吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 無意間發現openrice之食評，笑到噴飯!寫得好正! ...

自由講場今日: 336|主題: 1357706

收藏本版

發帖

返回列表

跳至頁

樓主: Poisoncherry

無意間發現openrice之食評，笑到噴飯!寫得好正!

14 151617 18...30

積分: 2100

301^#

發表於 14-1-22 15:25 |只看該作者

之前有篇都好笑,話食過紅豆壽司就是好兄弟!

私人傳訊

Poisoncherry

禁止訪問

積分: 13787

302^#

發表於 14-1-22 15:27 |只看該作者

引用：之前有篇都好笑,話食過紅豆壽司就是好兄弟!

提示: 作者被禁止或刪除內容自動屏蔽

私人傳訊

Poisoncherry

禁止訪問

積分: 13787

303^#

發表於 14-1-22 15:27 |只看該作者

引用：我喺架巴士上睇到大笑，笑死我，啲人以為我

提示: 作者被禁止或刪除內容自動屏蔽

私人傳訊

catcatcati

伯爵府

積分: 17882

美好大世界2017勳章最關心BB問題熱投勳章我的育兒心得勳章 DHA勳章 BK Milk勳章

304^#

發表於 14-1-22 15:27 |只看該作者

本帖最後由 catcatcati 於 14-1-22 15:38 編輯

呢篇都好好笑：

http://www.openrice.com/restaura ... m?commentid=2026340

三年前眾神風敢死隊,偷襲大久保一役,到今日仍為人津津樂道.今次的目標,輪到受一眾深旺系潮童愛戴,位於西九龍中心的"明將".剛好是日七月十四,在此"做節"是理所當然.

外間對明將的印像,一方面以四十幾銀可任吃壽司.當然受到那些用千幾銀買件tee,之後再無多餘錢去吃飯,但仍要"是日本人"的潮童歡迎,另一方面,受到一些對吃有一點要求的人唾罵,說這些壽司根本不能入口.小弟從沒去過明將,單憑網上的食評,相片,很難一口去批死,要親身落場才能証實,但是,身邊的朋友一早被嚇怕,慨嘆在這個圈子,找人陪你去見城,壽司廣就容易,一說到要去明將,仲慘過去問人借錢.

是夜七月十四,連同小弟,只得三位朋友,勇闖西九龍"破地獄".小弟先到,鬼節的晚上,門外亦有幾班如棒棒堂的人馬召集,快上快落,不消一會便能入座.

果然,四周圍的果然大多是"潮童",男的是Comme Des Garcons.....................且慢,不是Home Plus,不是Garcons shirt,而是最平的"

lay".還加上一撻明顯的黃漬,下身配條刻意拉低腰的牛仔褲,目的無非是想show off腰上的綠紅色Gucci罷了.背著個Gucci Monogram,好一個西九潮童.隔離的女生,又是另一個倒模出來的Angelababy.

坐下不久,店方便奉上芥辣,茶包,曾經在網上看見此店的芥辣相片,水汪汪如正在溶解的綠茶雪糕,今次是一小碟上,整到好像一件綠茶餅仔.將茶包放在杯內,再放在水龍頭注水,水流弱過小便,忽然想著"弱水三千"其中一段:{三千春江水暫住寂寞天空}友人尚未到,面前的迴轉帶,就是我的寂寞天空.

久問紅豆壽司大名,真是不得不佩服明將藝高人膽大,連紅豆也可用來做壽司,幾時會輪到叉燒,豬潤,午餐肉,豆豉鯪魚...甚至乎珍珠奶茶的珍珠壽司?見到迴轉帶上的紅豆壽司,懶理擺了多久,即刻先下一城.面頭的紅豆,有點似珍珠奶茶的珍珠,更有點似霉菌.賣相的確"驚喜".入口一刻,成劈野之中,忽然有咬口,因為紅豆好硬.配上一點醋味也沒有,味如白飯的壽司飯,同受潮到淋的紫菜,心想是否吃著三流的份子料理?這個"三差激"組合,可不是講玩,小朋友吃之前,記得要PG家長指引.另一樣名物,是細小得可用來餵龜的甜蝦,正確一點去說是甜蝦毛,賣相實在令人忍俊不禁,再一次佩服明將,可以長期有此種沒有味道的蝦毛供應,別處保証吃不到.

