心聲留言 今日: 3 | 主題: 17545

積分: 875

301^#

發表於 04-11-25 16:03 |只看該作者

Re: 唉~~~有時真係好似一個透明人囉><

kongkong,
我諗我唔去bk既christmas party啦!! 我老公話聖誕3日假, 佢要番兩日, 佢另一個partner去旅行~! 所以要焗住要番!
如果你要mon mon兩歲番學, 就要下年9月報名, 你心目中有冇揀到幼稚園?

my_tabo,
係呀~ 今年係我地同晴晴過既第一個聖誕節, 好開心~! 我諗住襯呢家唔係太多人睇燈飾就帶佢去睇下, 可能佢都唔知係乜? 我想同佢出去影下相, 將來大個女知道爸爸媽咪都有帶佢出去睇燈飾!! 嘻嘻~ 下年...到你帶阿B出去感受下啦~ 我頭先睇蘋果日報, 有以下一輯新聞...! 你要忍下口啦~

孕婦食物中毒或誕畸胎

【本報訊】新西蘭一項研究發現，當地每年最少有一千個孕婦因食物中毒而使胎兒出現染病、早產，甚至死亡的風險。專家解釋，由於孕婦的抵抗力較低，食物中毒的風險相對較高。本港家庭醫生則提醒孕婦，由於食肆的生情況參差，孕婦最好避免外出進食。

避免外出用膳
該研究搜集新西蘭從九六至九九年間，孕婦因彎曲桿菌屬細菌（ campylobacter ）或沙門氏菌（ salmonella ）而導致食物中毒的數據，得悉每年有一千名孕婦食物中毒。研究指出，孕婦在懷孕初期食物中毒，會對胎兒造成損害，甚至流產。如果在懷孕後期食物中毒，則有可能導致早產。孕婦應避免食沙律、未煮熟肉類及未殺菌的奶類產品。
本港家庭醫生關嘉美指出，向她求診的孕婦中有百分之五曾食物中毒。她解釋，孕婦食物中毒對胎兒的影響有三：一是若孕婦因食物中毒而嚴重腹瀉，供應胎兒的養份相應減少，影響胎兒發育；另外，如孕婦嚴重腹瀉至腸痙攣，有機會令子宮亦出現痙攣情況，影響胎兒。最後是萬一導致食物中毒的病菌太厲害，或同時令胎兒染病，例如甲型肝炎菌。
關嘉美續稱，懷孕首三個月是胎兒器官成長的階段，若孕婦食物中毒令胎兒沒有足夠養份，胎兒隨時變成畸形，甚至流產。她建議，孕婦宜避免外出用膳，以免誤食未徹底煮熟的食物。

Joyce

私人傳訊

積分: 4231

畀面勳章

302^#

發表於 04-11-25 16:07 |只看該作者

Re: 唉~~~有時真係好似一個透明人囉><

my_tabo:
你就好啦. 不過自己湊我都知好困身的. 真係魚與熊掌既關係. 而家開始飲奶未? 唔好飲豆漿.好涼嫁.

私人傳訊

積分: 875

303^#

發表於 04-11-25 16:21 |只看該作者

Re: 唉~~~有時真係好似一個透明人囉><

kongkong,
我都覺得自己湊真係好困身, 好似weekend, 我老公要番工, 得我同工人, 我整野食時工人湊, 工人執野時我湊...! 兩個都好唔得閑, 我冇可能做到自己野, 我老公響度就唔同, 佢可以睇住bb!! 所以我覺得全職湊bb既真係好犀利, 時間一定要分配得好好, 否則任日掛住湊bb, 乜野執屋, 煮飯...都唔駛搞囉~

Joyce

私人傳訊

積分: 20300

304^#

發表於 04-11-25 16:24 |只看該作者

Re: 唉~~~有時真係好似一個透明人囉><

kongkong,

始終係自己o既bb, 我覺得自己湊番係最好o既! 如果要返工就冇辦法o者! 為o左自己o既bb, 我覺得困身d都冇所謂啦! 好似我自從02年9月養o左2隻貓貓之後, 都冇去過旅行, 因為如果我同老公去o左旅行, 咁2隻咪就唔知點算, 送去寵物酒店我又放心唔落, 留佢o地o係屋企我我爸爸媽咪照顧, 我又怕佢o地照顧得唔妥當, 所以都冇法止行開, 不過為o左2隻咪, 我都冇乜所謂。

我不嬲都有飲奶o既習慣, 所以而家有o左都冇乜分別, 1日大約飲1-2杯。多謝你提醒! 如果唔係我都唔知唔飲得豆漿添!

joyce,

其實我都想像到一個人湊bb好多時都分身不暇, 不過其實湊一個bb都算好, 如果人o地湊2、3個年幾差唔多o既我諗會仲難, 所以我覺得以前上一代人都幾犀利o架!

私人傳訊

積分: 4231

畀面勳章

305^#

發表於 04-11-25 16:47 |只看該作者

Re: 唉~~~有時真係好似一個透明人囉><

joyce:
係呀. 我試過一個人同mon mon響屋企, 真係成朝都冇食過野落肚. 果刻真係好想佢快d訓覺. 起碼都可以食塊餅. 如果唔係佢見到我食野就會即刻爬過黎.

my_tabo:
我初時都唔知豆漿好涼. 初期有左咪飲囉. 飲得幾日覺得個肚好唔舒服. 好似m果種感覺. 後尾同奶奶講. 佢話豆漿好涼. 於是我即刻冇飲. 個肚真係冇唔舒服了.

