吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 點解個天要咁對我?

懷孕前後今日: 2|主題: 330663

收藏本版

發帖

返回列表

跳至頁

樓主: chokpig

點解個天要咁對我?

[複製鏈接]

15 161718 19...22

小明媽媽

複式洋房

積分: 405

321^#

發表於 11-11-9 21:58 |只看該作者

回覆：點解個天要咁對我?

睇完你們所寫的，我肚內的寶寶也罕有地連續踢腿，我想他也生氣了！不過，chokpig，請好好愛惜自己！至於病愈之後，才思考會否繼續懷孕！到時多聽幾位好醫生的專業意見，不竟孕婦在懷孕期間做一連串的產檢就是希望確保能孕育出一個健康的小孩...而心理病也真的不容忽視，真的不妨找找社福機構協助，能在這時得到母親的關愛是不幸中的大幸，但接受多方面的協助應該會更好。
每個人一生總會面對一次驚濤驁浪，只有咬緊牙關勇往直前，一定會見到光明在眼前。

私人傳訊

李豆豆

珊瑚宮

積分: 112006

2024年龍年勳章

322^#

發表於 11-11-9 22:07 |只看該作者

回覆：點解個天要咁對我?

加油呀！你要盡快搵社工，我驚你身同心都有事呀，心有事仲難搞，一定要搵專業人士！bb嗰度我都認為順其自然就得，唔好夾硬黎搞到自己咁辛苦，如果咁搞到身體壞曬，生咗出黎都未必湊得到，最緊要係自己頂得住先好

私人傳訊

Jessica_chung

大宅

積分: 1373

323^#

發表於 11-11-10 00:03 |只看該作者

回覆：chokpig 的帖子

你要努力，唔係為其他人，係為自己。醫生比得藥你食，應該唔會傷害到BB, BB依家同你真係一脈相連，對佢嚟講，你係佢全部。佢好努力係你肚裡成長，佢都未放棄，你點可以放棄⋯努力，前面的路可能會難行一點，但有好多人會願意幫你，加油

私人傳訊

candykongwy

複式洋房

積分: 480

324^#

發表於 11-11-10 00:30 |只看該作者

回覆：點解個天要咁對我?

加油呀！撐住呀！

私人傳訊

angelic

男爵府

積分: 5509

325^#

發表於 11-11-10 00:58 |只看該作者

回覆 chokpig 的帖子

如果真係原諒唔到佢, 唔好諗為左BB有完整家庭而夾硬一齊,
我咁講唔係想你離婚, 而係錯落去o既結果未必係好事。

因為我自己父母都係o係我好細個已經有問題, 當然唔係好似你C6咁差勁,
只係錢銀同性格問題, 但我媽媽都係一心希望我有個完整o既屋企, 所以一直都死頂落去。
但o係我成長時期, 我爸媽經常嘈交, 完整只係表面, 屋企冇真正溫暖...
拖到最後我十幾歲, 佢地結果都係離婚收場,
而我媽至今都原諒唔到我爸, 我只係見到佢將仇恨包住自己, 令到自己越黎越固執偏激。
到而家佢地分開左十幾年, 我媽仲係不時講我爸點衰......
我覺得我媽冇辨法擺脫到呢種痛苦, 但呢個痛苦來自自己o既不甘心大於我爸爸o既不好。
但佢唔識放開, 我亦都幫唔到佢......

所以我唔希望你本來為左BB好, 而犧生左你自己o既幸福,
因為到第日bb大個, 一定會明白你o既委屈。

但你o既決定係點都好, 總知要撐住, BB會感受到你o既堅強!!

私人傳訊

chove

大宅

積分: 3089

畀面勳章環保接龍勳章陪月勳章

326^#

發表於 11-11-10 01:49 |只看該作者

回覆：點解個天要咁對我?

加油呀！首先冷靜，再聽醫生意見，搵人傾訴，唔好再諗要做傻事，老實講，雖然有句話莫教人分妻，但唔想講都要講，果個衰人唔要得架啦，bb方便聽左醫生意見先，無事梗係要啦，如果有事再睇下有咩手尾跟再決定！呢度大把姊妹撐你！雖然我唔係d咩專業人仕，但你有問題我一定會幫助你搵到方法解決！最梗要你肯講！一方有難，百方支援！d男人唔好以為做左d衰野無人知，個天終有一日會收你！

私人傳訊

quinyou

男爵府

積分: 8797

畀面勳章

327^#

發表於 11-11-10 03:59 |只看該作者

本帖最後由 quinyou 於 11-11-10 04:00 編輯

用左成個hrs有多睇你個post...真係唔知同你講咩安慰既說話好...因為已經有好多人講左我想講既說話...

