香港18區媽媽會 今日: 0 | 主題: 156995

積分: 3654

322^#

發表於 06-7-21 14:04 |只看該作者

Re: 有沒有中西區幼稚園好介紹?

Willin, 曦曦媽媽, mymelody2003

你地好呀，想問下你地知唔知邊度有得學畫畫呀？

私人傳訊

積分: 1192

323^#

發表於 06-7-21 20:03 |只看該作者

Re: 有沒有中西區幼稚園好介紹?

曦曦媽媽, mymelody2003 & Cyrus,
好多地方都有bor, 響西環吉直街北街口, 琴行隔離有間, 好似幾ok, 士美菲路上聯樓一帶又有幾間, 我未有問過呀, 另外, 第2街又有好多間... 睇你近邊頭喇

聽日星期6, 我會出動, 幫章魚搵d野學下....
返黎8俾你地知

金水, 多謝你搭咀都黎唔切啦~~~

私人傳訊

andy大肚公

子爵府

積分: 14669

324^#

發表於 06-7-21 23:27 |只看該作者

Re: 有沒有中西區幼稚園好介紹?

堅道都有好多間

Cyrus 寫道:
Willin, 曦曦媽媽, mymelody2003

你地好呀，想問下你地知唔知邊度有得學畫畫呀？

私人傳訊

積分: 1192

325^#

發表於 06-8-4 11:01 |只看該作者

Re: 有沒有中西區幼稚園好介紹?

曦曦媽媽, mymelody2003 & Cyrus,
今日聖心打黎話下午班有位, 問我考唔考慮, 仲要我3點前要覆, 真係令我又興奮又有15/16....

最後我地都係決定俾章魚讀凌月仙, 希望呢個決定適合章魚喇

私人傳訊

曦曦媽媽

積分: 203

326^#

發表於 06-8-4 23:10 |只看該作者

Re: 有沒有中西區幼稚園好介紹?

Willin,

聽說聖心比較用傳統教學, 凌月仙比較活動教學.
不過有名就是聖心, 但咁遲先通知, 可能有人唔讀.

如果女仔, 很多人都選擇st. paul convent

其實我都覺得活動教學比較適合小朋友.

曦曦媽媽

私人傳訊

deebrown

積分: 2938

327^#

發表於 06-8-5 12:17 |只看該作者

Re: 有沒有中西區幼稚園好介紹?

Would like to ask how about 凌月仙 regarding on English teaching? Does anyone know if hey have a Western teacher? I've read so much about this school, seems very good.
My little girl is UK & HK mixed. She's almost two yrs. old. I try to speak chinese to her most of the time. But she still speaks mostly in English. (Maid is also Bunbun.) I'd like her to learn proper Chinese. Don't really like international school but worry if she goes to traditional school she will have a problem of learning.
?-( ?-( ?-( ?-(

chingching媽寫道:
我的女兒是讀凌月仙, 學校較注重中文,數學都很好,三年都很開心, 包括我和我先生,女兒離開兩年都經常嚷著要回去探校長和老師.

私人傳訊

積分: 1192

328^#

發表於 06-8-6 01:29 |只看該作者

Re: 有沒有中西區幼稚園好介紹?

deebrown,
你好, 我仔今年9月入學k1, 佢黎緊班同學入面有一對mix既孖女, 另有一個mix既女仔, 3個既媽咪都係中國人, 我響新生入學會同一d學前function入面, 小朋友同媽咪都主要用英文溝通, 而老師會儘量用廣東話同小朋友傾計, 唔會刻意用英文, 除非小朋友真係聽唔明, 但小朋友表現係老師廣東話問, 佢地英文答,起碼聽得明既..

之前我week day放假, 帶左阿仔去學校行一轉, 遇上大雨, 我地入埋現時既k1班房睇小朋友上堂, 以我所見有一名外籍老師會響佢地學習中途穿插出現, 同小朋友傾計, 我冇特別問學校係點安排, 但感覺上係, 佢會俾外籍老師慢慢響小朋友學習中浸入去, 令佢地唔怕外籍人同英文對答....

