影視娛樂 今日: 5 | 主題: 16084

積分: 174135

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

321^#

發表於 15-10-11 16:44 |只看該作者

oran04 發表於 15-10-10 21:54
我快看到景睿的生日了，宗主話：景睿那孩子，又豈只可惜二字。我都有點不敢看下去了

...

係呀，果集真係好慘，全部都係悲劇人物，而景睿無錯，全部都係上一代恩仇，佢心胸廣闊，好會包容，其實佢自小已經好鍾意小殊哥哥，對長蘇有種莫名親切感，但呢件事之後難免有芥蒂，宗主要復仇，如以朋友之義，佢都唔忍心，亦好痛心自己變成魔鬼，但好多嘢有因必有果，上一代種落因，而家下一代承受個果，你睇完大家再傾，諗起景睿好難過。

花旗太太生活在花旗國，留意時差，你問我未必即時答到。

私人傳訊

積分: 174135

322^#

發表於 15-10-11 16:54 |只看該作者

43集看點
（2）譽王借言皇后計劃謀反
譽王求言皇后幫佢謀反，言皇后最初唔肯，因為佢覺得譽王好歹都係一個親王，唔駛走到殺自己父王奪位呢條路，但譽王提到言皇后當日宸妃事件都有責任，有朝一日靖王成為皇帝，靜妃係唔會放過佢，皇后唔贊成，但最後都幫佢傳詔禁軍接管巡房營，即係金陵城已為譽王控制。

花旗太太生活在花旗國，留意時差，你問我未必即時答到。

私人傳訊

積分: 174135

323^#

發表於 15-10-11 17:06 |只看該作者

43集看點
（3）春獵雜談
帳中宗主讀書，庭生練字，豫津亦在內讀書，忽然一句腰要挺直，嚇得豫津同庭生都挺直腰，豫津突然發覺長蘇應該唔係同佢講，但就話說話架勢好熟悉，我估計係以前小殊對佢同景睿都好惡好嚴，但偏偏佢兩個又愛黏住小殊同水牛玩。

豫津同宗主提起紀王問起佢庭生喺靖王府係咩身份，令長蘇有D擔心，要點樣處理呢個問題。

忽然帳外有聲，宗主同豫津去睇，發現原來係靖王軍隊之前追捕過一隻所謂怪物喺九安山出現，佢地要去搜捕，豫津跟去睇。

呢個時候，宗主發現宮羽女扮果裝混入禁軍中，為宗主帳篷站崗，宗主好唔高興叫佢走，但宮羽鍾意宗主，好擔心佢安全，因為今次春獵宗主只帶飛流，黎鋼同甄平都留守金陵城。

我真係麻麻地宮羽，成日都唔睇情況，痴情無錯，但宗主做緊嘅大事，有咩事連累到宗主要顧慮佢就累人累物，今次都係，好彩有豫津，唔係佢可能死咗，不過意外收獲係令郡主呻醋，女人嘅直覺真係好準，郡主一睇就知有個情敵出現，不過林殊哥哥只鍾意郡主一個。

花旗太太生活在花旗國，留意時差，你問我未必即時答到。

私人傳訊

積分: 174135

324^#

發表於 15-10-11 17:17 |只看該作者

本帖最後由 rose-mag 於 15-10-11 01:24 編輯

43集看點
（4）譽王出發去慶曆軍營，議事時被雋娘偷聽到，佢去放童路，叫佢通知宗主譽王謀反，最後雋娘為阻截府兵救童路而犧牲。童路去通知黎鋼同甄平，因為金陵已被封，不得出入，童路掩護甄平出城而死，甄平快馬去到獵場通知宗主等人。

雋娘暗器同刺刀武功都好好，可惜人太多，佢點夠咁多府兵打，究竟佢最後係真係鍾意童路定只係可憐佢或者自己慚愧所以幫佢呢？

宗主交替蘇宅眾人清理好所有証據，連密道都要封埋，準備搬離，因為唔知譽王會籌謀D咩嘢計劃。童路突然返嚟，講出譽王謀反消失，而且正去九安山，對宗主同皇上不利，所以童路同甄平突破金陵城守衛去報訊。

