影視娛樂 今日: 8 | 主題: 16084

積分: 174135

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

301^#

發表於 15-10-11 02:29 |只看該作者

42集看點
（2）赤焰梅嶺遇害真相
當年慘劇娓娓道來
靖王帶列戰英嚟到蘇宅，仲有蒙統領在場，長蘇叫眾人坐低再講，佢自己順勢坐於偏廳，遠離大伙，一來可以掩飾情緒，二來又可以避開直接面對。

梅嶺一戰有冇生還者？
靖王最關心有冇生還者，衛錚一再強調有職份靖王又認識嘅恐怕沒有，靖王嘅表情應該係失望同痛心，但都暫時唔想放棄任何希望，因為林殊曾經係金陵最耀眼嘅天才，武功才學軍事都無一不精，佢始終懷有一絲寄望，既然衛錚可以生還，身為少帥嘅林殊應該都可以，但原來當時衛錚並不身在梅嶺，佢係被林殊派去接應前來增援嘅聶鋒，可惜佢見到嘅係謝玉大軍，佢地唔係嚟增援，而係嚟殺戮赤焰軍。

顯赫一時嘅七萬赤焰軍何以輕易被滅？
衛錚講出當時赤焰軍剛經歷對大渝嘅一場惡戰，當年整個梅嶺漫天風雪，滴水成冰，林變用油氈火攻，大軍跟大渝惡戰三天三夜，終於滅去大渝皇屬大軍，已經筋疲力竭，唯有原地休整。迎來唔係聶鋒嘅援兵，而係謝玉夏江十萬大軍斬殺，即使奮力抵抗終究無功。而滅大渝嘅功勞亦被謝玉搶去。靖王痛心赤焰慘案原來係咁樣，七萬忠魂無緣無故被滅於權謀之下，佢心痛兄長好友被害，又悲憤自己父皇心狠手辣，更憎恨果班一日玩權術謀略之人。哀莫大於心死，到此一刻，原本少少希望都應該幻滅，林殊真係返唔到嚟，而佢唔知其實林殊一早已經返咗嚟，此時此刻正正喺佢身邊。

宗主見到好友為自己赤焰軍咁激動好感動，到靖王話當前最終目的係為赤焰覆案，其他都唔重要，即使又俾靖王誤會佢又只為上位籌謀，宗主心中嘅林殊已死而無憾。

靖王心志堅決要為赤焰翻案，蒙統領指出要皇上親自推翻承認自己錯至有用，但呢個錯太大，梁帝唔會咁做。宗主都指出，梁帝認錯意味著會記載於歷史書中，要梁帝肯以後永生永世留下佢冤殺功臣同長子嘅污名，唔係單靠一句公義就可以做到。

宗主叫靖王將衛錚留低喺蘇宅，唔駛擔心有人會知道，靖王著衛錚唯宗主之命是從。呵呵，傻瓜靖王，呢樣唔駛你吩咐，衛錚都會做。

花旗太太生活在花旗國，留意時差，你問我未必即時答到。

私人傳訊

積分: 174135

302^#

發表於 15-10-11 02:44 |只看該作者

42集看點
（2）赤焰梅嶺遇害真相
當年慘劇娓娓道來（續）

王凱其實唔應該笑，佢係應該好悲憤至係，生為軍人，佢知道何為軍魂，忠心不異，保家為國不計生死，結果換來妒嫉猜疑，更係因為一面之辭視七萬人命為芥草，靖王可以覺得好諷刺，果下笑可以有，但就應該係好激動果種，唔係笑一下即收，然後就連眼淚都唔多滴咁講自己父皇不是，佢果下搖頭擺腦起身更加突兀，好歹靖王都係一個軍人，俾多少少力量啦，我見唔到一個心志強大又長期在外征戰嘅軍人。果下踢櫈無需要，或者導演覺得場戲太靜態，要有D聲有D動作至得，但真係破壞咗靖王嘅人物描寫，成個角色衝動魯莽，虛情假意，佢只關心自己身邊嘅人，而唔係大仁大愛，呢樣係作為仁君需要嘅。