兩位友人陸續到步,見個迴轉帶來來去去也是那些,便要落order.傳說中明將的壽司飯,是熱的.即叫即做才見真章,不過在証實這個傳聞之前,再在迴轉帶上,取來一些軍艦壽司,蟹子壽司之前在迴轉帶上見不到,應該是剛剛才放上帶上.如果是即做的軍襤,紫菜一定仍然帶脆,可惜這個蟹子壽司,外圍的紫菜,淋過濕紙巾.面頭的蟹子,似是染色體,一點味也沒有.吞拿魚軍艦更加"精彩",面頭的吞拿魚如嘔吐物,成劈泥一樣.相信小弟吃罷罐頭吞拿魚碎之後,嘔回出來的也是如此樣子.蛋沙律壽司更有一陣怪味,不是吃蛋沙律也吃著臭蛋咁大鑊丫嘛?

正值青春期的直男生,對女性胴體開始充滿好奇,在八十年代,到九十年代頭長大的男生,相信大多也去過鴨記,老廟等舊書店買二手成人刊物,未成年膽粗粗去買,得手之後便帶著期待的心情,拿回家去慢慢欣賞,但當一打開,大叫:{點解黐埋左架?!}遇著上一手"紙上談兵"的痕跡,怎不教人英雄氣短呢?回到面前的八爪魚壽司,當我夾住一件壽司之時,壽司上的紫菜.與旁邊的一件壽司的紫菜黐埋一起.正是我之前所講的二手書經驗.羊家兄妹見狀不忍,唯有留待我與星爺在壽司上談兵吧.

同八爪魚一樣,螺肉是低風險之物,因為是來貨,不是自家製,四件螺肉壽司拍埋一起,其中一件面頭只得一粒螺肉.終於等到order的三文魚同鰻魚壽司,見到三文魚的色水曖眛,吃下去味道更加盡在不言中.友人更說三文魚會變色!至於壽司飯是否如外間所說的熱?結果,是凍的,凍冰冰的凍.鰻魚吃落不似鰻魚,肉質同味道皆似鯇魚.如果自創一客鯇魚片壽司,會有人吃嗎?

服務方面,收碟速度快,值得一讚,因為是任吃嘛.吃幾多碟也是一樣,無須埋單時計數.

好了,夠了,再吃下去同玩命無異,夠鐘回到凡間"溝貨"去也.無錯四十多塊錢任吃是平,但起碼也要入得口,如果不能令到人開口,幾平,甚至免費也沒有用.事後有些朋友看罷食物相,未吃已說倒胃口.這個價錢在外面,可以去同區的"泰潮".吃到海南雞飯或豬髀飯,甚至在劉森記來兩碗雲吞麵,甚至上去連鎖快餐店吃個冬瓜盅套餐.{拿住四十幾銀想食日本野?食懵你呀!}

我們這晚在明將的經驗,有如Discovery channel內的獵奇節目,只不過節目內的主持人吃虫,天竺鼠,我們面對著的,是各式各樣的生化壽司,說起也有點異曲同工之處.

平心而論.明將的壽司,無論賣相同味道也是值得一個劣評,但相比殿堂級的大久保,還是有一段距離,我吃過大久保,最為清楚,未上檯已經散的壽司飯,疑似的刺身,發臭的醬油等等,已經令到大久保成為一個不朽的傳說.

弱水三千 - 深水埗的明將迴轉壽司餐廳) 弱水三千

PG家長指引之三差激 - 深水埗的明將迴轉壽司餐廳) PG家長指引之三差激

用來餵龜? - 深水埗的明將迴轉壽司餐廳) 用來餵龜?

胃部中出吞拿魚 - 深水埗的明將迴轉壽司餐廳) 胃部中出吞拿魚

壽司上談兵? - 深水埗的明將迴轉壽司餐廳) 壽司上談兵?

無味蟹子 - 深水埗的明將迴轉壽司餐廳) 無味蟹子

變色三文魚加鯇魚壽司 - 深水埗的明將迴轉壽司餐廳) 變色三文魚加鯇魚壽司

wasabi花塔餅 - 深水埗的明將迴轉壽司餐廳)

私人傳訊

mickey1388

侯爵府

積分: 20107

2024年龍年勳章

305^#

發表於 14-1-22 15:31 |只看該作者

回覆：無意間發現openrice之食評，笑到噴飯!寫得好正!