如果你有意選擇呢類學校, 相信都係想佢多學中文, otherwise, 你都俾佢讀國際學校喇, 上面既資料希望對你有用喇

黎緊8月22日就開始新生學前適應, 到時會再見到3位mix既小妹妹, 或者遲d我將個上堂情況話你知, 你可以參考下囉

私人傳訊

積分: 1192

329^#

發表於 06-8-6 01:37 |只看該作者

Re: 有沒有中西區幼稚園好介紹?

曦曦媽媽,
係喇, 依家先通知, 擺明係有人唔讀喇, 佢可能都問左好多人要唔要學位tim...

如果我既係女, 可能我真係會即刻say yes, 話晒直上中小學聖心嘛... but我個係仔, 冇咩so喇...

私人傳訊

deebrown

積分: 2938

330^#

發表於 06-8-6 12:03 |只看該作者

Re: 有沒有中西區幼稚園好介紹?

Hi Willin,

Thank you so much, your info is very very useful. Pls let us know how is their 上堂情況.

May I ask how about the one next to it 聖士提反堂小學暨幼稚園? My friend told me is a good school, but I saw some mummy comment says it's not too good.

私人傳訊

積分: 1192

331^#

發表於 06-8-10 10:34 |只看該作者

Re: 有沒有中西區幼稚園好介紹?

deebrown,
我都有帶阿仔去佢既open day同interview, 感覺麻麻, 冇介紹學校既教育模式或者學校資料, 個禮堂要同中小學share, 佢地既小學仲有幾年就會停辦, 已經停止收小一生, 即係冇左一條龍直升小學, 但佢地用既教科書就係大書商出牌既, 唔會太差, 邊間出就真係唔記得喇

你可以打去問下佢地幾時有open day, 到時去參觀下亦了解下, 每個小朋友同家長既要求唔一樣, 間間睇下了解下喇

私人傳訊

mymelody2003

男爵府

積分: 8646

332^#

發表於 06-8-16 15:43 |只看該作者

Re: 有沒有中西區幼稚園好介紹?

曦曦媽媽, Willin & Cyrus,

各位好嗎? summer holiday就快完了, 各位小朋友又可返學玩了; 你們最終有沒有報興趣班比小朋友上呢? 如果有報料比我聽, 我都想搵興趣班囝囝平時上.

willin & Cyrus: 淩月仙同聖公會依家開始返學未? 適應嗎?

曦曦媽媽: 我囝囝下午班 9月4日開家長會, 你上午班都一樣嗎? 我想問佢地返學係咪要全白沒有品牌的波鞋呢? 我淨係買左黑色咋.

私人傳訊

曦曦媽媽

積分: 203

333^#

發表於 06-8-24 09:33 |只看該作者

Re: 有沒有中西區幼稚園好介紹?

mymelody2003,

逢星期二.四要穿運動服, 白色運動鞋.
星期一.三.五穿校服, 黑色皮鞋.

9月4日開家長會, 到時見啦!

曦曦媽媽

私人傳訊

積分: 1192

334^#

發表於 06-8-27 18:07 |只看該作者

Re: 有沒有中西區幼稚園好介紹?

mymelody2003, 曦曦媽媽, & Cyrus,
3位好嗎, 上星期2(22/aug)凌月仙k1開始返10日既漸進適應堂喇, 全級k1共31人, 呢10日由全校老師連校長共10人去照顧, 22 & 23號家長可以陪住上堂, 第一日我陪住章魚上堂, but我行開dd都喊, 放學返到屋企又痾又嘔, 懷疑係我地星期日同佢去冒險樂園玩波波池出事, 好彩佢夜晚食左藥冇咩事, 但23號都冇返學

