時事熱話

跳至

首頁

尾頁
   99


別墅

積分: 763


301#
發表於 19-8-6 09:21 |只看該作者
回覆 YouNeverKnow 的帖子

岩,當時推逃犯條例個陣我特登上左去政府網睇過條例既內容,我相信推條例本身係出於好意,錯就錯在政府當初無好好宣傳同解釋清楚,等到周街都係所謂懶人包既時候已經太遲,身邊90後全部都淨係睇懶人包或者聽人點講就信到十足,根本無好好了解過入面講緊咩,想同佢地討論個陣起哂弶,咪有自行滅聲


伯爵府

積分: 17527


302#
發表於 19-8-6 10:50 |只看該作者
真係要比個Like你,我大部份朋友都係80中至尾,但佢地冇你諗得咁全面,兩邊都好激進,連朋友都冇得做,唉,都唔知點解依家會變成咁!


別墅

積分: 953


303#
發表於 19-8-6 11:02 |只看該作者
回覆 YouNeverKnow 的帖子


點評

YouNeverKnow    發表於 19-8-6 18:23


大宅

積分: 1469


304#
發表於 19-8-6 11:32 |只看該作者
本帖最後由 hihi585 於 19-8-6 11:36 編輯

回覆 YouNeverKnow 的帖子

真人真事 :
朋友個仔讀中學, 去過幾次搞事, 每次都有收錢, 有時1仟, 有時5佰不定.
有次差些少比差人拉到, 嚇到佢同d friend 講以後都唔敢去, d friend 話錢你就識得收, 依家唔去唔得, 我知你住喺邊.

佢阿媽即刻搵個姐妹老公(做差人), 問佢可唔可以幫個仔, 姐妹老公話睬
佢都傻, 冇嘢幫到佢, 一係去自首, 佢成家人都好擔心.

你話依家d 細路....都係盲目, 比人教唆, 貪小便宜, 其實都唔知自己做乜.

呢d 嘢.....喺呢度先敢講.




男爵府

積分: 6997


305#
發表於 19-8-6 12:12 |只看該作者
回覆 YouNeverKnow 的帖子

講得好啱!我尤其想講佢哋嘅五大訴求,人哋已經回應咗,你哋係咪應該再回應下佢呢?
人哋唔出來回應就話人哋唔出來,到人哋出來回應又話人哋講完等於無講……
點解你哋會覺得人哋係講完等於無講?起碼你哋都回應下點解啦~
人哋已經退讓咗
話人哋好執着,你哋何嘗不是執着?
要求放哂啲"義士"?人哋都話唔係佢權力範圍,就算佢落咗台都唔可以放哂啲"義士"啦
你估佢唔想下台,佢比任何人都想

事件已經變質了


複式洋房

積分: 470


306#
發表於 19-8-6 12:25 |只看該作者
香港本來就屬於中國的地方,犯罪D人如果唔拉返去受審,咁好多地方都變咗逃犯天堂,將來法理何在,公義何在


複式洋房

積分: 470


307#
發表於 19-8-6 12:27 |只看該作者
mandy2704 發表於 19-8-6 12:12
回覆 YouNeverKnow 的帖子

講得好啱!我尤其想講佢哋嘅五大訴求,人哋已經回應咗,你哋係咪應該再回應下佢 ...

所謂嘅義士就係暴徒,放咗咪等同犯咗罪都可以冇事,咩社會來啊

點評

YouNeverKnow    發表於 19-8-6 18:28


侯爵府

積分: 24356


308#
發表於 19-8-6 12:32 |只看該作者
hihi585 發表於 19-8-6 11:32
回覆 YouNeverKnow 的帖子

真人真事 :

我都聽過。。不過就咁講出來人地返而會質疑你所講,所以我好小講出來,因為好多人都天真到覺得學生係無邪嘅,但又好矛盾好多時啲家長又話啲仔女好難教
咁講翻我聽到嘅野啦,咁係上次佔中,差吾多尾聲,有日我去食野,隔離坐左三個大件男人。其中有兩個就傾。。宜家啲學生哥好嘅吾學,衰就學到晒。。跟著話有啲學生嚴後期派錢派得小,就慢慢吾再去。。跟著另一個講係啦,開始都冇得派。。當其時係有講派幾多,不過太耐我吾記得,但其實當時正反兩方都有派。。佔中開頭係派最多,之後派小左,就加多個正方派,所以我聽完就估佔中係分裂人心嘅活動。。反對派常強調政府撕裂香港人心嘅主兇,仲係不段用呢個字眼用到街知巷聞,好明顯佢地班人做左果方面嘅衰野先講政府,呢啲就係政治陰質技巧


大宅

積分: 3420


309#
發表於 19-8-6 13:03 |只看該作者
回覆 哆哆 的帖子

完完全全同意你!! 完全講出晒我地沈默一群的心聲。D人成日出去旅行,但永遠都係果幾個地方,有無深入了解當地人的民生?有無返過大陸睇下大城市的發展?全球的經濟體系已經變化左,大陸經濟開放左,唔洗單靠香港做出口,咁樣香港就自然失去優勢,放眼世界啦。享樂人生之前,都要付出先有權享。唔係個個都係富2/3代。可否不要做井底之蛙?!


