唔想劇透嘅就唔好睇以下。。。。
第4集我覺得幾精彩，係開頭太多鏡頭俾伊人，要營造佢擔心秋冬掛住秋冬，最後搵佢中學同學鍾淮蘭幫手去探監，講開我覺得周放幾靚，表情亦做得俾管韌姿好，後來佢一個人再去搵鄭秋冬試探佢真心，做得唔錯。到孫紅雷出場就精彩啦，嘩，佢講有關獵頭點樣睇人，簡直金句，我翻睇咗三次，慢慢細味佢講：獵頭，核心是看人，人各有其面相、氣場、心理、修為，曾國藩說邪正看眼鼻，真假看嘴唇，功名看氣概，富貴看常精神。。。中學治身心，西學應世事，獵頭就是這個道理。。。有人話賭玉難，十賭九輸。。。看人比賭玉難百倍，石頭不會變，人生隔肚皮。。。壞人也做好事，好人也做壞事，所以不必想自己是好是壞，只要做人有底線，你就不會壞到那兒去。。。嘩，唔好話做獵頭，平時睇人都用得著。我覺得孫紅雷喺鄭秋冬幫佢後採監果場做得好好，表情轉折，最後俾秋冬探出秘密後起身走，之後用口手比劃你知我知再一個笑笑表情，好自然又好令人唏噓，真係好想會講到十年後孫紅雷出監，鄭秋冬去接佢，不過以劇中時間睇，應該係唔會，因為當時應該至少都已經係2012年，10年即2022年，過咗2017，將來嘅應該唔會拍。
另一個幾重要人物係袁隊，雖然友情客串，但鄭秋冬申請讀書，得到証書，再申請讀書，到出監時，董勇嘅表情演技好自然流露出角色對秋冬嘅欣賞，亦寄予厚望，希望佢會可以重新做人。最好笑係鄭秋冬話想讀人力資源，袁隊以為佢強調要有人力同資源，最後知道原來係一個科目，當時人力資源都屬冷門學科，監獄入面嘅犯如果冇遠見嘅都唔會想讀呢一科，甚至聽都冇聽過呢一科。出監時，秋冬對袁隊講想有個神筆馬良給他畫一張臉變成另一個人，估唔到下一集佢就真係有另一個身份覃飛，袁隊亦答得巧妙，就算換了一張臉，你就是你，能變成另一個人，也變不了自我，果然秋冬以後不斷成長脫變，所不變嘅就係自我，經歷令佢更清楚自己嘅理念，令佢強大，最初佢冇自信，不敢同人爭，後來佢為維持自己理念而敢於對抗。
TV版第4集/DVD版第5集再一個令人有深印象人物：簡娜，羅海琼同孫紅雷劇中係情侶，兩個人嘅特點都係內歛而深情，對於秋冬再一次誤入岐途，發揮咗助力，因為佢將學生覃飛嘅身份臨時俾咗秋冬用，完事後秋冬冇將身份証註銷，反而將自己改頭換臉，利用覃飛嘅身份，試圖可以開始新生活。
TV版第4集講鄭秋冬點樣幫劉量體去幫事，完全見到佢做事嘅魄力，佢運用口才去賣屋，之後同人講價買填地，同劉嘅表兄妹周旋，一個月內辦好所有事，劉都肯定秋冬嘅能力，只係佢信心不夠。為咗可以成功借用覃飛身份，鄭秋冬做好多資料搜集，運用自己嘅天賦去套資料，做整理，為未來做準備。
TV版第5集又係去得幾快，一開始講秋冬點樣去求職，佢除咗口才好，臨場應對好，亦好努力，但即使有好多家公司請佢，佢最終都係決定返北京，再次遇到宿命中嘅拍檔蒙統領。。。
花旗太太生活在花旗國，留意時差，你問我未必即時答到。
睇曬的貓，可以回應了，哈哈哈
發表於 
唔知係咪瑯琊榜太入骨，一諗起郡主同宗主嘅愛情，再睇返秋冬同伊人完全投入唔到，雖然古裝同時裝無得比較，但早排再翻睇瑯琊榜都係
又
女主自己就同閨蜜講，自己系個無主見的人，所以其實佢系感情上都好被動。我可以理解佢俾高官包養的選擇。當時老白死左，秋冬入獄，無依無靠。投靠夏部長，對於佢黎講，都係個好選擇。
返回列表