私人傳訊

積分: 875

306^#

發表於 04-11-25 17:05 |只看該作者

Re: 唉~~~有時真係好似一個透明人囉><

my_tabo,
奶奶話以前d人, 擺個bb響度, 由得佢自己玩架, 通常大既就照顧細既, 唔會好似呢家咁"經"貴~!!

kongkong,
照顧bb真係唔係易事呀! 如果唔係工人同我一齊, 我都係成日食唔到野!! 我覺得自己好冇用, 點解人地可以做全職媽咪, 我呢...連自己睇星期六日都唔掂! :cry:

Joyce

私人傳訊

積分: 20300

307^#

發表於 04-11-25 17:07 |只看該作者

Re: 唉~~~有時真係好似一個透明人囉><

kongkong,

如果你突然醒起有d咩特別o野我係唔食得o既, 麻煩你話聲比我聽, 因為我真係"盲殊殊"乜都唔知o架!

私人傳訊

Vin

子爵府

積分: 10138

308^#

發表於 04-11-25 23:08 |只看該作者

Re: 唉~~~有時真係好似一個透明人囉><

hello呀~各位~~~~~~
好多謝你哋關心呀~~我冇乜事呀~
呢兩日都冇再頭痛~~好彩都冇感冒呀~~~

其實啲bb平時對得邊個多就好自然會痴邊個多啲架喇~
你哋唔好咁傻諗埋一邊啦~~
不過講真嗰句,自己一個人湊住個b真係好困身~
我以前如果想做自己嘢~我就會一路將個女放喺bb床先囉~
就算佢喊都唔理佢住架喇~

不過而家諗返以前陀bb嘅時候,都冇乜食過啲好有營養嘅嘢~
試過每日都係食即食碗麵做午餐~
而臨生得嗰排,因為住嘅地方冇廚房,
所以每日都係出街食或者叫外賣~
坐月嘅時候都係咁~~諗返都覺得好似好對唔住個女~:-(

我女女今日同聽日都有默書呀~
之前明明已經溫熟哂~都唔知點解今日佢又錯咗3個字~~
聽日默英文都唔知佢掂唔掂~

私人傳訊

積分: 4231

畀面勳章

309^#

發表於 04-11-26 10:54 |只看該作者

Re: 唉~~~有時真係好似一個透明人囉><

Vin
想當年讀書. 我自己今晚讀完, 第二朝總係會有d唔記得的. 到真正默既時候. 可能又會記得. 因為會比較專心. 你囡囡讀幾年班? 佢番左學你係唔係要開始打理家頭細務? 其實做全職媽媽會唔會好悶.? 講下你既心聲俾我知好嗎

私人傳訊

HelenPoPo

男爵府

積分: 5208

310^#

發表於 04-11-26 14:12 |只看該作者

Re: 唉~~~有時真係好似一個透明人囉><

大家好！

私人傳訊

積分: 20300

311^#

發表於 04-11-26 14:16 |只看該作者

Re: 唉~~~有時真係好似一個透明人囉><

Vin,

其實默書之前溫熟晒, 到默o個時如果太緊張, 真係會有d字突然間唔記得點寫o架!

記得我以前改默書簿, 有個好勤力、好認真學習o既學生, 好多時都100分, 不過都會有幾次95分, 或者90分, 佢有好幾次都唔識默一d比較簡單o既字, 反而深字就冇問題, 呢d情況其實都好常發生o架!

其實只要子女默書之前有盡力去溫習, 到時派默書簿番o黎, 無論分數係幾多, 都唔好太過怪責佢, 因為佢自已經唔係好開心, 如果做媽咪o既太過緊張佢冇100分, 咁佢下次默書o既心理壓力就會更大, 到時可能更加影響到佢o既表現o架喇! o個時我有d學生因為錯1、2個字好唔開心, 我就會同佢講：唔緊要...我知道你已經盡o左力, 下次再努力啦!

私人傳訊

積分: 4231

畀面勳章

312^#

發表於 04-11-26 15:28 |只看該作者

Re: 唉~~~有時真係好似一個透明人囉><

helenpopo
你今日咁早?

my_tabo
其實我都唔係識得好多. 不過係聽埋聽埋.
好似人地話: 有魚鱗既魚係唔食得. 我都冇食到. 但係就唔知點解. 你媽咪有冇過幾招俾你?

私人傳訊

積分: 875

313^#

發表於 04-11-26 15:52 |只看該作者

Re: 唉~~~有時真係好似一個透明人囉><

my_tabo,
你呢個MISS都幾好喎! 講真....我不嬲唔係讀書既材料...!!

係呀~ 唔好食冇鱗既魚, 話毒喎! 鱔果D更加唔好食, ...仲有唔好飲菜湯, 涼呀! 唔好食羊肉(老一輩話既), 盡量食正氣既菜心, 節瓜之類...生果方面, 唔好食香蕉...等我記得再話你知!!
我以前每日食一粒烚雞蛋添呀~ :mrgreen:

Joyce

私人傳訊

積分: 20300

314^#

發表於 04-11-26 16:15 |只看該作者

Re: 唉~~~有時真係好似一個透明人囉><

kongkong & joyce,

弊喇...上星期我媽咪食鱔煲仔飯o既時候比o左兩舊我食呀! 我之前聽過話唔食得冇鱗魚, 不過一時之間唔記得食o左添! 我媽咪好多o野都唔係好清楚, 可能係佢唔記得咁多o野啦!

我想問牛食唔食得o架? 事關我近排成日食牛腩同牛肉。

私人傳訊