胡歌呢場戲好靜態，好多大頭，表現佢情緒變化，由最初聽時平靜到回憶沉靜，去到後面心中有怒火有恨，再見到靖王激動嘅表現，佢眼中有淚但都要忍住，頸都震埋，蒙統領望咗佢一下，佢慢慢平復。到靖王踢櫈，胡歌收歛情緒，又謀士上身去勸靖王冷靜，雖然又俾靖王鬧，佢都表現得好好心好欣慰。

呢場係靜態場景，但當中嘅energy好強，宗主內心起伏，聽到衛錚轉述，佢心中就如再一次親歷其境，難免心中波濤洶湧，但因為靖王在場，而長蘇應該係一個局外人，佢嘅激動情緒唔成立，所以要隱藏身份，宗主必須要穩住情緒。而知情嘅蒙統領無時無刻都留意宗主，擔心小殊再一次承受傷痛。靖王聽到冤案原來係一個謀術，人命居然被如此賤視，除咗難過之餘，仲痛恨父親同權臣嘅所作所為，唔只要翻案，更要整頓吏治，大梁先至有希望。

對比同樣表現哀痛傷心，胡歌同王凱都唔同，胡歌係內歛而有深度，但內心感情變化流暢。反觀王凱嘅係流於表面，一秒笑一秒怒一秒怒，我見到佢全場係怒多於哀，即使係好慘好慘，但失去摰愛兄長同朋友，佢再多嘅怒都係源於哀，但成場戲最多係平面嘅怒，表情又只係碌大對眼，但眼神空洞，真係冇感染力，搞到好似胡歌交完戲就斷咗。反而蒙統領雖然都係冇咩表情，但佢眼神流露關心同擔心。

點評

發表於 15-10-11 05:17

花旗太太生活在花旗國，留意時差，你問我未必即時答到。

私人傳訊

積分: 174135

303^#

發表於 15-10-11 02:48 |只看該作者

引用：Quote:原帖由 rose-mag 於 15-10-06 發表試

原帖由 rainbowworld 於 15-10-11 發表
我今日dl左搜狐app搵過，係有呢套劇，但佢冇注明有冇刪減，我諗又係刪減版

...

每集有幾長？未删減版唔包片頭片尾曲都有40分鐘，如果少過40分鐘就應該删減咗。

花旗太太生活在花旗國，留意時差，你問我未必即時答到。

私人傳訊

積分: 174135

304^#

發表於 15-10-11 03:49 |只看該作者

回覆：有無人睇琅琊榜？

老公換咗我部電腦，而家湊女去上堂先，43同44未睇，一陣睇完再上嚟講。

花旗太太生活在花旗國，留意時差，你問我未必即時答到。

私人傳訊

積分: 28097

305^#

發表於 15-10-11 09:54 |只看該作者

rose-mag 發表於 15-10-11 03:49
老公換咗我部電腦，而家湊女去上堂先，43同44未睇，一陣睇完再上嚟講。

...

42集仲有2場看點喔，一個喺宗主同豫津既對話，一場喺靜妃見宗主，後面呢場，我其實覺得唔應該CUT開2集。

你好犀利啊，你無睇過小說，都講出“子不知父，父不知子”既POINT！呢句話就喺小說最後宗主去鬧皇帝果陣講噶！其實帝皇家既可悲就是咩都權力行先，連親人之間最起碼既信任都無。

小王爺問宗主，呢種茶同平時飲既有咩唔同。傻仔，最大既唔同就是你姐姐送既咯，你姐姐送苦藥俾宗主，佢都會話好飲好甜噶啦！對比翻小說，小說只有小王爺送信，無送茶葉。宗主當時啱病好D，仲喺頭暈眼花要臥床休息，不過為左郡主放心，都堅持起床親自寫回信，穩人代筆又怕郡主睇到字跡唔對會更加擔心，自己寫又驚手震唔夠力俾郡主發現唔妥，一封信都寫左好耐，寫到滿頭大汗。果一段都睇到我幾心酸。

