梁媽媽 寫道:
phoebepanpan, hinhinmummy
我玩完返黎啦, 真係要多謝你的好介紹, 好在有呢個網, 大家可以在此溝通, 有唔明的又可以在此問, 呢個網真係好有幫助。
一切都好順利, 我去左 thomasland, 哈姆太郎 & 西武園 hello kitty 兩樣都超勁岩小朋友玩, 我個女八歲都覺得岩玩, (如果再大少少就會覺得悶), 因為我地同埋表弟(6歲)去,佢地兩個玩都唔停, 最正就係買左pass 任佢地玩, 我覺得兩個樂園細先之好呀, 乜都唔駛點排, 最耐排左一樣野都係15分鐘, 好似在 hello kitty 甘, 佢地一玩完個過山車, 呢頭落車, 個頭又上番車 (唔駛排隊) 佢地係甘玩, 係甘玩, 單一樣野都玩成6次, 見到都開心啦, 在 thomasland 又係甘, 一樣野連續玩成6次, 講真, 好唔好玩我就唔知, 但係唔駛排隊, 係甘玩就已經乜都得啦, 所以我個人覺得, 一定係買 pass 任玩好, 否則單次買的話, 計住計住, 一定冇甘過引, 隨時貴過買 pass.
西武園 hello kitty 唔係甘多人去, 同埋適合教細的小朋友, 我女八歲已是頂大的了, 日本人去的比較多, 唔係遊遊園的旅遊點, 我覺得甘先至好, 唔駛甘多人迫住, (可能我之前去完 disney, 真係排到怕啦) local 日本人去多, 仲要係好多都係好細個, 仲坐緊bb車的小朋友去, 玩的野都好合適, 又近車站, 一出就到, 唔駛5分鐘, 總之就好正, 我見我女同表弟周圍走(因為地方細, 夠開揚, 我唔駛行, 坐在太陽傘下及住就得, 正都飛起)
總之一句講晒, 就係呢兩個樂園真係好正, 多謝晒你的介紹, 同埋我好慶幸自己有堅持去搵呢兩個地點, 見到個女玩得甘開心, 我真係覺得好抵玩, (因為日本的消費太貴, 日日行街買野都要$, 不如比個女玩下仲好)
(因我地亦有去東京 disney, 相比之下, tokyo disney 又大, 人又多, 玩乜都要排成粒幾鐘, 佢地之前又去左香港 disney , 玩的野同hk的一樣, 佢地覺得完全冇新鮮感同驚喜, 樣樣排長龍, 乜引都冇啦)
發表於 
[quote]
返回列表