24號再返學, 呢日唔俾陪上堂喇, 我同印姐帶佢返學, 8點半返到去, 因為落雨就直接入課室, 佢肯同我byebye cos我話要返工, 老師俾印姐陪埋佢入去, 印姐企響門口, 佢玩得好開心架, 望都唔望印姐, 老師見佢已經warm up左, 就叫印姐同佢say bye then離開課室, 咁就開始大喊喇, 我響課室外同印姐一路裝佢, 佢喊到鬼死咁大聲, 過左一段時間先由放聲大喊變細聲偷泣, 跟住去室內遊戲室玩, 佢連最鐘意既波波池都唔玩, 全程都好似樹熊咁要老師抱住, 到茶點時間佢都食一支百力支半杯水咁大把, 到10點半放學, 佢一見我地就好可憐咁喊, 擺明炸嬌, 佢手上有一份面粉做既小手工, 佢叫呢舊野做旦糕, 仲話假既唔食得既, 返到屋企仲即刻話俾婆婆知整左個旦糕tim...

呢日佢狀態奇差, 唔夠訓早起身又唔肯食早餐所以肚餓, 都預左佢實喊同唔合作, 一切意料之內.. 返到屋企訓午覺仲要發夢叫出黎tim....

25號朝早, 唔肯著校服話唔返學, 我tum佢話要返學校再整過份旦糕, 佢就肯著, 今日夠訓好多喇, 搭車都係咁講野, 返到學校因為好天, 可以響戶外遊樂場玩, 佢好開心玩左一陣, 到夠鐘排隊入課室, 我say bye佢又ok, but就拉住印姐唔俾印姐走, 到入課室門口, 老師抱左佢入去, 印姐冇跟入去, 佢又大喊, 今日我要返工, 行去巴士站只係5分鐘時間, 我打俾印姐, 印姐話佢已經冇大喊收左聲, 只係小小偷泣, 呢個已經係我意料之外囉....

印姐一路留響學校到10點半接佢返屋企, 打俾我話我知, 佢之後都冇再大喊, 係小小偷泣咁..
跟住老師11點半打俾我, 講番章魚既情況, 話佢今日好好多, 雖然都一路都有細聲喊叫住姐姐, 姐姐, 但一邊喊一邊肯跟老師做美勞, 有問有答, 做左好多個面粉圖形既野, 應該屋企人人有份架喇, 唱遊係章魚最唔鐘意既, 佢都肯企埋一齊聽唱歌, 但仍然唔肯跟住做動作, 跟住戶外體能活動, 印姐見佢出戶外走去裝佢, 點知俾章魚見到, 一見又大喊, 老師即刻叫印姐走番入室內, 冇耐章魚就收聲, 然後食茶點都食晒d栗米片連奶, 跟住講古事時間, 章魚最鐘意既, 由老師抱住佢定定咁聽古仔, 跟住放學, 一見印姐又喊喇, 又炸嬌喇...

章魚返到屋企就打俾我, 叫我快d返去, 話有野送俾我, 一放工返去佢就話送隻鴨形面粉公仔俾我, 真係開心死... 佢做左7隻唔同形狀既, 公公婆婆阿姨印姐媽咪爸爸章魚, 真係人人有份...

返去問番印姐, 大致情況跟老師講既一樣, 問番章魚返學好唔好玩, 佢淨係話返學喊呀, 叫姐姐, 姐姐呀, 再問佢返唔返學, 佢話唔返, 返學佢會喊喎, 唔知星期一又會點囉...

私人傳訊

centre

積分: 291

335^#

發表於 06-8-28 12:26 |只看該作者

Re: 有沒有中西區幼稚園好介紹?

各位好:

剛在20/8搬到呢區,我亞女04年8 月出世,將會讀嶺南n1 (未搬屋之前考左)佢講說話仍然很bb同埋發音不準,我都擔心佢報k.1情況, 我會試聖心,真光, 聖保祿,聖嘉勒-有小學,中學唔駛煩

The best wish for my 大小肥肥！ centre ^_^

私人傳訊

Cyrus

積分: 3654

336^#

發表於 06-8-28 14:11 |只看該作者

Re: 有沒有中西區幼稚園好介紹?

