夫婦情感 今日: 2 | 主題: 42753

積分: 20921

牛年勳章好媽媽勳章

301^#

發表於 05-5-9 10:30 |只看該作者

Re: 老公承認有婚外情，好心痛

母親節，無點慶祝，只係同老公行過街，無帶囡囡出去，落雨濕濕

尋朝八點發惡夢，夢見八婆打視像比老公，話買新電話試喎，跟住又見到老公多了個電話，他說是八婆送，好嬲，摑他，他捉著我，醒了！醒了睡不著，到老公十點幾醒了就同佢講發惡夢的事，當然還順路加插ecard事件啦！

佢叫我唔好胡思亂想，佢話無send過card，還問我ecard是甚麼（唔奇架，我老公都唔玩電腦，電腦知識貧乏得很），是否等於email？我話係，費事教識佢咁多野，而我我諗，或者係我自己睇過唔記得啦

佢再三講無聯絡，只係入過去他倆的email account（我唔知佢地用咩個方法傳情，係佢自己爆料），佢話入去只是好奇，仍想知八婆的近況，想睇睇八婆有無留言給他，但無，佢亦無留

我話如果八婆有留你會點，佢話唔會回應，但我提佢，假如八婆真係留言，話胃痛，話工作唔開心，你真係會無野，你真係唔會去諗，你真係唔會留番兩句說話安慰佢？當初你地就係咁傾傾下傾出事，佢無聲出，跟住話：我應承你以後都唔入去睇，我check瀏覽記錄，果然有兩個email account佢成日開，不過頻次逐漸減少，我唔會比佢知有記錄可睇，我要睇佢是否真能做到

最老套佢講一句，多個人關心下你都好呀，嘩！要即刻澄清：多個人關心唔係唔好，但個個人同你曾經係咩關係，佢關心你又或者你關心佢，你地都會好開心，但同時，你係度傷梗我心，佢又無聲出，又話，總之我以後唔會聯絡佢，不過，我真係好驚佢打比我，send 短訊比我，我控制唔到，我又驚你嬲

我講過好多次，我妥協容忍佢打比你，因為控制唔到佢，但問題在你的回應，你選擇一句起兩句止，傾幾分鐘定幾十分鐘，呢d係你控制到，無藉口，佢話：我知點做

傾了接近兩個鐘，都ok，心平氣和
但大家認同，就是我們之間有裂痕，要去修補

出街時突然問我：我係唔係做得好錯
我：係，唔只係好錯，係非常錯，係嚴重錯，係非常非常非常………錯
佢：究竟彌唔彌補到？
我：可以，但要睇你知唔知點做

無耐又話，我地唔好咁多猜忌
我：你唔好做咁多令我懷疑的事我就唔會猜忌
佢：我知我做錯，但你都唔好check我啦
我：得，你當初唔做錯我就唔會check你，而家睇你點做啦

情況大致ok，希望一路一路關係改善

私人傳訊

毛毛虫

別墅

積分: 710

302^#

發表於 05-5-9 10:54 |只看該作者

Re: 老公承認有婚外情，好心痛

肥嘟媽:
唔好怪我直言, 你老公仲係番緊一條後路比自己同個八婆聯絡.

私人傳訊

積分: 20921

牛年勳章好媽媽勳章

303^#

發表於 05-5-9 11:03 |只看該作者

Re: 老公承認有婚外情，好心痛

毛毛虫：

點解咁講？

私人傳訊

毛毛虫

別墅

積分: 710

304^#

發表於 05-5-9 12:06 |只看該作者

Re: 老公承認有婚外情，好心痛

佢話入去只是好奇，仍想知八婆的近況，想睇睇八婆有無留言給他，但無，佢亦無留

又話，總之我以後唔會聯絡佢，不過，我真係好驚佢打比我，send 短訊比我，我控制唔到，我又驚你嬲

肥嘟媽:
sorry呀, 我唔係想撥你冷水呀, 我睇見你地以上既對答, 我至咁講咋.