不過你真係要問清楚e生,如果你真係想生個bb出黎,佢第時會唔會有咩問題,同埋出世既時候,可唔可以開刀等...咩都要問清楚先,如果真係覺得自己唔得既...放棄對你同你bb都好...

雖然我咁講你可能會好唔開心...但係你一定要睇清楚現實...唔好令將來大家都痛苦...我自己宜家都有左第2個bb...同上一胎一樣,好緊張bb會有咩事...咩可以做可以照既我都會去做...宜家24week...好多野都照晒,雖然話bb冇問題!但都仲係好擔心...我一早已經比心理準備自己,如果bb有d咩問題,我係唔會比佢出世~~我唔想累左佢一世...

我宜家咁講唔係叫你唔好要個bb...只係講吓我既諗法!!我都好希望你同你bb都會冇事~~等bb出世之後可以開開心心咁一齊生活~~~

你要+油呀~~唔好諗咁多唔開心既事...bb會feel到gar!努力la~~

私人傳訊

chokpig

大宅

積分: 2754

328^#

發表於 11-11-10 10:31 |只看該作者

公司上司又打來怪責我d野未跟，唉，竟然又第一時間想到打俾衰人腎，我朋友唔多，呢兩日佢扮好咁來照顧我，

呢兩日身體又病，情緒又好大問題，我發覺我真係一直以來都係一個軟弱無用既人，無咩長處，原來學業工作家庭都唔掂

做單親媽媽睇怕我都唔掂，個小朋友跟我...我驚阿仔都心理不正常
墮胎我唔知會唔會後悔，雖然好多朋友都認為墮胎再離婚重新開始新人生最好，但我又驚到時後悔到痴線
呃自己再繼續同衰人一齊的話，時間耐少少我估一個月之後佢一定故態復萌，今次事件只係反映出佢對我感情變淡唔愛我
再拖只會更淡，等下一次既傷害

好多謝咁多jm媽媽既開解
我諗住下星期搵d做精神評估既機構check下

私人傳訊

poodlema

侯爵府

積分: 20779

馬年勳章父親節2025勳章 2025勳章蛇年勳章 2024年龍年勳章虎到金來勳章好媽媽勳章畀面勳章

329^#

發表於 11-11-10 10:43 |只看該作者

回覆 chokpig 的帖子

千萬唔好唔要BB呀, 你以後一定會後悔O架!

私人傳訊

katieyam

大宅

積分: 3496

330^#

發表於 11-11-10 10:52 |只看該作者

回覆 chokpig 的帖子

真係要搵專業人士傾下至得, 如果我係你都真係唔識揀, 雖然我唔會支持唔要個BB, 但係要生佢出黎然後做單親媽媽需要更大既勇氣同埋要面對更大既困難....至於個衰人, 我都覺得佢一定唔會改架啦, 就算而家俾咩承諾你都假, 因為佢唔係真係你大肚佢有需要而去叫雞, 學你話齋, 你大肚前佢已經有呢個念頭....我唔排除佢會因為個BB已改變既, 但我始終都覺得一次不忠百次不容, 勉強再同佢一齊, 但個心永遠有條刺, 真係會好辛苦.

加油呀, 有咩事最緊要搵人傾, 唔好自己屈埋屈埋, 但就唔好搵個衰人啦.........

私人傳訊

helenmelody

大宅

積分: 3843

331^#

發表於 11-11-10 10:53 |只看該作者

回覆 chokpig 的帖子

一步一步黎, 唔好急, 完成一件事, 再諗另一件

宜家你最需要的是家人朋友的支持, 和冷靜的頭腦

祝一切安好~~~加油啊~~~

私人傳訊

kylie830

複式洋房

積分: 268

332^#

發表於 11-11-10 10:57 |只看該作者

回覆：點解個天要咁對我?

睇你剛剛post咗出嚟，你應該決定咗同你先生分開，這樣對你可能會好啲，唔咪諗多樣嘢。
你依家應該休息多啲，做多啲令自己開心嘅嘢。bb果到就等個天幫你決定。

私人傳訊

ROSALIELAM

大宅

積分: 1296

333^#

發表於 11-11-10 11:13 |只看該作者

加油呀chokpig!!! 我同bb同大家都會支持你~

私人傳訊

bebe0925

大宅

積分: 4336

畀面勳章

334^#

發表於 11-11-10 11:30 |只看該作者

心理醫生/精神科/社工就一定要去見,講左你既情況,聽下有咩專業意見可以幫到你!