覺得電視劇同小說一個好大既唔同，就是無太多利用宗主既病弱製造悲情。其實相比起宗主內心既苦楚，他既病又算得咩？所以佢將虐點放喺虐心而唔喺虐身上。平時宗主越喺雲淡風輕，蘇宅越喺其樂融融，宗主郡主越喺溫情脈脈，當見到宗主傷心難過既時候，我地就越難過。

宗主見衛崢果場，你唔講，我都不知道原來胡歌處理呢一段有咁既用心。

我凈喺覺得佢既“力度”一直控制得好好，原來仲有更深一層既原因。

講到力度，王凱呢次又做一個錯誤示範啦。佢果幾聲冷笑，我感覺唔到悲憤，悲哀，悲痛，我感覺有D戾氣！佢對眼真喺令我好唔舒服。

私人傳訊

積分: 28097

306^#

發表於 15-10-11 10:42 |只看該作者

講下43、44集觀後感，因為太多戰爭場面，拍得太好，太逼真，所以我唔敢睇第二次了，憑印象講下。

1、靜妃同宗主相認啦！呢場戲我都睇到眼濕濕，睇左幾次都眼濕濕，我唔喺唔中意靜妃同個演員啊，我凈喺唔中意佢把聲咋。見到佢咁心痛小殊，我都跟住心痛。呢一場覺得宗主既情緒克制左好多，其實從上一集佢主動同豫津講起當年邊個教佢獵場規則，我就覺得佢面對舊人舊事已經坦然左。呢一段，又可以見到佢果種復仇雪冤既決心了。佢對靜妃講“不行！”果度開始，我睇到佢眼裡有火。PS：乜把脈都可以確認身份既咩？

2、點解我覺得宗主同靖王喺靜妃賬外既對話，講到好似好唔見得光咁噶？同佢講，我身體好差，你媽媽心痛我，得唔得？然後靜妃又叮囑下靖王，照顧好宗主身體啊，咁就瞞過去啦。

3、庭生：小說入面宗主最後特意交待靖王，佢好擔心庭生，叫靖王盡量令庭生遠離皇室核心，平平安安度過自己一生就好。喺電視劇裡面，具體交待左一下宗主既擔心何來。豫津一講到庭生既身份問題，庭生就即時豎起耳仔聽喇。宗主講得啱，世間好多野，不知道既時候好知足，知道左就會多左好多雜念同煩惱。

4、宮羽：講真，我唔多認同她咁癡纏既做法，因為佢真喺唔顧大局。上次宗主同景睿佢地去妙音坊，宮羽好貼心咁做左好多準備，但真係好彩景睿果2個都唔算好細心既人，否則一定有疑惑，你地第一次見，點解會咁清楚宗主既愛好噶？江左盟最無規矩既就是宮羽了吧。

5、靖王去請救兵，宗主同萌大哥去送行。唉，靖王你唔喺身經百戰既咩？點解我睇唔到你既勇氣，你既熱血，我凈睇到你好猶豫，好忐忑？男人黎噶，好多野唔好咁婆媽！挺起個胸，撐住啦！

6、戰爭場面拍得好好，連D馬都好好演技！

7、借用郡主既一句話“男人既感覺就是這麼不講道理”，大殿上宗主講果句“快了”，原黎唔喺講靖王既救兵，而喺郡主！

我仲記得第12集，宗主都是距離好遠就FEEL到郡主黎緊了。郡主好英啊，雖然我覺得1000人衝入對方幾萬人既核心，取人首領首級，有少少誇張，不過我都是覺得郡主好英啊！

郁我老公？我同你死過！

8、譽王落敗了，譽王靖王一個成王一個敗寇，點解個氣場調轉曬噶！黃維德真是正！

私人傳訊

積分: 174135

307^#

發表於 15-10-11 10:47 |只看該作者

hugoma2015 發表於 15-10-10 17:54
42集仲有2場看點喔，一個喺宗主同豫津既對話，一場喺靜妃見宗主，後面呢場，我其實覺得唔應該CUT開2集。:no ...

