國家地區媽媽會 今日: 0 | 主題: 20266

積分: 28239

302^#

發表於 18-9-26 09:51 |只看該作者

wrymoep 發表於 18-9-25 20:18
如果係美、加買house 有無乜特別地方要注意？ D人話要買 brick / concrete 造既house，實淨D無咁易吹爛。 ...

[size=16.799999237060547px]如果係美、加買house 有無乜特別地方要注意？ D人話要買 brick / concrete 造既house，實淨D無咁易吹爛。乜有淨木起既咩？
- 你好似好擔心風災咁嘅？如果呢個真係一個 concern，咁我諗你啱，磚屋應該比木屋頂到風，西岸可能風災嘅威脅小，反而地震嘅威脅大，所以多數屋都係木屋（以木做 frame，牆係石灰板同木板），因為木比磚有韌性，而且即使冧，造成嘅損傷細過磚屋。至於買屋有咩要留意，呢個係一個大 topic，我最近見到一個網站，簡體字，相信係來自中國，但幾多唔錯嘅資料，可以參考下：
https://www.guruin.com/articles/1099

[size=16.799999237060547px]通常見到 exterior finishing 都係寫 vinyl，有無 D 更好既材料？
- 當然有。You get what you pay for

[size=16.799999237060547px]如果係北方冬天會冰天雪地，個暖爐有無乜特別要注意？有無乜牌子特別耐用？室內暖管分佈有乜要注意？如果-10C 夜晚訓覺果陣個暖爐壞左，咁咪一屋人都凍死？
- 如果北方冰天雪地，所有屋都會有暖氣，人家喺嗰度已經生活左世世代代，呢 d 必需品一定已經做好晒，放心放心，而且間屋有 insulation，即使暖氣壞左，都維持到一段時間，呢段時間就快快搵人上來整啦，仲等一家凍死嗎

[size=16.799999237060547px]聽有人會裝柴油發電機做backup，一旦停電都可以用個發電機頂一頂。呢類發電機貴嗎？
- 唔貴，幾百美金有交易。而家有 d 屋做得更好，已經有 built-in 嘅後備發電機，用煤氣發動，一旦停電即刻自動 kick in，幾乎無縫接合

[size=16.799999237060547px]室內有真火爐係咪好D？如果已經有暖爐其實個火爐係咪多餘？純粹攞黎玩下？但火爐煙囪維修又多樣嘢要搞？
- 城市裡面嘅屋嘅火爐都係搞氣氛用途多 d，冬天外面落住大雪，屋內良朋歡聚，大家圍著火爐飲杯紅酒傾下計，呢種用途囉，當然如果暖氣壞左，我估都可以用來頂一陣嘅，但間屋咁大，火爐通常都只係廳或者充其量主人房有，杯水車薪，都係快 d call 師傅上來整實際 d。我又冇諗過煙囪維修呢個問題喎，我一年都唔用得幾次，而且屋企嘅火爐係得個樣，唔係真係燒木嘅，係燒煤氣，隔住玻璃，我估冇乜煙，所以煙囪都冇咩需要維修吧？

[size=16.799999237060547px]家庭垃圾點樣處理？多數要攞去就近垃圾站？還是會有垃圾車來收？
- 如果住 condo/apartment，自己攞落去屋苑嘅垃圾桶，如果住屋，通常會比較叫垃圾車來收，一個星期一次，唔貴嘅，十幾二十美金一個月，視乎你有幾多垃圾要訂幾大嘅垃圾桶

私人傳訊

積分: 1770

303^#

發表於 18-9-26 10:08 |只看該作者

眼訓發表於 18-9-25 22:55
有錢可以整間doomsday bunker㗎！唔買都可以睇吓人地點整㗎。
https://www.cnn.com/style/articl ...

