係好人，由我開始feel到有問題既時候我已經叫佢避嫌，佢唔肯，我地一直糾纏左3/4個月，我有講過可以放底所有，同佢重新開始

我有問佢我地發生左咩問題攪到咁，佢話我無問題，係佢衰仔，佢話估唔到自己會咁。佢有話過個女人好了解佢，好幫到佢（因為佢地係上司下屬關係）我又係FTM，所以攪到咁。但係係佢咩都唔同我講，我同佢講佢又唔聽。

我唔憤氣架，由我放棄曬香港所有野同佢移民，同佢捱左咁多年，到而家有d錢有d地位就放棄我地。個女人係working holiday，好鍾意痴飲痴食，佢好識耍手段，個個男人痴埋佢度都話鍾意佢。佢地一齊左無兩個月就已經叫佢同我離婚，又要買包包

我最憎佢就係敢做唔敢認，一直同我講話呢刻要佢選擇，係兩個女人都唔會要！個個都同佢講個女人見佢無錢就會飛佢，但佢死都要「中」個頭埋去

c兄你睇得好通透，可能佢真係覺得有左決定，知道點面對我，所以會同我講返野

任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~

私人傳訊

積分: 47019

開心吸收勳章

3164^#

發表於 18-7-10 14:49 |只看該作者

本帖最後由 wing1388 於 18-7-10 14:51 編輯

goosema 發表於 18-7-10 10:51
其實我果刻嬲，係因為果朝早佢無啦啦話要同兩個女食早餐，我約左人就推左佢！我個感覺係覺得佢搵我地zip時 ...

即係咁，就算佢而家佢真係真心想同兩個女去玩去食麥記都好，妳對佢嘅怨恨都已經蒙蔽咗妳雙眼，佢做啲乜嘢妳都係睇唔過眼會向壞嗰邊去想，不過好同壞完全係由妳去控制的，如果妳話佢只係想搵人攝時間，其實仲有好多方法，又何需要搵兩個女去攝？

正所謂牛唔飲水唔撳得牛頭低，妳叫佢避嫌，但事實上佢根本唔想避嫌，而且好大機會由嗰一刻開始佢已經盤算緊捨妳而去，常言道只可以共患難不可以共富貴正是這樣！就算佢真係同妳重頭嚟過，妳敢擔保日後妳唔會舊事重提嗎？就算我相信妳可以做得到，但對佢來講就要承受著妳日後舊事重提嘅風險，所以佢反正洗濕咗個頭，佢根本冇理由選擇回頭！

至於妳話個女人會在床頭金盡時捨佢而去，咁如果一個男人心甘情願黐埋去，相信呢個男人亦甘願承擔呢個後果，因為呢一刻個男人覺得擁有呢個女人係開心，況且妳話呢個女人好叻耍手段，咁亦並不代表佢對妳C6係假情假義，雖然女人有時會令男人迷失，但係男人並唔蠢得晒，若然見自己個女人四圍放電，我相信亦嗌交多過食飯，最後都係分開的！

從妳字裡行間睇到，妳係想繼持呢一段婚姻，但可以話妳知，當個男人呢一刻正在迷途嘅時候連佢自己想點都未必會知，可能佢現在係想交俾個天作決定，反正洗濕個頭咪繼續放縱自己囉，因為佢自己都諗唔到一個完美嘅解決方法，咁當然最理想嘅，佢當然會諗妳可以接受埋嗰個女人啦，但天荒夜譚咩！正所謂「一山不能藏二虎」也！

百花叢裡過，片葉不沾身。

私人傳訊

積分: 92484

畀面勳章 BK猜猜猜慶中秋 BK Milk勳章

3165^#

發表於 18-7-10 15:16 |只看該作者

wing1388 發表於 18-7-10 14:49
即係咁，就算佢而家佢真係真心想同兩個女去玩去食麥記都好，妳對佢嘅怨恨都已經蒙蔽咗妳雙眼，佢做啲乜嘢 ...

