Re: 喜歡自制月餅既朋友仔請進~
kaka2004 寫道:
小寶貝兒,
你80個既份量o甘多, 要用d咩工具同用咩盤去搓呀, 份量好多啊
我d冰皮係分開2次整架~~
用個不秀鋼兜囉~
搓都係係個兜裡面搓咋~~
我地呢d手作仔..... 係咁上下架啦~~ 地方淺窄呀~~
其實蒸出黎唔算太多(我指40個既份量), 可能因為個皮都幾重(水份比較多), 所以20g其實係好細舊架咋~~
我post 20個既份量同做法丫~~
小寶的冰皮
冰皮: (每個月餅皮既份量為20g, 此份量約做到20個)
糯米粉 50g
粘米粉 50g
麵粉 25g
糖 40g
鮮奶 3/4包(一包有250ml)
椰漿 66g
錬奶 2湯匙左右(我都係是但落)
生油 2湯匙左右
先篩勻粉類, 加入糖拌勻, 然後加入鮮奶, 椰漿, 錬奶及生油
一路攪拌至生油溶入
另外要準備一個篩, 將液體過篩, 一定會有粉粒, 顏返入去d液體裡面, 唔好唔要d粉粒呀, 因為會少左粉, 蒸完出黎冇咁好搓同包架!
過多2次篩, 確定已經冇粉粒, 好幼滑, 係好似水咁稀既!
然後就拎去蒸, 大火蒸25分鐘, 驚唔熟就蒸多10分鐘
蒸完後放涼一陣(大約15分鐘), 就用木匙攪拌, 攪到一團咁就可以, 放到暖左, 就可以分成20團, 每團20g既冰皮
到包既時候, 記得手心同手指都要洒d糕粉, 唔係會痴手架!!
而且唔須要顏到好薄, 一個可樂罐既圓周就可以, 包住d餡之後小心推至埋口!! 因為呢隻皮有un度, 亦軟, 所以可以好容易推!
包好餡後要在糕粉中碌一碌, 因為驚會痴模
壓完模後如果覺得太多粉, 可以掃走一d, 不過我就覺得呢唔須要, 因為食之前要放室溫半小時先係最好食, 呢半小時就會令到面頭d粉少好多好多(當然之前唔可以包到成舊都係粉啦.....)
我之前已經整過30個左右, 連埋尋日整果d, 而家數量去到110個(不計廣式), 聽日開工做埋比其他人既, 分分鐘去到150個啊~~~
but呢, 我覺得自己整真係好好玩, 而且鐘意咩味就整咩味, 而且最緊要係咩呢, 一個平字囉~~ 整80個, 材料大約都係用左150蚊(估到最盡架啦), 真係抵到爛啦!! 
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