如果我老豆係何鴻燊，莫講話Doomsday bunker， Big Bang bunker 都可以買到

磚屋或者石屎屋 maintenance 係咪會平D ？

美國多人係間house 裝 Elon Musk 賣果D solar cell battery 嗎？聽講話可以省電唔洗俾貴電費，又可同架車差電。

加拿大好多屋都係用緊 radiant heating，可能Toronto 果D有錢城市會裝中央空調。唔知冬天長期開住會有幾食電？

上 Century 21 睇我見到新起既house 多數係 Town house，一間間排屋痴埋一齊。其實 town house 係咪有管理公司，每月要付管理費？我買間house 就係唔想俾昂貴管理費，Town house 同普通house 有乜分別？

食水/污水處理我會揀政府提供果D，well water 怕唔乾淨。污水亦無理由政府會唔理由得你自己搞？

有另一個問題，係自己house 門口洗車，任由沖洗車身後污水流出街外會犯法嗎？

車房多數人會裝電閘嗎？如果搵人安裝一般大約幾錢？

私人傳訊

積分: 1770

304^#

發表於 18-9-26 10:09 |只看該作者

本帖最後由 wrymoep 於 18-9-26 10:22 編輯

rose-mag 發表於 18-9-24 13:11
屋企煮真係除非你煮大麻，不過而家大麻都局部合法化，唉。。。

以前SF唐人埠有間賣臭豆腐，就係因為太臭 ...

呢個真係奇怪，點解越來越多州份將大麻合法化？有乜嘢誘因要咁做？

私人傳訊

積分: 1770

305^#

發表於 18-9-26 10:16 |只看該作者

readymama 發表於 18-9-26 07:55
岩！國內好多社保都走晒出去，同呢幾年中國政府鼓勵d 人玩P2P
平台張儲蓄放係呢d 所謂有政府背景既平台都 ...

大陸越來越多市政府將社保基金托水龍搬走已經唔係新聞，所以靠P2P補貼，不過我相信D錢都唔會用係市民身上，只係各官員用盡最後方法搬遷走。

私人傳訊

積分: 1770

306^#

發表於 18-9-26 10:32 |只看該作者

readymama 發表於 18-9-26 08:27
好同意！我都過幾年帶小朋友離開香港回流去升中。係香港，父母都要雙職，重長時間，小朋友成日病，都好辛 ...

我覺得係香港既生活模式好變態！錢可以搵到，但失去做人意義！都唔知為乜？個細路問：「人活著為乜嘢？」我如果仲留係香港，除左可以答「為賺錢而活」之外，我想唔到第二個答案。

私人傳訊

積分: 1770

307^#

發表於 18-9-26 10:55 |只看該作者

mugtaitai 發表於 18-9-26 09:51
如果係美、加買house 有無乜特別地方要注意？ D人話要買 brick / concrete 造既house，實淨D無咁易吹爛。 ...

聽人講係西岸買樓，因為天氣熱，無雪落，所以揀屋都係坐北向南，同香港買樓一樣。但如果有雪落較北既地方，間屋有insulation，係咪無乜人會理座向？定係D人寧願揀向西，有多D陽光照入屋？

私人傳訊

rose-mag

王國長老

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

308^#

發表於 18-9-26 12:57 |只看該作者

mugtaitai 發表於 18-9-25 17:51
如果係美、加買house 有無乜特別地方要注意？ D人話要買 brick / concrete 造既house，實淨D無咁易吹爛。 ...

我住西岸加州，等我補充少少，我呢度大部份住家都係以木起為根本，因為身處地震帶，颶風就冇，但地震經常發生，大小都好，木屋比磚屋更適合，同埋多數都係兩層，Appartment去到三層或以上有車房喺底嘅近年有規定要加建防震，就係喺車房加個鋼鐵框架，由前面通到去座樓後面，有事都可以承起樓嘅重量，閒閒地由畫圖到連工包料都10皮。

加州冇咩雪落，大部份屋都冇冷氣，除咗北加州南邊去到南加州，我地反而有暖爐，以前好多維多利亞式建築同舊款設計都會係入牆暖爐，好處係夠暖，唔好處係要用好多電，而且走廊或牆邊暖爐要暖晒成間屋需時。我反而係全屋兩三個流動電暖爐，有人喺睡房就推入睡房，關門就好快夠暖，沖涼就插入沖涼房。呢D時候，屋太大就好重皮。