果然係男人

完全令我有新既領悟！

係，我心底裡係繼續想一齊，但我既理智控制左自己，我亦知道我係無可能原諒到佢，因為我知既野實在太多！其實我對個女人唔太了解，好多野都係由佢口中同我講，係佢自己同我講，個女人有同其他男人曖味。而個女人已經唔係第一次攪人老公，之前都比人淋過水，佢自己都係知情既！

其實由我開始feel到果刻，我就知道會有咁既一日，因為個個（佢屋企人、朋友）都叫佢唔好玩得咁過份，好好地一頭家經營左十幾年，仲有兩個女咁細，唔好比個氹自己踏。個個都話個女人係有問題。佢係一個唔試過唔心息既人，所以我已經打定輸數。

我而家係唔甘心多，所以我由佢，放佢走，諗都唔諗佢會唔會返黎。我要重新振作，好好同兩個女重新生活

點評

~小樹兒~

發表於 18-7-10 15:29

任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~

私人傳訊

積分: 92484

畀面勳章 BK猜猜猜慶中秋 BK Milk勳章

3166^#

發表於 18-7-10 15:38 |只看該作者

wing1388 發表於 18-7-10 14:49
即係咁，就算佢而家佢真係真心想同兩個女去玩去食麥記都好，妳對佢嘅怨恨都已經蒙蔽咗妳雙眼，佢做啲乜嘢 ...

其實點解我會話佢搵兩個女攝時間，因為佢響度無咩朋友，係得果個女人同我地，仲有個男性朋友，不過佢要返工唔會得閒理佢。而果日佢係無同過我地佢放半日假，所以我既直覺就話我知佢係無人陪所以搵人攝時間

任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~

私人傳訊

積分: 47019

開心吸收勳章

3167^#

發表於 18-7-10 16:49 |只看該作者

goosema 發表於 18-7-10 15:16
果然係男人完全令我有新既領悟！

係，我心底裡係繼續想一齊，但我既理智控制左自己，我亦知道我係 ...

其實有咩舒服得過隨心所欲？即係一切都係嗰刻想點就跟住去做，完全唔去諗有咩後果同影響，當然好嘅結果同影響就更加好啦，妳C6係咁妳都係咁，佢放縱自己去同呢個女人一齊，佢亦可能知道呢段關係未必長久，純粹開心咗先算！如果佢係呢種心態，加上妳講佢除咗個家同一個男性朋友之外就冇朋友就不謀而合了！因為以往佢真係未試過得到呢一種開心，妳俾唔到佢，朋友家庭都俾唔到佢，而到咗不惑之年好多呢類嘅男人都好容易迷失，因為以往幾十年冇真真正正為自己去做一啲開心嘅事，所以大家都有責任的！

妳若然有唔甘心的話，妳會做啲乜嘢去令自己舒服啲好過啲？會等佢浪子回頭？但妳已講明唔會原諒佢，呢啲問題都係相輔相承的，環環相扣的，已經冇得去追究誰對誰錯，但真心問妳一句，妳覺得自己有冇錯？雖然過往妳同佢移民，一齊經營呢個家係功不可沒，但除此之外係唔係已經冇其他值得留戀？

百花叢裡過，片葉不沾身。

私人傳訊

積分: 92484

畀面勳章 BK猜猜猜慶中秋 BK Milk勳章

3168^#

發表於 18-7-10 17:42 |只看該作者

wing1388 發表於 18-7-10 16:49
其實有咩舒服得過隨心所欲？即係一切都係嗰刻想點就跟住去做，完全唔去諗有咩後果同影響，當然好嘅結果同 ...

唔知，可能之前大家都管錢管得太緊，自己又放得太多心機去兩個女度，佢又太重情於工作，無好好經營兩個人既關係所以攪成咁。

我有同佢講過，一段婚姻行到呢一步大家都有責任，唔會淨係一方有問題，所以我之前先同佢講重新開始...個女人帶比佢快樂係一定既，因為個女人會同佢去飲酒落D唱k，呢d係我地移民左之後都無再做過既事。

以前大家一齊去玩去癲，咩都傾一餐好開心。到結左婚生左大女之後就移民，佢好落力去搵錢，而我就好好打理頭家。之前我間中都會去做Part Time，呢一年因為細女入左幼稚園，時間唔許可就無做，佢就覺得我懶，唔做野，繼而就發生左呢件事