私人傳訊

積分: 403

305^#

發表於 05-5-9 12:23 |只看該作者

Re: 老公承認有婚外情，好心痛

我想問：你同佢提到ｅｃａｒｄ, 咁佢唔奇怪你點會知既咩? 你又點可以唔話佢知可以check記錄呢?

我覺得你老公, 係冇乜"犯罪意識", 即係話, 佢唔覺得自己係錯, 佢而家開始覺得錯, 係從你既反應知道, 但只係頭腦上, 唔係用心去領會. 所以佢先會話: 多個人關心都好. 呢句說話反映左佢自始至終既心態. 學你話齋, 果個人, 如果係多年冇見既小學老師, 或者世叔伯, 就梗係冇問題啦, 大佬, 果個係"情婦"呀, 你話佢係天真定on居呢?

我始終唔明, 你想重新得到一個人既信任, 就算佢唔問, 你都坦白交心啦. 你想老闆睇你, 你都搏老命表忠誠啦.

其實你老公仲咁"好奇", 又唔表明如果八婆主動搵佢佢會點, 都仲有一定危機. 如果佢真係咁堅定, 就唔會驚八婆搵佢啦, 就好似如果有個你好討厭或全無感覺既男人send message俾你, 你都delete佢就算, 唔會"驚", 佢唔係驚八婆send野俾佢, 係驚自己控制唔到回應姐.

私人傳訊

李吳知道

積分: 5206

306^#

發表於 05-5-9 12:39 |只看該作者

Re: 老公承認有婚外情，好心痛

Sanho 寫道:
我想問：你同佢提到ｅｃａｒｄ, 咁佢唔奇怪你點會知既咩? 你又點可以唔話佢知可以check記錄呢?

我覺得你老公, 係冇乜"犯罪意識", 即係話, 佢唔覺得自己係錯, 佢而家開始覺得錯, 係從你既反應知道, 但只係頭腦上, 唔係用心去領會. 所以佢先會話: 多個人關心都好. 呢句說話反映左佢自始至終既心態. 學你話齋, 果個人, 如果係多年冇見既小學老師, 或者世叔伯, 就梗係冇問題啦, 大佬, 果個係"情婦"呀, 你話佢係天真定on居呢?

我始終唔明, 你想重新得到一個人既信任, 就算佢唔問, 你都坦白交心啦. 你想老闆睇你, 你都搏老命表忠誠啦.

其實你老公仲咁"好奇", 又唔表明如果八婆主動搵佢佢會點, 都仲有一定危機. 如果佢真係咁堅定, 就唔會驚八婆搵佢啦, 就好似如果有個你好討厭或全無感覺既男人send message俾你, 你都delete佢就算, 唔會"驚", 佢唔係驚八婆send野俾佢, 係驚自己控制唔到回應姐.

有點認同, 簡單黎講, 係扮傻...

私人傳訊

christywai

大宅

積分: 2118

307^#

發表於 05-5-9 13:14 |只看該作者

Re: 老公承認有婚外情，好心痛

都未必既, 可能要佢一下子忘記咗個女人唔係咁易, 俾d時間佢, 佢同番你一齊, 已經代表佢唔會再理果個女人啦, 但如果個女人搵佢, 佢而家可能仲未想做到太hurt個女人, 俾d時間啦, 如果你老公唔理佢, 佢都仲要搵你老公, 咁你老公慢慢會覺得佢煩, 咁就會同佢開片架啦! 但你而家都要睇緊d你老公.

私人傳訊

毛毛虫

別墅

積分: 710

308^#

發表於 05-5-9 13:28 |只看該作者

Re: 老公承認有婚外情，好心痛

係呀, 我都認同sanho既講法

私人傳訊

積分: 403

309^#

發表於 05-5-9 15:36 |只看該作者

Re: 老公承認有婚外情，好心痛

其實我覺得"俾d時間佢" 只可以係冇聯絡既情況下, 包括主動及被動, 如果仲容忍佢地聯絡, 就變藕斷絲連. 因為只會愈傾愈埋, 唔會愈傾愈淡架. 乾柴烈火, 如果唔不斷同佢加水, 佢分分鐘燒番著架.

