香港18區媽媽會 今日: 0 | 主題: 156994

積分: 1139

321^#

發表於 07-12-21 17:28 |只看該作者

stliu,

哦, 原來細號奶粉貴d架, 我真係唔知喎

餵到半年都算幾好, 真係好.... 好辛苦, 最緊要係個人會經常病, 而家諗住開始同囡囡慢慢戒, 現在只飲早及晚兩餐人奶, 平時會飲鮮奶, 但飲得唔多。

我揀十字/維記, 並唔係因為我囡囡鍾意飲, 反而係我自己鍾意飲, 牛奶公司的奶味我接受唔到, 朱古力奶就OK, 我囡囡都好鍾意飲 (不過唔會俾佢飲太多, 太甜)

您家的姐姐做左幾耐? 真係好少見無投訴的東主(您)

私人傳訊

積分: 2647

322^#

發表於 07-12-21 17:35 |只看該作者

kuyu0905,
2號奶粉, 最平藥房賣都好似係$140大罐, 你餵人奶真係慳左奶粉錢架

但當然係好辛苦的! 記住啊, 如果到時同女女戒, 你自己都要做D思想準備啊! 因為我果時係好唔捨得架!
我自己覺得牛奶公司的鮮奶唔夠牛奶味呀! 講奶味其實真係蒙牛好正, 可惜唔係鮮奶.
我家工人, 呢個其實只係半年左右, 之前果個都好好, 不過要返家鄉湊女, 所以早左完約. 其實請工人真係好難講架, 我自己都要調適, 有時唔可以太計較, 唔可以太picky, 但求仔仔鍾意佢, 佢湊得好就算啦, 佢算湊得幾好呀, 因為會肯同仔仔玩同埋唱歌呀,教佢野咁!

仲有呀, 我想講原來你係媽媽幫手湊BB? 咁平時要自己湊返, 嘩! 都好辛苦啊! 好似你地幾個中, 我最舒服喎!

原文章由 kuyu0905 於 07-12-21 17:28 發表
stliu,

哦, 原來細號奶粉貴d架, 我真係唔知喎 ops:" />

餵到半年都算幾好, 真係好.... 好辛苦, 最緊要係個人會經常病, 而家諗住開始同囡囡慢慢戒, 現在只飲早及晚兩餐人奶, 平時會飲鮮奶, 但飲得唔多。

我揀十字/ ...

[ 本文章最後由 stliu 於 07-12-21 17:41 編輯 ]

私人傳訊

積分: 1139

323^#

發表於 07-12-21 17:44 |只看該作者

餵人奶唔會慳好多, 除非唔做野...

好似我咁, 之前中午個餐仲會坐的士返屋企餵囡囡(埋身餵), 日日都要來來回回坐的士, 雖然都算近, 但一日都起碼要成四十幾蚊車費, 持續兩年幾都係咁(風雨不改), 只係今個月開始先中午無返屋企, 我媽咪都話我自己攞來辛苦, 仲貴過飲奶粉, 成日叫我戒左佢...

私人傳訊

積分: 1353

324^#

發表於 07-12-21 22:33 |只看該作者

all,

Merry Christmas & Happy New Year!

私人傳訊

積分: 1353

325^#

發表於 07-12-21 22:36 |只看該作者

Kuyu0905,

你真係好有毅力.

原文章由 kuyu0905 於 07-12-21 17:44 發表
餵人奶唔會慳好多, 除非唔做野...

好似我咁, 之前中午個餐仲會坐的士返屋企餵囡囡(埋身餵), 日日都要來來回回坐的士, 雖然都算近, 但一日都起碼要成四十幾蚊車費, 持續兩年幾都係咁(風雨不改), 只係今個月開始先中 ...

私人傳訊

積分: 1353

326^#

發表於 07-12-21 23:02 |只看該作者

all,

頭先食晚飯, 又被囡囡激親.

罪狀1
去到餐廳(Pokka)一陣間, 要去Toliet(出門之前已去咗), 當時只得我和囡囡, 都為有帶她去, 但只有少少....根本就唔急.

罪狀2
一開始食就唸飯, 唔想食, 又話唔好味, 一陣間話要抱...我都唔彩佢. 跟住開始話好倦, 要返屋企瞓覺.

罪狀3
返到屋企即刻爬地喊, 我搵佢入房, 即刻講sorry (數次) , 喊完之後再訓示和罸企. 佢話唔晏瞓, 要玩一陣.