（童路呢個造型有D似林雪）

（你地死啦，導演都敢殺）

童路係悲劇人物，佢話如果唔係為咗雋娘，佢一定唔會背叛江左盟，點知救咗雋娘壞了盟事後發現雋娘實為秦般若師姐四姐，今次以死完成任務贖罪。

花旗太太生活在花旗國，留意時差，你問我未必即時答到。

私人傳訊

積分: 174135

325^#

發表於 15-10-11 17:34 |只看該作者

43集看點
（5）譽王謀反，出兵九安山

甄平帶來譽王謀反消息，蒙統領主張通知皇上撒離，但宗主反對，一來呢個計劃未見成真，譽王只在途中未發難，如果告知皇上而皇上唔信又苦係証據更百辭莫辨，二來譽王已在途中，而家撤離或會遇上，到時惡戰更無勝算，宗主提議即時準備，並同蒙統領及靖王詳細分析形勢，宗主一時大意拔劍（佢以前論兵法時嘅習慣），令靖王對佢有所疑懷疑。

花旗太太生活在花旗國，留意時差，你問我未必即時答到。

私人傳訊

積分: 28097

326^#

發表於 15-10-11 19:22 |只看該作者

Paris 發表於 15-10-11 13:16
明哂。但係我又真係覺得胡歌無分別，都係果種文質杉杉嘅語調同儒雅的氣質 ...

雖然都喺斯斯文文，不過氣質有D唔同噶。

九爺：溫文爾雅，心懷大愛，胡歌話佢喺神。九爺本身個人設就好好，難度唔大，演員只要還原到原著80%已經好成功。

宗主：柔中帶剛，做事狠絶，為了達到目的可以不擇手段。胡歌話佢喺魔。宗主性格複雜好多，把握得唔好，就變衰人噶喇。

私人傳訊

積分: 28097

327^#

發表於 15-10-11 19:33 |只看該作者

rose-mag 發表於 15-10-11 17:06
43集看點
（3）春獵雜談
帳中宗主讀書，庭生練字，豫津亦在內讀書，忽然一句腰要挺直，嚇得豫津同庭生都挺 ...

呢度林殊又出黎啦！一面喺嚴厲，一面是八卦，出面有咩風吹草動，就出去睇熱鬧。

同靜妃果場戲，我第一次接受到靜妃把聲，尤其佢講“你父母睇見你而家咁既樣，會有幾心痛”，果種肉緊，搞到我都眼濕濕。雖然而家咁樣都幾靚仔。呢一段胡歌既台詞都講得好好，尤其最後哀求靜妃唔好講比靖王知果幾句。雖然喺哀求，但是好堅決，好堅定，靜妃實際上根本唔可以拒絕佢。

都是唔明，點解佢出黎之後，同靖王講果幾句咩“每個人都有秘密啊”“唔問就喺孝道”啊，做咩呢？好似越描越黑咁。

私人傳訊

積分: 28097

328^#

發表於 15-10-11 23:34 |只看該作者

本帖最後由 hugoma2015 於 15-10-12 00:35 編輯

45、46集今晚搶先睇左。講下先，聽日無時間。

1、皇帝同譽王果場父子對話，唉，皇帝果然喺皇權第一啊，心寒

2、郡主吃醋喇！其實我開頭覺得宗主同郡主再見面，好似比以前生外左。雖然郡主仲喺好主動，但是宗主好似可以保持距離咁，喺唔喺因為身體唔好，唔想拖累郡主呢？不過，後面睇到宗主好緊張咁解釋，好可愛。

3、宗主同聶鋒相認，開頭睇預告已經覺得好慘。佢喺籠外面認出個怪獸是赤焰舊人，佢都未確認對方是邊個，佢都一定要救佢，而且放自己既血比佢飲，將自己救命丹藥比佢吃，一來喺火寒之毒佢自己身同感受，二來亦體現宗主愛兵如子。點解赤焰舊人，江左盟既人，對佢充滿敬畏？就係因為咁！
宗主一野抱住聶鋒果個位我覺得幾好，我覺得呢種就是男人，軍人之間既擁抱方式。另外抱住之後，宗主肉緊到握拳，呢個細節都好好。PS：點解呢頭靜妃先同聶鋒針灸，話1、2個月不不會發作，果頭宗主要將最後一顆藥丸俾埋佢吃呢？多餘！