佢老公既case, 好明顯仲係心思思(佢咁想知道八婆近況做乜呢?明知唔可以再聯絡, 知道又點呢?人地如果婚姻生活好幸福, 佢係咪會好失落呢?), 咁如果個女人搵佢, 扮晒可憐, 佢老公好大可能會出黎安慰人, 扮晒情聖咁囉, 所以一定唔可以俾位八婆入架.

對敵人仁慈就係對自己殘忍, 切記切記.

私人傳訊

大小不梁

積分: 7539

310^#

發表於 05-5-9 15:38 |只看該作者

Re: 老公承認有婚外情，好心痛

肥嘟媽:
我都係覺得你太心軟了,太易氹了......你老公可能就係知道呢一點.....所以佢跟本就係食住你.....知道你唔會嬲佢好耐....不過算la....要知結果咪再睇下之後點law....唔好諗咁多la.

私人傳訊

kk42479

大宅

積分: 1021

311^#

發表於 05-5-9 17:45 |只看該作者

Re: 老公承認有婚外情，好心痛

一次不忠,百次不容!何况自己朋友妻,咪走雞...!我老公都認錯,不過個女人我唔識!我嬲爆....!打佢,佢痛我都好痛

甜字人人喜,苦字人人悲,莫為苦而悲,無苦不知甜.

私人傳訊

積分: 403

312^#

發表於 05-5-9 18:08 |只看該作者

Re: 老公承認有婚外情，好心痛

kk42479 寫道:
一次不忠,百次不容!何况自己朋友妻,咪走雞...!我老公都認錯,不過個女人我唔識!我嬲爆....!打佢,佢痛我都好痛

對呀，其實老實講，肥嘟媽你老公係不忠不義之徒囉：對妻子不忠，對朋友不義．

私人傳訊

積分: 20921

牛年勳章好媽媽勳章

313^#

發表於 05-5-10 09:05 |只看該作者

Re: 老公承認有婚外情，好心痛

尋晚同老公出街，佢主動問我有甚麼問題還想問，因為想重新開始，不再纏擾在這件事情上，既然佢主動，我就梗打蛇隨棍上，唔客氣

我：你尋日問我點彌補，咁你認為點先可以彌捕到我地的關係？
佢：唔再同佢聯絡，唔再有任何接觸
我：即係咩？
佢：電話，email，見面
我：仲有無？
佢：仲有咩呀？
我：仲有短訊，生日節日任可時候都唔可以送禮物，年尾唔可以攞八婆公司月曆/記事簿，第日如果買車唔可以幫親八婆間公司（汽車保險），朋友叫你代搵佢唔該你叫佢自己搵，任何場如你預計八婆會出現，一下你唔出，一下你帶埋我去，仲有八婆如果打比你，你會點做？
佢：傾兩句快快收線，仲叫佢以後唔好打黎
我：跟住呢？
佢：...........
我：仲一定要話比我知
佢：你都諗到好多野喎
我：係呀，先小人後君子嘛