罪狀4
佢想瞓, 喊話肚餓, 耍食Bread, 我老公話千其唔好比佢食, 因為之前已經係餐廳講咗唔食完d飯無奶飲. 又為有忍心d, 比佢知道肚餓難忍和唔好簡飲擇食. 最後都瞓著咗

唉, 你話做亞媽係咪好心痛

, 見佢已經細細粒, 又話要罸佢無奶飲(係餐廳到我自己講), 老公叫我堅持, 講得出做得到, 明早都唔知會唔會兩三點叫肚餓飲奶

[ 本文章最後由豬仔媽媽於 07-12-21 23:05 編輯 ]

私人傳訊

積分: 1139

327^#

發表於 07-12-22 09:16 |只看該作者

豬仔媽媽:

睇來您同我都係俾囡囡"恰"個隻, 佢知道我地心軟, 唔會為難佢, 所以就變本加厲...

按理論, 真係要忍心d, 去厠所無得講 (有時真係唔知佢係唔係要去vv), 但食野就真係唔可以縱容, 之前睇過有人話用"行為矯正"方法, 即係用"讚賞"+"解釋"+"ignore" (好似係咁上下), 若想好的行為不斷重現, 如囡囡平時肯食飯, 或者無扭計時, 就勁讚佢; 扭計時就同佢解釋, 問佢點解喊; 唔聽繼續扭就唔好理佢, 盡量唔好俾佢覺得您有任何嬲/心軟的表現, 由佢, 等佢知道喊其實係無用既....

不過理論還理論, 要實踐就真係好難, 我現在唯有盡量用"讚"呢招, 好似返到屋企見佢無喊, 就讚佢: "++, 您今日好乖喎, 無扭計", 肯食飯時, 就同佢講:"++好叻呀, 可以食到咁多野"...

下個月我會去聽浸會的講座, 就是關於教養孩子的, 希望有所得著, 到時再講些"理論" 您們聽下....

昨天晚上囡囡收到很多聖誕禮物, 很開心。

不知道是不是囡囡前晚食 buffet 食濟了, 婆婆說放學回來後就無乜精神, 晚上居然嘔吐大作, 嘔完之後就好好多, 所以有時唔食又煩, 食得太多都煩, 而家都唔敢俾佢食太多, 要食得清淡d。

私人傳訊

積分: 1353

328^#

發表於 07-12-22 14:54 |只看該作者

Kuyu0905,

係我未有小朋友之前, 我係浸會讀咗一個短期的兒童心理學課程, 雖然都叫做有d幫助, 但有時唔可以應用係自己的小朋友身上, 好睇自己小朋友的性格.

囡囡其實都怕我, 我有時都好惡下, 因為始終多數都係得我對住佢, 佢都怕我唔彩佢, 佢都會叫daddy, 但daddy同我都好合拍, 佢都唔會理佢.

所謂三歲定八十, 如果e加管教唔夠嚴厲, 將來管教問題會更大.

囡囡現在階段受唔受教係好重要, 直接影響佢個品格修養, 另外就係自理能力和專注力

囡囡今朝都唔夠膽問我要奶, 我見7:00先問佢肚仔有無唔舒服, 有無覺得空空地, 佢先至細細聲話想要奶. 下午食noodles都好快和肯自己食, touchwood先, 唔知可以維持幾耐?

原文章由 kuyu0905 於 07-12-22 09:16 發表
豬仔媽媽:

睇來您同我都係俾囡囡"恰"個隻, 佢知道我地心軟, 唔會為難佢, 所以就變本加厲...

按理論, 真係要忍心d, 去厠所無得講 (有時真係唔知佢係唔係要去vv), 但食野就真係唔可以縱容, 之前睇過有人話用"行為矯 ...

[ 本文章最後由豬仔媽媽於 07-12-22 14:55 編輯 ]

私人傳訊

積分: 2647

329^#

發表於 07-12-24 08:51 |只看該作者

kuyu0905,
你真係好有毅力啊!

果時我餵人奶, 我老公都好支持, 不過真係唔平得好多, 因為每日都要勁飲魚湯, 買魚呀木瓜呀咁都係錢!!

原文章由 kuyu0905 於 07-12-21 17:44 發表
餵人奶唔會慳好多, 除非唔做野...