4、宗主病發，第一時間吩咐唔好講比郡主知，唔好比郡主見到佢病成咁，。講完先暈低。然後郡主從列戰英果度知道宗主病左，唔喺去穩宗主，而喺去問靜妃。郡主同靜妃講果段話既時候，我都眼濕濕。唉，呢2個人，真是愛得太苦，太壓抑，太深沉了！

PS：靖王，你D兵真是幾口疏！

5、蔡荃喺唔喺管刑部噶？我覺得佢真是能力唔夠喔！首先就比夏江逃跑左，然後譽王喺天牢自殺，跟住譽王妃比人掉包。點搞噶？！問責制既話，佢比人炒幾次啦！

6、宗主同譽王最後對話。我覺得譽王最後真喺講中左宗主既痛處啊！第一，祁王真喺唔會再有喇！第二，靖王真是差好幾皮波啊！

7、靜妃同聶鋒針灸之後出黎見到靖王既果場3個人對手戲，點解我覺得靖王好似懷疑自己阿媽同宗主有路咁噶？佢果種態度，語氣，令人好唔舒服。

私人傳訊

heiheikwok

侯爵府

積分: 22787

BK Milk勳章

329^#

發表於 15-10-12 00:39 |只看該作者

回覆：有無人睇琅琊榜？

我對呢套劇日日追，重睇又重睇！

私人傳訊

積分: 174135

330^#

發表於 15-10-12 05:46 |只看該作者

剛睇完45同46集，呢個皇帝實在係個複雜嘅人，黃維德呢兩集出晒風頭，做得好好。詳細感想晚點再講，而家要出出街先。

花旗太太生活在花旗國，留意時差，你問我未必即時答到。

私人傳訊

積分: 174135

331^#

發表於 15-10-12 07:53 |只看該作者

43集看點
（6）譽王謀反，出兵九安山（續）
長蘇預料譽王今次計劃要速戰速決，佢唔會花時間繞道避開太康警哨，而係一路殺過去九安山，由於每日都會有禁軍去太康哨站巡邏，譽王去到一定會殺巡邏禁軍至能夠通過，所以只要派人去太康留意情況，之後就不難知道譽王來襲嘅進度，到時再告之梁帝就名正言順。果然不出所料，譽王直接通過太康並斬殺巡邏禁軍，有禁軍突圍去九安山獵場報訊，梁帝得知譽王假借靖王同禁軍挾持梁帝造反，出兵救駕，實為謀反想趕去九安山殺人滅口。

花旗太太生活在花旗國，留意時差，你問我未必即時答到。

私人傳訊

積分: 174135

332^#

發表於 15-10-12 08:37 |只看該作者

43集看點
（6）譽王謀反，出兵九安山（續）
長蘇與譽王、蒙統領分析形勢，只有退守九安山獵宮，果度易守難攻，但同時亦都係最後防線，以現在三千禁軍係敵唔過五萬慶曆軍，必須要請救兵，而最近又最強兵力嘅就係紀城，靖王話只要長蘇可以守城幾耐，長蘇回答最多三日，問靖王可否於三日內來回，靖王話以目前形勢一定會做到，只係要選一條最快嘅路程。長蘇指出用驃騎營先行，後軍由列戰英押陣帶隊繞啟竹溪就可以。

梅靖默契好好，未明講已知要去紀城請兵，反而蒙摯指出而家情況，由九安山正面出去嘅路唔行得，就算三日可來回都冇用，此時靖王指出九安山北坡有一條山路可以出去，只係比較陡險但可行，只係完全被野草遮蓋，係佢以前同林殊喺九安山亂跑時發現，條路冇幾個人知道，靖王對長蘇係林殊呢一點又多一重懷疑。

（郡主好冤枉，成日賴佢，人地邊有咁大嘴，將佢同林殊嘅嘢周圍講）

（呢個籍口真係有人信？信果個嘅智商好有問題）

梁帝召靖王去見，臨行前對蒙摯交帶整頓九安山情勢，父母唔可以有事，亦交帶蘇先生都唔可以有事，意味著佢已認定長蘇即係林殊。

蒙摯對長蘇話唔怪得佢，梅靖思慮太快，佢根本跟唔上，亦唔知道呢個兩人之間嘅秘密，宗主以而家情況非比尋常，顧慮唔到咁多，叫蒙統領唔好放喺心，當前要打探慶曆先鋒係邊個同帶兵多少。