私人傳訊

chercher68

伯爵府

積分: 15949

最關心BB問題熱投勳章 DHA勳章玩具勳章畀面勳章大廚勳章冬日勳章春季勳章炎夏勳章秋日勳章 BK Milk勳章 hashtag影視迷勳章

306^#

發表於 14-1-22 15:33 |只看該作者

笑甩D牙

私人傳訊

ddddssss

大宅

積分: 4543

陪月勳章

307^#

發表於 14-1-22 15:34 |只看該作者

回覆：無意間發現openrice之食評，笑到噴飯!寫得好正!

笑到錶眼泪

私人傳訊

AAACCC

伯爵府

積分: 17171

叻叻勳章畀面勳章 BK Milk勳章

308^#

發表於 14-1-22 15:36 |只看該作者

私人傳訊

paulachau

大宅

積分: 2511

309^#

發表於 14-1-22 15:41 |只看該作者

睇黎佢係金庸+九把刀既fans喎

每一種創傷，都是一種成熟。

私人傳訊

糯米鴨

大宅

積分: 1192

310^#

發表於 14-1-22 15:43 |只看該作者

私人傳訊

loer_er

珍珠宮

積分: 37631

311^#

發表於 14-1-22 15:47 |只看該作者

引用：+本帖最後由+catcatcati+於+14-1-22+15:38+

原帖由 catcatcati 於 14-01-22 發表
本帖最後由 catcatcati 於 14-1-22 15:38 編輯

呢篇都好好笑：

紅豆壽司個樣

其實見D食物個樣好似好唔企理，食完會唔會唔舒服

私人傳訊

chelsea_meow

珍珠宮

積分: 45070

hashtag影視迷勳章

312^#

發表於 14-1-22 15:48 |只看該作者

好

私人傳訊

monkeyman

男爵府

積分: 7320

HiPP勳章(1) 開心吸收勳章認識瑞士牛牛第三回認識瑞士牛牛第一回育兒性格勳章我的育兒心得勳章想生BB熱投夏天玩到顛 hashtag旅遊勳章 DHA勳章 hashtag影視迷勳章畀面勳章 BK Milk勳章

313^#

發表於 14-1-22 15:49 |只看該作者

私人傳訊

奶牛熊仔餅

民房

積分: 20

314^#

發表於 14-1-22 15:53 |只看該作者

私人傳訊

catcatcati

伯爵府

積分: 17882

美好大世界2017勳章最關心BB問題熱投勳章我的育兒心得勳章 DHA勳章 BK Milk勳章

315^#

發表於 14-1-22 15:53 |只看該作者

呢篇又係好好笑：

http://www.netbugs.hk/2010/03/03/563/

眾所周知香港係美食天堂，各式各樣美食包羅萬有，食店要突圍食物水準一定要有番咁上下。不過好食係唔足夠o既，因為o係香港呢個美食天堂大把好野食。在云云競爭中，香港有一食店悟出驚世道理 – 做唔到天下第一好，就要做地獄第一差。無錯!! 一千間食店，有九百九十九間都想做最好o個個，唯獨一間要做最差，計下數就知做”最差”呢個市場係好容易壟斷的。

坦白講小弟已經唔係第一次惠顧呢間野，佢有幾”得”我十分了解。再次惠顧係因為小第看畢當今網絡經典文學之一”陰陽路十二之生化壽司“(如果我今日死o左咁呢篇就係我呢生人睇過最好o既食評，蔡瀾都要死開)，跟朋友們談及該文引起本人萌生再搞地獄團之念頭。而地獄團前前後後都籌備好一段時間，係因為團員名單改了又改，最後出黎o既大部份都係talkonly主持，可見無番咁上下老友真係鬼同你去，去得o既都係有情有義，真朋友!!

當晚我地一行六人破地獄，本諗住閒日無咁多人，最後都等o左兩三個字。

低脂三文魚壽司 – 唔單止健康，仲好環保(睇下碟面就知!)

沙律壽司 – 將椰果，菠蘿，車厘子，粟米整合o既壽司!!

甜蝦壽司 – 終於多左條毛…….係甜蝦至真!! (平時係一舊一條的)

海哲壽司 – 有魚翅的!!!!

肉鬆壽司 – 跑馬拉松中途有水站，食明將都要抖下氣，呢舊食落已經係最似傳統壽司(at least飯有飯味，肉鬆有肉鬆味)。

紅豆軍艦壽司 – 該款壽司近年已經上o左神檯，甚少o係迴轉帶出現。當我地同Waiter話要三客紅豆軍艦壽司，佢當堂面色一沉，知道我地係識貨之人黎踢館挑機打大佬。正所謂影評唔講Spoiler，呢舊神檯級壽司o既味道留待各位自己親身感受下。

多春魚壽司 – “為食總司令”幟哥畢生鑽研唔同o既海鮮烹調方法，我諗佢萬料不到原來多春魚可以拎黎做壽司!!

