等我都分享下阿囡的情況先:
5月第一次睇楊醫生
佢開了1:10(查全身,查3星期),一細盒葯膏 (查嚴重位置,查5日),一盒潤膚膏,一支沖涼液 --- 收費$1,800.
呢個月阿囡的情況好到不得了,全身滑一滑,完全無痕,成個月都無痕醒,我同佢都訓到好好, 真係好開心!!...不過係第三個星期到,佢pat pat位出左d紅色的瘡仔,唔痕架!! 同埋佢個頭有d痕&有頭皮.
6月尾,第二次睇楊醫生
一細盒葯膏 (查pat pat位d瘡仔 ),一支浴油,(用來潯 pat pat d瘡仔,醫生話有消毒作用)一盒潤膚膏,一支洗頭水 --- 收費$1,200.
pat pat d瘡仔查左一星期葯膏,就好返晒...呢個月來,只係平日keep住潤膚,間中係面同埋手腳位出返少少濕疹,幫佢查1:10,通常查一兩日就會好返,但我會再查多一日.呢個月,夜晚訓佢有少少痕,但係好輕微,"r"一陣就訓返,總體情況都ok.
昨天,第三次睇楊醫生
楊醫生話阿囡情況好理想,唔使返去覆疹啦!!
如果有濕疹出,就幫佢查1:10(第一次開的1:10仲用淨好多),控制到就ok,楊醫生話有問題隨時打比佢!!佢仲話d潤膚膏,洗頭水,沖涼液,用自已買果d都ok,不用到跟他買.
今次佢開左一盒潤膚膏俾我--- 收費$860.
阿囡依家3歲幾,一出世就有濕疹,佢都算幾嚴重果種,呢三年幾佢真係試左好多方法醫濕疹,但情況都好反覆,一直以來睡眠質都好差,阿囡同我都好辛苦!!
睇楊醫生呢2個幾月,佢的情況非常理想,痕少左好多,訓得好好多,雖然唔係話好返晒,但我己經好滿意, 希望可以keep住!
我真係好多謝楊醫生,佢係一個好醫生,我覺得佢好有heart又唔dun症,
同埋要多謝係度介紹楊醫生俾大家的mama!!
希望各位mama的寶貝們都能早日康復,永遠同濕疹講bye-bye!!
<a href="http://lilypie.com/"><img src="http://lb1m.lilypie.com/9m6up8.png" width="200" height="80" border="0" alt="Lilypie First Birthday tickers" /></a>
發表於 
你仔仔幾時開始起ga?可能對某種野敏感啊？你仔仔訓得好自然會肥返ga la!! 我個仔訓得好我都肥返！我係本雜誌見到幫助濕疹的湯，你睇下有無用！加油
返回列表