真火爐我識人有，多數都係話有時搞下氣氛至用，否則要買木柴燒，燒完又一陣味，又要定時清煙囪，盞搞。有D直情改建成用電嘅，俾個樣睇下就算。

家庭垃圾有垃圾收集公司定期收，加州環保意識強，而家我屋企垃圾分三種：recycleable, compost, trash，三隻唔同色嘅桶，每款都定期有垃圾車收，可以安排一星期一次或兩次三次，睇錢啫，一般一星期一次。

花旗太太生活在花旗國，留意時差，你問我未必即時答到。

私人傳訊

rose-mag

王國長老

積分: 174325

309^#

發表於 18-9-26 13:09 |只看該作者

wrymoep 發表於 18-9-25 18:09
呢個真係奇怪，點解越來越多州份將大麻合法化？有乜嘢誘因要咁做？

大麻合法化我咁睇，醫療價值我唔反對，真係有人經年痛症要去到用大麻，我有同事早年撞車被撞到腰背，所有止痛藥開到最大劑量都唔夠，佢先得三十幾歲，幾時捱到老？醫生話只能去到開嗎啡，但呢D對工作係有影響，用呢D藥要申報，我以前有新同事過唔到藥檢，公司照例唔請得，後來有醫生紙証明佢因為以前做軍人受傷，退役後要靠藥物鎮痛，最後公司至可以括免，但就會留紀錄。

但而家有D州市係recreational use合法化就有問題，我已經開始同兩個上中學嘅仔女講有關drug and sex嘅問題，早D同佢地講比佢地道聽途說更好，而且美國呢邊學校由小學四五年級開始已經有性教育課程，我睇過派返嚟嘅小冊子，以健康同身體認知開始講解，亦有提及BB點嚟，要自己保護自己之類。

至於點解會咁多大麻合法化，存在不少政治因素，亦係個人自由嘅一種，即使唔想通過，但如果投票後半數通過咁都冇辦法，要取消要成立都要通過投票，所以手上有一票嘅點都應該盡責任同行使權利，今年我都會去投票。

花旗太太生活在花旗國，留意時差，你問我未必即時答到。

私人傳訊

積分: 14621

環保接龍勳章大廚勳章

310^#

發表於 18-9-26 13:38 |只看該作者

wrymoep 發表於 18-9-26 10:08
如果我老豆係何鴻燊，莫講話Doomsday bunker， Big Bang bunker 都可以買到

想省電，唔洗個battery都得㗎（不過我冇研究過佢個咩battery）。你裝太陽能板但繼續on-grid，多餘出來嘅電可以賣俾電燈公司，到你需要嘅時候再買返來，不過就唔知係咪度度都有net metering.

反而係radiant heating係有錢人玩兒喎。Radiant heating唔係冇，不過裝係屋企某d地方，如廁所，我好少聽人話主要用來整暖成間屋。因為新起d屋唔會透風，一定要有通風系統。有咗通風系統，搭部furnance，冷氣，抽濕，加濕，空氣清新機就唔係好貴。

管理費唔一定係昂貴呢。要自己睇啦。聽聞有d要輪住出來幫大家鏟草㗎。

食水：d人要選擇住到冇雷公咁遠，可以選擇自己出錢駁條水喉去政府度，或者重聘私人公司幫你驗水。不過就要當埋自己係水務局㗎啦。

污水：自己處理比用井水更普遍。你唔想搞就千萬唔好買有septic system嘅屋。

洗車上幾頁mugtaitai有講過，請爬文。

車房好少人冇電閘㗎啦，仲可以遙控。應該貴極有限。

你今日backup左未？

私人傳訊

積分: 14621

環保接龍勳章大廚勳章

311^#

發表於 18-9-26 13:46 |只看該作者

本帖最後由眼訓於 18-9-26 22:36 編輯

wrymoep 發表於 18-9-26 10:55
聽人講係西岸買樓，因為天氣熱，無雪落，所以揀屋都係坐北向南，同香港買樓一樣。但如果有雪落較北既地方 ...