靖王要求梁帝賜兵符去紀城調軍，因為京城好大可能已經失守，所以要去紀城，最初梁帝都懷疑靖王呢個計策，最後都將兵符交俾佢，叫佢途中不能有失。

送行時，靖王擔心各人安危，三千禁軍要支持三日實在凶險。長蘇鼓勵佢唔好瞻前顧後，如不能守到靖王回救，到時靖王就要帶兵回京發起勤王，以天下社稷為先，不要以一己為念。

以王凱嘅靖王設定，宗主絕對係應該隱瞞自己身份，靖王身為軍人，十年征戰居然咁多瞻前顧後，婆婆媽媽，如果佢真係肯定長蘇為林殊，而長蘇而家手無搏雞之力，佢更加放心唔落，但其實有長蘇坐陣調配軍隊部署，佢應該係好放心至係。呢度我有個疑問：點解長蘇同蒙統領可以兩個人做晒所有步署而唔駛問梁帝？呢度有話事權始終都係梁帝，無原由俾個白衣江湖宗主話事，自己就好窩囊咁躲喺獵宮中真係好癈，言侯下一集果段說話真係話得佢啱，不過我覺得照原著將果部份交番俾宗主講更好，宗主呢兩集已經係少帥上身，軍人鐵血嘅情緒冇理由喺果刻冷落嚟，反而由佢講，再由言侯附議會合理好多，不竟言侯已退下火線多年，而家無端端突然熱血，呢個皇帝一陣又對佢猜疑仲弊，何況呢次言侯個親妹親皇后係脫唔到罪，就算佢兩兄妹思想不合，已多年不見，但懷疑言侯裡應外合都未嘗不何。

花旗太太生活在花旗國，留意時差，你問我未必即時答到。

私人傳訊

積分: 28097

333^#

發表於 15-10-12 09:06 |只看該作者

本帖最後由 hugoma2015 於 15-10-12 09:44 編輯

rose-mag 發表於 15-10-12 05:46
剛睇完45同46集，呢個皇帝實在係個複雜嘅人，黃維德呢兩集出晒風頭，做得好好。詳細感想晚點再講，而家要出 ...

翻睇第二次，45、46集真是好多精彩，值得回味既場口。譽王同皇帝父子對話，宗主第一次見到“怪物”（果陣未知道是聶鋒），宗主同聶鋒相認，郡主同靜妃哭訴，宗主同譽王天牢對話等等。

覺得皇帝喺真心錫譽王噶，佢死口唔認譽王喺玲瓏公主個仔，一方面喺掩飾自己以情謀權既醜事，一方面其實都喺留一條生路比譽王。佢對玲瓏公主都是有感情有愧疚吧，夢見玲瓏公主，就準備穩藉口去原諒譽王，去探譽王了。最後激動到暈低，睇得出佢真是好心痛。

譽王除左45集一開場同皇帝既對手戲，我覺得天牢入面同宗主果場都好精彩。套劇開播以黎，我第一次算是見到宗主真發火。當譽王自比祁王果陣，宗主嫐到聲都震。我都感受到佢既怒火。宗主對謝玉、夏江已經死曬心，所以即使佢同佢地對話，我都未見過去宗主咁火滾。到左最後，譽王都要喺宗主心口插多2刀，一句“再沒有祁王”，就擊中宗主2大痛處了！PS：宗主仲喺咁中意“翻牌子”。

宗主同郡主，一個死撐（無論精神幾唔好，宗主喺郡主面前都強打精神既，撐唔住就唔比佢見），一個死忍（從琴晚郡主同靜妃講既說話，我覺得郡主一早知道宗主身體情況唔好，但佢一直都忍住無問過宗主）。一個唔敢講（講出黎驚嚇親佢），一個唔敢問（驚佢回憶往事徒增痛苦）。佢地都好了解對方，好為對方著想。睇見宗主病發都不忘第一時間叫甄平對郡主保密，個心已經好酸。跟住見到郡主咁失態咁緊張，我又眼濕濕啦。郡主其實忍得好慘，佢要對身邊所有人隱瞞宗主既林殊身份，佢心裡就算有千萬愁緒都無法向旁人傾述。所以當佢知道靜妃已經知道宗主身份，佢既情緒突然得到釋放，眼淚開始崩堤。