係呀，我而家寫埋豫津呢段先，靜妃果段我會拼埋43集一齊講，我覺得剪片果個係想引觀察第二日追，其實只要開頭少少就夠，入到帳篷行禮就完場更好D，唔係搞到個斷開咗就嘥料。

吓，原來書有講子不知父，父不知子，其實呢樣真係好多朝代都係咁，好多作者都有明有暗帶到呢樣，只係琅琊榜劇呢部份表現得好明顯。

其實茶果一部份同靜妃送茶有呼應，郡主同靜妃都知宗主係林殊，自然就會送佢鍾意嘅嘢俾佢，咁宗主鍾意嘅應該係武夷茶，後面靜妃知道佢怕冷都即刻改用另一種茶，故事有呢D設計細節係好人性好巧妙。

如果劇中太多病重場面係會搏到好多同情分，但就會俾觀察話宗主係吐血帝病君架啦，花千骨後期白子畫成日吐血都俾觀察吐糟。其實而家咁安排都可以嘅，不過其實我留意到胡歌前後期嘅宗主體力上有明顯分別，初到金陵雖然係身體弱，但佢好多時候都係腰背挺直嘅，後面就有刻意彎身同動作慢落嚟，配合番佢勞心勞力，體力大不如前，你會見到近呢幾集，宗主坐低係會倚靠住一D枕頭，或者坐得唔直，個人覺得有體力不濟成份。

冷笑果幾下係可以，但唔係冷笑後即刻收番，變成冇咩表情，個情緒變化控制得唔流暢，成套劇是但一人男角都交戲好過王凱，蕭景睿、言豫津、穆青、卓青遙，就算係列戰英都好過佢，係顏值差DD，不過我又唔覺得王凱有幾好樣，唱歌又難聽。

花旗太太生活在花旗國，留意時差，你問我未必即時答到。

私人傳訊

Pulmma

水晶宮

積分: 64196

2024年龍年勳章好媽媽勳章

308^#

發表於 15-10-11 11:03 |只看該作者

引用：Quote:原帖由 hugoma2015 於 15-10-01 發表

原帖由 rose-mag 於 15-10-01 發表
第一集開頭隻雀飛過山谷去到琅琊閣，我就想起forest gump電影入面開場條羽毛，好有詩意，之後有人追殺一對 ...

睇來，我都係要轉會。

套雲中歌睇到想講粗口。

私人傳訊

積分: 28097

309^#

發表於 15-10-11 11:14 |只看該作者

rose-mag 發表於 15-10-11 10:47
係呀，我而家寫埋豫津呢段先，靜妃果段我會拼埋43集一齊講，我覺得剪片果個係想引觀察第二日追，其實只要開 ...

我覺得應該CUT到有人傳話比宗主，叫佢去見靜妃果度就OK。之前同夏江果場，我都覺得CUT開兩集唔好，應該CUT到宗主比人帶到涼亭，就OK，剩低既留比下一集。

書裡面金殿陳冤之後，皇帝都唔肯幫佢翻案，仲單獨召見佢，於是佢就喺道德上，親情上對皇帝黎做一次大審判，其中一句就是子不知父，父不知子，皇帝終於崩潰，同意翻案。不過呢一段電視劇裡面真是改左。改成皇帝同佢講條件。皇帝同意翻案，但佢，林殊永遠唔可以再出現喺朝堂上！我唔中意咁改！