別墅

積分: 576


310#
發表於 19-8-6 16:24 |只看該作者
好認同樓主中立既分析,其實2邊都有唔岩,但相比之下激進示威者既言語暴力更為恐怖,好似一種港式民主咁,只聽岩自己既意見,不容他人不同既聲音


大宅

積分: 4395


311#
發表於 19-8-6 17:41 |只看該作者
本帖最後由 YouNeverKnow 於 19-8-6 18:35 編輯

回覆 Rita 的帖子

本身和平咁遊行集會真係無問題, 但已經變左質。 可能有人覺得佢地既遊行/ 集會係和平合法無問題, 但去到呢一刻, 佢地每一次既遊行同集會, 都變左暴力行為既護航, 難道佢地真係唔覺得嗎?
係街如果見到一堆堆黑衫+口罩+頭盔既人, 我都會覺得好不安。。但我身邊有個極黃同事, 每日有意無意就話: 黑衫人我唔驚呀, 係差佬先會濫用暴力打市民, 我最驚差佬。其實你本身都係黑衫人, 亦都支持佢地既行為, 你梗係唔驚啦。。普通市民見到, 點都會有不同程度不安架好無。。


大宅

積分: 4395


312#
發表於 19-8-6 17:47 |只看該作者
回覆 angcwh 的帖子

我真係唔希望香港被佢地破壞到寸草不生, 我見到今日公司附近, 欄畀人拆哂, 交通燈壞哂, 我覺得好恐怖, 點解要破壞自己既地方, 有咩就唔岩傾到岩。問心個句, 如果用暴力/ 威脅得到既野, 呢種又叫民主? 自由咩?


大宅

積分: 4395


313#
發表於 19-8-6 17:52 |只看該作者
回覆 doris880 的帖子

上一代唔係無爭取, 只係實事求事, 唔通你要天上粒星星, 都摘落黎咩。。
好多人話點解唔體諒佢地, 佢地係為大家爭取, 爭取無話唔岩, 但唔係用呢種方法, 調返轉, 我想問佢地點解唔體諒我、尊重我既睇法?


大宅

積分: 4395


314#
發表於 19-8-6 17:54 |只看該作者
回覆 siumike288 的帖子

我睇電視見到一位女士同佢地爭論, 佢最尾講左句: 我唔係鍾意返工, 但我就係要返工反你地。
我尊重你地罷工, 但點解你地唔可以尊重人地想返工? 點解要將你地既意願強加係人地身上?


大宅

積分: 4395


315#
發表於 19-8-6 17:56 |只看該作者
回覆 pinkyvicky 的帖子

人本身真係自私, 但唔好將自己既自私無限放大, 再包裝到無私, 呢樣真係好虛偽。。


大宅

積分: 4395


316#
發表於 19-8-6 18:03 |只看該作者
回覆 GreenMaDad 的帖子

較早之前見過一段片, 係香港某大學校院入面, 有個國內女大學生唔知同班香港大學生因咩事爭論, 國內女生原先講國語, 跟住班香港學生好自負咁用英語呼喝對方話唔識聽國語, 唔知佢講乜, 國內女學生即刻轉用流利、暢順既英語駁返佢地, 香港學生即刻口窒窒, ER ER UM UM咁講D一忽忽又中又英既英文, 成段片係一大班香港大學生圍攻一個國內女大學生, 但竟然無一個既英文比得上對方, 而且女生係用論點駁班香港大學生, 最後班香港大學生係唔夠人講就大聲講多兩句完事。
毅進=五科合格, 係入職最低要求, 有好多警官係大學生, 只用呢樣野攻擊人地有咩意思呢。


大宅

積分: 4395


317#
發表於 19-8-6 18:12 |只看該作者
回覆 fannymama123 的帖子

成件事, 兩邊都有錯, 但而家傳媒好一面倒咁批評警方, 佢地想強硬D執法都唔得, 其實再咁樣落去, 警察一壓力爆煲就好大件事, 而家唔難睇到部份警察已經對部份記者有敵意, 因為假新聞、假記者、假採訪真阻礙等等, 再咁樣落去, 會好大件事。
今時今日好多人已經顛倒是非, 用暴力、私刑, 無論咩衫、咩立場, 都唔岩, 但佢地會將所有事合理化, 洗白哂佢地所犯既事, 咁樣仲係我地既香港咩?


大宅

積分: 4395


318#
發表於 19-8-6 18:13 |只看該作者
回覆 doris880 的帖子

佢地句句都係粗口, 目中無人, 邊度有修養可言。。


大宅

積分: 4395


319#
發表於 19-8-6 18:17 |只看該作者
回覆 mmkvin 的帖子

將問題推畀人地好簡單, 但要認清自身問題先係最難, 我到而家都仲學緊。


大宅

積分: 4395


320#
發表於 19-8-6 18:21 |只看該作者
回覆 Ruby1216737 的帖子

真係好簡單一個道理, 因為大陸定因為條條例? 因為大陸, 咁就唔關條例事, 係反大陸; 如果唔關大陸事, 係因為條例本身, 咁點解要咁偷天換日用"送中"呢個概念呢?

首頁

尾頁

跳至
Presslogic Logo
Baby Kingdom Logo