宗主知道怪人喺赤焰舊人（未知道是聶鋒），就話一定要救，就割自己既血喂佢。軍中既袍澤之情、將帥既愛兵如子真喺根深蒂固。如果講梅長蘇喺魔，我覺得林殊就是神，一個戰神！唔好講佢點樣運籌帷幄決勝千里，單憑對自己既手下，佢可以放自己血去醫治。上到戰場，邊個戰士唔會為佢賣命？難怪赤焰舊人，江左盟對佢咁崇拜，咁愛戴，咁敬畏，喺佢地心目中，林殊少帥真是神祗一般既存在，就喺佢地既戰神，軍魂。

私人傳訊

積分: 28097

334^#

發表於 15-10-12 09:18 |只看該作者

rose-mag 發表於 15-10-12 08:37
43集看點
（6）譽王謀反，出兵九安山（續）
長蘇與譽王、蒙統領分析形勢，只有退守九安山獵宮，果度易守難 ...

無錯，你講得好中POINT，明明宗主喺出面咁熱血，回到殿內就“湊仔”噶。而且果一段說話，是原著裡面唯一一段由宗主親口講出黎，體現到宗主軍人錚錚鐵血既一段。我覺得好可惜。

我覺得個劇組有唔少安排都好唔合理。官博琴日公佈左一個視頻，就是衛崢講出真相果段，胡歌比人刪減既戲份。就是靖王踢臺之後，宗主忍淚忍到頸都有少少震果度，其實後面仲有，果段真是精華黎噶！激死！果段好似喺電視劇播出街之後，胡歌見到，覺得比人剪左好浪費，同導演講。然後劇組就將個片段通過官博放出黎，結果而家比粉絲鬧死，叫佢地炒左個剪輯師！我都有份鬧

私人傳訊

Kuri

伯爵府

積分: 17260

335^#

發表於 15-10-12 10:15 |只看該作者

真係越嚟越鍾意睇紀王......有佢出場，氣氛緩和好多，又有點溫情。

You think the only people who are people
Are the people who look and think like you
But if you walk the footsteps of a stranger
You'll learn things you never knew you never knew
-- Colors Of The Wind

私人傳訊

積分: 174135

336^#

發表於 15-10-12 10:25 |只看該作者

本帖最後由 rose-mag 於 15-10-12 00:47 編輯

hugoma2015 發表於 15-10-11 17:18
無錯，你講得好中POINT，明明宗主喺出面咁熱血，回到殿內就“湊仔”噶。而且果一段說話，是原著裡面唯一一 ...

我就係覺得突然有言侯同行已經好奇怪，明明言侯已半退隱十幾年，突然好似同皇上好friend咁，原著係唔係真係有同行架？我小說仲未追上，見你講有咁多嘢劇改咗，我好好奇想快D睇埋小說。言侯真係咁鐵血的話一早喺殿外啦，佢都知自己年紀唔細，宗主就唔係唔想握長劍上戰場，只係自己知自己事，何苦累人！但之前佢同靖王蒙統領策劃如何佈陣時已經係林殊上身，雖然知道退入獵宮死守已係最後一步，以佢一身熱血尚紅，冇可能淨係攬住庭生，之後再出手阻止言侯出去就唔多合理，唔明點解要呢度加言侯嘅戲，無需要囉。

官博係唔係叫電視劇琅琊榜？我都有關注到，但唔見有新視頻講呢段喎，你有冇link可以post上嚟？我好想睇下究竟剪咗D咩，可能個剪片師冇睇過琅琊榜原著啩。

P.S. 搵到啦，原來喺手機入微博係睇唔到有視頻，段視頻同而家出街版本少咗大概四至五秒，胡歌做得超好，有果幾秒就可以見到佢對靖王嘅激動係差D穩唔住，佢好努力咁震住自己，當時只有蒙統領一個留意到，因為靖王唔係面向佢，列戰英直情係背向佢，就算係衛錚當時都應該係俾列戰英同靖王遮住咗視線。對比佢後來重遇聶鋒同埋靜妃，呢一幕就唔會好似過份平靜，以致令人感覺佢對靖王太過冷靜，一對由細到大一齊玩嘅好朋友，感情好似兩兄弟咁，宗主就算幾咁有定力，見到自己個知己可以為自己嘅過世傷痛到呢個地步，冇理由可以鐵石心腸到咁。唔怪得我覺得呢一幕同你之前話胡歌講呢幕演得好過癮有D出入，原來俾人剪咗。Highly recommend各份同好琅琊榜JM去睇呢個視頻，截圖係由靖王起身果度開始cap，但視頻個感染力真係好大。。

