夫婦情感 今日: 2 | 主題: 42737

積分: 180

302^#

發表於 21-1-1 23:14 |只看該作者

Papa201432 發表於 21-1-1 22:43
睇到你啲Po明白小朋友唔喺身邊係好難捱，我離婚後啲小朋友會跟我，而且結左婚後佢無養我，大家係AA制咁生 ...

我有提我同ex無論幾錫佢地2個都好，都會覺得人地有完整的家，佢無，
佢就係覺得係缺失，我其實差唔多一星期4，5次見佢地，但仍然係覺得身邊人人都有完整的家。我知道就算我親自湊呢個缺口都係在佢地心入面。
我的現任男友亦有好多野因為2個小朋友而好難磨合。現任亦有仔女，大時大節我想見自己小朋友但男友亦想我陪佢/佢同佢小朋友。男友會覺得我見小朋友見得太密，好難拿個平衡，
又或者我會放棄男友，但其實小朋友過左18 22佢都有自己的世界。我唔知其他人的第二春係點樣拿平衡，但我既case就好煩。
男友亦講過可能想我帶佢2個小朋友去外地讀書，其實佢好想我全心全意投入佢屋企做佢小朋友的媽媽，但其實我做唔到。
身邊亦有太多太多幸福家庭，我亦睇輕左呢種被重重的幸福感包圍帶來的自卑。
呢一刻我只想時間快啲過，我一啲都唔享受我的人生，再投過胎重新做人會更好。
我明你既心情，如果你決定左，你有心理準備難關重重，內心要非常非常強大先可以克服
如果再問我如果當初我會選擇原諒定離開，我應該會選擇不原諒但可能拖到仔女大個先離婚

點評

茶類愛好者

發表於 21-1-2 09:08

茶類愛好者

發表於 21-1-2 09:08

私人傳訊

somesome2020

積分: 6778

303^#

發表於 21-1-1 23:57 |只看該作者

本帖最後由 somesome2020 於 21-1-1 23:57 編輯

VeryBello 發表於 21-1-1 23:14
我有提我同ex無論幾錫佢地2個都好，都會覺得人地有完整的家，佢無，
佢就係覺得係缺失，我其實差唔多一星 ...

"男友亦講過可能想我帶佢2個小朋友去外地讀書，其實佢好想我全心全意投入佢屋企做佢小朋友的媽媽，但其實我做唔到。 "<--你男友要求唔係好合理喎. 想你唔理你自己小朋友, 去照顧佢啲小朋友. 佢都係想搵保姆je.

"身邊亦有太多太多幸福家庭，我亦睇輕左呢種被重重的幸福感包圍帶來的自卑。" <-- 呢個可能係你諗多左. 個個show 出黎梗係好幸福, 現實好多時都係個女人在撐. 起碼我好朋友同我講係咁. 佢地成日同我呻.

點評

茶類愛好者

發表於 21-1-2 09:10

私人傳訊

積分: 180

304^#

發表於 21-1-2 00:22 |只看該作者

somesome2020 發表於 21-1-1 23:57
"男友亦講過可能想我帶佢2個小朋友去外地讀書，其實佢好想我全心全意投入佢屋企做佢小朋友的媽媽，但其實 ...

我身邊既幸福家庭的確好多，咁我都想佢地幸福既，唔通我想佢地差咩

我同朋友都會交心，咁人地家庭真係幸福，唔通作啲野出黎扮慘咩，
最慘咪係一個family, 個仔有邊緣adhd, 或者唔係叫完美家庭，但都係幸福家庭，
又有一個覺得老公唔夠上進囉。。。呢啲接近無病呻吟既其實本身好幸福呀，
每個家庭都有自己的問題，但唔代表唔幸福

男人係自私架啦，所以我成日都叫佢搵第2個，
但其實在佢角度，佢真係想同我長廂私守，佢想我照顧佢既小朋友好正常，我明白佢既，只係我做唔到

私人傳訊

bsg

積分: 6171

305^#

發表於 21-1-2 00:52 |只看該作者

VeryBello 發表於 21-1-2 00:22
我身邊既幸福家庭的確好多，咁我都想佢地幸福既，唔通我想佢地差咩我同朋友都會交心，咁人地家庭真係幸 ...