好似我咁, 之前中午個餐仲會坐的士返屋企餵囡囡(埋身餵), 日日都要來來回回坐的士, 雖然都算近, 但一日都起碼要成四十幾蚊車費, 持續兩年幾都係咁(風雨不改), 只係今個月開始先中 ...

私人傳訊

積分: 2647

330^#

發表於 07-12-24 08:55 |只看該作者

豬仔媽媽 & kuyu0905,
絕對同意呀, 每個小朋友性格都唔同, 我自己都覺得唔可能全部都跟足書本, 總之係集思廣益咁, 樣樣睇D,又用D啦. 我仔都算肯聽道理架. 小朋友其實都可以講道理, 有時佢喊, 當時緊係唔可以講道理啦, 但之後, 同佢講返, 話俾佢知,佢喊係我地係唔明佢講乜, 要講出來, 有時佢都會講倒架. 佢地真係好得意. 總之就係冇野就係小可愛,:loveliness: 有野就變左小魔怪.

原文章由 豬仔媽媽 於 07-12-22 14:54 發表
Kuyu0905,

係我未有小朋友之前, 我係浸會讀咗一個短期的兒童心理學課程, 雖然都叫做有d幫助, 但有時唔可以應用係自己的小朋友身上, 好睇自己小朋友的性格.

囡囡其實都怕我, 我有時都好惡下, 因為始終多數都係得我 ...

私人傳訊

積分: 1139

331^#

發表於 07-12-24 14:52 |只看該作者

原文章由 stliu 於 07-12-24 08:51 發表
kuyu0905,
你真係好有毅力啊!
果時我餵人奶, 我老公都好支持, 不過真係唔平得好多, 因為每日都要勁飲魚湯, 買魚呀木瓜呀咁都係錢!!

係喎, 都唔記得計埋呢筆添

其實餵人奶咁辛苦, 都係想慳....醫藥費, BB日後身體好d, 對大家和細路都好, 見到BB病真係好辛苦, 情緣病的是自己, 所以我都好鼓勵身邊朋友餵人奶, 餵得幾耐得幾耐, 日後就會見到成效。

私人傳訊

積分: 1139

332^#

發表於 07-12-24 14:59 |只看該作者

原文章由 豬仔媽媽 於 07-12-22 14:54 發表
Kuyu0905,

係我未有小朋友之前, 我係浸會讀咗一個短期的兒童心理學課程, 雖然都叫做有d幫助, 但有時唔可以應用係自己的小朋友身上, 好睇自己小朋友的性格.

囡囡其實都怕我, 我有時都好惡下, 因為始終多數都係得我 ...

豬仔媽媽:

咁都好, 囡囡還會怕您鬧, 又難得您們兩公婆都咁合, 一定要 keep 住呀, 一個心軟都麻煩, 小朋友好識得睇環境睇人, 我就係比較心軟個隻, 所以爸爸一話佢, 佢就走來搵我.

私人傳訊

積分: 1139

333^#

發表於 07-12-24 17:58 |只看該作者

平安夜

聖誕節快樂

假期後見啦~

私人傳訊

積分: 1353

334^#

發表於 07-12-26 23:46 |只看該作者

all,

我返來啦, 只可以用一個字來形容'倦'

我地行足三日, 食足三日唔知有無肥到?-(?-(?-(

頭兩日都落雨:-(:-(:-(, 到我地走個日先叫做有太陽, 我一路行一路叫囡囡唱太陽歌, '太陽伯伯太陽伯伯你去咗邊.....去到zoo真係比佢唱咗出來, 之後又熱又曬, 我親戚話叫太陽伯伯快d返屋企

, 最令我唔開心又係囡囡三日都無正正經經食過一餐, 只係聲日問我拿餅乾和綿花糖, 到第三日我都忍唔住, 佢係aeroplane發脾氣唔食飯, 話唔好味, 我就丙咗佢一鑊

, 個晚佢又無奶飲

, 所以我罸佢不會再有任何零食.