喺赤道，太陽先係真正嘅東方升起西方日落。北方人望太陽係向南望。其實一間屋你擁有晒東南西北，有太陽嗰邊整多幾隻窗，或者整個sunroom / greenhouse就已經得。買屋見到人寫southern exposure就係好太陽嘅意思。

你今日backup左未？

私人傳訊

積分: 14621

環保接龍勳章大廚勳章

312^#

發表於 18-9-26 13:56 |只看該作者

wrymoep 發表於 18-9-26 10:09
呢個真係奇怪，點解越來越多州份將大麻合法化？有乜嘢誘因要咁做？

嫖賭飲盪吹，係吹同嫖未合法之外，其餘都有。你唔將佢合法化唔等於d人唔會得到手。合法化唔代表全世界人都會食。合法咗，起碼想食嘅人唔洗俾錢黑市。容易得手咗，可能會令好奇心細咗。好似食煙咁，你係食就會食，唔食就唔會食。有正確教育其實應該冇大問題嘅。。。

你今日backup左未？

私人傳訊

積分: 28239

313^#

發表於 18-9-26 16:01 |只看該作者

wrymoep 發表於 18-9-26 10:08
如果我老豆係何鴻燊，莫講話Doomsday bunker， Big Bang bunker 都可以買到

未住過磚屋，唔知點 maintain，答你唔到，睇下有冇有經驗嘅 jm 可以分享下

太陽能板唔係度度都適合裝，譬如多雨嘅 Pacific Northwest 效益就麻麻了，陽光充沛嘅加州值得考慮，我喺 South Bay 睇屋時都見唔少新屋有裝。

Radian heat 係好嘢來的，安裝好貴，但用起來好經濟，所以反而係靚屋先多見。暖氣好多時係 run on 煤氣，平過用電少少。其實如果間屋係 insulate 得好嘅，都唔會真係用好多錢去 keep 住溫度，我睇返我嘅煤氣單，冬天開暖氣時每個月 80 美金左右，夏天唔使開時，只係十幾美金一個月

town house 同 house 嘅分別就係 house 係全獨立，四邊牆都唔黐住其他屋，town house 就起碼有一面牆黐住隔離屋。住 house 自由度大 d，想拆左重新起過都得，但 townhouse 係整個屋苑一齊，個別業主唔可以隨便改動外觀。townhouse 係通常都有管理公司，要比管理費，而家有 d 獨立屋都有 HOA，但即使唔使比管理費，你都要自己 maintain 間屋，除非你樣樣 DIY，否則都一樣係錢。我有時覺得 HOA 包左好多嘢，我可以煩少 d

喺自己屋門口洗車是否合法要睇當地政府，我早前都提過，我住嗰度唔準，因為污水唔經處理直接經 storm drain 排落湖，好污染環境，如果屢勸不改，會罰錢

車房絕大多數人都會裝電閘吧？我想像唔到唔係電閘點樣搞？車到閘前，要落車人手開閘門，再上返車揸入去？好煩喎... 電閘呢 d 唔會好貴啦，我諗百幾美金可以啦吧？呢 d 買屋時會包埋啦，好多年之後用到壞先要換，你唔使而家擔心啦

私人傳訊

積分: 28239

314^#

發表於 18-9-26 16:06 |只看該作者

wrymoep 發表於 18-9-26 10:55
聽人講係西岸買樓，因為天氣熱，無雪落，所以揀屋都係坐北向南，同香港買樓一樣。但如果有雪落較北既地方 ...

