國家地區媽媽會 今日: 0 | 主題: 20266

積分: 1770

321^#

發表於 18-9-26 22:54 |只看該作者

mugtaitai 發表於 18-9-26 16:01
Radian heat 係好嘢來的，安裝好貴，但用起來好經濟，所以反而係靚屋先多見。暖氣好多時係 run on 煤氣，平過用電少少。其實如果間屋係 insulate 得好嘅，都唔會真係用好多錢去 keep 住溫度，我睇返我嘅煤氣單，冬天開暖氣時每個月 80 美金左右，夏天唔使開時，只係十幾美金一個月

冬天煤氣費 USD 80 ? 咁抵？聽講PEI 暖氣用電爐，冬天一屋電費約 HKD 2,xxx 一個月。唔知有無聽錯。要再了解下先！

私人傳訊

happyan8300

複式洋房

積分: 263

322^#

發表於 18-9-26 23:15 |只看該作者

回覆 kfc1999 的帖子

生活慣了就可以了，一開始會想家會後悔，但一家人和諧開心，放低物質，享受廣闊空間，尤其對小朋友來說，我覺得你做得對的，既然過咗去別後悔，堅定自己，想想當初移民的初心，你成功了！很多人羨慕你的！記住「坐這山，望那山山，一事無成」你要加油喔💪🏼

私人傳訊

積分: 28239

323^#

發表於 18-9-27 11:34 |只看該作者

wrymoep 發表於 18-9-26 21:52
唔知美、加買樓D norm係點嘛！大鄉里出城，如果真係有機會去買預備定D問題到時識得agent 嘛

我自己愚見，如果初到一個陌生嘅地方，我會一係先租屋，睇定 d，到好肯定自己鍾意邊個區，又搵到好合適嘅屋，先至買；又或者如果已經好知道要住邊一個區，又唔想再 sai 錢租屋，咁就買一間已經有晒裝修，即刻可以入住嘅屋，你啱啱搬過去，人生路不熟，小朋友要入學大人要搵工，一頭家真係百廢待興，你又唔知點搵裝修師傅，都係唔好搞咁多嘢了，同埋如果預算許可，儘量搵間新 d 嘅，入住後要維修嘅嘢會少 d，住慣香港嘅人好少識得自己整屋企嘢，嗰邊搵師傅來整又貴，有心學嘅你住落後慢慢學，將來間屋住舊左開始出問題你知道點樣應付，好過一入住就一樣一樣嘢排住隊要整，個下你就 lea hea 了

私人傳訊

積分: 28239

324^#

發表於 18-9-27 11:38 |只看該作者

wrymoep 發表於 18-9-26 22:54
冬天煤氣費 USD 80 ? 咁抵？聽講PEI 暖氣用電爐，冬天一屋電費約 HKD 2,xxx 一個月。唔知有無聽錯。要 ...

係呀，煤氣真係唔貴，夏天我開冷氣，電費都係百二美金左右，嚇唔死人，反而係水費嚇我一跳，要諗諗辦法點樣 cut

私人傳訊

積分: 1770

325^#

發表於 18-9-27 12:47 |只看該作者

mugtaitai 發表於 18-9-27 11:34
我自己愚見，如果初到一個陌生嘅地方，我會一係先租屋，睇定 d，到好肯定自己鍾意邊個區，又搵到好合適嘅 ...

好提議！ PEI本身個島人口稀疏，房屋需求原本唔大，但由於近年不停接收移民，房屋已經供不應求！租盤數目長期維持係「零」狀態！ Condo 係該島亦唔流行！數量極少！所以多數會買house。

今年由於有超過一千強國移民虛報事件發生，惹起聯邦政府震怒，馬上拉停該島PNP 計畫！ 10月起就再無一步到位PR 計畫！所以如果真係可以成功 landing 的話，省政府肯定用大光燈照住所有新移民有無再出蠱惑。所以最穩陣都係住夠3年攞到 citizenship 先考慮搬去第二個省囉。

不過咁樣可能反而更好，有得你揀可能心大心細唔知搬去邊度長住好，無得你揀一定要留低起碼住3年，做決定會更容易！

私人傳訊

積分: 28239

326^#

發表於 18-9-27 13:30 |只看該作者

本帖最後由 mugtaitai 於 18-9-27 15:45 編輯

wrymoep 發表於 18-9-27 12:47
好提議！ PEI本身個島人口稀疏，房屋需求原本唔大，但由於近年不停接收移民，房屋已經供不應求！租盤數目 ...

