夫婦情感

跳至

首頁

尾頁
   98


珍珠宮

積分: 46299

開心吸收勳章


發表於 18-2-1 11:30 |顯示全部帖子
本帖最後由 wing1388 於 18-2-1 11:39 編輯

大家好,自從舊POST因事關閉以來,收到唔少JM問我幾時會出過個新POST?老實講,當初都估唔到個POST可以LAST到咁耐,點擊率能夠突破二百萬人次,真係多謝大家支持。所以思考咗一陣子後決定再開過另一個POST同各位傾下偈。

新POST我想沿用返過去嘅題目,都係圍繞住離婚問題,因為我响夫婦谷呢度,見得最多嘅都係「離婚」呢兩個字!

其實有邊個唔想婚姻能夠白頭到老?但係好多時人算不如天算,發生咗一啲事情導致雙方唔可以攜手行完人生嘅路,真係好可惜!離婚原因不外乎「出軌,金錢,家庭,性格...」等等嘅問題,若然盡力補救都未能挽回,離婚亦都將會係最終嘅方案。

但係有好多人往往面對問題就會選擇逃避,於是便輕言離婚,但當您咁去想嘅時候,會唔會係一個好輕率而衝口而出嘅決定呢?呢個POST就係想同大家討論同交流一下,離婚要思想啲咩問題,之後又要面對咩問題呢?好讓有意離婚及正面對離婚後種種困惑嘅朋友能夠有一點點參考。

真的有必要離婚嗎?


不論是否有需要離婚,事情已經發生咗,只在乎能唔能夠俾機會大家去重新開始,又或者能否完滿解決要面對嘅問題。當然,人嘅底線各有差異,有啲人係對錯事抱零容忍嘅態度,於是便直截了當地提出離婚,但若然係第一段婚姻關係的話,究竟有冇思考過未來需要面對嘅問題呢?

生活上的改變!

由人夫人妻一下子回復單身,人與人嘅關係上,生活上同經濟上都會產生變化,男人可能比較簡單,但JM可能要由X太太變回X小姐,家人,朋友,同事都會慢慢地察覺到您嘅改變,朋友同事還可以不理,但親人方面必定會窮追不捨咁去問離婚嘅原委,您自問能否在心情極差嘅情況下先過到被問長問短嘅疲勞轟炸?如果可以,您已通過了第一關!

接著就係經濟上嘅改變,好多夫妻都係公一份婆一份,甚至好多JM都做FTM,萬一離婚的話在經濟能力上能夠妥善安排嗎?若然有經濟能的而又可以應付到生活開支,甚至有小朋友的話都綽綽有餘,咁相對問題不大,但FTM的話就比較大問題,若然另一半肯繼續照顧將來生活所需的話,安頓好衣食住行基本上問題亦不大,但畢竟將來雙方都有可能另結新歡,於是呢一方面變成不明朗,因此FTM的話要作好重投社會工作嘅準備,若然要爭撫養權的話,JM有信心可以兩方面都能夠兼顧嗎?

子女的安排

我明白好多朋友經歷咗婚姻失敗,唔想再接受骨肉分離,於是會拼命去爭取子女嘅撫養權。子女能夠跟父母開開心心生活當然係最好,但離婚後便要二擇其一,跟邊一方先係對子女最有利?但往往好多父母只係「為啖氣」為爭而爭,究竟係為自己或者為子女未來著想,呢一方面的確係好個人嘅問題,私心人皆有之,若然係真正愛子女的話,離婚時要撫心自問能否提供一個理想嘅將來俾子女係非常重要。

另外當將來有新戀情出現時,子女亦會有機會變成發展嘅阻礙,有時阻礙並非來自您嘅對象,而係對方嘅家人,畢竟華人社會有唔少思想保守嘅人,對方能否愛屋及烏亦係一大疑問,往往要為子女放棄一次機會,但記著呢啲唔係子女嘅錯,而係您當初嘅一個決定而已,因此您亦要預期要一次又一次咁去放棄感情事。您生活上嘅苦與樂亦會缺乏一個伴侶去分擔分享,所以您必須要有一顆異常強嘅心去一個人承受,當然有朋友可以分擔一下,但朋友與伴侶間嘅分別不言而寓了!

