其他親子社群 今日: 0|主題: 1218

YY（芝芝媽咪） 寫道:
HIN_bb：
由於我姑仔未婚，與99同住，而我們和99又住得近（隔條馬路），所以99晚晚都來我屋企食晚飯。不過姑仔返工（我老公三兄弟都唔知個妹做那一行，幾神奇！），好少上來我屋企。

話說有一晚我放工回家，工人煮緊「食送」，芝芝在客廳自己玩，99未到。我和芝芝玩了一陣就去沖涼，點知沖沖下，我feel到有人走左入廁所，準備除褲「辦公」。我當堂嚇到大叫，後來才知是姑仔。最妙的是她一句sorry都無，還責怪我沒關上廁所門！ xyz，我有關門，但無上鎖（天，這是我屋企，我無須下下上鎖吧！），就算她真係唔知我沖緊涼，唔小心打開門見到有蒸氣和水聲，都應自動自覺關門啦！

我沖完涼出來，她就立即走入廁所，我當然要向99告狀，結果當晚99教訓個女，佢個女鬧返阿媽轉頭，話阿媽「幫外人都唔幫自己個女」。你說是否人間極品？

:evil: :evil: :evil:

YY（芝芝媽咪） 寫道:
loklok0104 & HIN-bb：
聽99講，正因姑仔的性格惡頂，早10年前，與她拍拖10幾年的男友最終頂唔順，臨結婚前走左。

我係男人，都寧願終身不娶啦！

食飯緊係唔俾$$$，尤其係過時過節出去食飯，老公幾兄弟會夾$$$，偏偏姑仔以「你們個個一家幾口，我好唔著數」為理由，堅持唔俾，還要在人家酒樓門口大吵大鬧，認真失禮街坊。

YY（芝芝媽咪） 寫道:
HIN_bb：
唔俾$$$都算，最頂唔順就係過年時，99會去雀友屋企開檯，姑仔死lur跟埋去，話要「豆」利是喎！成班侄仔侄女聽到忍唔住笑。 :lol: 99就激到反白眼。 :-x

所以我和老公都話，我們同是天涯淪落人，我有個唔生性的細佬，他也有個激4人的細妹。

YY（芝芝媽咪） 寫道:
所以我才會話芝芝的心智比姑姐成熟。

loklok0104 寫道:
芝芝媽咪,

聽你講完你如仔D野, 我感覺到佢非常難頂

佢都唔細啦, 點解咁樣做人都得架!

我諗佢都好難嫁得出!

我有幾個朋友都係三十出頭, 個樣都幾靚架, 但都搵唔到男朋友, 更何況你姑仔.......he he!

YY（芝芝媽咪） 寫道:
HIN_bb & loklok0104：
>>我都有好多女同學都未結婚呀>>me 2！所以我在她們眼中好似怪物。

但諗深一層都唔怪得她們，我記得由中學至大專，年年都係女仔多過男仔，而且d男仔都係揀唔落手......

all：
剛剛去旺角先施掃貨，買左條白色披肩、羽絨褸和羽絨背心俾芝芝，我最鍾意條披肩，好grand、好暖，原價$279，現特價$69！

YY（芝芝媽咪） 寫道:
HIN_bb：
羽絨褸$199，羽絨背心$139。好輕好暖，抵著！

YY（芝芝媽咪） 寫道:
HIN_bb：
我在旺角新x紀廣場的先x買，大減價做埋今日乍！ 星期六我見還有幾多羽絨褸賣，男女、成人、童裝都有，當然價錢不一。

ChristineBB 寫道:
沒有上來數天，見到芝芝媽咪的分享，真的經典．

但我知道女人若到了這甚大年紀而又未結婚的話，是會有點脾氣或性格上的古怪．．．因為荷爾蒙真的會有影響ka．．．我公司也有上述這些脾氣不好的女同事．．．

我大b之前好似已經咳少了，但最近唔知是不是因為我工人比了好多餅佢食，所以佢又再咳仲要好多痰，唉！真係唔知兩個b幾時可以好番晒，我現在已經早晚比大小b食一次了 ！