自由講場 今日: 194 | 主題: 1339851

積分: 6443

301^#

發表於 20-12-29 02:14 |只看該作者

本帖最後由 somesome2020 於 20-12-29 05:50 編輯

breadcheung 發表於 20-12-28 23:01
重申，就算今時今日我都係睇到女人恨結婚過男人，無錯，而家女性財政獨立，但我覺得恨嫁與否同財政無乜關 ...

有啲蠢女人愛幻想, 恨嫁係恨嫁俾太陽的後裔入面的宋仲基, 條件又好又愛女主角又專一. 而且係沒有原因，命中注定，鬼上身咁只愛上女主角。

但係有啲智商的女人都知道現實世界沒有童話, 宋慧喬同宋仲基都要離婚收場. 對於有經濟能力的女人黎講，離婚亦唔係咩大不了的事

然後正常, 有啲智商的女人識得衡量自身條件/能力/付出/回報, 單身又好, 嫁人又好, 揀條對自己最有利的路.

蠢女人繼續幻想個天會跌個宋仲基俾佢, 結果咪跌左個美國軍官，英國銀行家騙子俾佢囉.

私人傳訊

breadcheung

積分: 15798

302^#

發表於 20-12-29 09:49 |只看該作者

somesome2020 發表於 20-12-29 02:14
有啲蠢女人愛幻想, 恨嫁係恨嫁俾太陽的後裔入面的宋仲基, 條件又好又愛女主角又專一. 而且係沒有原因，命 ...

據你所講,其實說明都係一個點：就係有錢有社會地位，所以擇偶條件要求高，結果難找對象，最尾找不到對象，不如索性不結。某情度錢可以代替婚姻／愛情，甚至前者可以代替後者

但事實好多人唔係咁諗，有錢有地位一件事，但係內心空虛到想搵到愛情

仲有唔止男人，好多已婚女人都對單身女性有偏見，我覺得偏見唔係來自佢有錢定無錢。大多數人都覺得嫁唔出嘅女人一定係性格有問題，呢個先至係關鍵。好簡單，你試吓問啲人有冇人鍾意跟單身女人上司？絕大多數有選擇嘅都唔想啦

私人傳訊

小小兔仔

積分: 9945

303^#

發表於 20-12-29 10:04 |只看該作者

回覆樓主:

如果都拍左幾年拖又準備結婚，經濟又許可咁咪買囉！業權都係一人一半，無咩問題，但如覺得個男仔唔穩陣就唔好夾錢，話啲錢做左定期無咁快可以用到，個男係愛嘅就急在未結婚就買，有好多都係結婚後先買樓大有人在，買樓唔係買舊磚咁簡單，都係唸清楚好

私人傳訊

judychungpuiyan

積分: 19603

304^#

發表於 20-12-29 10:07 |只看該作者

回覆樓主:

如果男女雙方首期各佔一半
供樓負擔各佔一半
用分權契各自佔一半業權
睇落好似好公平正常

大家結得婚係預咗組織家庭
過多十年八載有小朋友
萬一男方touch wood走咗
女方又要繼續供樓
又要照顧小朋友
到時男方阿媽攞返一半業權
到時真係唔得掂喎

私人傳訊

bonbonyung

大宅

積分: 3468

305^#

發表於 20-12-29 10:13 |只看該作者

Huuu 發表於 20-12-27 22:50
今日買咗份聖經禮物俾姪女＆同佢食午飯
講咗一件心事俾我聽，請教我意見，因為她話唔敢同佢阿媽（我 ...

如果要保障自己媽媽，我覺得買份保險受益人寫媽媽名都可以!

私人傳訊

thankyou201020

子爵府

積分: 13259

306^#

發表於 20-12-29 10:17 |只看該作者

嫁唔過，男友咁講即信唔過你，認為你都是為錢的，一個去到結婚都唔信人但又同你結婚為了什麼你都估到LA，最好即分手，因為你姪女似耳仔軟，好快男仔會有其他行動。

私人傳訊

積分: 6443

307^#

發表於 20-12-29 10:33 |只看該作者

本帖最後由 somesome2020 於 20-12-29 10:46 編輯

breadcheung 發表於 20-12-29 09:49
據你所講,其實說明都係一個點：就係有錢有社會地位，所以擇偶條件要求高，結果難找對象，最尾找不到對象， ...

因為古代女人要靠婚姻搵面包, 而且我樓上po 到提過, 如果生仔, 女人出子宫, 男人可以付出的通常就係錢, 所以刻板印象, 女人會搵個有錢過自己的男人.

但係現代唔同, 女人自己可以賺錢. 咁如果有錢女人想搵愛情, 但係又限住對象一定要有錢過自己, 咪好傻好蠢囉. 因為有錢男人選擇好多, 多數會揀青春靚女.