心理上的負擔

根據以上所講,離婚後心理上嘅負擔的確很重,在無法宣洩嘅情況下可想而知!朋友家人當然係首選嘅傾訴對象,但氣球不斷充氣總會有爆嘅一刻,曾經有JM向我講佢久久未能接受自己變成離婚婦人或棄婦嘅事實,之後嘅日子人變得陰沉怕事,亦唔想再跟一啲原本熟悉嘅人接觸;但其實就算您每日循環不息咁生活响煉獄當中,時間總會一分一秒咁溜走,世界唔會因為您停滯不前而為您停頓,不過若然將呢一種心態放在時間嘅河流當中,佢係會隨住時間沖淡,流走...時間的確係一劑良藥。

問題其實出於離婚後依舊專注在同一件事上面,不斷去問自己點解會離婚?做錯咩?點解會係我?因為過往婚姻與家庭就係佢哋嘅一切,失去咗就好似失去所有,但人生要面對嘅又豈只咁少?學會將目標轉移到其他事,如:工作,學習,人際...都可以幫助分散自己嘅注意力,時間亦會容易過。嘗試為自己訂立一啲生活上嘅目標,遠近嘅都冇問題,然後逐一去實踐,雖然我唔敢講可以完全沖走離婚後嘅失落同哀傷,但肯定會有幫助,起碼浪費於「離婚後」嘅時間會減少。

以上係本人少少嘅見解,或有不詳,歡迎各位補充或分享意見;離婚並非人生嘅終結,而係人生嘅第二次機會,就看您如何把握了。


百花叢裡過,片葉不沾身。


男爵府

積分: 5507

2019新春慶豚圓 2019勳章


發表於 18-2-1 12:00 |顯示全部帖子
wing1388 發表於 18-2-1 11:30
大家好,自從舊POST因事關閉以來,收到唔少JM問我幾時會出過個新POST?老實講,當初都估唔到個POST可以LAST ...
C 兄, 留言支持下你.

你都單身左一段日子了, 有沒有找到新的感情和寄托呀!


珍珠宮

積分: 46299

開心吸收勳章


發表於 18-2-1 12:01 |顯示全部帖子
PTMCYS 發表於 18-2-1 12:00
C 兄, 留言支持下你.

你都單身左一段日子了, 有沒有找到新的感情和寄托呀!

呢樣並唔係我首要嘅考慮呢,我只求生活開開心心就足夠了!

點評

vic79feather    發表於 18-5-11 23:40
大茄    發表於 18-2-10 16:36
百花叢裡過,片葉不沾身。


大宅

積分: 4530


發表於 18-2-1 13:43 |顯示全部帖子

回覆樓主:

我諗我都就嚟要行呢條路,請指教。


男爵府

積分: 8041


發表於 18-2-1 14:07 |顯示全部帖子
wing1388 發表於 18-2-1 11:30
大家好,自從舊POST因事關閉以來,收到唔少JM問我幾時會出過個新POST?老實講,當初都估唔到個POST可以LAST ...
師兄, 好開心再見你開POST


男爵府

積分: 5094


發表於 18-2-1 14:15 |顯示全部帖子

回覆樓主:

