hello
all / sarah_chow / lovelygoo / 雙子座bb / QQ2006 / Flyfive / lara.poon / appdee
多謝各位媽媽關心, 有你地既支持, 我一d都唔驚, 好似有你地同我一齊面對咁, 好有信心, 比人咭果陣都無野, 咭完無乜野先有d淚光....我相信係我c6屎出去之前無啦啦問: 水唔水比定紙巾你....妖~~~
好, 定我講下我既經驗先
我係因為高齡, 所以決定去私家抽羊水(政府免費oscar咪做囉), 臨抽前一日(唔夠廿四小時), 廣華打比我話oscar係1:63.....high risk, 都係要抽架喇.
今日去到診所, 個心都仲係好定, 因為之前睇左bk好多messages, 話會有一支成20cm既針咭入黎(我睇過把間尺都....嚇親), 有人話好痛, 有人話好似打針咁(我信呢個多d), 咭完之後企唔直, 行得好慢, 仲痛痛地, 要休息成個禮拜.....雲雲.....點都好, 有晒心理準備.
好喇, 真係比人咭喇.....
1) 醫生要問你一輪野, 第幾胎(第三, 一個就黎4歲(點生), 一個小產(幾多wks), 點解要黎做, 有無做oscar(result係乜)...
2) 醫生再解釋抽胎水(點做+風險)
3) 照下u/s, 睇下整個肚腩(包括膀胱/子宮/腸/產道), 解釋得好清楚
4) 瞓好, 消毒肚皮三次, 睇住u/s搵位, 咭入去(一定唔好郁), 抽兩支針筒既胎水, 搞掂叫我禁住一陣, 貼藥水膠布, 繼續瞓休息陣, 再照一照u/s, 睇下亞b郁唔郁, 再瞓多一陣休息, 走得......過程10分鐘唔水.
重點:
~ 抽羊水係用針咭入肚皮(包括脂肪層)/子宮/胎膜, 最重要係胎膜, 因為流產風險係胎膜埋唔到口, 導致胎水不定流走而做成流產, 風險係200個人有1個會流產(即1:200)
~ 一般測試約一個月有full report, 即check晒你BB既23對染色體(佢地要種胎水入面BB既細胞), 快速測試呢, 就兩三日內比先check第13, 18, 21對染色體, 睇下有無異常, 其餘既20對就係果個月同你check, 睇下有無長短呀, 異常呀, 就係咁喇.
~ 支針真係無咁長, 好似打針果d唶, 都係幼既(就係要個針孔埋口喇).
~ 坦白講, 唔痛, 打針仲痛, 我估個醫生好手勢(我接生醫生打針都唔痛)
~ 都坦白講, 好緊張, 成個人熱晒
~ 醫生話我抽果陣, 有宮縮, 我無問點算(因無野做到, 費時諗)
一齊都順利, 抽完去食埋飯先搭的返屋企, 坐陣就瞓覺喇, 到而家7個鐘都相安無事, 希望呢兩日ok啦, 我都會留係屋企唔出街兩三日, 最快下星期一下晝先有report, 希望一齊安好.
多謝收睇.....
仲有咩想知, 我又無提既, 可以問問.
[ 本文章最後由 NOPAN 於 08-11-20 20:14 編輯 ]
請大家留意, 曾經有人係facebook開左我係bk個名既 a/c (Nopan Ma), 當然人人都可以叫nopan, 但此人仲偷埋我囡囡bk張相開fb, 有問題, 大家小心
發表於 
返回列表
