worthy 發表於 16-7-29 19:11 
回覆 nsychristy 的帖子
請問呢位朋友是否男性？係咪識我C6? 你好似幫佢summarise佢講過嘅嘢。 我都想答 ...
都提過你，男人結婚係要個老婆唔係要娶個阿媽，你度度管住晒，連同朋友好傾d傾多咗都要放到個鑼咁大，你覺得佢理虧係你嘅標準，男人如果下下要睇個老婆面色，連同人傾計做朋友都管到實，呢個男人只算係某位女士嘅老公，唔係x先生，男人群中就最鄙視呢種人，幾小男人都好都會覺得好無面。
結婚係兩個個體共同生活，要互相遷就互相忍讓，睇你所講，你老公以前一向都遷就你，縱到你得吋進呎，兩個人相處冇可能得一個人去訂標準，一個家四個人，人人有一把呎，就算將你呢套而家放落兩個仔度都唔得，莫講話一個60歲嘅人，唔係嚇你，去到7080更固執，你唔改變就算你同老公唔分開，以後日子都唔會開心，因為你選擇唔開心，同令到身邊人唔開心。
你根本就好似一個黑洞，冇咗自我，要將旁邊嘅人同物吞噬去填滿自己，但控制慾係無止境嘅，就算俾你控制到個老公，到仔大就會開始去指指點點佢點揀女友點揀老婆。
忽發其想，如果你老公而家有個好好傾男性朋友，傾計傾到同老婆上床細節，你又會唔會懷疑老公轉性向？
花旗太太生活在花旗國，留意時差，你問我未必即時答到。
發表於 
返回列表
