亞貴 發表於 12-1-16 12:51
奶奶篇：
奶奶跟住喊到豬咁.....係咁叫佢比個電話我聽
當時我娘喺樹就接咗個電話
我娘同佢講：亞親家，而家我女唔舒服，比人激到血壓高，佢唔聽喇，我亦唔會比佢聽喇，你有嘢同我講囉，我知你想點，但.....比D後生冷靜吓先啦，你愈迫佢地，佢地咪愈反感，而家我要幫個女調理身體，你唔好攪咁多嘢住喇，D錢銀就等你女婿同我婿攪啦，但你爭我嗰D麻雀數你就要計勒，過年時我歡迎你嚟我屋企拜年或打牌，同你反面我又做唔出，不過我都唔想你攪我個女住喇，再攪到佢血壓高，我唔知我會唔會殺人架，呢個女我好辛苦先生出嚟養到咁大，你激死佢？我會斬你18碌唔止啦，個女係我先鬧得架（亞貴註：呢個我好可以肯係係，因為佢真係無乜邊個時候唔鬧我 =.=||）....係咁啦。（跟住亞娘就收咗佢線）
你亞娘 好勁
我同佢講：我對你都幾失望，點解要咁做啫，有嘢咪大家商量吓囉，使唔使咁呀？由我識你地嗰日起我幾時有唔幫你地架，最鬼憎人地咁呃我，你仲要做到咁樣衰，你叫我點同老公求情啫？你個仔我老公而家嬲到咩咁，我都唔敢再同你講咩，再講......我真係嬲到唔想睬你，我一知你偷金，我第一時間都係諗你地係咪出事，原來你地當我傻仔.....我唔想同你同埋你老公再講咁多嘢，你有嘢搵我老公同我亞媽講啦，再同你講我比我亞媽鬧死都似.....
對唔住, 呢part 真係一路睇, 一路喪笑跟住.........我同返我老公講....我老公話以後將條線飛落佢度喎
等佢攪惦佢亞媽喎..........
呢兩日我都無乜見我老公歡容喎
係我比我亞娘窒嗰時先見佢笑吓咋
前晚我成隻海象咁撻喺SOFA......我娘睇唔過眼又鬧啦
話我核鬼突喎.........好地地一個女人成隻嘢咁撻喺樹
我話：咩呀....我不知幾鬼爽，似海象呀，不知幾可愛....
我娘：海象？咪玩啦你，有無咁CUTE呀你，橫睇惦睇....咪似比人掉喺垃圾房門口嗰D爛SOFA咁.....
仲要又肥又梅嗰D呀........哈哈哈哈哈哈哈.....（佢呢嘢真係放盡把聲笑呀，幾殘酷一丁呀佢
）
我老公同個仔笑到收唔到聲.......
我唔敢駁咀呀........驚死得仲慘
跟住成晚比亞娘訓話
好慘呀我
mouth:
發表於 
好彩摷到姐
? 因為錢沒有人會說多...
返回列表