佢答應了，尋晚佢都好認真，話真係知道邊個最重要，佢最需要甚麼，話唔可以失去我，唔可以失去精神支柱，唔想見我唔開心，因為好擔心我，希望關係可以好似以前咁

我潑冷水，我話要關係好似以前咁，唔知可唔可以，事情始終發生過，點都有個傷口，時間只可以沖淡記憶，唔可以乜都沖走晒

佢：我都知唔可以沖走晒，但我只希望將影響減到最低，係我做得唔啱，係我錯，係我花心，但我保證，以後一定唔再花心，比個機會大家好唔好

搭車回家時，講好多女性親戚朋友嫁唔出，我又潤佢：我唔係話你，你唔好誤會，其實嫁到好老公當然開心，但嫁得唔好，嫁唔出都唔緊要

佢：你即係話自己嫁得唔好？
我：係，女人嫁比個男人，無非都係想一生一世比老公全心全意錫，愛護，照顧，但你做唔到
佢：係餘下一生你會覺得你嫁得好，我會證明比你睇
我：餘下一生？太遠啦，希望啦，起碼到現在我係覺得唔好，之前四年嫁得好，之後一生嫁得好，但呢一刻，的而且確嫁得唔好，我好傷心（哭了）
佢：對唔住，我一定會證明比你睇

尋日唔知做乜，佢好似作左好多承諾，我好矛盾，我一方面選擇相信，但一方面又諗：放長雙眼睇啦，紙包唔住火

私人傳訊

大小不梁

積分: 7539

314^#

發表於 05-5-10 09:22 |只看該作者

Re: 老公承認有婚外情，好心痛

肥嘟媽:
好野wor.......對答一流呀!!!

私人傳訊

積分: 20921

牛年勳章好媽媽勳章

315^#

發表於 05-5-10 09:42 |只看該作者

Re: 老公承認有婚外情，好心痛

毛毛虫，sanho，李吳知道，大小不梁，kk42479

我絕對同意你們講，佢只係比我鵝得多，佢先覺得自己同八婆唔妥，而唔係自我反省，星期日，我同佢講因為感受唔到佢真係知自己錯乜，無真正反省，知道自己同八婆的關係究竟係點，我先做黑白天鵝，唉，鵝得多，都煩，我都心淡，因為佢仍不斷自辯，呢頭承認自已花心，但呢頭話同八婆只係好傾d的朋友，可能將好傾同喜歡混起來，一時攪不清，出事，佢又講，從來無同八婆講我愛你，八婆都無講，只係講：好想你，因為可能大家都係對呢份關係存疑，bull ####！

佢話驚我好嬲，所以好驚八婆send短訊，打電話比佢，佢控制唔到的意思是八婆主動打比佢，我講：八婆打比你，我控制唔到，但你控制到，你咩態度同佢傾，咩說話語調同佢傾，你堅決話比八婆知叫佢唔好搵你，你控制到

ecard，藉夢發揮囉，我話好驚，見到夢境入面佢send了張有i love you字樣的咭比八婆，我死咬住問佢有無做過，佢好肯定話無，還問我ecard是甚麼？是否等同email，算啦，或者係我自己睇過唔記得，可能佢以為我知email，所以自己爆話有入去睇email

我老公基本上唔識玩電腦，比我還要豬，所以記錄方面佢應該唔知，亦唔識delete，希望佢唔好懷疑，唔好返去問同事，因為我問完，佢話是否有記錄？我話，記錄，咩記錄？我唔知喎，應該無架

對老婆不忠，朋友不義，我絕對認同，唔講都要講：賤格！

仁慈，我都知我可能口硬心軟，有時都做唔到口硬，正如大小不梁說，我比佢食住，大鑊，但好彩有你地，時刻提醒我，令我維持在警備作戰狀態，我唔輸得，我唔容許老公再同八婆燒番著，我唔容許老公同第二個女人燒著，我唔會讓自己下半生不好過 :evil: :evil: :evil: :evil:

私人傳訊

積分: 20921

牛年勳章好媽媽勳章

316^#

發表於 05-5-10 09:44 |只看該作者

Re: 老公承認有婚外情，好心痛

大小不梁：

多謝呀

攪到面紅添
都係多得你們這班軍師，我先識講識問咁多野

私人傳訊

李吳知道

積分: 5206

317^#

發表於 05-5-10 10:36 |只看該作者

Re: 老公承認有婚外情，好心痛

努力呀!!為自己和小朋友的幸福作戰

私人傳訊