PNP - 你係投資還是專業移民？我有朋友申請緊 Quebec 嘅投資移民，佢話移民顧問同佢講一定要 land Quebec，但之後就冇規定要喺嗰度住，freedom to move 係憲法賦予嘅權利，政府唔可以唔比人搬。係唔係真㗎？如果係，點解 PEI 可以唔比新移民搬去第二個省？

私人傳訊

積分: 1770

327^#

發表於 18-9-27 15:28 |只看該作者

mugtaitai 發表於 18-9-27 13:30
PNP - 你係投資還是專業移民？我有朋友申請緊 Quebec 嘅投資移民，佢話移民顧問同佢講一定要 land Quebec ...

我係申請投資移民。繼PEI PNP關門大吉後，一步到位攞加國 PR 就只剩返 NB & QC 兩個省。 QC 今年QIIP 投資額加碼，好似由C$800k 加去到 C$1.2M，但移民公司唔會同你申請direct investment，一定係經 finance institute 幫申請人做借貸，即係申請人直接付一筆利息俾中介，無得回頭。我估咁樣做個 agent 可以抽多D佣金。以前C$800k 果時要俾C$220k利息，E家變左C$1.2M 我就唔知利息係幾多喇. 不過今年QIIP quota 已經爆左。唔知下次係2019 還是2020 先再接受申請。

至於landing 後，省政府在法律上應該無得限制住邊個省，不過無人知以後會唔會改？你知加國移民局大過天！就好似稅局一樣，佢話你要交幾多稅係要跟佢果個計法，唔係你話應該點計。 QIIP 先決條件係申請人要證明到俾個移民官睇你有 "intention to stay in Quebec". 咁乜嘢算有 intention,乜嘢唔算有？就唔係你話，而係個移民局話。個個agent 針對呢樣嘢都有唔同說法，有D話起碼住半年，有D話起碼住一年。但係d agent 係教你到時攞 citizenship 如果個官問你點解唔留係 Quebec，你就話你曾經嘗試過但頂唔順Quebec 天氣、生活、諸如此類... 但就無一個agent 夠膽實牙實齒講你一定無事可以過關！因為佢地都係根據以往先例估估下。如果到最後因為呢樣嘢俾移民局踢走，你真係吹佢唔漲！唔通你告個agent咩？

問題係越來越多強國人出蠱惑，就好似今年果千幾個已經成功 landed PEI 果班，都係一落地就閃去其他省，但好衰唔衰佢地又要虛報地址話自己住緊 PEI，俾聯邦政府查到！即刻要踢佢地返祖國！有此先例，你唔會知究竟移民局對於呢種一落地即閃既行為以後會點處理？第日佢話你無依照當時承諾移民條件秋後算賬踢你走，到時真係O曬嘴！我agent 都話今時今日風頭火勢最好唔好搏！因為成本太高！

私人傳訊

積分: 28239

328^#

發表於 18-9-27 15:43 |只看該作者

wrymoep 發表於 18-9-27 15:28
我係申請投資移民。繼PEI PNP關門大吉後，一步到位攞加國 PR 就只剩返 NB & QC 兩個省。 QC 今年QIIP 投 ...

明白。我呢個朋友係諗住以後長住 Montreal 嘅，佢而家未 land，但已經買左一間 condo 諗住將來自住，住落之後會再買多幾間 condo，做包租公，租金夠佢一家生活，然後自己細細地開間 cafe 仔，賣下咖啡同西餅，唔志在賺錢，係要來過下日辰。呢種生活都唔錯

私人傳訊

積分: 1770

329^#

發表於 18-9-27 16:43 |只看該作者

mugtaitai 發表於 18-9-27 15:43
明白。我呢個朋友係諗住以後長住 Montreal 嘅，佢而家未 land，但已經買左一間 condo 諗住將來自住，住落 ...

Montreal 係大城市，生活方便，應該好住。如果要打工就麻煩D，唔識法語好難搵工。
如果我可以land 到PEI 我都有考慮長住，不過到時再算。始終變數太多！

私人傳訊

積分: 28239

330^#

發表於 18-9-27 23:01 |只看該作者

wrymoep 發表於 18-9-27 16:43
Montreal 係大城市，生活方便，應該好住。如果要打工就麻煩D，唔識法語好難搵工。
如果我可以land 到PEI ...