說好了的,師兄開新鋪時,送上花籃慶賀

附件: 你需要登錄才可以下載或查看附件。沒有帳號?註冊


珍珠宮

積分: 46299

開心吸收勳章


發表於 18-2-1 14:29 |顯示全部帖子
GabKar2012 發表於 18-2-1 13:43
我諗我都就嚟要行呢條路,請指教。

唔敢話指教,但不妨講下妳現在嘅情況?是否冇彎轉?
百花叢裡過,片葉不沾身。


珍珠宮

積分: 46299

開心吸收勳章


發表於 18-2-1 14:31 |顯示全部帖子
cathyhung620 發表於 18-2-1 14:07
師兄, 好開心再見你開POST

開心就好了!
百花叢裡過,片葉不沾身。


珍珠宮

積分: 46299

開心吸收勳章


發表於 18-2-1 14:32 |顯示全部帖子
亞靚 發表於 18-2-1 14:15
說好了的,師兄開新鋪時,送上花籃慶賀

如果係菓籃就更好
百花叢裡過,片葉不沾身。


男爵府

積分: 5094


發表於 18-2-1 14:38 |顯示全部帖子
wing1388 發表於 18-2-1 14:32
如果係菓籃就更好

本帖最後由 亞靚 於 18-2-1 14:51 編輯

做人唔得咁實際㗎
花係唔食得,但佢靚,比到人視覺上美好觀感而產生的精神糧食……唔知自己講咁乜Tim……

點評

queencorn    發表於 18-5-18 16:03


珍珠宮

積分: 46299

開心吸收勳章


發表於 18-2-1 14:50 |顯示全部帖子
亞靚 發表於 18-2-1 14:38
做人唔得咁實際㗎

因為我唔食花吖嘛!
百花叢裡過,片葉不沾身。


大宅

積分: 4530


發表於 18-2-1 15:56 |顯示全部帖子
wing1388 發表於 18-2-1 14:29
唔敢話指教,但不妨講下妳現在嘅情況?是否冇彎轉?

2015年中發現,我要講都講過,機會亦俾咗。佢見風聲緊忍咗兩年幾,我以為佢真係為個家改變。點知呢幾個月feel到佢唔同咗。行踪同態度都有明顯變化,點知佢又再背叛我,這次佢仲高章咗。我唔想再浪費時間,亦唔想個囡第日揀個老豆咁嘅男朋友或老公。


珍珠宮

積分: 46299

開心吸收勳章


發表於 18-2-1 16:04 |顯示全部帖子
本帖最後由 wing1388 於 18-2-1 16:17 編輯
GabKar2012 發表於 18-2-1 15:56
2015年中發現,我要講都講過,機會亦俾咗。佢見風聲緊忍咗兩年幾,我以為佢真係為個家改變。點知呢幾個月f ...

在第一次發現之後,你哋有冇採取過一啲措施以防佢故態復萌?其實出軌就好似毒癮一樣,試過一次之後要徹底戒除真係唔容易,必須好小心咁去處理。因為有兩種人,第一種係見過鬼怕黑,知道事情嘅嚴重性,可以輸咗頭家而洗心革面;而另一種就係正如妳老公一樣,衰過一次知衰咩,下次就玩得更為高明,有啲人往往唔衰到無可挽救唔知錯,但當佢真心改過時已經冇機會了!

咁現在妳下一步有咩打算?只係攤牌還是主動搞離婚?如果搞離婚佢又同唔同意?若然佢真係回頭是岸妳仲俾唔俾多次機會佢?妳又肯唔肯承受有機會再有下次嘅打擊?而我所提出嘅問題,妳自問又剋服到嗎?
百花叢裡過,片葉不沾身。


大宅

積分: 4530


發表於 18-2-1 16:17 |顯示全部帖子
wing1388 發表於 18-2-1 16:04
在第一次發現之後,你哋有冇採取過一啲措施以防佢故態復萌?其實出軌就好似毒癮一樣,試過一次之後要徹底 ...