私人傳訊

積分: 2647

335^#

發表於 07-12-27 10:25 |只看該作者

豬仔媽媽,
呵, 你返來啦! 同小朋友去旅行真係攰架, 不過帶佢地見識下, 坐飛機,真係好開心架!
小朋友食野如果唔乖,真係好大問題啊! 就好似你之前講, 佢已經唔係肥, 又成日唔食正餐, 真係好煩啊:-( ! 你女女係咪連飯都唔鍾意食架? 定係煮佢鍾意食的野就食得多D呢?
我仔好似橡筋肚咁架, 一時食好多,一時又好細食. 如果有佢鍾意食的野呢, 佢就會好開胃. 但佢都係細粒架. 佢唔算太好零食, 同埋我通常係要佢食晒飯先至有零食架. :mrgreen:
唔好勞氣, 慢慢來啦, 你女女的飲食習慣都唔可以一日改晒架...

原文章由 豬仔媽媽 於 07-12-26 23:46 發表
all,

我返來啦, 只可以用一個字來形容'倦'

我地行足三日, 食足三日唔知有無肥到?-(?-(?-(

頭兩日都落雨:-(:-(:-(, 到我地走個日先叫做有太陽, 我一路行一路叫囡囡唱太陽歌, '太陽伯伯太陽伯伯你去咗邊.....去到zo ...

私人傳訊

積分: 1353

336^#

發表於 07-12-27 14:44 |只看該作者

Stliu,

囡囡係一時時肯食飯, 出到外面食飯就多數食好少或者唔食, 初初都以為係咪自己煮的嘢唔合佢胃口, 但去到爺爺, 婆婆, 餐廳都係唔願食, 佢最鍾意食pizza & sushi 和煎炸食物, 佢會自己食得好快, 唔需要我餵佢, 其實屋企無太多零食, 只有餅乾和棉花糖, 肝油丸, 芝士, 羊乳片. 因為我和老公都唔鍾意食零食, 佢細個食飯幾好, 越大越差, 佢自己都聲日講食飯飯, 食魚魚, 食菜菜有益, 會高d, 但係佢自己就做唔到, 我會cut晒佢d零食, 佢今日都有問我拿餅乾, 我話唔準食, 食完noodles先可以.

原文章由 stliu 於 07-12-27 10:25 發表
豬仔媽媽,
呵, 你返來啦! 同小朋友去旅行真係攰架, 不過帶佢地見識下, 坐飛機,真係好開心架!
小朋友食野如果唔乖,真係好大問題啊! 就好似你之前講, 佢已經唔係肥, 又成日唔食正餐, 真係好煩啊:-( ! 你女女係咪連飯都 ...

私人傳訊

積分: 2647

337^#

發表於 07-12-27 14:59 |只看該作者

豬仔媽媽,
哈哈, 你女女D口味好似我呀! 我又係好鍾意食煎炸食物呀, sushi, 我係大人當然冇王管, 不過佢係細路, 就麻煩. 當然, 亦都唔可能日日食冇益野呀!

唯有等佢慢慢改啦!辛苦你喇!

原文章由 豬仔媽媽 於 07-12-27 14:44 發表
Stliu,

囡囡係一時時肯食飯, 出到外面食飯就多數食好少或者唔食, 初初都以為係咪自己煮的嘢唔合佢胃口, 但去到爺爺, 婆婆, 餐廳都係唔願食, 佢最鍾意食pizza & sushi 和煎炸食物, 佢會自己食得好快, 唔需要我餵佢, ...

私人傳訊

積分: 2647

338^#

發表於 07-12-28 10:48 |只看該作者

祝大家新年快樂!2008年見!

私人傳訊

積分: 1139

339^#

發表於 07-12-28 16:56 |只看該作者

Dear All,

過了幾日假期, 返到公司就忙到飛起

下星期又放元旦, 睇來又有排忙啦~

豬仔媽媽:

您囡囡鍾意食 sushi ? 您放心俾佢食呀? 我現在還未放心俾佢食生野, 因為之前她一歲多時試過俾佢食壽司飯, 即刻搞到腸胃炎睇醫生, 之後就唔敢再給她吃 sushi 了, 有暗影呀

小朋友食野好講心情, 有時鍾意起來可以食好多, 有時一啖都唔肯食, 好似我囡囡咁, 都唔係好食野, 婆婆好俾心機去煮粥仔佢食, 有時都吐出來, 所以慢慢來啦, 佢覺得吐餓時就自然會食。

我這個假期都無乜出去玩, 因為囡囡肚仔有點唔舒服, 又疴又嘔, 乜都唔想食, 淨係食少少面包及水, 好在呢兩日好返少少, 今天又去了朋友仔屋企玩了。

私人傳訊

wasyinyin