我朋友而家同太太一齊學緊法文，佢地認真嘅

PEI 未去過，當地有咩就業機會？

私人傳訊

kfc1999

別墅

積分: 702

331^#

發表於 18-9-28 05:38 |只看該作者

天下烏鴉一樣黑

一個月前才啟用的舊金山新越灣車站(Transbay Transit Center) 有一條主要鋼樑25日上午被發現出現巨大的裂縫

https://www.worldjournal.com/5893428/article-%E6%96%B0%E8%B6%8A%E7%81%A3%E8%BB%8A%E7%AB%99%E9%8B%BC%E6%A8%91%E5%B7%B2%E5%87%BA%E7%8F%BE%E5%A4%A7%E8%A3%82%E7%B8%AB-%E7%B7%8A%E6%80%A5%E9%97%9C%E9%96%89/?ref=%E8%88%8A%E9%87%91%E5%B1%B1_%E6%96%B0%E8%81%9E%E7%B8%BD%E8%A6%BD&ismobile=true

私人傳訊

積分: 1770

332^#

發表於 18-9-28 10:04 |只看該作者

本帖最後由 wrymoep 於 18-9-28 10:05 編輯

mugtaitai 發表於 18-9-27 23:01
我朋友而家同太太一齊學緊法文，佢地認真嘅

PEI 未去過，當地有咩就業機會？

以我有限既資訊理解，當地就業機會相當細！當地經濟以agriculture、tourism 支撐，近年由於開放移民政策，有比較大量既資金由移民引入，政府收入開始好起上來，原本應該可以持續，經濟發展應該向正面走。但E家俾聯邦政府拉停一步到位PR既PNP後，吸引力可能大減。變數就增加唔少lu !

私人傳訊

rose-mag

王國長老

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

333^#

發表於 18-9-28 10:57 |只看該作者

wrymoep 發表於 18-9-27 18:04
以我有限既資訊理解，當地就業機會相當細！當地經濟以agriculture、tourism 支撐，近年由於開放移民政策 ...

咁有冇後著？有冇得再揀過？我都聽過近年好多人去愛德華皇子島，又真係唔知有咩商機或說業機會，以前有朋友移民去Toronto,佢話悶到抽筋，又凍到死，三個月走人。我問佢點解唔去Vancouver,應該易適應，佢話冇工作機會，果陣佢剛滿三十歲。

後來我移民美國，發現原來好多人落嚟美國做嘢，特別係教育同醫療方面，好多老師校長或特教都簽約落嚟加州，仲有醫護人員。近期我公司請新人，我幫手做I9，真係咩人都有，剛剛有個荷蘭嚟嘅，之前有大陸、加拿大、英國，仲有個揸中東難民VISA。

花旗太太生活在花旗國，留意時差，你問我未必即時答到。

私人傳訊

積分: 1770

334^#

發表於 18-9-28 12:07 |只看該作者

rose-mag 發表於 18-9-28 10:57
咁有冇後著？有冇得再揀過？我都聽過近年好多人去愛德華皇子島，又真係唔知有咩商機或說業機會，以前有朋 ...

後著就係要懂得「忍耐」了！目標係3年，攞左 citizenship 再算。始終目標係用最 secure 方法幫個細路攞 passport ！其他問題肯定有方法解決。

如果Toronto 都嫌凍就無可能去PEI lu! 其實到北方地區，唔會長期留係室外，大部份時間都係室內有暖氣，停留室外時間唔長，其實唔係咁恐怖。

坐完監後都唔排除會去美國搵工。美國就業機會肯定比加國大，任何時候都係！可能搵返D美國客，睇下可唔可以請我做阿四。最壞打算如果真係頂唔順，等細路入左大學後就搬返去東南亞搵個平價地方住。

PEI盛產薯仔，日日食薯仔，煎、炒、炆、燉、焗，可以日日唔同口味。都可以住得好平！

私人傳訊

rose-mag

王國長老

積分: 174325

335^#

發表於 18-9-28 12:28 |只看該作者

wrymoep 發表於 18-9-27 20:07
後著就係要懂得「忍耐」了！目標係3年，攞左 citizenship 再算。始終目標係用最 secure 方法幫個細路攞 ...