咁所以, 既然有錢女人唔需要用婚姻取得面包, 就有好多條路
1) enjoy 單身. 完全唔拍拖
2) 唔結婚, 只拍拖/同居, 有啲女人甚至生仔都唔結婚. 男人唔會抗拒的, 男人冇蝕底, 可以唔出錢就上床甚至有後代.
3) 結婚, 同一個比自己冇咁有錢的男人共產, 男人lur 飯應.

咁有錢女人唔要求男人有錢, 都可以在其他特質有要求架, 例如想搵靚仔, 想搵個體貼自己的.

所以如果一個有錢女人恨嫁, 又嫁唔出, 而原因係搵唔到個有錢過佢的男人, 咁就係十分之蠢, 佢唔駛睇清人揀你, 你揀人的現實. 佢需要的係腦, 唔係男人.

--------------
上一代刻板印象, 女人係要結婚, 咁結唔到婚可能真係因為佢性格差啲.
隨著時代唔同, 單身高層唔會再等於性格差.

而且以前生活無聊啲掛. 冇個伴會比較悶. 冇娛樂. 而且身邊個個都結婚, 真係好似剩返自己咁.
而家真係唔同, 有手機有上網, 宅在家煲劇又得, 出門消費/旅行又得, 自己搵自己洗, 爽到爆. 而且有好多單身朋友. 想要伴都冇問題.

私人傳訊

breadcheung

積分: 15798

308^#

發表於 20-12-29 10:53 |只看該作者

somesome2020 發表於 20-12-29 10:33
因為古代女人要靠婚姻搵面包, 而且我樓上po 到提過, 如果生仔, 女人出子宫, 男人可以付出的通常就係錢, 所 ...

據你們所講，一個有錢得嚟又搵唔到愛情結唔到婚嘅女人應該要點做？係咪要壓抑自己欲念？

另外，事實係無論男人女人都係覺得單身女人過咗適婚年齡而單身嘅多數都係性格差所導致喎。我以上提過選擇上司已經证明身體係最誠實。自己唔覺自己性格差，但人地覺

私人傳訊

積分: 6443

309^#

發表於 20-12-29 10:56 |只看該作者

本帖最後由 somesome2020 於 20-12-29 11:08 編輯

breadcheung 發表於 20-12-29 10:53
據你們所講，一個有錢得嚟又搵唔到愛情結唔到婚嘅女人應該要點做？係咪要壓抑自己欲念？

另外，事實係無 ...

jm, 我啱啱上面咪講左, 唔好要求搵個有錢過自己的男人. 咁就大把選擇. 你有冇睇我寫乜.

我真係唔知你想拗乜. 我話唔係個個女人都恨嫁. 你係要講一啲particular 的case, 嗱, 呢個女人咪恨嫁. 咁點呢.
女人恨嫁, 肯洗衫煮飯, 上床, 生仔, 好多都會嫁得出.
咁剩返唔肯洗衫煮飯, 上床, 生仔/ 要求高而唔嫁, 亦都係個人選擇, 當然要為自己選擇負責, 咁呢啲人又要怨嫁唔出, 真係幫唔到佢喎.

咁男人都會娶唔到啦. 大把男人搵唔到老婆. 咁唔介意都可以娶個大陸婆gei

做人包結婚的嗎?
定係你一定要我認同你, 係呀, 嫁唔出真係低人一等, 你嫁得出好叻叻呀, 咁? 我真係低人一等架, 做女唔洗衫煮飯架. 永世嫁唔出.

私人傳訊

FionaWong0118

積分: 5738

310^#

發表於 20-12-29 11:10 |只看該作者

其實點解成日都有"嫁唔嫁得過"呢D帖?
嫁唔嫁得過應該本人最清楚呱?
如果有疑惑, 其實即係已經唔想嫁了~

私人傳訊

breadcheung

積分: 15798

311^#

發表於 20-12-29 11:25 |只看該作者

somesome2020 發表於 20-12-29 10:56
jm, 我啱啱上面咪講左, 唔好要求搵個有錢過自己的男人. 咁就大把選擇. 你有冇睇我寫乜.

我真係唔知你想拗 ...

嘩，你唔使咁發老皮吓話？
又係你話蠢女人先至搵個男人錢小過自己嘅對象，咁我就想知道一個正常智商嘅叻女人有錢但想找又找唔到對象嘅可以有咩嘢出路姐

私人傳訊

onlam2005

侯爵府

積分: 24027

2025勳章 2025勳章蛇年勳章環保接龍勳章

312^#

發表於 20-12-29 11:28 |只看該作者

其實你姪女同你傾,
都唔敢同阿媽講.
心中己感覺到有D問題.
如果兩人有心結婚,
應該一早會傾儲錢預算呢D野,
無理由咁突然問你月入及savings.
有疑問就唔好買樓啦.
廢時分手時好煩.

私人傳訊