個人意見:

你老公,將來條路仲好漫長,你能唔能夠原諒佢,心裡條刺拔唔拔到,你真係要想清楚,有啲事,唔係話可以當粉筆字抺左佢,對為外人,我地咁多位jm唔知你同你老公以前既感情有幾深,有幾愛對方,好難去幫你做一個決定,我地當然好樂意同你傾同你分析,最終係點,你自己真係要好好咁冷靜去想清楚,如果你話選擇左A,但又怕後悔無選擇B,咁即係你未想得清,做唔到決定,(結果係點,最緊要唔好後悔,望番轉頭)

至於BB,食左啲藥對個BB生長有冇影響哩一個都係一個大問題,你要真係問清楚醫生有冇副作用,如果唔係第二時生左佢出黎,免得只有你同BB受苦,佢慘你又慘,如果醫生話唔會有影響既,
你又要去決定將來得你一個人去湊,咁你份工作會點,叫你媽媽幫手湊,哩個你都要想清楚將來點樣帶大佢,雖然好多人都話,天生天養,但現實你始終要面對

我唔係去叫你唔要個BB(去或留最後都係你自己決定,哩度無一個人能夠有資格去講),只係成年人要為自己做過既事去負責任,你老公做過既事都要為自己去負責

依家你公司果度,可能人地唔知你屋企發生左咁大件事,只知你請假,你唔好怪公司既上司唔體諒你啦,你生存唔係為其他人而活,啲人口多口臭,你唔好放係心,顧左自己當前既事先!

PS:祝福你最後,選擇到最適合自己既答案,選擇左就唔好望番轉頭,哩個世界無野話啱同錯(唔好因為怕錯就去逃避),只有適唔適合自己!!

私人傳訊

kkttssng

侯爵府

積分: 23466

玩具勳章畀面勳章 wyeth冷知識勳章環保接龍勳章大廚勳章 BK Milk勳章

335^#

發表於 11-11-10 12:00 |只看該作者

chokpig 發表於 11-11-10 10:31
公司上司又打來怪責我d野未跟，唉，竟然又第一時間想到打俾衰人腎，我朋友唔多，呢兩日佢扮好咁來照顧我，
...

Chokpig要加油呀.....時間會沖淡一切, 到時你會估唔到原來自己係可以咁堅強架..

私人傳訊

denise333

男爵府

積分: 8779

336^#

發表於 11-11-10 12:22 |只看該作者

回覆 chokpig 的帖子

choklpig....咪同你講咗,如果你想打比個 X 人時,轉打比你媽咪...唔好諗咁多啦.
公司果,你同佢講,你屋企發生咗一D問題,所以先成日請假,同老闆講句唔好意思,我睇佢都唔會點為難你.
而BB 去留,你搵咗專業人士先啦.....聽下佢地意見......

私人傳訊

WunieCon

伯爵府

積分: 17433

HiPP勳章(1) 2018父親節勳章 2018復活節勳章 15週年勳章親子王國15週年勳章畀面勳章叻叻勳章陪月勳章 BK Milk勳章 hashtag影視迷勳章貓狗褓姆育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

337^#

發表於 11-11-10 13:50 |只看該作者

回覆 chokpig 的帖子

我估你之前應該一直都頗為依賴個老公

我建議你真係落閘放狗啦, 唔好再同老公有任何聯絡, 等自己習慣一下自己一個人生活
再冷靜落嚟, 諗清楚自己想唔想再要呢一個老公
好坦白, 既然你之前講到個老公咁恨要BB, 我覺得佢而家對你GEI"關心"只係睇住以防你唔要個BB囉

你將所有難處同專業人士講, 等佢哋同你分析下有咩方法同每個方法GEI好壞, 然後你自己先再諗清楚啦
但係我真係好希望樓主做到一樣嘢, 就係無論最後揀條路係點, 自己一定要負責任, 亦都唔好比自己後悔
要向正面諗, 唔好太多負能量呀!!!

無論你有咩決定, 都支持你家. 加油!!!

私人傳訊

bobo1101

大宅

積分: 2243

338^#

發表於 11-11-10 13:58 |只看該作者

你大左肚, 公司耐你唔何架,
醫生有冇俾請假紙你呀?

私人傳訊

babybabyEE

大宅

積分: 3812

339^#

發表於 11-11-10 14:25 |只看該作者

睇完妳個POST 個心真係好UP呀, 但希望妳加油, 唔好輕易放棄BB呀

妳之前講得好啱...好多人想生都唔係話咁易有架...可能要付出好多先可以做媽媽, 好似我咁....我肚入面嗰個係試管BB嚟架, 要用好多針藥, 又成日抽血, 又要做手術...經過好多難關先有架, 真係得來不易, 既然個天比呢個機會妳, 妳千其唔好咁易放棄呀, 雖然妳覺得老公已經唔可以陪妳走人生餘下的路, 但BB 一定會陪妳架, 加油...唔好咁易放棄呀