all twins mama:
今日帶孖b interview都幾順利,個老師拎左幾樣玩具比孖b反,咁孖b又好乖坐定定係到反,反左一輪後孖b就周圍走去搵第二d野反,大孖好似平時喺屋企咁將一藍藍嘅玩具倒到就地都係,唔知以為佢去掃場,不過大孖都叻叻肯幫老師執返好d玩具,細孖開頭就攞左d公仔出黎周圍擺,玩完擺返好再攞第二樣反,最搞笑係大孖掃場嘅時候(當時我係同老師傾緊計),細孖叫左我一聲媽咪,咁我問佢咩事呀,佢竟然指住d玩具同我講執,咁我咪同佢講好吖同家姐一齊執返d玩具落個藍藍到,乖嗄,我開頭仲諗孖b真係乖識同我講執玩具,點知真相唔係咁,細孖竟然不停擰頭話唔係,係媽咪執,我話原來你叫媽咪執玩具,咁我話好吖,我就走過去一路執一路同孖b講好似媽咪咁執返d玩具落藍藍,佢地都照做,我就讚孖b乖乖媽咪鍚晒,其實個老師一路都有留意孖b嘅一舉一動,當我同老師傾到7788嘅時候,個老師同我講孖b喺呢個年齡黎講算講得多野,仲話孖b叻叻一教就識,點解個老師咁講呢?因為個老師比左一支有聲嘅吹波波同孖b一齊玩,個老師只係開過一次個樽口同教孖b喺邊個位吹出波波,孖b一教就識,個老師話呢兩三個禮拜內寄信通知我去交註冊費,佢話多數都無問題會收孖b,其實我都覺得間學校同d老師都好好,但我覺得間學校d雜費太多,學費$4,500,又要做校服又要比日用品雜費一年兩次,所以我都係要再考慮考慮.
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