我個朋友少爺仔嚟，熱又嫌熱，凍又唔凍得，父母老來得子係咁上下。3年就可以有citizenship唔錯，美國如果親屬申請移民要4年9個月至可以入紙申請，期間要住夠36個月，唔可以中間出外多過180日，入紙申請到入籍考試要9個月至23個月不等，一次成功就一個月後可以宣誓入籍。如果同公民結婚就快D，兩年9個月就可以入紙。

薯仔好呀，真係煎炒煮炸炆燉焗都得，一定飽肚，係驚會澱粉太多肥死啫。

美加地大農業多，食物可以好平，我自己一星期帶飯四日，星期五同事一齊出去食一餐，仔女又係帶午餐盒，佢地嫌學校飯堂D午餐難食，於是一餐煮埋兩餐食，我一向都好OK西餐，沙律my favorite。呢度又冇咩人睇唔起你著衫老土，又冇人會嫌你肥同醜，相對地真係生活得冇咁大壓力。

花旗太太生活在花旗國，留意時差，你問我未必即時答到。

私人傳訊

積分: 1770

336^#

發表於 18-9-28 13:06 |只看該作者

rose-mag 發表於 18-9-28 12:28
我個朋友少爺仔嚟，熱又嫌熱，凍又唔凍得，父母老來得子係咁上下。3年就可以有citizenship唔錯，美國如果 ...

聽落幾好！美、加餐廳D 份量超大！果度一餐夠我當2餐半！所以點解多數鬼佬、鬼婆都有 obesity 問題！我記得第一次去美國既餐廳食嘢，D份量大到爆！我當時後生都嚇死我！根本食唔落咁多！ E家老左就更加無可能！但係D鬼佬真係食得曬禾！

美國office 流行帶飯嗎？還是華人先興帶飯？

私人傳訊

rose-mag

王國長老

積分: 174325

337^#

發表於 18-9-28 13:30 |只看該作者

wrymoep 發表於 18-9-27 21:06
聽落幾好！美、加餐廳D 份量超大！果度一餐夠我當2餐半！所以點解多數鬼佬、鬼婆都有 obesity 問題！ ...

而家加州皮費都貴，最低工資加，搞到餐館超市度度都要加價，碟頭已經冇以前咁大。我十幾年前可以5蚊食一餐，同同事夾份買三個飯盒夠5個人食，幾年前一個唐人餐館炒飯6/7蚊已經夠三個大人食完都有剩。老墨餐仲誇張，一個burrito分兩餐，我以前同個女星期六最鍾意11點前去食一個港式早餐，一大碗米粉夠我地兩個分，仲有餐包同奶茶，俾埋貼士都唔夠10蚊，而家就貴咗，但相對地年紀大胃口細咗，個女發育期，於是又溝番勻。

呢邊個個都興帶飯，經理級都帶飯，主要有時午飯時間短，同埋未必度度都方便買嘢食，於是好多人寧願自己帶，我有D同事係買定D菜呀蕃茄呀提子乾呀，自己洗完切好加沙律醬，又有人買定bagel，cream cheese，公司有多士爐，自己烘完又一餐。大城市食晏方便，只係貴。呢幾年興有種叫包月午餐服務，上一個網度揀每日食咩，月費一個數，包你一定餐數，最平去到6蚊一份，都多選擇，有日韓泰越印墨中西意各種款式任揀。俾D相你睇下，都真係幾吸引。

花旗太太生活在花旗國，留意時差，你問我未必即時答到。

私人傳訊

積分: 1770

338^#

發表於 18-9-28 17:14 |只看該作者

rose-mag 發表於 18-9-28 13:30
而家加州皮費都貴，最低工資加，搞到餐館超市度度都要加價，碟頭已經冇以前咁大。我十幾年前可以5蚊食一餐 ...

呢D包月lunch睇份量唔算大，同香港茶餐廳差唔多。包飲品嗎？係咪送埋上門？如果客量夠都幾好賺禾，online shop 唔洗租舖位。

私人傳訊

積分: 28239

339^#

發表於 18-9-28 17:34 |只看該作者

wrymoep 發表於 18-9-28 10:04
以我有限既資訊理解，當地就業機會相當細！當地經濟以agriculture、tourism 支撐，近年由於開放移民政策 ...

話唔埋嘅，20 年前有幾多人知道黃刀鎮？然後無喇喇一齣日劇就紅左呢個鎮，而家個個都話去嗰度睇極光。當地有個華人辦嘅旅行社，老闆係香港移民，帶極光團，做得有聲有色。話唔定某日一齣韓劇紅左 Charlottetown 呢

私人傳訊