(必點!!!)梅菜扣肉壽司 – 遠睇似梅菜扣肉，近睇似鹹魚，由於我係無食到，所以對佢o既真正身份唔太清楚(下文有講點解無食到….)

剛從迴轉帶上方杯架拿出的杯(該文最後有片睇)

今次再戰明將，絕對保持到水準之餘，亦有不少驚喜。首先係馳名o既熱飯壽司終於有o的改變，除左北寄貝壽司係熱飯外，其他壽司都係冷飯，尤其係炸尤魚鬚壽司，明明睇住佢岩岩整出黎擺上迴轉帶，估唔到舊飯凍，條炸尤魚鬚仲凍，好似岩岩o係雪櫃拎出黎(仲有些少雪水味)，感覺非常新潁。另外一大驚喜係梅菜扣肉壽司，如果話食紅豆軍艦壽司係打大佬，咁梅菜扣肉壽司應該係Hidden Mode o既超級大佬。 A網友開頭食o左半舊就無食然後講左句oshit!!(日文好食的意思)，小弟認為好野應該同各位分享，所以當時無食到。直到差唔多埋單，由於該壽司賣相實在太吸引，情不自禁地拎起隻碟近距離索o左一野 ………. 氣味先令我有做大肚婆的感覺(作嘔作悶) ，繼而感受到母愛之偉大(感動落淚)，此時此刻我終於明白 – 舊壽司係拎黎聞唔係拎黎食的，各位準備去明漲的話必點(又或者外賣定幾舊，跑跑下馬拉松暈低左既話俾佢索一索保證彈返起身)!!!

事實上明漲分店遍佈港九新界，食客對於其他分店評價亦相當正面，何解偏偏西九店成為劣食地標？外界對呢個問題眾說紛云，有人話呢度就係明漲o既庶務二課，所以搞成咁。亦有人認同本文開頭所講 – 做唔到天下第一好，就要做地獄第一差，邊種講法先正確？呢個係一個……謎!! 無論如何，明漲壽司憑住不斷努力創新，敢於求變o既態度令佢地製作出日本都食唔到，全銀河系只此一家o既Fusion Sushit。

兩次的劣食團後段，我地觀看四周食客，都會有個疑問：點解佢地食得咁開心？隔離檯一位女仕，坐佢旁邊o既似係佢個仔，疑似係阿仔帶阿媽食”好野”。團員訪問個阿媽問佢好唔好食，阿媽一邊搖頭一邊答：å好食!! 此時小弟終於茅塞頓開，亦強烈建議各位一生人一定要去多次明漲壽司。阿仔帶阿媽，阿媽話好食係引證母愛o既偉大，阿爸帶阿仔去係教識阿仔做人要刻苦耐勞，情侶分手可以叫對方”不如一齊去食明漲壽司”作為借口，聽到o個個一定會話：你係咪想分手？男o既求婚前亦可邀請對方去食明漲壽司，如果可以一齊食完面帶笑容離開，咁可以證明佢係一個可以挨苦，可以共患難o既好女仔，娶得過!!!(小弟亦借似機會為部份食評話食明漲o既就係MK兒女作出平反，食得明漲o既都係克苦耐勞o既好男仔，好女仔!!!! ) 所以話食明漲係充滿無限可能，帶俾你o既快樂比迪迪尼更多，而講緊只係付出五草野有找，快o的約埋班Friend黎西九，食好野!!!

給死士的忠告
- 由於佢地係無Menu的，壽司都係憑空想像出來，建議先搜集本文及其他食家”推介”(梅菜扣肉壽司個名係我作的，因為真係唔知咩黎，所以呢個抄低都無用)，整理好再列印清單以方便Order。
- 最好搵個講急口令叻o既朋友負責落Order，因為呢度waiter唔wait人，我怕你講得慢的話Order o左一半佢已經走o左。
- 盡量坐迴轉帶旁邊，好多新Fusion料理都係咁樣發掘出來的。

烈士的引證 – 明漲雙子塔

小弟雖不能與各位同年同月同日生, 但能同年同日食明漲, 總算共過患難. 一齊硬趙過紅豆壽司, 今後以兄弟相稱!!