呢一刻你叫我原諒佢就真係無可能，因為佢做左太多傷害我既事，一次又一次比我發現，但又繼續唔認。佢去同個女人風流快活完就返屋企，當屋企係酒店，淨係返黎訓覺，我受唔到，所以佢搬。

留戀？我無諗過，我連我地結婚既野都掉曬。我而家除左憎佢之外我都無咩感覺！之後既事無人知，可能佢同個8婆係真心相愛都未定！我淨係知呢刻要為兩個女打算，佢就話自己會繼續做個好爸爸，會每星期見兩個女一次。呢刻佢講咩我都唔會信，唔到last minute都唔一定confirm。

我錯在太過投入去愛呢頭家，令到自己無左自我，卑躬屈膝咁生活。到最後其實係無人會理你可憐你。但一個女人求咩，都係想個老公返到屋企舒舒服服，無後顧之憂，原來咁都係錯..

任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~

私人傳訊

大茄

男爵府

積分: 6743

3169^#

發表於 18-7-10 20:14 |只看該作者

wing1388 發表於 18-7-8 09:22
我諗冇咩人有興趣睇個肥矮凸嘅大叔囉⋯⋯

兔兔兄,百貨應百客呀

私人傳訊

知知姐

大宅

積分: 2873

3170^#

發表於 18-7-10 21:20 |只看該作者

wing1388 發表於 18-7-10 14:49
即係咁，就算佢而家佢真係真心想同兩個女去玩去食麥記都好，妳對佢嘅怨恨都已經蒙蔽咗妳雙眼，佢做啲乜嘢 ...

係咪d男人好怕老婆舊事從提佢嘅出軌呢？

私人傳訊

積分: 47019

開心吸收勳章

3171^#

發表於 18-7-11 09:46 |只看該作者

大茄發表於 18-7-10 20:14
兔兔兄,百貨應百客呀

大茄一定未見過有啲貨監平監賤送都冇人要頂啦！

百花叢裡過，片葉不沾身。

私人傳訊

積分: 47019

開心吸收勳章

3172^#

發表於 18-7-11 09:47 |只看該作者

知知姐發表於 18-7-10 21:20
係咪d男人好怕老婆舊事從提佢嘅出軌呢？

冇錯呀，因為男人怕煩，最怕女人沒完沒了喋喋不休！

百花叢裡過，片葉不沾身。

私人傳訊

積分: 47019

開心吸收勳章

3173^#

發表於 18-7-11 10:28 |只看該作者

goosema 發表於 18-7-10 17:42
唔知，可能之前大家都管錢管得太緊，自己又放得太多心機去兩個女度，佢又太重情於工作，無好好經營兩個人 ...

其實睇埋妳咁講，根本唔難發現妳都係犯咗一啲典型嘅錯誤，雖然妳嘅出發點係啱，但可惜用錯咗方法，妳覺得一直嘅付出就等同正確，但可惜平衡先係最重要。妳覺得將全副心機放晒落頭家，等老公專心工作，等佢唔需要擔心屋企，冇錯呢一個係好理想嘅想法，但之後呢？我相信妳已經諗唔到夫妻之間仲可以有咩可以講了！如今妳老公有另一個女人其實係一個好機會俾妳反思一下我以上所講，SAD BUT TRUE！

當初點解你哋要結婚？當初婚姻生活開心嗎？生第一個女嘅時候有冇改變咗夫妻之間嘅感情？如果有，係好定壞？如果有點解生第二個？有考慮過對夫妻關係嘅影響嗎？如果冇諗過，咁今時今日嘅錯並唔係佢一個人嘅問題，而係因為你倆共同錯誤嘅決定導至今日嘅局面，所以佢係有錯，而妳亦有錯，咁妳又憑咩唔原諒佢呢？

一個出咗軌嘅男人，除非佢個心已決定放棄家庭，否則佢哋都係唔想頭家散，但佢呢一刻一定會好迷失，唔知自己可以點做，於是只好聽天尤命有一日過一日，直至到一發不可收捨便草草了事，所以呢一類故事嘅結局都係難睇的！