飲茶果度，真是前後呼應，呢D真是考觀眾既細心。

我地一班書迷都覺得宗主前期比書裡面身體好，宗主吐血既次數少過小說好多。小說裡面第一次見到靖王就咳到吐血了。電視劇將第一啖血留比郡主，我好滿意！

呢種由強轉弱既過渡安排得好好，其實觀眾如果入戲既話，真是越睇越心痛噶！我媽就好緊張，成日問宗主會唔會好翻噶？

列戰英都OK噶，不過我中意雙眼皮男仔多D。我留意到衛崢果場，列戰英由頭到尾都坐得很端正，好有軍人既英姿。另外就算鏡頭對住既喺靖王，我都睇到列戰英既眼神，時而擔憂，時而疑惑咁。人地人肉背景都交足戲噶！王凱個樣，我覺得比例失衡喔，唔喺我中意既咯，難為佢D粉絲成日話胡歌喺“車禍現場面”（呢句我真喺覺得好惡毒），人地車禍毀容都靚過佢地偶像啦！

私人傳訊

Paris

侯爵府

積分: 21135

310^#

發表於 15-10-11 11:50 |只看該作者

Hello咁多位，睇到12,初時想棄劇，因為太沉重。直到第7集才覺得好睇，睇權鬥睇過招睇謀略睇關係，都ok.我想問下庭生係靖王邊個，呢part看不明。
胡歌實在太正太正，冇佢我唔睇，佢呢個造型同演譯同風中奇缘九爺幾乎一樣。令外靖王都好靚仔，我like.郡主初時怪怪，睇落便順眼！

行到水窮處坐看雲起時

私人傳訊

積分: 174135

311^#

發表於 15-10-11 12:00 |只看該作者

42集看點
（3）三月春獵
舉行春獵，梁帝帶用一眾人等去打獵，其實唔係幾明，點解會帶晒D重要人物去架？邊個睇住你個皇宮？靖王、淮王、景王、言侯同紀王都在，加埋梅長蘇，譽王決定一舉消滅的確係好計謀。

去到獵場，梁帝帶同幾個仔去行獵禮，其他人留守。

當其他幾個皇子都去咗打獵，場上座生叫飛流去教庭生騎馬，而豫津知道長蘇收庭生為徒後，覺得長蘇偏心，宗主指點過景睿創法，又教庭生讀書，只係未教過佢。長蘇問以前邊個教佢狩獵嘅規矩，豫津話林殊哥哥，長蘇會心微笑，重提舊事重見故人，笑容已冇以前初到金陵時咁傷感。

紀王見到庭生，唔知佢係知道庭生身份定係覺得庭生好似祈王。

P.S.宗主套朱古力色獵裝好靚好好睇，劇組對於服飾方面的確花咗好多心機，所有盔甲少說都有廿斤重，蒙挈果套更重，因為要英氣十足，演員著住演戲辛苦死。

有張相應係劇組拍攝時嘅影嘅，劇入面冇見過宗主騎馬，應係胡歌自己拍劇之餘騎馬俾劇組影到，真係好英呀。

花旗太太生活在花旗國，留意時差，你問我未必即時答到。

私人傳訊

積分: 28097

312^#

發表於 15-10-11 12:09 |只看該作者

Paris 發表於 15-10-11 11:50
Hello咁多位，睇到12,初時想棄劇，因為太沉重。直到第7集才覺得好睇，睇權鬥睇過招睇謀略睇關係，都ok.我想 ...

庭生喺祁王既遺腹子。祁王喺皇帝大仔，皇帝懷疑佢同赤焰軍傳統謀反，所以殺左佢，佢D女人全部充入掖庭，後來就生左庭生。靖王偷偷保護佢。

胡歌既表演同九爺有好大區別吧。

私人傳訊

積分: 174135

313^#

發表於 15-10-11 12:10 |只看該作者

Pulmma 發表於 15-10-10 19:03
睇來，我都係要轉會。

套雲中歌睇到想講粗口。

雖則我like桐華嘅故事，但雲中歌本身都已經係婆婆媽媽，加埋于正同AB，真係諗都唔駛諗我就決定唔駛睇，都一早叫你睇呢套架啦，快D叫埋肺女追啦，呢套冇兒童不宜嘢，就嚟做完架啦，唉，我好唔捨得套劇完，睇預告都喊死人，睇完我一定再煲，我而家每集都最少睇三四次再寫感想架，呢幾集真係次次睇都喊餐飽，而家每日都要聽果幾首歌，晚晚播住寫感想。呢個感覺同追步步驚心果陣差不多，只係琅琊榜講嘅更多係兄弟情君臣之情，感情線係少但一D都唔弱。快D跳船過呢邊啦，唔好浪費時間，感情同眼淚要俾一套好戲。