http://www.iqiyi.com/w_19rtneti69.html

花旗太太生活在花旗國，留意時差，你問我未必即時答到。

私人傳訊

oran04

侯爵府

積分: 20485

親子王國15週年勳章

337^#

發表於 15-10-12 11:14 |只看該作者

rose-mag 發表於 15-10-11 16:44
係呀，果集真係好慘，全部都係悲劇人物，而景睿無錯，全部都係上一代恩仇，佢心胸廣闊，好會包容，其實佢自 ...

尋晚漏夜睇完了,睇住景睿深受打擊樣子,真讓人心痛,佢待人至誠,之前皇后要見蘇兄時佢都幫手擋,睇得出佢好重情重義,本來受盡兩家寵愛,朋友到賀,是佢最開心的日子,一夜間幸福家庭破滅,而這一切又是佢引長蘇入京而起,想起都慘.

卓家都好慘,卓夫人台辭唔多,但顯得卓家人好明事理,可惜無辜被扯入事件,如果景睿真是卓家的兒子,應該會很幸福.
其實真是謝玉一人的過錯,連累好多人承受惡果.謝玉一角是極自私自利,事後長公主都會為了佢的名聲,謝家的門眉而着想,又甘願隨他赴死,而謝玉卻一心只想自己保命.
呢一集,長蘇第一次利用朋友,而謝琦的死,亦讓他雙手第一次染上無辜人的鮮血,好沈重呢

私人傳訊

積分: 174135

338^#

發表於 15-10-12 11:41 |只看該作者

第44集看點
重頭戲當然係果段20分鐘嘅守攻城戰，但其實慶曆軍到獵宮之前都有3場部署，用嘅都係不同兵法，雖然編劇嘅海宴係女人，筆觸其實冇男人嘅大氣概，但導演呢幾場都出到效果，帶出到林殊嘅將帥才能，雖然今時今日宗主連揮劍騎馬都唔得，但心中長殷赤血尚在。呢度我嘗試分開一場場去講下，其實每一集都好多嘢講，訊息量好大，但真係太多字打一時會遺漏，之後記得會續集補充番。

補番張地圖先，金陵係京都所在，已為皇后假傳聖旨，禁軍不會爭援。慶曆軍來自靖城以西，現在已到大康哨站，離九安山好近。九安山獵宮三面陡坡，易守難攻，但同時亦係最後防線，紀城喺九安山右邊上少少位置，中間要過一條溪，應係之前提到嘅啟竹溪，至於郡主當時身處嘅衛陵就好近金陵，因為係靖王去紀城途中派人通知佢，佢帶兵趕到都係要時間，好彩靖王呢次醒目，想到衛陵守陵都有軍隊，而霓凰亦係猛將，會比佢更早趕到九安山。

（1）蒙摯挫慶曆軍先鋒
慶曆軍先鋒部隊5千人，由於長途跋涉，加上士氣應該唔高，先發制人，攻其不避，消滅部份先頭部隊可以減低雙方數目上嘅差距，為己方爭取更多勝算。

呢個兵陣係CG效果嚟，係冇咁多人架。

以步兵掩護箭手，等對方軍隊進入箭程範圍就放箭

對方騎兵續漸接近，禁軍用盾牌抵擋，保護士兵

用長鎗刺馬，所謂射人先射馬，呢度係自攻馬匹，削減騎兵戰鬥力

蒙摯騎兵隊趕到，佢先斬下先鋒隊首將，士氣大減，潰不成軍，初戰報捷。

先發制人，攻其不避，以逸待勞，最後當然係大統領氣勢已經嚇走人，將對方首將成個斬開兩半，聞風喪膽，琅琊榜第二號高手自然有實力。

花旗太太生活在花旗國，留意時差，你問我未必即時答到。

私人傳訊