我自己買屋反而比較留意景觀同是否光猛，坐向我唔係太介意，我喺香港同美國住過嘅幾間屋，十分巧合地都係主要窗口向西，我成日話自己注定係睇夕陽嘅命水

私人傳訊

積分: 1770

315^#

發表於 18-9-26 16:38 |只看該作者

眼訓發表於 18-9-26 13:38
想省電，唔洗個battery都得㗎（不過我冇研究過佢個咩battery）。你裝太陽能板但繼續on-grid，多餘出來嘅電 ...

Net metering 我check 過加國 PEI 有，但只可以用黎減電費，即係如果有多餘供應俾電力公司，佢唔會俾返錢你，即係當做善事。

不過，當地冬天特別長，連續11月開始到4月都有雪落，如果落雪D solar cells 唔知點 work ? 可能日頭用個鈀清一清積雪。不過-10C 唔知D cells 仲可唔可以生到電？如果有 solar cell 可以考慮買架電車或 plug-in，可以免油費。不過裝套咁嘢又唔知要洗幾多錢？冬天係咪會廢左武功？可能呢D 嘢都係唔o岩北方人玩。

私人傳訊

積分: 1770

316^#

發表於 18-9-26 16:43 |只看該作者

mugtaitai 發表於 18-9-26 16:01
未住過磚屋，唔知點 maintain，答你唔到，睇下有冇有經驗嘅 jm 可以分享下

喺自己屋門口洗車是否合法要睇當地政府，我早前都提過，我住嗰度唔準，因為污水唔經處理直接經 storm drain 排落湖，好污染環境，如果屢勸不改，會罰錢

太陽能板唔係度度都適合裝，譬 ...

如果污水要每家自己處理咁點搞？平時洗衫、沖涼、煮飯、洗碗、洗車 D 水要點處理？又要裝套 filter 去處理污水？

私人傳訊

積分: 28239

317^#

發表於 18-9-26 16:56 |只看該作者

wrymoep 發表於 18-9-26 16:43
如果污水要每家自己處理咁點搞？平時洗衫、沖涼、煮飯、洗碗、洗車 D 水要點處理？又要裝套 filter 去處 ...

唔係，正常家居污水係經污水渠排去一個地方，政府會處理完先排出海/湖，但雨水就唔經污水渠，直接經 storm drain 落湖，喺屋企門口洗車，污水唔係經污水渠而係經 storm drain 排走，所以唔會經過處理。如果你抹車，而污水倒落 sink 盤，咁就冇問題了

私人傳訊

積分: 1770

318^#

發表於 18-9-26 21:52 |只看該作者

mugtaitai 發表於 18-9-26 16:01
車房絕大多數人都會裝電閘吧？我想像唔到唔係電閘點樣搞？車到閘前，要落車人手開閘門，再上返車揸入去？好煩喎... 電閘呢 d 唔會好貴啦，我諗百幾美金可以啦吧？呢 d 買屋時會包埋啦，好多年之後用到壞先要換，你唔使而家擔心啦

唔知美、加買樓D norm係點嘛！大鄉里出城，如果真係有機會去買預備定D問題到時識得agent 嘛

係加國PEI，如果 basement 無裝修過 (unfinished)，唔會包括入實用面積。美國係咪又係咁？

私人傳訊

積分: 14621

環保接龍勳章大廚勳章

319^#

發表於 18-9-26 22:25 |只看該作者

本帖最後由眼訓於 18-9-26 22:46 編輯

wrymoep 發表於 18-9-26 16:38
Net metering 我check 過加國 PEI 有，但只可以用黎減電費，即係如果有多餘供應俾電力公司，佢唔會俾返錢 ...

俾兩間北方太陽能屋你研究吓：
https://256stuff.com/solar/
http://www.solarhouse.com/

歐洲大部份地方緯度比北美高，人地都係咁整。尤其是德國。

10年前我仲住緊house嘅時候睇緊呢兩間。佢地d太陽能系統有10+年歷史，可能而家d嘢又先進咗。不過平極都要一段時間先回本。如果你冇決心喺同一間屋長住就真係唔好整。

你今日backup左未？

私人傳訊