Willin, 凌月仙係安排新生入學真係做得好好，之前你提過果對外藉twins女孩子係阿仔係凌月仙返playgroup時的同學仔。聖公會就聽日先有家長會，1號開學，4號果個星期就全個星期都俾家長陪。阿仔返幼兒學校返到31號，1號就去新校，都未知到時佢會點，不過呢排就日日同佢briefing話1號會去新學校。其他媽咪，你地又點呢？

私人傳訊

mymelody2003

男爵府

積分: 8646

337^#

發表於 06-8-28 14:21 |只看該作者

Re: 有沒有中西區幼稚園好介紹?

Willin, 曦曦媽媽, & Cyrus

終於囝囝下星期可以返學了, 但聖保羅堂只有第一天可以陪小朋友上學 (可能校舍太細), 但我諗囝囝會好快適應, 因為佢返n1時都未試過 :-( , 所以我都唔會太擔心佢唔可以獨立地上堂.

Willin: 睇到章魚仔小小偷泣咁 :-( 真係心都痛, 但無辨法因為這是小朋友成長過程中的一部份, 幸好淩月仙的自由度高, 可以在外觀察小朋友, 可能遲d章魚仔會成日同你講要返學

私人傳訊

積分: 1192

338^#

發表於 06-8-28 14:52 |只看該作者

Re: 有沒有中西區幼稚園好介紹?

慘慘慘,
章魚尋晚臨訓前不斷講"章魚返學喊, 聽日唔返學", 講左好幾次, 緊緊訓著又睜開眼講一次, 佢仲少有要我拍佢背脊先肯訓

今朝一起身章魚第一句就係, 章魚會喊, 章魚唔返學...
唔肯換校服, 咁岩今日公公放假, 就公公婆婆一齊上黎tum佢先肯換衫行, 一路行一路講, 章魚唔返學, 要返屋企, 講到去車站, 返到學校一見老師就拉婆婆掉頭走, 喊晒話唔返學...

入到學校要換校內鞋, 我果頭幫佢換好, 佢即刻自己換番原本對鞋, 老師話唔著校內鞋就算喇, 你擺好佢喇, 佢邊喊邊去擺鞋又冇擺錯, 老師笑佢喊住都識擺鞋bor, 跟住全程痴住婆婆, 我同公公借搵廁所為名走先, 跟住婆婆一路都全程跟住上堂, 坐響旁邊, 後尾開始肯玩下, 婆婆可以慢慢坐開d, but都不能離開佢視線, 總算肯開心d玩下, 最後放學前每人有個玩具電話, 佢就最開心喇, 一路攞住個電話返到屋企為止

婆婆話出左門口時, 同章魚講返學幾開心, 又有野玩又有電話, 聽日仲返唔返呀, 佢冇正式答案, 只係... 唔... 唔... 婆婆再相反咁問, 聽日唔返好冇呀, 佢又係....唔....唔...

佢好怪, 最驚唱遊, 人地唱歌跳舞佢就走開or um住隻耳, 今日依然係咁, but婆婆話佢返到屋企又好開心咁唱番學校唱果d兒歌, 唔識唱都哼出黎....

睇黎聽日婆婆都仲要陪坐, 希望坐一半時間可以閃出課室喇..

今朝見佢自己邊喊邊換番對鞋, 又邊喊邊行去擺鞋, 果下自己都忍唔住流眼淚, 不知幾心痛, 我絕對明白呢個係佢必經既階段, 俾多d時間佢點都會適應, 亦係一定要適應, 所以我會儘力同老師配合, 點都要硬心腸架喇....

依家諗番覺得當日放棄聖心學位真係冇錯, 名校點會咁樣花咁多時間去take care個別一個小朋友, 我諗會更加嚇驚章魚, 我就日日俾老師投訴佢喊同唔合作都有份...

佢冇返過n or playgroup就有咁既結果, 你地幾位小朋友一定唔會好似章魚咁既~~~

私人傳訊

centre