佢有冇提議照顧埋你小朋友？我識個男再婚真係照顧埋個老婆同前夫d小朋友，佢同前妻又2個小朋友，真係愛就會幫另一半諗埋，你哋有冇傾過呀？

私人傳訊

積分: 180

306^#

發表於 21-1-2 10:32 |只看該作者

本帖最後由 VeryBello 於 21-1-7 22:05 編輯

bsg 發表於 21-1-2 00:52
佢有冇提議照顧埋你小朋友？我識個男再婚真係照顧埋個老婆同前夫d小朋友，佢同前妻又2個小朋友，真係愛就 ...

唔會啦，我2個小朋友同前夫住，生活得好好。我經常見佢地, 帶佢地去旅行去玩。

大人既事我都唔想打擾小朋友，唔想同前夫爭，男友亦唔見得想照顧埋我同前夫既仔女

私人傳訊

積分: 180

307^#

發表於 21-1-2 10:36 |只看該作者

真係愛都會自私，無私既男人係我既世界接近係神蹟黎，唔係無可能，係可能性好低，
呢個男友之前都有一個男人，大家行得好埋，但佢真係接受唔到我有2個小朋友

私人傳訊

bsg

積分: 6171

308^#

發表於 21-1-2 12:08 |只看該作者

VeryBello 發表於 21-1-2 10:32
唔會啦，我2個小朋友同前夫住，生活得好好。我經常見佢地帶佢地去旅行去玩。

大人既事我都唔想打擾小朋友 ...

我個個朋友依家4個小朋友，然後同依家老婆陀一個

真係好大愛，唔係人人得

私人傳訊

Wongbuddy

子爵府

積分: 11312

309^#

發表於 21-1-3 11:29 |只看該作者

回覆 wingyaumama 的帖子

但到目前你都冇實質證據佢有叫過就好難一口認定佢有做過我個fd話睇av通常會diy埋睇叫雞網就似睇寫真咁一㩒入去大把相睇快靚正腦裏面已充滿幻相刺激下性慾而睇賽後報告就好似睇咸故咁唔一定係用黎diy 佢話有時連續睇幾日就同老婆做得好開心咁當然有男人睇完就去叫啦其實我諗每個男人都睇過叫雞網既只係睇個男人喜好囉鍾意有埋聲定淨睇圖加字黎幻想下男人堆實有呢啲分享架啦講真就算冇發現個男人睇叫雞網反而又唔等於個男人冇試過叫雞

私人傳訊

wingyaumama

子爵府

積分: 13638

310^#

發表於 21-1-3 11:48 |只看該作者

本帖最後由 wingyaumama 於 21-1-3 11:56 編輯

Wongbuddy 發表於 21-1-3 11:29
回覆 wingyaumama 的帖子

但到目前你都冇實質證據佢有叫過就好難一口認定佢有做過我個fd話睇av通常會diy ...

但最大一樣令我心傷的是明知我在2014知道時已失控，而佢應承不再睇呢啲網！我講過睇AV冇問題，我都睇，但上Ｇ網就令人可疑！明知後果，仍忘記承諾去做，我好難接受！

對！我冇實質證據，但係咪真係要影到肉蟲相可算？如果咁講，就算我影到佢由Ｇ樓行落嚟，佢都可以話行錯，上錯樓都得啦！

上手機揾Ｇ網、睇同一隻Ｇ事後報告幾次(即已有target 啦)、有收藏Ｇ資料、日日例牌起碼遲2～3個鐘才歸家、大話連篇、同事叫佢㩒鐘、星期六日假期自己外出冇交帶、最重要爆佢前可幾個月冇交功課比我！比我再發現是2019年６月嘅事，重要唔單祇一個Ｇ網，呢樣已失去了2014年對我的承諾更破壞我對佢的信任！

以上種種，如果你仍認為未夠證據，我亦無話可說了！

其實我現在嘗試再次原諒佢，但心與身仍未能同行！

私人傳訊

Wongbuddy

子爵府

積分: 11312

311^#

發表於 21-1-3 14:59 |只看該作者

回覆 wingyaumama 的帖子

嗯明白你所講因為你老公唔單止睇但仲有做其他可疑行為所以好難唔猜測佢有實質行動而且兩公婆間既親密行為如果突然有改變當中既原因又唔涉及健康問題咁就係一個警號

私人傳訊

beebee67890