花旗太太生活在花旗國，留意時差，你問我未必即時答到。

私人傳訊

積分: 28097

314^#

發表於 15-10-11 12:15 |只看該作者

rose-mag 發表於 15-10-11 12:00
42集看點
（3）三月春獵
舉行春獵，梁帝帶用一眾人等去打獵，其實唔係幾明，點解會帶晒D重要人物去架？邊個 ...

聽說胡歌既騎術好好噶。最後呢張相喺胡歌身痕，騎馬癮起，專登叫導演幫佢拍左一條片。唉，如果無發生梅嶺事件，呢個就喺林少帥既英姿了！

睇返44集郡主騎馬黎救宗主果場，將宗主騎馬圖同郡主騎馬圖放埋一齊，呢一對真是“大梁戰神CP”啊，戰場上既神雕俠侶

私人傳訊

Pulmma

水晶宮

積分: 64196

2024年龍年勳章好媽媽勳章

315^#

發表於 15-10-11 12:18 |只看該作者

引用：Quote:Pulmma 發表於 15-10-10 19:03 睇來

原帖由 rose-mag 於 15-10-11 發表
雖則我like桐華嘅故事，但雲中歌本身都已經係婆婆媽媽，加埋于正同AB，真係諗都唔駛諗我就決定唔駛睇，都一 ...

Dl 咗。轉會。

我平時鐘意坐車睇劇。近2 個月做咗lasik , 想護下眼， e+ 得放工，抽到少少時間靜靜咁睇。如果冇兒童不宜，我就每日抽d 時間一齊睇先。

私人傳訊

積分: 28097

316^#

發表於 15-10-11 12:23 |只看該作者

rose-mag 發表於 15-10-11 12:10
雖則我like桐華嘅故事，但雲中歌本身都已經係婆婆媽媽，加埋于正同AB，真係諗都唔駛諗我就決定唔駛睇，都一 ...

45集宗主同聶鋒相認果個預告，我都喊死左了

私人傳訊

Paris

侯爵府

積分: 21135

317^#

發表於 15-10-11 13:16 |只看該作者

hugoma2015 發表於 15-10-11 12:09
庭生喺祁王既遺腹子。祁王喺皇帝大仔，皇帝懷疑佢同赤焰軍傳統謀反，所以殺左佢，佢D女人全部充入掖庭，後 ...

明哂。但係我又真係覺得胡歌無分別，都係果種文質杉杉嘅語調同儒雅的氣質

行到水窮處坐看雲起時

私人傳訊

積分: 174135

318^#

發表於 15-10-11 13:38 |只看該作者

引用：Quote:hugoma2015 發表於 15-10-11 12:09

原帖由 Paris 於 15-10-11 發表
明哂。但係我又真係覺得胡歌無分別，都係果種文質杉杉嘅語調同儒雅的氣質 ...

氣質都係懦雅，但層次上梅長蘇多咗骨子裡林殊少帥嘅英氣同風骨，演技嚟講，梅長蘇比九爺進步好多，我都鍾意九爺，但我愛宗主，你睇落會見到分別。

花旗太太生活在花旗國，留意時差，你問我未必即時答到。

私人傳訊

oran04

侯爵府

積分: 20485

親子王國15週年勳章

319^#

發表於 15-10-11 13:54 |只看該作者

回覆：有無人睇琅琊榜？

我快看到景睿的生日了，宗主話：景睿那孩子，又豈只可惜二字。我都有點不敢看下去了

私人傳訊