（後面有劇透，唔想知道就跳過呢個回帖）
我睇完君子盟，撇開兩個男主醜之外，探案推理比較小兒科，懸疑性唔錯，不過去到最後五集，幕後大波士已經呼之欲出，只係想睇下個故事點圓返轉去整個佈局，失望在有部份看似微小但重要細節太過求其，太過自圓其說，好似已經過咗10年，張屏母親藏於村中聖池中嘅信（放於一個竹筒內）同家中嘅手扎居然完好無缺，仲要係藏於一伸手一揭蓋就見到嘅地方，以始作俑者咁心狠手辣嘅人點會唔搜個底朝天？
So far，故事尚算完整，不能話好好，但算中上，好難話如果冇封BL，呢套播出後會唔會爆（應該都未必，因為主角唔美），但以一套懸疑劇情片嚟講，算係睇得開心嘅，而且服化道叫得上精美，片頭片尾都造得有心思，尤其係片頭配樂加強咗懸疑氣氛。劇中有大量對角色產生幻覺嘅描寫，都幾考演員演技，往往同原主人設有好大對比。
結局有點草草收場，不過其實都玩到咁大，唔知點收科，最後嘅結局算係叫做大部份盡如人意，兩個男主都叫做得到較好結果，算係得償所願。最可惜係疏臨，出身顯貴，卻落後悲慘下場，演員演得唔錯，顏值比兩個男主都好，角色造型有皇矞氣質，聰明沉穩，心思細密，最後卻輸在親情之上，以劇情睇，角色應該係死咗，如果佢手抱嘅嬰兒冇俾母親抱回，佢可能因為照顧嬰兒而生存落去，唔會回頭走入毒霧之中。
花旗太太生活在花旗國，留意時差，你問我未必即時答到。
發表於 
返回列表