佢開始背叛我都唔係2015年開始,遠在未結婚前已經背叛,只係以前我太年輕同天真,傻傻地相信佢啫。十多年了,出軌出到好似個loop咁,叫我點再俾機會?佢只係當我水泡,玩完就返嚟我到休息,當我喺咩呢?佢其實都唔愛我,只係驚我帶走個囡先避諱我。咁我仲留係度仲咩?佢重頭到尾都無promise過我啲咩,只係行動上叫做有做改善,會有交帶行踪,會用多好多時間陪我地。但呢段時間佢其實有時幾唔耐煩咁。


大宅

積分: 1776


發表於 18-2-1 16:21 |顯示全部帖子
Wing 1388, 希望你心情好番啲, 之前有個 post 話唔開心 :)

GabKar2012, 老實話你知, 男人多數一不離二, 聲淚俱下求原諒果刻, 9成交戲1成真心後悔, 之後乖一排, 都係出去玩番, 不過小心啲...

親身經歷.


大宅

積分: 4530


發表於 18-2-1 16:22 |顯示全部帖子
GabKar2012 發表於 18-2-1 16:17
佢開始背叛我都唔係2015年開始,遠在未結婚前已經背叛,只係以前我太年輕同天真,傻傻地相信佢啫。十多年 ...

其實上年年頭佢又喺交友 apps flirt女flirt到出街,我已經提出過離婚,佢亦無反對的,亦表明唔會回頭。只係當時見佢工作同經濟壓力大,唔想加大佢壓力,而我確實仲好愛佢,我又心軟。但今次......我覺得再咁落去喺浪費大家時間。我覺得自己根本不是她想過人世嗰個。他從來無反省過自己咁做我喺幾咁痛。


珍珠宮

積分: 46299

開心吸收勳章


發表於 18-2-1 16:23 |顯示全部帖子
GabKar2012 發表於 18-2-1 16:17
佢開始背叛我都唔係2015年開始,遠在未結婚前已經背叛,只係以前我太年輕同天真,傻傻地相信佢啫。十多年 ...

咁其實佢只係想採取拖字訣,呢種情況係因為佢博妳有個女,會為咗個女留低,覺得妳唔會貿然提出離婚吧!不過佢仲會做返啲嘢氹住妳,即係佢心裡其實都會怕妳真係提出離婚,足見佢唔見棺材唔流眼淚,否則佢無情起上嚟又有咩必要氹住妳呢?

如今我諗除咗妳正式行動搞離婚,佢係唔會突然有改變,咁妳要好好考慮萬一離婚後妳能否應付將來嘅一切。
百花叢裡過,片葉不沾身。


大宅

積分: 4530


發表於 18-2-1 16:24 |顯示全部帖子
chelsealam 發表於 18-2-1 16:21
Wing 1388, 希望你心情好番啲, 之前有個 post 話唔開心 :)

GabKar2012, 老實話你知, 男人多數一不離二, 聲 ...

佢從來都無求過我原諒。我初時以為佢要面子,但。。。。怪我人品太好。


珍珠宮

積分: 46299

開心吸收勳章


發表於 18-2-1 16:25 |顯示全部帖子
chelsealam 發表於 18-2-1 16:21
Wing 1388, 希望你心情好番啲, 之前有個 post 話唔開心 :)

GabKar2012, 老實話你知, 男人多數一不離二, 聲 ...

我明白我幾唔開心日子都係要過,可以暫時放低就放低做其他事先,反正一時三刻我改變唔到啲咩!
百花叢裡過,片葉不沾身。


大宅

積分: 4530


發表於 18-2-1 16:27 |顯示全部帖子
wing1388 發表於 18-2-1 16:23
咁其實佢只係想採取拖字訣,呢種情況係因為佢博妳有個女,會為咗個女留低,覺得妳唔會貿然提出離婚吧!不 ...

本帖最後由 GabKar2012 於 18-2-1 16:52 編輯

佢驚阿囡俾我帶走啫,根本唔係驚我走。我開始諗緊點做同點安排阿囡日後點返學。如果唔係佢,阿囡邊駛咁慘!

首頁

尾頁

跳至
熱門主題
del ... 2 3 4 5
你需要登錄後才可以回帖 登入 | 註冊