今朝起身，朋友微信話我知有個大瓜，原來《武庚紀》官宣開拍，只有男主國超一人，然後有粉絲責問劇組是否會魔改加戲俾女主李一桐，劇組答話「大男主劇，冇聖女」。劇中人設女主名叫白菜，有三個階段，先出場為少女白菜，後因誤會而黑化成為魔女，誤會解開後激發自女聖女力量，轉化為聖女，拯救男主武庚。而粉絲捉住原著為大男主故事，一直鬧李一桐強行要求加戲，足足網暴咗李一桐幾個月，劇組開始宣傳另一套劇《塵緣》，國超粉就日日上去鬧，明明套劇唔關《武庚紀》事就帶節奏鬧。
李一桐唔知劇組咁樣官宣法，加上果句「冇聖女」同佢收到嘅劇本有差別，於是劇組官宣同回應粉絲「大男主劇，冇聖女」後9個小時發微博公開辭演，李一桐工作室矛頭係指向劇組處理有問題，令佢唔想再同劇組合作，點知有劇組工作人員話李一桐未簽約，所以唔算係辭演，但問題又嚟啦，俾晒劇本李一桐睇，李亦口頭上應承，預埋檔期，好似有收訂金，如果咁都唔係解約辭演的話，訂金是否唔需要退回？原本風向都係指責劇組支持李一桐，但國超粉去冷嘲熱諷，又叫人唔好帶國超個名（其實都冇人話佢個偶像），於是輿論反向鬧國超粉，又扒出佢地已經網暴鬧李一桐，咁而家人地唔演咪好囉，點解仲要去踩人？
好多話李一桐粉絲少，平時拍劇唔事多，戲又好，個個劇組合作完都讚佢，雖然忠粉少，但路人緣唔錯，而家連李一桐咁和善都忍唔住，可想而至劇組做得幾過份。問題係連李一桐都唔接呢套劇，劇組又話明大男主劇，相信唔會搵得到比佢更高一檔嘅女演員，有可能一線女星肯接呢D鑲邊女主，李一桐出名好相處，之前亦接過二攤救場，佢一向都唔爭番，而家呢套《武庚紀》俾國超粉鬧一鬧，搞一搞，都唔知點收科，買定花生睇下後續點算。
花旗太太生活在花旗國，留意時差，你問我未必即時答到。
發表於 
返回列表