有時間的話妳細心思想下妳一句原諒係唔係可以改變今日嘅僵局？如果可能嘅就寬恕佢，下不違例！但若然佢去意已決，妳亦唔好再有怨恨，LET GO吧！

百花叢裡過，片葉不沾身。

私人傳訊

積分: 92484

畀面勳章 BK猜猜猜慶中秋 BK Milk勳章

3174^#

發表於 18-7-11 11:04 |只看該作者

wing1388 發表於 18-7-11 10:28
其實睇埋妳咁講，根本唔難發現妳都係犯咗一啲典型嘅錯誤，雖然妳嘅出發點係啱，但可惜用錯咗方法，妳覺得 ...

一矢中的！

原諒，唔會係呢一刻。因為之前都已經比左幾次機會，佢個心根本就無放開過。

當初結婚係開心既，生完第一個感情係更加好，生第二個係因為大家都有共識要最少兩個小朋友。又或者咁講，生完第二個經濟壓力係大左，所以我有出去做PT。到今年細女幼稚園，無托管，所以打算下年佢返小學我再重新返工。但佢識左個女人之後就覺得我懶，咩都唔做，為呢件事都有嘈過。

佢已經講到唔會返轉頭，仲問過離婚既事。所以我諗我會let go。

任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~

私人傳訊

積分: 47019

開心吸收勳章

3175^#

發表於 18-7-11 12:44 |只看該作者

goosema 發表於 18-7-11 11:04
一矢中的！

原諒，唔會係呢一刻。因為之前都已經比左幾次機會，佢個心根本就無放開過。

冇錯，原諒其實都要講時機，太早太遲都係冇意義的，好難話邊一刻係最適合，因此好多都會會選擇放棄，然而聽到婚姻出現問題而又和好如初嘅故事亦唔多，感覺係一個MISSION IMPOSSIBLE咁，首先雙方要處事成熟，又或者大家都唔捨得大家...咁先至會有一線生機！所以搞清楚婚姻問題嘅源頭，最近後大家都會發覺錯唔係單方面，根本兩個人都有錯，一切都只係一個「蝴蝶效應」。

妳話佢已經講到唔會返轉頭，呢一個係妳個人覺得，還是佢已經斬釘截鐵咁同妳講離婚呢？如果係後者的話，咁就無謂拖拖拉拉，妳亦不需要怨恨，和平分手好了，亦要俾兩個囡囡清楚知道發生咗咩事，但要講清楚係婚姻出現咗問題，爸爸先另結新歡，而唔係單單側重出軌呢一件事，因為搞到今日嘅境況都係兩個人一手造就而成的！

百花叢裡過，片葉不沾身。

私人傳訊

知知姐

大宅

積分: 2873

3176^#

發表於 18-7-11 12:51 |只看該作者

wing1388 發表於 18-7-11 09:47
冇錯呀，因為男人怕煩，最怕女人沒完沒了喋喋不休！

如果係出軌一方無斬欖，無完無了呢？

私人傳訊

積分: 92484

畀面勳章 BK猜猜猜慶中秋 BK Milk勳章

3177^#

發表於 18-7-11 13:01 |只看該作者

wing1388 發表於 18-7-11 12:44
冇錯，原諒其實都要講時機，太早太遲都係冇意義的，好難話邊一刻係最適合，因此好多都會會選擇放棄，然而 ...

佢有問過，如果分居兩年係咪就等如離婚，我話同香港唔同，如果要再婚先至需要離婚，如果唔係一直分居都無問題。

之後再有一次就話，問過律師，我地簽左分居證明係保障大家。但我地呢度係唔需要證明，只要大家Agree個日子就可以當分居

其實而家都算和平既，佢放假我會同兩個女去同佢食飯。我有同大女講過，因為爸爸媽媽唔夾所以爸爸搬走，佢都明白既，係細女暫時未明。不過可能之前佢一直都好少同兩個女接觸，兩個女其實都習慣。

以往佢只係放假當日先會見到兩個女，放假會用左半日黎訓覺，大女係有問過點解爸爸咁鐘意訓覺唔陪佢玩，久而久之兩個女都好似覺得有無爸爸都唔大問題

任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~

私人傳訊